« E pāturu te fa’anahora’a tumu i te fa’aterera’a a te peresidenira’a ārea », Te mau arata’ira’a nō te fa’anahora’a tumu o te mau fare purera’a (2022)
« E pāturu te fa’anahora’a tumu i te fa’aterera’a a te peresidenira’a ārea », Te mau arata’ira’a nō te fa’anahora’a tumu o te mau fare purera’a
E pāturu te fa’anahora’a tumu i te fa’aterera’a a te peresidenira’a ārea
E tauturu te fa’aterera’a a te peresidenira’a ārea i te feiā fa’atere o te autahu’ara’a ’ia fa’atumu i te mau tauto’ora’a i ni’a i te ha’apūaira’a i te mau ’utuāfare, te mau melo ’e te mau ’āmuira’a. E tuatāpapa te reira i te mau mea ta’a ’ē ’o tā te feiā fa’atere e rave ’āmui nei, ma te tāhō’ē nō te patu i te bāsileia o te Atua i ni’a i te fenua nei.
E pāturu te fa’anahora’a tumu o te mau fare purera’a nō te tau roa i te fa’aterera’a a te peresidenira’a ārea, nō te ha’apūai i te mau ’utuāfare, te mau melo ’e te mau ’āmuira’a, nā roto i te hōro’ara’a i te mau fare purera’a ma te ’ōhie ’e te moni māmā, ma te fa’a’ohipa i te mau rāve’a tauturu ma te pa’ari, ma te feruri māite i te mea tā te mau fa’aotira’a o te fare purera’a e fa’atupu i ni’a i te ha’apūaira’a i te mau melo o te ’Ēkālesia, ’e te hōro’ara’a i te hō’ē vāhi e au i te mau tītaura’a o te fenua iho. ’Ua ha’apāpūhia te reira i roto i te Buka arata’i rahi arata’ira’a :
« Tē hōro’a nei te ’Ēkālesia i te mau fare purera’a ’ia ti’a i te mau ta’ata ato’a e tomo mai ’ia :
Rave ’e ’ia fa’a’āpī i te mau fafaura’a nā roto i te mau ’ōro’a mo’a (hi’o Te Ha’api’ira’a Tumu ’e te mau Fafaura’a 20:75 ; 59:9–12).
Putuputu ’āmui (hi’o 3 Nephi 18:22–23).
Ha’amori ’e ’ia pure ’āmui (hi’o Mosia 18:25 ; Moroni 6:9).
Ha’api’i ’e ’ia aupuru te tahi ’e te tahi (hi’o Moroni 6:4–5).
’Āmui mai i roto i te tahi atu mau fa’a’ohipara’a tei ha’amanahia mai tei fa’ata’ahia i roto i te pene.
Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, 35.1, ChurchofJesusChrist.org
« Nō te ha’apūai i te ’Ēkālesia, e fa’aineine te mau ārea i te mau fa’anahora’a tumu nō te tau roa hou ’a rave ai i te mau fa’aotira’a, nō te fa’a’ā’ano atu ā i te fare purera’a. … Te mau hi’opo’ara’a faufa’a rahi nō teie mau ’ōpuara’a ’o te fa’a’ohipara’a ïa i te vāhi e vai ra, te mitora’a nō ni’a i te tupura’a, te feruri-māramarama-ra’a i te vāhi e ha’amau ai i te mau vāhi i patuhia, te tauira’a i te mau ’ōti’a o te ’āmuira’a ’e te mau ha’amāu’ara’a. E ferurihia te mau hina’aro ’e te mau fa’anahora’a o te fare purera’a i roto i te ’āpo’ora’a fa’aaura’a a te ārea » (« Te mau parau tumu ’e te mau arata’ira’a nō te hōro’ara’a i te mau fare purera’a » [ha’apararehia i roto i te rata a te ’episekōpora’a fa’atere rahi, 5 nō Tiunu 2015], 2–3).