Faaaogaina o le Tusipese

O faamatalaga o lo o ta‘ua i lalo ua fuafuaina e fesoasoani ia te outou ia outou fa’aaoga lelei ai tusipese. Ua i ai faamalamalamaga o vaega eseese o le tusipese; fa‘amatalaga i le fa’aaogaina o vi‘iga e fa’apotopotoga, aufaipese, ma vaega faapitoa; ma faamatalaga mo taitaipese, taokeni, ma tapiano fou.

VAEGA ESEESE UA IAI I LE TUSIPESE

Faasino Mataupu

Ua tuufatasia pese i le faasino mataupu i ni vaega lautele se sefulutasi. O pese e tutusa o latou autu ma agaga, ua tuufaatasia i se vaega e tasi. Peita’i, o le tusia o se pese i lalo o se vaega faapitoa, ua le tatau ona faatapulaa ai lona fa’aaogaina i so o se mea e mana‘omia ai. Mo se faataitaiga, o nisi o pese o lo o i le vaega o pese o le fa’amanatuga, e pei o le “Ma’eu le Poto ma le Alofa,” ma le “Oute Tu ma Ofo,” e mafai ona fa’aaoga mo isi faamoemoega, ma o le tele o fuaiupu faapitoa mai le tele o vi‘iga o lo o i lenei vaega, e mafai ona faaaoga mo le Eseta. O le a fesoasoani ia te outou le faasino autu o pese ia faigofie ai ona outou maua pese e faatatau i ni autu faapitoa tou te mana‘o iai.

Fa‘ailoga o le Agaga ma le Saoasaoa po o le Telegese o Pese

O fa’ailoga o agaga o pese, e pei o le Agaga Tatalo po o le Naunauta’i, ua fautua mai ai le lagona po o le agaga lautele o se vi‘iga e tusa ma le tulaga ma mea e faaaoga i ai, po o mana‘oga o e faaaogaina. O faailoga metoronomika, (e pei o le

= 69–76), ua faailoa mai ai le vave po o le gese o le pese, ma ua tuuatu o ni taiala; e mafai ona fetuuna‘i le vave po o le gese o se vi‘iga e tusa ma tulaga ma mea e faaaoga ai.

Faailoga Puipui Tomua mo Tapiano ma Taokeni

Brackets (

) ua i pese taitasi, ua fautua atu ai se faatomuaga talafeagai ai mo le piano po o le okeni. A o lei taina se vi‘iga, ia silasila muamua i ai ia mautinoa ia e silasila i le faatomuaga atoa. Atonu e lelei ona e faailoga matamata tetele puipui i lau lava tusipese, aemaise lava pe afai o le vaega mulimuli o le faatomuaga e le o i le faaiuga o le vi‘iga.

E mafai foi ona e faapu‘upu‘u pe fa‘aumi le faatomuaga o le vi‘iga. Afai ua le masani tagata i le pese, o le taina o le pese atoa e avea ma faatomuaga, o le a fesoasoani i le faapotopotoga ia latou iloa ai le fati. Afai o se pese ua masani ai, atonu ua lava le laina po o pa mulimuli o le pese e ta e fai ma faatomuaga. A faaaoga se faatomuaga pu‘upu‘u, e lelei ona faagesegese le taina o le pese i lona taufaai‘ui‘uga e faailoa atu ai ua uma.

Mau mai Tusitusiga Pa‘ia

I tu faaKerisiano anamua, o le tele o vi‘iga, o ni fati na fai faatatau i mea mai tusitusiga pa‘ia. O le tele foi o a tatou vi‘iga ua iai nei, e faatatau foi i ni mau e tele mai tusitusiga pa‘ia; o nisi o le tele o ia mau e mafai ona tusia, ua tusia i le faaiuga o pese taitasi. E tele isi mau mai tusitusiga pa‘ia e mafai ona outou maua e faalautele ai savali o a tatou vi‘iga.

Faasino Upu

Ua i ai i le tusipese ni faasino upu se fitu ma ni faamatalaga pu‘upu‘u e faatatau i ai: Upu ma Fati; Autu, Fati, ma Pa; Igoa o Fati; Pa; Tusitusiga Pa‘ia; Autu; and Laina Muamua ma Autu.

VI‘IGA MO FAAPOTOPOTOGA

Pesega i le Leo e Tasi ma Vaega e Fa

E ui o le usuina o pese i vaega e fa (usu, oloto, ato, ma le malu) o se tu masani malosi i le Ekalesia, o le faamoemoega o le pepese faatasi o le faapotopotoga atoa, o le auai o tagata uma e tusa po o le a le lelei po o le le lelei o o latou siufofoga. Talu ai o le tele o tagata latou te usuina le vaega a le usu, e tusa po o le a le maualuga po o le maualalo o o latou siufofoga, ua tusia vi‘iga i ni ki e mafai ai ona usu i se leo e tasi po o vaega foi e fa. E i ai nisi vi‘iga—ma vaega o pese—ua tusia faapitoa mo le usuina i le leo e tasi.

Filifiliga o Vi‘iga Sa‘o

O vi‘iga e te filifilia e tatau ona faatatau i le uiga lautele o le sauniga ma fesoasoani e aumaia le agaga e tatatu ai.

O le vi‘iga amata e mafai ona avea ma vi‘iga ‘ai‘oi atu po o se vi‘iga vivi‘i atu; e mafai ona faaali atu ai le agaga faafetai mo le talalelei, le olioli i le mafai ona faapotopoto faatasi, po o le loto naunauta‘i mo le galuega o le a fai.

O le vi‘iga o le faamanatuga e tatau ona faatatau tonu lava i le faamanatuga po o le taulaga a le Faaola.

O le vi‘iga e va a‘i lauga e maua ai le avanoa e pepese faatasi ai le faapotopotoga atoa ma e mafai ona faatatau i le autu o lauga sa tuuina mai i le sauniga. E mafai ona laulaututu le faapotopotoga i le taimi e usu ai lenei vi‘iga pe afai e tatau ai.

O le vi‘iga faaiu o se avanoa lea mo le faapotopotoga e tali atu ai i le agaga ma mea na taua i le sauniga.

Ua le talafeagai vi‘iga uma mo mea eseese e faia i le Ekalesia. O nisi pese e sili atu ona talafeagai lelei mo faatasiga a le autalavou nai lo sauniga faamanatuga.

Filifiliga o Fuaiupu e Usu

E le tatau ona outou manatu ua faamalosia outou ia outou usuina fuaiupu uma o se vi‘iga sei vagana ai ua le atoatoa le savali o se pese pe a le usuina ona fuaiupu uma. E ui i lea, aua nei avea ma masani le faapuupuuina o se pese i le usuina na o sona fuaiupu e tasi pe lua. Ua famalosiau atu foi ia usuina fuaiupu ua lomia i lalo ifo o pese.

Faapaleni le Filifilga o Vi‘iga

E le gata i le faaaoga o pese ua masani ma fiafia i ai tagata, ae ua faamalosiau atu foi i tagata o le Ekalesia ia faamasani i pese fou po o pese ua le masani ai. Taumafai ia faapaleni lelei le filifiliga o pese masani ma pese e le masani ai.

Vi‘iga mo Konafesi a le Siteki

O le tele o taimi, o pese ua masani lelei ai tagata, o pese na e sili ona lelei ona filifilia mo konafesi a le siteki, aemaise lava pe afai ua le lava tusipese mo le faapotoptoga atoa. O nisi nei o pese lauiloa e mafai ona faaaoga: “O Mai, ‘Outou o le Au Pa‘ia”; “Le Tupu o Tupu, Afio Mai”; “O Mai, Fanau a le Ali‘i”; “Faitau Ou Manuia”; “Fai Mea Tonu”; “Ioeva e, ia Tautai Pea i Matou”; “I Luga o Mauga”; “Le Faavae Malosi”; “O le Atua Lo‘u Tama”; “Ua Ou Iloa Lo‘u Faaola”; “Faamalosi ia i le Galuega Nei”; “Ia Fiafia Tatou”; “Vi‘ia Le na Fetaiai ma Ieova”; “Uuna‘i Atu ia ma Tulei”; “Faaola o Isaraelu”; “Le Atua Malie Lau Galuega”; “O le Agaga o le Atua”; “Ia Vi‘ia Oe le Atua.”

E mafai ona e kopi pese i se polokalama ua lomia, vagana ai ua faasa mai i le puletofia ua tusia i le pese.

Vi‘i Faaleatunuu

E iai nisi vi‘i faaleatunuu ua iai i le tusipese; afai e faatagaina e taitai o le perisitua, e mafai ona faaopoopo iai vi‘i o le atunuu lava ia. E mafai ona laulaututu tagata o le Ekalesia pe a usu le vi‘i o le atunuu i taimi o sauniga lotu, e tusa ai ma tu masani a le atunuu ma faatonuga a taitai perisitua.

VI‘IGA MO AUFAIPESE MA VAEGA FAAPITOA

Faaaogaina o Vi‘iga mo Aufaipese

I le lomiga lenei o le tusipese, e leai se eseesega ua faia i pese mo aufaipese ma pese mo faapotopotoga. E tatau ona faaaoga e aufaipese le tusipese e avea ma a latou tusipese faavae e filifili mai ai i le tusipese atoa. E mafai foi e aufaipese ona usu nisi vi‘iga ma fatuga talafeagai e le o iai i le tusipese.

O nisi o pese ua faailogaina “Mo Aufaipese” i nisi o lomiga o tusipese tuai ua suia i ni ki maualalalo ina ia mafai ai ona lagiina e le toatele o tagata o le faapotopotoga. E lelei i aufaipese ona latou teu lomiga o tusipese tuai ina ia mafai ona usuina vi‘iga i ki maualuluga ua tusia ai, ma mafai ai foi ona fesuiai mai le tasi ki i le isi ki. Afai ua na o le tasi le kopi o le tusipese tuai o lo o iai, e mafai ona kopi o se pese ma faaaoga mo lena faamoemoe, vagana ai ua faasaina mai le puletofia ua tusia i le pese.

Suia o Pese mo Aufaipese

O pese mai le tusipese e usu e aunoa ma ni suiga, ua talafeagai pea mo aufaipese. E mafai foi ona suia lo outou usuina o se pese; ae peitai, ia faia na o ni nai suiga laiti, ae fai ina ia mautinoa ua talafeagai ma le agaga o le vi‘iga. O nisi nei o suiga itiiti o pese e mafai ona o outou faia:

Usu e na o alii, pe na o tamaitai, po o alii ma tamaitai faatasi foi se fuaiupu se tasi i le leo e tasi.
Usu faatasi e le faapotopotoga ma le aufaipese le fuaiupu mulimuli po o le tali o le pese. (O le tasi lena o ala e fesoasoani ai i le faapotopotoga ia masani atili i nisi o pese.)
Usu e tamaitai se fuaiupu e tasi, e pei ona faamatalaina atu i lalo o le ulutala “Pese mo Leo o Tamaitai.”
Usu e alii se fuaiupu e tasi e pei ona faamatalaina atu i lalo o le ulutala “Pese mo Leo o Alii.”
Usu e le usu ma le ato o faavaega-lua ia se fuaiupu e tasi.
Usu e le ato ma le malu le fati o le pese ae usu e le usu ma le oloto le vaega a le oloto.
Usu e se tasi vaega o le aufaipese le fati o le pese ae hamu e isi vaega o le aufaipese a latou lava vaega.

Pese mo Leo o Tamaitai

Ua iai i le vaega o le tusi o pese mo tamaitai vi‘iga mo faapotopotoga a tamaitai ma pese ua saunia mo aufaipese a tamaitai ma aufaipese taitoatolu. I le ma lea, e mafai e tamaitai ona usuina pese e aunoa ma le suia le tele o pese i le tusipese i vaega e lua (usu ma le oloto) poo vaega foi e tolu (pe afai e le maualalo tele le vaega a le ato).

Pese mo Leo o Tane

O pese o loo i le vaega mo alii i le tusipese ua faatulagaina i ni vaega se lua: Mo Tane, mo faapotopotoga alii, ma Mo Aufaipese a Tane, mo aufaipese toatele ma aufaipese taitoafa. Mo pese o faapotopotoga i sauniga a le perisiua, e sili ona lelei ona filifilia mai pese faavae mo faapotopotoga lautele po o pese ua faailogaina Mo Tane.

E tele pese ua tusia faapitoa mo aufaipese a alii; i le ma lea, e tele pese mo faapotopotoga lautele ma pese ua faailogaina Mo Tane e mafai ona suia mo le usuina e aufaipese a alii ma aufaipese taitoafa a alii:

Peritoni:
Usu le fati

Teno 1:
Usu i le vaega a le ato i nota maualuluga atu i le fati

Teno 2:
Usu i le vaega a le teno

Malu:
Usu i le vaega a le malu

O le faafitauli autu o le suia o pese mo aufaipese a alii, o le maua lea o ni teno leo maululuga e mafai ona usuina le vaega a le ato; e i ai nisi nota maualuluga atonu e tatau ona suia. E mafai foi ona sui le ki o se pese i se ki maualalo ma sui ai le vaega a le malu.

Mo se faataitaiga o le suia i le tusipese, faatusatusa i le “Should You Feel Inclined to Censure” (no. 235), o se faatulagaga mo faapotopotoga, ma le “Brightly Beams Our Father’s Mercy” (no. 335), o le viiga lava e tasi ua faatulagaina mo leo a alii.

O le tasi ala e mafai ona suia ai se pese mo se aufaipese a alii, o le usu lea o le vaega a le ato i le leo maualalo ifo o le fati. A fai le tulaga lena, e mafai ona usu pe le usua foi le vaega a le malu.

O le a outou silasila ua faaaoga i pese ua tusia mo aufaipese a alii le faailoga musika mo leo teno, a e le o le faailoga musika masani ai mo leo o le ato ma le usu. E tatau ona ta nota o le lima taumatau o pese faapena, i ki o le okeni po o le piano e valu ki le maualalo ifo mai le maualuga e usu ai e tamaitai le vaega a le usu ma le ato. O le mea e maua i le taina o le viiga faapena, o se vaega laaupese matagofie lava e lagolago ai siufofoga o alii.

Tenor clef symbol

Treble clef symbol

Mo Taitai Musika Amata

Pa, Fua o le Taimi, ma Pao i Lalo

O le pa o le iunite musika aupito itiiti lena ua faatuaoi i laina tusi sao i luga ma lalo, e pei ona faaali mai i le faataitaiga o loo i lalo ifo:

I le tusipese, ‘a tauaveina pao o se pa mai le tasi laina musika i le tasi laina, ua le tapunia le pa ua i le faaiuga o le laina muamua, e faailoa atu ai ua faaauauina pea pao o le pa i le laina e sosoo ai:

O le faailoga o le fua o le taimi (e lua numera, ua tu le tasi i luga o le tasi e pei o le 2/4) ua i le amataga o pese taitasi. O le numera pito i lalo, ua tau mai ai le ituaiga o nota ua tasi lona pao. Mo se faataitaiga, o le fua o le 3/4, o lona uiga e tolu pao i le pa e tasi, a e tasi le pao o le kuata nota (

) e tasi.

A e taimiina le pese, e tatau ona fetaui lelei le tosoga muamua o le lima i le taimiga o le pese (tagai i ata faataitai ua tuuina atu), ma le pao muamua o pa taitasi. O le pao muamua lea ua ta‘ua o le pao i lalo, o le pao aupito malosi lena i pa taitasi. O le a outou silasila foi e tele pese ua amata i le pao i luga, po o le nota amata, a e lei oo i le pao muamua i lalo.

Fua Faavae o le Taimiga o Pese

O le faamoemoega o fua o le taimiga o pese, o le faia lea ia gatasi lelei le pepese o tagata uma o le faapotopotoga, ma avatu ai le lagona ma le agaga o le viiga. E tatau ona faafaigofie le fuaga o le taimi, a e e mafai ona faaeseese e tusa ma le uiga ma le agaga o le pese. O togi ua i ai i le fuaga o le taimi, ua faailoa mai ai mea ua pau tonu i ai pao faavae o le pese.

O le fua lua-pao (e faaaoga mo pese ua faailoga i le 2/2 po o le 2/4):

O lefua tolu-pao (e faaaoga mo pese ua faailoga i le 3/4 po o le 3/2):

O le fua fa-pao (e faaaoga mo pese ua faailoga i le 4/4):

O le fua ono-pao (e faaaoga mo pese ua faailoga i le 6/8 po o le 6/4):

O viiga ua fua i le 6/8 po o le 6/4 ua gese le alu e pei o le “Po Filemu” (nu. 116), e mafai ona taimi i le fua ono-pao masani ai, po o le fua tolu-pao—e tele le tosoga o le lima i pao muamua e tolu, a e laitiiti i pao mulimuli e tolu e pei ona faaali mai i le ata faataitai:

O se pese e 6/8 pe 6/4 lona fua e le gese pe vave foi lona alu, e pei o le “Pele i le Leoleo Mamoe” (nu. 135), e mafai ona taimi i le tuu o le pao lona lua ma le lona lima o le fua ono-pao, a e malolo ai i le lima, e pei ona faaali mai i le ata faataitai:

O se pese e 6/8 pe 6/4 lona fua ua vave lona alu, e pei o le “Matai e Ua Sou le Vasa” (nu. 58), e mafai ona taimi i le fua lua-pao—o pao muamua e tolu e ao faatasi i le tosoga i lalo o le lima, ao pao mulimuli e tolu e ao faatasi i le tosoga i luga o le lima:

A faaaoga le fua pao-lua mo pese faapena, ia tausisi i le taimi o le pese ina ia tutusa i taimi uma.

O Nisi o Pese e Faigofie ona Taitai:

O viiga fua e lua-pao: “Faitau Ou Manuia,”; “Le Lalolagi ia Fiafia”; “God Speed the Right”; and “Tamiti e, ia Outou Mai.”

O viiga fua e tolu-pao: “Mulimuli, Mai ia te Au”; “Fai Mea Tonu”; “Mamalu i le Atua”; “Faafofoga Mai le Tama”; “Aoao Mai ia Ou Ui i le Malamalama.”

O viiga fua e fa-pao: “Afio Mai!”; “A Ou Suesue i Mau Paia”; “O Mai Fanau a le Alii”; “Pe na Faia Sau Tatalo?”; “Le Lalolagi Manaia”; “Faalogo Nuu Uma”; “Hope of Israel”; “Faamoemoe o Isaraelu.”

Mo Taokeni ma Tapiano Amata

O Le Suiga o Vaega a le Okeni ma le Piano

O nisi pese atonu e i ai ni nota po o ni vaega e faigata ona ta. E ia te oe le saolotoga e suia ai mea faapena e tusa ma lou lava atamai, i le le taina o nota ua le taua tele. Atonu e te manao e faailoga lau lava tusipese mo lenei faamoemoega.

E masani ona i ai i nisi o pese ni va tetele i le va o nota a le teno ma le malu, e faigata ona au i ai tamatamailima o le lima agavale, O le tele o taimi e faigofie i le lima taumatau ona ta nota a le teno. E mafai ona e faailoga nota fapena i se faailoga puipui e faamanatu ai ia te oe e ta nota faapena i lou lima taumatau:

O nisi viiga ma pese a tamaiti, ua tusia e ta i le piano. Afai e ta i le okeni, e sili ona ta nao nota, e ta e lima, a e tuu nota e ta e vae.

Nota Amata

O le nota amata, po o le nota laitiiti, o se nota ua tuu i le faitalia pe ta pe leai. O faatiataiga nei o ala ua faaaoga i ai nota amata:

E faailoa au ai o ia nota ia ta ma usu i isi fuaiupu, ae le tainina pe usuina i isi fuaiupu, e faalagolago lava i upu o fuaiupu taitasi:
O nisi taimi e atoa lava le musika e tusa pe le taina le nota amata:
E faailoa atu ai vaega e ta e le taokeni po o le tapiano ae le usuina:

O Nisi o Pese e Faigofie ona Ta:

“Mulimuli mai ia te Au”; “Fai Mea Tonu”; “Ia Faatasi Pea le Atua ma Oe”; “E Malu ma Alofa Poloaiga a le Atua”; “Oute Tu ma Ofo”; “Tausi i Poloaiga”; “Agaga Taitai Mai”; “Ia Fiafia Tatou”; “Faaola o Isaraelu”; “Sweet Is the Work”; “Sweet Hour of Prayer”; “Aoao Mai ia Ou Ui i le Malamalama”; “Ia Viia Oe le Atua.”