Te mau vāhi tāpe’ara’a pere’o’o o te fare purera’a

Te mau arata’ira’a rahi nō te vāhi tāpe’ara’a pere’o’o nō te Fenua Marite ’e Canada

Te mau ha’amāramaramara’a i muri nei nō ni’a i te fa’a’ohipara’a i te vāhi tāpe’ara’a pere’o’o, te vāhi tāpe’ara’a pere’o’o nō te feiā huma, ’e te mau vāhi vaira’a pehu, nā te feiā fa’atere ïa i te Fenua Marite ’e Canada. E riro ’ei tauturura’a nō te feiā i roto i te tahi atu mau ārea. ’Āre’a rā, ’a hi’o i te mau fa’aturera’a ’e te mau hina’aro i tō ’outou iho vāhi, ’e ’a fārerei i tō ’outou iho fa’atere nō te mau vāhi patuhia nō te fa’a’ohipara’a tano.

Te fa’a’ohipara’a i te vāhi tāpe’ara’a pere’o’o

Ta’a ’ē noa atu i te mau arata’ira’a e ’itehia i roto i te 35.5.8 o te Buka arata’i rahi, e ha’amana’o ē, ’ia fa’ati’ahia ana’e te mau fa’anahora’a ’ē atu ’aore rā, te mau ta’ata i ni’a i te vāhi tāpe’ara’a pere’o’o a te ’Ēkālesia, e nehenehe ato’a te ’Ēkālesia e fifihia, e fa’aamohia te utu’a nō te tahi noa atu fifi ’e e fa’arahi i tāna mau ha’amāu’ara’a nō te ’atu’atura’a i te reira. E nehenehe e fa’atupu i te ’ohipa ’aipa i ni’a i te mau faufa’a mara’a ’ore (immobilier) ’e e ’ere roa atu i te fa’a’orera’a tute. Mai te reira ato’a te fa’a’ohipara’a i te vāhi tāpe’ara’a pere’o’o nō te mau ’ātivite ’imira’a moni a te feiā ’āpī (tei te huru ’ātivite), e nehenehe te reira i te hope’a e fa’atupu i te fifi i te pae nō te tute fenua ’e te tute tapiho’ora’a.

E mea ti’a ’ia hi’ohi’a te tahi noa atu parau fa’ati’a ta’a ’ē ’e tō ’outou iho fa’atere nō te mau vāhi patuhia ’e ’ia ha’amanahia te reira e te ti’a fa’atere nō te mau ’ohipa pae faufa’a. ’Ei maita’i te reira mau parau fa’ati’a ta’a ’ē nō te ’Ēkālesia (mai te ’apera’a i te mau pe’ape’a nō ni’a i te fa’a’ohipara’a a te ’Ēkālesia), ’e ’eiaha te ’Ēkālesia ’ia tu’uhia i mua i te ture, ’e ’ia fāri’ihia te mau parau ha’amana ato’a hou ’a hōro’ahia ai te parau fa’ati’a nō te reira.

Ta’a ’ē noa atu te mau vāhi tāpe’ara’a pere’o’o, teie te tahi hi’ora’a nō te fa’a’ohipa-’āmui-ra’a i te mau faufa’a e tītauhia te parau fa’ati’a, te fa’a’ohipara’a i te vāhi fatuhia e te ’Ēkālesia, te mau ’ūputa ’āua, te mau purūmu, te mau ’ōti’a ’e te mau fa’aaura’a ’ia tere nā ni’a iho i tōna fenua.

Tāpe’ara’a pere’o’o fa’ata’ahia nā te huma melo

’Ua tāpa’ohia te tahi mau vāhi tāpe’ara’a pere’o’o nō te mau ta’ata huma, mai tei tītauhia e te fa’aturera’a nō terā iho vāhi. E nehenehe ato’a rā tā te mau ’episekōpo ’aore rā te feiā fa’atere o te titi e ani i te fa’atere nō te mau vāhi patuhia ’ia tāpa’o i te tahi ā vāhi tāpe’ara’a mai te mea e hina’arohia.

Nō te mau rurura’a rahi atu ā, mai te hō’ē ’āmuira’a titi, e ha’apāpū te feiā fa’atere nō terā iho vāhi ē, e rāva’i te vāhi tāpe’ara’a pere’o’o nō te mau huma (noa atu nō te hō’ē tau noa). E fa’aau ato’a te mau ’episekōpo ’e te tahi atu mau pāroita i te fa’a’ohipara’a o te fare purera’a ’e te vāhi tāpe’ara’a pere’o’o mai te mea e tapiho’a (se chevaucher) te mau pāroita. ’Ei hi’ora’a, e’ita paha te hō’ē pāroita e nava’i tāna tāpe’ara’a pere’o’o nō te mea tē fa’a’ohipahia ra e te tahi pāroita ’ē atu.

E ha’api’i ’e e fa’aha’amana’o ato’a te mau ’episekōpo i te mau melo i te fa’a’ohipara’a tano o te vāhi tāpe’ara’a pere’o’o nā te huma. ’Ei hi’ora’a, mai te mea e tāpiri roa ’outou i tō ’outou pere’o’o i ni’a i te vāhi tāpe’ara’a nā te mau huma, e riro te reira i te ha’afifi i te tāpe’ara’a a teie mau huma. ’Oia ato’a te feiā tē vai ra tā rātou tāreta ’aore rā tā rātou parau fa’ati’a, tītauhia ia rātou ’ia vaiiho āteatea noa i te mau ārea ta’umara’a pere’o’o nō rātou e mātini ta’umara’a, ’aore rā nō rātou e tītauhia te vāhi āteatea nō te ta’uma i roto i te pere’o’o ’e nō te pou mai.

Nō te tahi atu ā ha’amāramaramara’a nō roto mai i te ’Ēkālesia, ’a haere i ni’a i te tahua natirara Disabilities [Mau huma] .

Te mau vaira’a pehu rarahi ’e te mau fa’ari’i pehu na’ina’i

Nō te mau ’ohipa noa a te ’Ēkālesia te mau vaira’a pehu rarahi ’e te mau fa’ari’i pehu na’ina’i. E nehenehe te reira e pāruruhia i te tahi ’āua, ’aore rā i te pōnao ’aore rā i te tahi atu rāve’a, mai te mea e tītauhia.