e mau tāne e pārahi ra i roto i te rurura’a

1.

E ha’api’i i te ha’api’ira’a tumu, te mau parau tumu, ’e te mau arata’ira’a

I roto i te hō’ē rurura’a a te ’āpo’ora’a fa’aaura’a ’e te mau peresideni titi i fa’ata’ahia, e hi’o fa’ahou te Hitu ’Ahuru ārea i te arata’ira’a nō roto mai i te Peresidenira’a ārea. E ha’api’i ato’a ’oia i te ha’api’ira’a tumu e fa’a’ohipahia ’e « te mau parau tumu ’e te mau arata’ira’a nō te hōro’ara’a i te mau fare purera’a ». E paraparauhia te mau parau tumu faufa’a o te fa’arava’ira’a iāna iho, te ’imira’a i te maita’i nō vetahi ’ē ’e te ha’avāra’a pa’ari i roto i te parau nō te ha’apūaira’a i te mau melo ’e te huru nō te fa’a’ohipa maita’i a’e i te mau fare purera’a.

Nō te fa’aineine i te reira rurura’a, e hōro’a te DTA ’e tāna mau rave ’ohipa i te mau ha’amāramaramara’a nō te tauturu i te feiā fa’atere o te autahu’ara’a ’ia hāro’aro’a i te mau tītaura’a i teie taime, ’e i te huru o te tupura’a te mau ’āmuira’a ’ia au i te tupura’a tua’ā’ai.

E nehenehe te Hitu ’Ahuru ārea e fa’aoti ’ia fa’atupu i te tahi atu mau rurura’a mai te mea e tītauhia, nō te hāmani i te fa’anahora’a. E riro tāua mau rurura’a ra ’ei mau taime maita’i roa nō te ’āparau ’āmui i te mau ’ohipa e tītauhia nō te fa’atupu ’e nō te fa’a’ohipa i te hō’ē fa’anahora’a maita’i.

E ha’api’i ato’a te Hitu ’Ahuru ārea i te ha’api’ira’a tumu, te mau parau tumu, ’e te mau arata’ira’a i te mau peresideni titi, nō rātou e ’aita e ’āmui mai i roto i te fa’anahora’a tumu. E fa’a’ohipa-tāmau-noa-hia te mau parau tumu o te fa’anahora’a tumu i te taime e feruri ai i te mau hina’aro o te fare purera’a i roto i teie mau titi.