6

Kabongana Raoi te Tai

Titiraki Aika A na Maroroakinaki

1. Tarai tamnei aikai. Tera ae Ko Nooria?

2. Tera bwaai inanon maium aika a moan kakawaki?

3. Ko na kanga ni kabongana am tai riki ni karaoi bwaai are a moan kakawaki nakoim ao am utu?

Reiakinna

Te tai bon te bwai n tutuaraoi mairoun Tamara are i Karawa. Ti riai n iango raoi bwa ti na kanga ni kabongana ara tai. A mwaiti kawai ni kabongana te tai ni katoa bong. Ti mwakuri, takakaro, karaoan kanara, tataro, karaoan ara mwakuri, kamatebwai ao karaoan bwaai tabeua. Ti riai n rinea te kawai ae tamaroa ni kabongana ara tai.

Karaoa am baire ni buokiko ni kabongana am tai raoi. Iangoia bwa tera ae ko na karaoia ni katoa bong. Tera bwaai aika moan kakawaki? Tera bwaai aika aki kakawaki? Baireia ni karaoi moa bwaai aika moan te kakawaki. Kauarerekea am tai iaon bwaai aika aki kakawaki ao n aki buokiko ao am utu ni kakoroi nanon am kouru.

Ngkoe ao am utu kam kona ni marooro n ikotaki ni katoa tai iaon te bwai ae kakawaki. Ko kona ni karaoa te baire ni buokiia n tatabemaniia nako ni kabongana raoi am tai.

Iangoia ao Tataro

Iangoia bwa tera ae ko a tia n reiakinna. Korei iango aika roko n am iango ke iango ake a roko mairoun te Tamnei ae Raoiroi. Tera ae moan kakawaki inanon maium? Tera te kawai teuana are ko kona ni kabongana te tai riki ni karaoi bwaai aika a rangi ni kakawaki inanon maium?

Waaki ni Kakukurei

A mwaiti kawai aika ti kabonganai ara tai iai. Aikai tabeua bwaai ake ko na riai ni karaoi ni katoa bong:

• Wareki booki aika tabu

• Mataku n TV

• Naako nakon te mwaakete

• Karaoa weteam n te Ekaretia

• Tataro

• Tiku iaon am tareboon

• Kaitiaka te auti

• Takakaro

• Buokia ami ataei n reireiniia

• Karaoan te amwarake

• Mwakuri

• Kamatebwai

Ko karaoi naba bwaai tabeua ni katoa bong. Iangoi bwaai ni kabane ake ko karaoi.

Tera uoua ke tenua bwaai ake ko tangiria ni kabanea riki am tai iaona?

Tera uoua ke tenua bwaai ake ko tangiria ni kabonganai n aki kabanea am tai iaona?

Marooro ma Ami Utu

Marooro ma am utu bwa tera ae ko a tia n reiakinna. Maroroakin taian titiraki inano. Tuangiia kaain am utu bwa a na tibwauai aia iango ao ni kakauongo imarenaia n tatabemaniia.

• Tera bwaai aika moan kakawaki nakoia ara utu?

• Tera ae ti kona ni karaoia n ara utu ni kabonganai ara tai ni karaoi bwaai ake a rangi ni kakawaki nakoira?

• Ti na kanga ni buokiira imarenara ni kabonganai ara tai raoi?