Мисионерска работа

Можете да им служите на другите и да ја споделувате радоста на евангелието работејќи мисионерска работа. Мисионерската работа е водена од љубовта на Бог и Неговите деца, и вклучува помагање на другите да ги разберат и да ги примат благословите на обновеното евангелие и Исус Христос (види 1 Нефи 8:12).

„И ако се случи да ти треба да работиш во сите твои денови во плачливо покајание кон овој народ, и донесеш, барем една душа за мене, колку ќе биде огромна твојата радост со него во царството на мојот Татко!“

(Учење и Завети 18:15).

Исус Христос сака секој да има можност да го прифати евангелието пред Тој да дојде повторно. Тој им заповеда на Неговите следбеници да го проповедаат евангелието низ целиот свет (види Матеј 28:19). Додека го споделувате она што го научивте за обновеното евангелие со вашето семејство и пријатели, можете да му асистирате на Господ во Неговата работа и да им помогнете на многу луѓе да ги примат благословите на евангелието. Господ ветува дека ќе ви помогне да знаете што треба да кажете и направите додека го споделувате евангелието.

Помагајќи им на другите да го пронајдат евангелието, вашата перспектива и сведоштво ќе бидат дополнителен огромен благослов кон другите членови на Црквата. Може да допрете до оние чија вера заслабнала преку спријателување, охрабрување, и покана да учествуваат со вас во Црквата. Во сите ваши интеракции или црковни задачи, настојувајте да поканите секого да се доближи до Христос.

Иако е битно да се сподели евангелието со другите, не секој ќе го прифати тоа што имате да го кажете. Покажете пријателство, љубов, и почит кон сите луѓе, без разлика како тие реагираат на вашето сведоштво или покани. Како што го живеете верно евангелието, вие поставувате пример и им ги покажувате на членовите на вашето семејство и пријателите огромните благослови што доаѓаат од ваквото живеење и служење на Бог.

Идеи за Спроведување на Мисионерска Работа.

• Споделете со другите како евангелието го благослови вашиот живот.

• Учете редовно за евангелието и подгответе се да одговорите на прашања кога ќе се појават.

• Сакајте ги и служете им на оние околу вас.

• Поканете ги оние кои се заинтересирани за евангелието да бидат поучувани од мисионерите со полно работно време.

• Волонтирајте за да одите со мисионерите и да им помогнете да поучуваат.

• Поканете други да присуствуваат на вашето крштевање, да дојдат во црквата, да ви се придружат во црковните активности, или да учествуваат навашата семејна домашна вечер.

• Дадете им на другите примероци од Книгата на Мормон или други црковни матерјали.

• Споделете видео записи или друга дигитална содржина од ChurchofJesusChrist.org или www.ComeUntoChrist.org со некого директно или преку социјалните медиуми.