Peresidenira’a titi
5. E fāri’i i te parau fa’ati’a nō te fa’anahora’a tumu

« 5. E fāri’i i te parau fa’ati’a nō te fa’anahora’a tumu », Te mau arata’ira’a nō te fa’anahora’a tumu o te mau fare purera’a (2022)

« E fāri’i i te parau fa’ati’a nō te fa’anahora’a tumu », Te mau arata’ira’a nō te fa’anahora’a tumu o te mau fare purera’a

Hōho’a
ta’ata e paraparau ra

5.

E fāri’i i te parau fa’ati’a nō te fa’anahora’a tumu

E ’ohipa ’āmui te Hitu ’Ahuru ārea, te mau peresideni titi, ’e te DTA ’e tāna mau rave ’ohipa nō te fa’aoti roa i te fa’anahora’a tumu. E piti ’ohipa tumu i roto i te fa’anahora’a tumu hope’a (mai tei ’itehia i roto i te hōho’a 2) :

  1. Mau tauira’a ’ōti’a o te mau ’āmuira’a tei anihia e te feiā fa’atere o te autahu’ara’a, mai te mea tē vai ra

  2. Mau tītaura’a nō te fare purera’a, mai te mea tē vai ra

Hōho’a
e ’utuāfare e ’ata’ata ra

E hāmani te DTA ’e tāna mau rave ’ohipa i te vauvaura’a hope’a o te fa’anahora’a tumu, tae noa atu i te mau parau ha’amāramaramara’a, ’e e fa’a’ite atu i te reira i te mau melo o te ’āpo’ora’a fa’aaura’a ’aore rā i te tōmite nō te titi rau.

I roto i te fa’anahora’a hope’a e ti’a ’ia vai te mau tauira’a i anihia nō te maorora’a e pae a’e matahiti, ’e ’ia ha’amanahia ho’i te reira e te feiā fa’atere ato’a o te autahu’ara’a.

  • E ti’a i te mau fa’anahora’a tumu nō te mau fare purera’a ’ia ha’amana-ato’a-hia e te Peresidenira’a ārea ’e te tuha’a patura’a fare purera’a.

  • Nā te DTA ’e te Hitu ’Ahuru ārea, mai te mea e nehenehe, e vavau i te fa’anahora’a tumu i te Peresidenira’a ārea nō tā rātou ha’amanara’a. Mai te mea e tītauhia te mau fa’atanora’a i roto i te fa’anahora’a a te ’Ēkālesia, e ’ohipa te Hitu ’Ahuru ārea ’e te mau peresideni titi ’e te mau rave ’ohipa a te DTA.

  • I muri a’e i te ha’amanara’a a te Peresidenira’a ārea, e hāpono te DTA i te fa’anahora’a tumu i te tuha’a nō te mau patura’a fare purera’a i te pū fa’aterera’a o te ’Ēkālesia nō te hi’opo’ara’a ’e te ha’amanara’a ti’a.

  • I muri a’e i te fāri’ira’a i te ha’amanara’a, e fa’a’ohipa te mau peresideni titi ’e te pupu a te DTA i te fa’anahora’a mai te au i te tārena e pae matahiti.

Hi’ora’a nō te fa’anahora’a tumu

Hōho’a 1

Hōho’a
hōho’a ha’apotora’a nō te fa’anahora’a tumu

E ’āpiti atu teie ha’apotora’a i te hō’ē hōho’a fenua nō te mau ’āmuira’a i tāpurahia i roto i te fa’anahora’a tumu.

Hōho’a 2

Hōho’a
Tāpura ha’apotora’a nō te ’āmuira’a ’e te patura’a

Nene’i