« 2. Te tupura’a o te ’ōpuara’a ’e te ’imira’a i te mau ’ohipa auhia », Te mau arata’ira’a nō te fa’anahonahora’a tumu o te mau fare purera’a (2022)
« Te tupura’a o te ’ōpuara’a ’e te ’imira’a i te mau ’ohipa auhia », Te mau arata’ira’a nō te fa’anahora’a tumu o te mau fare purera’a
2.
Te tupura’a o te ’ōpuara’a ’e te ’imira’a i te mau ’ohipa auhia
E ’ohipa fātata roa te DTA ’e tāna mau rave ’ohipa i pīha’i iho i te feiā fa’atere o te autahu’ara’a nō te hōro’a i te mau fa’a’itera’a nūmera ’e nō te ’ōpua i te mau nūmera o te rahira’a melo ’e te rahira’a e tae mai i te purera’a i muri nei. E nehenehe te feiā fa’atere o te autahu’ara’a e tauturu i te ha’amaita’i i te mau tohura’a nūmera nā roto i te hōro’ara’a i te mau ha’amāramaramara’a pāpū nō ni’a i tā rātou mau fa’anahora’a ’e te mau tauto’ora’a pae fa’aro’o ’e te mau ha’amāramaramara’a ti’a e noa’a noa i te fenua iho.
E faufa’ahia a’e te fa’anahora’a tumu mai te mea e rave ’āmui te mau ta’ata ato’a i te ’ohipa nō te fa’atupu i te mau ti’a, ’e mai te mea e mea māramarama maita’i te feiā fa’atere nō te autahu’ara’a i ni’a i te rahira’a o te mau pāroita, te mau ’āma’a, ’e te mau titi ’o tē fa’atupuhia ’aore rā e fa’a’orehia i roto i te pu’e tau pae matahiti o te fa’anahora’a.