e ’utuāfare e ’ata’ata ra

Te hi’opo’ara’a nō te fa’anahora’a tumu

E fa’atere te peresidenira’a ārea i te mau tauto’ora’a nō te fa’anahora’a tumu i roto i te ārea. E fa’aterehia teie mau tauto’ora’a i roto i te hō’ē ’āpo’ora’a fa’aaura’a ’aore rā i te fāito o te mau titi e rave rahi. E fa’aue te peresidenira’a ārea i te hō’ē Hitu ’Ahuru ārea ’ia hi’opo’a i te tupura’a o te hō’ē fa’anahora’a tumu ma te pāturuhia e te ti’a fa’atere nō te ’ohipa pae tino (DTA) ’e tāna mau rave ’ohipa.

E mea tano a’e ’ia ravehia te fa’anahora’a tumu i roto i te ’āpo’ora’a fa’aaura’a ’aore rā i roto i te mau titi e rave rahi, i te mau vāhi tē tupu vitiviti ra te ’Ēkālesia, i te vāhi e nehenehe e ha’apāpū i te vāhi o te fare purera’a, ’aore rā i te vāhi e mea rahi te mau melo.

E ’ohipa te Hitu ’Ahuru ārea ’e te DTA ’e tāna mau rave ’ohipa i pīha’i iho i te feiā fa’atere o te autahu’ara’a nō te fenua iho, nō te hāmani ’e nō te fa’a’ohipa i te hō’ē fa’anahora’a tumu tau roa (fāito iti roa, e pae matahiti).

e mau tāne e pārahi ra i roto i te rurura’a

E rave rātou i te reira ma te pe’e mau i teie mau ta’ahira’a i muri nei :

1. E fa’atupu te Hitu ’Ahuru ārea i te hō’ē ’āpo’ora’a fa’aaura’a ’aore rā te hō’ē rurura’a nā te mau titi rau, nō te ’āparau i te ha’api’ira’a tumu, te mau parau tumu ’e te mau arata’ira’a, ’e te mau parau fa’a’ite nūmera o te titi.

2. E ’ohipa te DTA ’e tāna mau rave ’ohipa i pīha’i iho i te mau peresideni titi nō te ’ōpua i te tupura’a i te rahi ’e nō te fa’ata’a i te mau tupura’a a muri a’e.

3. E fa’ata’a te mau peresideni titi i te mau tauira’a ’ōti’a ato’a e tītauhia nō te ha’apūai i te mau ’utuāfare, te mau melo ’e te mau ’āmuira’a.

4. E fa’ata’a te mau rave ’ohipa a te DTA i te mau rāve’a ’o tē nehenehe e pāturu i te mau fa’anahora’a a te autahu’ara’a.

5. E fa’aoti roa te Hitu ’Ahuru ārea, te mau peresideni titi, ’e te DTA ’e tāna mau rave ’ohipa i te fa’anahora’a tumu. Nā te DTA, ’e te Hitu ’Ahuru ārea, mai te mea e nehenehe, e vauvau atu i te fa’anahora’a tumu i te peresidenira’a ārea nō te ha’amanara’a.

   I muri a’e i te ha’amanara’a a te Peresidenira’a ārea, e hāpono te DTA i te fa’anahora’a tumu i te tuha’a nō te patura’a fare nō te hi’opo’ara’a ’e te ha’amanara’a.

6. E hāpono te mau peresideni titi i te mau tauira’a o te ’ōti’a tei fa’ata’ahia.

7. E fa’aineine te mau rave ’ohipa a te DTA i te mau ’ōpuara’a ’ohipa, ’ia tu’uhia te reira i roto i te fa’anahora’a matahiti o te fare purera’a.

8. E fa’atītī’aifaro tāmau noa te Hitu ’Ahuru ārea, te mau peresideni titi, te DTA ’e tāna mau rave ’ohipa i te fa’anahora’a mai te mea e tītauhia.