“6: I nisi o taimi e faigata na ou lagonaina le Agaga ona ua ou lagona le gase. O le uiga ea o lenei mea ua ou faia se mea sese ma ua ou le maua ai le Agaga?” Soifua Maloloina Faalemafaufau: Fesoasoani mo A’u (2019)

“Faigata na Lagonaina le Agaga,” Soifua Maloloina Faalemafaufau: Fesoasoani mo A’u

I nisi o taimi e faigata na ou lagonaina le Agaga ona ua ou lagona le gase. O le uiga ea o lenei mea ua ou faia se mea sese ma ua ou le maua ai le Agaga?

O le lē gafatia ona lagona le Agaga, po o se lagona lautele o le lē magafagafa po o le gase, e tele lava o se aafiaga o le lē lelei o le soifua maloloina faalemafaufau. E le’i tuulafoaiina oe e le Atua. Manatunatu mo sina taimi e faapea atonu o loo fesootai le Agaga ma oe i se ala e ese mai nai lo le mea ua e masani ai muamua. Pe a e tauivi ina ia lagona le Agaga, po o le lagonaina o soo se mea, taumafai e tuufaatasi fautuaga nei ma le tatalo a o mafai ai ona e faia:

Fefautuaa’i faatasi ma isi. Ia faia taumafaiga uma e talanoa faatasi ma lou aiga, epikopo, po o se tagata tomai faapitoa o le soifua maloloina faalemafaufau. Faatino ma le mafaufau lelei fesoasoaniga faalefautuaga.
Manatua mea ua e iloa. Sue se tusiga mai se api talaaga ua leva lea e faamatala mai ai se aafiaga faaleagaga, pe talanoa atu i se tasi e te faatuatuaina. Ia tuu atu i lena tagata e faamanatu mai ia te oe ni malosiaga patino, aafiaga faaleagaga, ma molimau sa e faasoa atua ia i latou i se taimi ua tuanai.
Faatumulia lou aiga i le malamalama. Ia ki moni lava ia ola moli pe nofo i le mea o susulu mai i ai le la. Ta ta musika e siitia ai, faalogologo i lauga mai konafesi aoao, tagai i ata vali, pe faitau tusitusiga paia po o se isi tusi lelei. Ia faia lou fale ma nofoaga o le filemu lea e mafai ona nofo ai le Agaga.
Ia alu i ai oe lava i totonu. Manatunatu pe o mafai ona e lagona se mea i le taimi lava lea. Afai e te lagonaina le gase po o le leai o se fesootaiga, talanoa i se uo e faatuatuaina, tagata o le aiga, po o taitai o le Ekalesia, po o le saili se fesoasoani faatomai faapolofesa.