alii o loo totoo lona ulu i le lima

E mafai faapefea ona ou taulimaina mafaufauga o le pule i le ola?

O mafaufauga o le pule i le ola, e le o lona uiga e faapea o oe e te vaivai pe faaletonu po o se tagata leaga; o lona uiga e faapea o loo e tauaveina ni tiga se tele ma atonu o loo manaomia le lagolagoina faaopoopo ina ia foiaina ou faigata. Pe a amata ona i le soifuaga lagona ua le mafai ona puleaina pe ua faigata le feagai ma mafaufauga o le pule i le ola, faataitai nisi o fautuaga o loo i lalo pe asiasi i le PreventingSuicide.ChurchofJesusChrist.org mo manatu faaopoopo.

• Ta’u atu i se tagata. A e lagona le le saogalemu, pe o lou ola ua lamatia, faafesootai loa auaunaga faafuasei. Afai e le o lamatia lou ola, talanoa atu i se uo, se tagata o le aiga, po o se taitai o le Ekalesia, pe valaau se laina telefoni fesoasoani mo le puipuia o le pule i le ola (tagai i punaoa o loo i lalo). O le faasoa atu o ou mafaufauga e mafai ai ona faamāmāina le mamafa o le avega.

• Faatuatua i le Faaola. E tusa pe e te le o lagonaina le alofa po le faatasi mai o Iesu Keriso i lou olaga i lea taimi, e mafai ona e galueaiina le manao ina ia lagonaina. Atonu e te manao e tootuli i lalo pe a e tatalo, tatalo leotele, fai atu mo se faamanuiaga faaleperisitua, pe talanoa atu i lou epikopo.

• Fai ia saogalemu lou fale. Afai o loo i ai mea o loo e mafaufau i ai e faaaoga e lamatia ai oe, ave ese mai, pe tuu atu i se tasi e tauaveina le matafaioi mo mea na. Faaitiitia le taimi e te faaaluina e te nofo ai na’o oe, ma ia talanoa ma se tasi e te lua nonofo faatasi pe faatuatuaina. Talanoa faatasi ma lenei tagata e uiga i puipuiga e sili ona talafeagai mo oe i le tulaga ua e i ai.

• Faatulaga ni sini laiti. I aso taitasi, tusi i lalo ia le itiiti ifo ma le tasi se faatinoga po o se sini mo le aso e sosoo ai. Ia faia ia faigofie ma mafai ona ausia. O le faatulagaina ma le galue agai i sini laiti e mafai ona fesoasoani ia te oe ia maua ma lagonaina se lagona o le pulea i taimi e foliga mai o mea uma ua le mafaia.

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai, ae o loo saunia o ni punaoa faaopoopo.)

• Suicide.ChurchofJesusChrist.org

• Teuteronome 31:6

• Jeffrey R. Holland, “Peiseai o se Ipu ua Nutililii,,” Ensign po o le Liahona, Nov. 2013, 40-42

• David A. Bednar, “Ole Atu ma le Faatuatua,,” Ensign po o le Liahona, Me 2008, 94–97

• Vaughn E. Worthen, “O Le Aao Faamalolo o le Faamoemoe,” Ensign, Sete. 2013, 62–67

• Eric B. Murdock, “Fetaia’i ma Faanoanoaga,” New Era, Sete. 2016, 32–35

• “Aua Le Fiu!” Friend, Sete. 2016, 36

• Faauooga i le Lalolagi Atoa

• Mafutaga Faavaomalo mo le Puipuiga o le Pule i le Ola (MFPPO)

• Lainaola mo le Puipuiga o le Pule i le Ola i le Atunuu (1-800-273- TALANOA)