rāpae i te fare a te ’ēkālesia

4.

E hi’o mai i te ’ohipa e tupu i ni’a i te mau fare purera’a

Nō te pāturu i te mau tauto’ora’a a te autahu’ara’a nō te ha’apūai i te mau melo ’e nō te fa’ahotu i te ’Ēkālesia, e hi’opo’a te mau rave ’ohipa a te DTA i te mitora’a nō te feiā e tae mai i te purera’a ’e te ’āmuira’a, ’e e hi’o i te mau rāve’a e pāhono i te mau hina’aro tau roa nō te mau fare purera’a. Mai tei fa’a’itehia i roto i « Te mau parau tumu ’e te mau arata’ira’a nō te hōro’ara’a i te mau fare purera’a », e fa’a’ohipahia te mau parau tumu nō te fa’anahora’a tumu i te mau huru tupura’a ato’a i reira e hina’arohia te hō’ē vāhi putuputura’a, nō te ’ohipa ānei i pīha’i iho i te hō’ē ’āpo’ora’a fa’aaura’a, hō’ē pupu o te mau titi, ’aore rā, te mau titi ta’ihō’ē.

Teie mau parau tumu nō te fa’anahora’a tumu tē vai ra te :

• Fa’atupura’a i te mau mito pāpū nō te mau ’āmuira’a i mua nei.

• Fa’ati’ara’a i te mau fare purera’a i te mau vāhi i reira rātou e fa’a’ohipahia ai e te mau melo e rave rahi i teienei ’e i mua nei.

• Mai te mea e nehenehe, te fa’a’ohipara’a i te mau fare purera’a ’ia au i tō rātou fāito i fa’ata’ahia.

• Fa’a’ohipara’a i te rāve’a tano maita’i a’e ’o tē pāhono maita’i i te mau hina’aro ’āpī o te fare purera’a.

E ti’a i te feiā fa’atere autahu’ara’a ’ia feruri i te mau mea i muri nei, ’a fa’aoti ai rātou i te rahira’a pāroita e fa’a’ohipa i te hō’ē fare purera’a :

• ’Ia ha’amata te mau purera’a i te sābati i te hō’ē hora tano ’e ’ia fa’aoti i te ’āfara’a o te avatea, ’ia ti’a i te mau ’utuāfare ’ia tuatāpapa i te ’evanelia i te fare.

• ’Ia tano noa te āteara’a o te nohora’a o te mau melo i te fare purera’a.

• Mai te mea e tītauhia te tahi mau tauiuira’a i ni’a i te fare purera’a, ’eiaha te reira ’ia rahi roa ’e te moni rahi.

E hōro’a te DTA ’e tāna mau rave ’ohipa i te mau tītaura’a nō ni’a i te mau rāve’a nō te hāmani i te mau vāhi ha’amorira’a tano ’e te rava’i. Teie mau rāve’a tē vai ra i roto te mau fare, te mau fare tārahu, ’aore rā te hāmanira’a i te mau fare purera’a. E fa’aitoito te mau rave ’ohipa a te DTA ’ia ’imi mai i te mau rāve’a nō te fa’a’ohipa maita’i roa i te mau mātēria tauturu a te ’Ēkālesia, ta’a ’ē noa atu te mau ’ōti’a o te titi.

I raro a’e i te fa’aterera’a a te Hitu ’Ahuru ārea, e vauvau te DTA ’e tāna mau rave ’ohipa i te mau tītaura’a nō ni’a te fare purera’a i te feiā fa’atere o te autahu’ara’a, e ’ohipa tāhō’ē ’e ’o rātou nō te fa’a’āfaro i te mau māna’ona’ora’a, ’e e hāmani i te hō’ē anira’a hope’a nō te fare purera’a ’ia tu’uhia i roto i te fa’anahora’a tumu.