E mafai faapefea ona ou malamalama lelei i le eseesega o le va o lapataiga mai le Agaga ma le popole ua sili atu?

O le Agaga Paia o le Agaga o le Upumoni ma le Agaga o le Filemu. E masani ona galue le Agaga i le filemu (tagai i le 1 Nifae 17:45). O mafaufauga e mafua mai popolega e leotele ma aumaia ai le le fiafia, e faafaigata ai ona lagona le Agaga ma faalagolago ai i lou faatuatua. O le faatuatua o le faalagolago i le Atua. O le faafeagai o le faatuatua o le le mautonu ma le le faatuatuaina, ma o le tulaga faaletonu o popolega e tele ina aveesea ai le faatuatua.

Na faamatalaina e le perofeta o Iakopo o le Tusi a Mamona e faapea: “Aua e tautala mai le Agaga i le upumoni ma e le pepelo. O le mea lea, e fetalai mai o ia e uiga i mea e pei ona i ai moni lava, ma e uiga i mea e pei o le a i ai moni lava” (Iakopo 4:13). A o e aoao e faalogo i le Agaga, o le a sili atu ona mafai ona e iloatino i le va o le upumoni ma le faalotovaivaia, mafaufauga e le moni e mafua mai i popolega.

O le faatuatua i le Togiola ma le Toetu o le Faaola, faatasi ai ma le faamoemoe ma le alofa mama, e tatau ona taula ai o tatou olaga (tagai i le Moronae 7:40–48).

Tagai foi i le “Popolega ma Tulaga Faaletonu o Popolega,” Ensign, Mat. 2017, 54–61.