tamaitai ma mata o loo moeiini

E mafai faapefea ona ou iloa pe o loo o’u i ai i se taimi faigata i le taimi nei pe o loo o’u tauivi ma se luitau o le soifua maloloina faalemafaufau?

O se vaega taua o le lelei o le soifua maloloina faalemafaufau o le tomai o le vaai i faafitauli poo popolega i se tulaga tonu o loo i ai. E i ai i tagata uma ia aso e latou te lagonaina ai le faanoanoa, popole, naunautai, pe faate’ia e luitau o le olaga. Afai e te faaauau ona tauivi mo ni nai vaiaso pe umi atu pe o faailoga e iloa ai ua faasalavei i mea o lou olaga i aso fai soo—i le fale, galuega, aoga, po o i au fesootaiga—saili le fesoasoani. Talanoa i se tasi e te faatuatuaina, e pei o se tagata o le aiga, uo, peresitene o le Aualofa, epikopo, po o se tagata tomai faapitoa faalemafaufau. O le vave ona faafetaiaia o popolega o le soifua maloloina faalemafaufau, ma e tele lava o le auala aupito aoga lea ma e mafai ona fesoasoani e puipuia se faafitauli i le lumanai.

E eseese vaega lea e aafia ai lagona, mafaufauga, faalogona, ma amioga. O le tauivi ai ma lou soifua maloloina faalemafaufau, e le o faailoa mai ai se vaivaiga i ou uiga patino, po o le agaga. Na faamanatu mai ia i tatou e Elder Neil L. Anderson e faapea “e ui atonu o le tulaga faalelalolagi o le tagata e ono le atoatoa, ae o se tupuaga faaleagaga e atoatoa, ona o le faasinomaga moni o se tasi o se atalii po o se afafine o le Atua” (“Ai Se Talia i Latou Ua Talia A’u,” Ensign po o le Liahona, Me 2016, 50).

E ui e tatau ia i tatou uma ona saili e uunaia tulaga lelei o le maloloina faalemafaufau, e le o se tulaga lelei le faia e le tagata o se iloiloga mo ia lava o se gasegase faalemafaufau. O se e i ai tomai faapolofesa o le soifua maloloina faalemafaufau e mafai ona ta’u atu ia te oe le eseesega i le va o le gasegase faalemafaufau ma se lagona masani e tupu o aso taitasi o aafiaga o le olaga. O se iloiloga e fesootai atu i le soifua maloloina faalemafaufau e le tatau ona vaai atu e itiiti lona moni nai lo se isi iloiloga faalefomai.

Mafaufau e uiga i mea o loo i lalo a o e manatunatu e talanoa faatasi ma se e i ai tomai faapitoa o le soifua maloloina faalemafaufau:

• O le a le umi talu ona e aafia i nei luitau?

• O le a le tele o aafiaga i lou olaga o aso taitasi mai nei faailoga?

• Pe o e iloaina isi tagata o lou aiga o e na oo i ai aafiaga o luitau tali tutusa?

• Pe o faatupuina e nei faafitauli ni popolega ogaoga i lou olaga?

• Pe e le’o fesoasoani au lava taumafaiga ina ia e maua lagona lelei sili atu?

• Pe e le’i ta’u atua e se tasi e te faatuatuaina se mea e uiga i ou faalogona po o amioga?

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai, ae o loo saunia o ni punaoa faaopoopo.)

• “Lototele i le Faamoemoe o Keriso,” Aoaoga a Peresitene o le Ekalesia: Iosefa Samita (2007), 349–57

• Neil L. Andersen, “Ai Se Talia i Latou ua Talia A’u,” Ensign po o le Liahona, Me 2016, 49–52

• “Soifua Maloloina Faalemafaufau ma Faaletonu Faalemafaufau,” HealthyPeople.gov

• “O le a le Eseesega i le va o le Soifua Maloloina Faalemafaufau ma le Gasegase Faalemafaufau?” IineiinaiaFesoasoani

• “Sauaina Fanau,” Falema’i o Mayo