Mataupu 5

O le a le eseesega i le va o le naunau ina ia atoatoa ma le mana’o ina ia agava’a?

O le mana’o ina ia agava’a e masani ona sau mai lo tatou alolofa i le Atua ma se lagona o Lona alofa mo i tatou. E taitai atu ai tatou i lalo i le ala o le usitai, feagaiga, ma le salamo. O se mana’o ina ia atoatoa e pei ona valaaulia ai i tatou e le Faaola ia tatou fai (tagai Mataio 5:48). O lona uiga o le tauivi ina ia lotomaualalo ma ia “faafiti [outou] lava mai mea uma e le faaleatua” ina ia tatou mafai ona faaatoatoaina ia Iesu Keriso e ala i Lona alofa tunoa (Moronae 10:32).

O le naunau ina ia atoatoa, i le isi itu, e tele lava ina fanau mai i le fefe nai lo le alofa—fefe i le ma, fefe i le toilalo, fefe i le faasalaga, fefe i le lē taliaina po o le faanoanoa. O le tasi ala e aliali mai ai lava o le pe a tatou vaai i “tala atu o le faailoga” (Iakopo 4:14) e ala i le fatuina o mea ia ausia mo i tatou lava i tala atu o mea ua faatulagaina e le Alii, ma faatiga ai e i tatou i tatou lava i se tulaga e le manaomia pe a tatou le ausiaina mea na. E mafai ona taitai atu ai i le popole ma lagona e lē mautu.

Na faamatalaina e Elder Cecil O. Samuelson le eseesega i le va o le agavaa ma le atoatoa e faapea: “O le agavaa ma le atoatoa e le tutusa o la uiga! … E mafai ona tatou agavaa a o manaomia pea ona faaleleia. … O i latou o e mafatia mai le naunau ina ia atoatoa … e mafatia mai le faatele o a latou mea sese laiti, vaivaiga, po o mea ua latou le ausia lea e ono mafai ona tau atu i le avea ai o i latou ma e ua tulaga ua le aoga. … E manaomia ona tatou iloa [o tatou vaivaiga], a e tatou te le faamamalu i ai pe faalauteleina” (“O Le a Le Uiga o le Ia Atoatoa?” New Era, Ian. 2006, 10, 12).