’Episekōpora’a
Te mau parau tumu ’e te mau arata’ira’a nō te fa’afāna’ora’a i te mau fare purera’a

Te mau parau tumu ’e te mau arata’ira’a nō te fa’afāna’ora’a i te mau fare purera’a

« Tē fa’afāna’o nei te ’Ēkālesia i te mau fare purera’a i te ta’ata e haere mai ’ia ti’a ia rātou ’ia :

E nehenehe te hō’ē fare purera’a e ta’a ’ē i te tahi atu fare purera’a mai te au i te vaira’a ’e te mau hina’aro i terā ’e terā vāhi » (Buka arata’i rahi : Te tāvinira’a i roto i te ’Ēkālesia a Iesu Mesia i te Feiā Mo’a i te mau Mahana Hope’a nei, 35.1). E riro te mau parau tumu ’e te mau arata’ira’a i muri nei i te tauturu i te feiā fa’atere o te ārea ’e o te titi ’ia fa’atupu i te reira mai te au i te hina’aro o te mau melo i tō rātou mau vāhi.

Fa’ata’ara’a : I roto i teie tuha’a, te parau peresidenira’a titi nō te mau peresidenira’a mata’eina’a ato’a ïa.

Te mau parau tumu

Te au-maita’i-ra’a ’e te fa’atanora’a

Tē ora ra te mau melo o te ’Ēkālesia i roto i te mau fenua poritita ’e’ē ’e te orara’a sōtiare ta’a ’ē ’e te fa’arava’ira’a faufa’a ta’a ’ē. ’Ua ta’a ’ē ato’a te rahi o terā ’e terā pāroita ’e terā ’e terā ’āma’a, ’e tae noa atu te feiā e nehenehe e fa’atere. ’Ia au i te reira vaira’a ’e te tahi ato’a atu, e tītauhia paha te tahi fa’atanora’a nō te fa’afāna’o i te hō’ē fare purera’a, ’ia tano i terā ’e terā fenua.

Tītauhia i te mau fare purera’a ato’a ’ia fana’o i tei tītauhia nō te turu i te ha’amorira’a ’e te mau fa’anahora’a a te Ekalesia. ’Oia ato’a ïa te vāhi nō te mau putuputura’a rarahi, nō te ha’api’ira’a ’e nō te mau ’ātivite. Nā te peresidenira’a ārea e fa’aoti i te tahi atu mau ’ohipa e tano ’ia fāna’ohia. E feruri māite te feiā fa’atere o te ārea ’ia hina’aro ana’e rātou e fa’atanotano ri’i i te hōho’a o te mau fare purera’a tei ha’amana-a’ena-hia, ’ia au i te mau hina’aro ’e te huru orara’a i terā fenua.

E nehenehe e fa’ariro ’ei fare purera’a te fare o te hō’ē melo, te hō’ē fare ha’api’ira’a ’aore rā te hō’ē pū nō te ’oire, te hō’ē fare tārahu, te hō’ē vāhi tei patuhia, tei ho’ohia mai e te ’Ēkālesia, ’aore rā te tahi atu rāve’a ’ia au i te vaira’a i reira. E nehenehe teie mau huru fare ’ia hi’ohia ’ei pāhonora’a tano ’e ’ei pāhonora’a tau roa. E riro te fa’a’ohipara’a i te rāve’a ’āpī, mai te mātēria māta’ita’ira’a, i te fa’a’ōhie i te reira fa’atanotanora’a.

Te fa’afāna’ora’a i te vāhi

Mai te peu e nehenehe, e tūtava te feiā fa’atere autahu’ara’a o te ārea ’e i terā ’e terā vāhi ’ia fa’a’ohipa hope roa i te mau fare purera’a e vai ra ma te hi’o maitai hou ’a tītau ai i te tahi vāhi ’āpī. E nehenehe e hōro’ahia te vāhi e fa’a’ā’ano i te fare purera’a i te taime ’a hau roa ai te ta’ata e tae mai i te fāito o te fare purera’a e vai ra.

Te mau ha’amāu’ara’a

E ’imi te feiā fa’atere nō te ārea ’e nō terā ’e terā vāhi i te mau rāve’a māmā, te mau rāve’a nō te tau roa ’e te mau rāve’a vai māite nō te mau tītaura’a fare purera’a. E ti’a i te vāhi ’āpī ’ia fa’a’ite i te tahi hi’ora’a tura ’e te ti’a mā, ’ia tano noa te fāito ’e ’ia tū’ati ho’i i ni’a i te hōho’a ’e te hi’ora’a o te mau mea e fa’a’ati nei i terā iho vāhi. ’Ia fa’a’ohipa ato’a te reira i te mau mātēria e vai ra i reira, te mau mātini ’e te mau tauiha’a, ’ia ti’a te reira. E mea ti’a i teie ’ohipa fa’afāna’ora’a ’e fa’a’ohipara’a i te vāhi purera’a ’ia tauturu i te ha’apūai i te fa’arava’ira’a te ’Ēkālesia iāna iho i terā vāhi.

Te mau arata’ira’a

Te fa’a’ohipara’a ’e te ātea

Hou ’a fa’afāna’ohia ai te tahi atu ā vāhi fa’a’ā’ano nō te fare purera’a, e hi’o maita’i te feiā fa’atere ē, tē fa’a’ohipa-hope-hia ra te mau fare purera’a e vai ra, i te hō’ē āteara’a tanotano. ’Ua riro te mau fare purera’a ’ei tuha’a nō te fare ha’apu’era’a a te Fatu ’e e fa’a’ohipahia te reira ta’a ’ē noa atu te mau ’ōti’a o te titi. E tauturu te mau rave ’ohipa vāhi patuhia (FM) a te ārea i te feiā fa’atere ’ia ’itehia mai te mau vāhi e fa’a’ā’ano i te fare purera’a e vai ra.

Nā terā ’e terā ārea iho e fa’aoti i te āteara’a o te tere nō te tāpae atu i te fare purera’a, ’ia tano te reira i te mau melo ; tōna tanora’a, tei roto i te 30 ’e ’aore rā te 45 minuti te ātea nō te rahira’a o te mau ’āmuira’a. E fa’atano te mau peresidenira’a ārea i te āteara’a o te tere nō tō rātou ārea, tei te huru te vaira’a ’e te moni o te tere.

Te rahira’a ta’ata e tae mai

Nā terā ’e terā ārea iho e fa’aoti i te rahi ’e te huru o te fare purera’a e fa’afāna’o, mai te au i te nūmera o te rahira’a melo e tae mai nei i te purera’a ’e te mau fare purera’a e vai ra. E ’ōpua te feiā fa’atere nō te ārea ’e nō terā ’e terā vāhi ’ia patu i te hō’ē fare ’āpī ’ia hope tō rātou mātutura’a i te parau ē, ’o te reira ānei te pāhonora’a tano roa a’e i te pae faufa’a ’e nō te tau roa ’e nō te vai māite.

Te ha’apa’o-maita’i-ra’a i te tuha’a ’ahuru

Hou te hō’ē fare purera’a ’a patuhia ai ’e ’aore rā hou ’a ho’ohia ai, e tītauhia i te tai’o nūmera i ni’a i te hānere o te feiā pa’ari nō te ’āmuira’a e tae mai nei i te purera’a ’e ’o tē aufau ti’a nei i te tuha’a ’ahuru ’ia ’aifāito ’e ’aore rā ’ia hau atu i te 80 i ni’a i te hānere o te tai’ō rōpū (i ni’a i te hānere) nō te feiā pa’ari e tae mai nei ’e ’o tē ’aufau ti’a nei i te tuha’a ’ahuru i roto i te ārea (’e ’aore rā i roto i terā fenua mai te peu ’ua rau te mau fenua i roto i te ārea), ’o te nūmera nō te matahiti nā mua atu. E fa’a’ohipa ato’a te mau peresidenira’a ārea i teie tītaura’a nō ni’a i te ha’apa’ora’a i te tuha’a ’ahuru nō te mau fare tārahu ’e te tahi atu mau rāve’a fare purera’a.

Tārenara’a rahi nō te mau fare purera’a

Nō te ha’apūai i te ’Ēkālesia, e fa’aineine te mau ārea i te mau tārenara’a rahi nō te tau roa hou ’a rave ai i te mau fa’aotira’a nō te fa’a’ā’ano atu ā i te hō’ē fare purera’a ’aore rā nō te fa’a’ohipa ’ē i te reira. E hāpono mai rātou i te reira mau ’ōpuara’a ’ia au i te tārena tei ha’amauhia. Te mau hi’opo’ara’a faufa’a rahi nō teie mau ’ōpuara’a, ’o te fa’a’ohipara’a ïa i te vāhi e vai ra, te mitora’a nō ni’a i te tupura’a, te feruri-māramarama-ra’a i te vāhi e ha’amau ai i te mau vāhi patuhia, te tauira’a i te mau oti’a o te ’āmuira’a ’e te mau ha’amāu’ara’a. E paraparauhia te mau hina’aro ’e te mau ’ōpuara’a fare purera’a i te ārea ’e i roto i te ’āpo’ora’a fa’aaura’a.

Te tahi ato’a mau ’ohipa e tano ’ia feruri

Te mau piha tōro’a ’e te mau rurura’a a te titi

Tōna tanora’a, e fa’afāna’o te mau ārea i te mau piha tōro’a nō te titi, ’ia ’ōpua-ana’e-hia ’ia ha’amau i te hō’ē titi ’e ’aita e vāhi e vai ra nō te reira. E ’imihia te rāve’a ’ia fa’atupuhia te mau ’āmuira’a, te mau ’ātivite ’e te mau rurura’a apo’ora’a a te titi i te hō’ē vāhi e vai a’ena ra ’e ’aore rā te hō’ē vāhi tei tarahuhia. E fa’a’ohipahia te mau rāve’a ’āpī hi’o fa’aro’o nō te mau rurura’a a te titi, mai te mea ’aita i nava’i te vāhi e vai ra ’aore rā te vāhi i tārahuhia.

Te mau ’ōpuara’a matahiti nō te mau patura’a fare purera’a

E ’aufauhia te vāhi nō te fare purera’a nā roto i te ’ōpuara’a matahiti nō te mau patura’a fare purera’a. E hāpono te mau peresidenira’a ārea i ta rātou mau ’ōpuara’a matahiti i te Tōmite nō te tāpura faufa’a ’e te moni fa’ata’ahia nā roto i te ’Ēpisekopora’a fa’atere rahi.

Te tahi atu ā piha tōro’a nā te ’episekōpo ’e te pāpa’i parau

E hōro’a te mau arata’ira’a i muri nei i te feiā fa’atere i terā ’e terā vāhi i te mau ha’amāramaramara’a ’ia ’ōpuahia e tu’u i te tahi atu ā piha tōro’a nā te ’episekōpo ’e te pāpa’i parau i roto i te mau fare purera’a e vai ra.

Mau arata’ira’a :

  • E nehenehe te mau rave ’ohipa e ha’apa’o i te mau fare purera’a e tauturu i te rave i te hō’ē tuatāpapara’a nō te fa’a’ohipara’a o te fare purera’a nō te māramarama maita’i a’e i te reira, nā reira ato’a te mau vāhi e vai ra e nehenehe e fa’a’ohipa ’ei vāhi nō te fare purera’a.

  • Hou ’a fa’afāna’ohia ai te tahi atu ā vāhi nō te mau piha tōro’a, e hi’o maita’i te feiā fa’atere ē, ’ua ferurihia te mau piha ’e te mau vāhi e vai ra ’o tē nehenehe e tauihia ’ei piha tōro’a.

  • E nehenehe e vāhi i te piha tōro’a pāpa’i parau (hi’ora’a, e piti āmuira’a nō te hō’ē piha tōro’a).

  • Mai te mea e tītauhia, ’ia tu’uhia te mau rāve’a fa’aiti māninia (te aroaro fare, te mau papa’i, ’e te ’ūputa) nō te pāruru i te ’ōmo’e o te mau parau. E nehenehe e fa’a’ohipa i te mau fa’anahora’a pāruru māniania ’aore rā te mau fa’anahora’a tāpo’i māniania.

Nō te mau vāhi i roto i te Fenua Marite ’e Tanata, ’ua hi’opo’a te mau rave ’ohipa a te ārea ’e rātou e ha’apa’o i te mau fare purera’a i te mau huru fa’anahora’a ato’a nō te hō’ē piha tōro’a, nā reira ato’a te moni nō te reira, mai te au i te mau fa’anahora’a fare, te mea ’āpī ’e te mea tahito.

Nene’i