Aʻusia Fakaako Fika 2: Ko e Kaveinga ʻo e Seminelí mo e ʻInisititiuti Fakalotú
Aʻusia Fakaako Fika 2
Ko e Kaveinga ʻo e Seminelí mo e ʻInisititiuti Fakalotú
Vakai Fakalūkufuá
ʻOku fakamatalaʻi ʻe he aʻusia fakaakó ni ʻa e ngaahi tefitoʻi fakakaukau ko ʻení:
Ko e Mahino ʻa e Kaveinga ʻo e Seminelí mo e ʻInisititiuti Fakalotú
Ko e mahino hoʻo taumuʻa ko e faiakó
Ko hono tokoniʻi ʻo e kau akó ke nau ului moʻoní
Ngaahi Fakakaukau Mahuʻingá
Ko e Mahino Hoʻo Taumuʻá
Kuo ʻosi ʻoatu ki he kau faiako ʻi he S&I ha taumuʻa mahino ke tukutaha ki ai hotau iví ʻi heʻetau tokoni ʻi he ngāue ʻa e ʻEikí. ʻOku ui ʻa e taumuʻa ko ʻení ko e Kaveinga ʻo e Seminelí mo e ʻInisititiuti Fakalotú. ʻOku mahuʻinga ke ke fakatupulaki ha mahino lahi ki he taumuʻá ni pea mo e founga te ne lava ai ke tataki hoʻo ngāue fakaʻaho ko e faiakó.
Ko e Hā ʻEtau Taumuʻá?
“Ko ʻetau taumuʻá ke tokoni ke mahino mo falala ʻa e toʻu tupú mo e kakai lalahi kei talavoú ki he ngaahi akonaki mo e Fakalelei ʻa Sīsū Kalaisí, fakafeʻungaʻi kinautolu ke maʻu ʻa e ngaahi tāpuaki ʻo e temipalé, pea teuteuʻi kinautolu, honau fāmilí, mo e niʻihi kehé ki he moʻui taʻengata mo ʻenau Tamai Hēvaní” (Ko Hono Akoʻi mo Ako ʻo e Ongoongoleleí: Ko ha Tohi Tuʻutuʻuni maʻá e Kau Faiako mo e Kau Taki ʻi he Seminelí mo e ʻInisititiuti Fakalotú [2012],xii).
Mamata ʻi he foʻi vitiō “Our Purpose” (1:32), ʻoku maʻu ʻi he LDS.org. ʻOku ʻi ai ha kau faiako ʻoku nau lau maʻuloto ʻa e taumuʻa ʻo e Seminelí mo e ʻInisititiuti Fakalotú ʻi he foʻi vitiō ko ʻení.
Hiki hoʻo ngaahi fakakaukaú mo e ongó ʻi ha tohinoa ako pe ʻi ha feituʻu kehe te ke lava ʻo fakaʻaongaʻi pe vahevahe ia mo hoʻo taki ʻinisēvesi pe kulupú, ʻo ka hili hoʻo mamata ʻi he foʻi vitioó.
Ko Hono Fakatōkakano ʻo e Ongoongoleleí ki he Loto ʻo e Kau Akó
Naʻe vahevahe ʻe Palesiteni Henelī B. ʻAealingi ʻo e Kau Palesitenisī ʻUluakí ʻi he lolotonga ʻo e fakamafola e senituli ʻo e seminelí ʻi he 2012, ha ngaahi ongo fekauʻaki mo e tupuʻanga pea mo e taumuʻa ʻo e seminelí.
Mamata ʻi he foʻi vitiō “A Foundation of Faith: 100 Years of Seminary” (7:36), toʻo mei he lea ʻa Palesiteni ʻAealingí, ʻoku maʻu ʻi he LDS.org. Kumi ha fakamoʻoni ʻi hoʻo mamatá, ki he founga ʻo e tokoni ʻa e seminelí ke fakatōkakano e ongoongoleleí ki he loto ʻo e kau akó.
Hiki hoʻo ngaahi fakakaukaú mo e ongó ʻi ha tohinoa ako pe ʻi ha feituʻu kehe te ke lava ʻo fakaʻaongaʻi pe vahevahe ia mo hoʻo taki ʻinisēvesi pe kulupú, ʻo ka hili hoʻo mamata ʻi he foʻi vitioó.
ʻEkitivitī ʻo e Tohi Tuʻutuʻuni Ko Hono Akoʻi mo Ako ʻo e Ongoongoleleí
ʻĪmisi
handbook cover
Lau ʻa e konga 1.1 (“Ko ʻEtau Taumuʻá”) ʻi he peesi 1–2 ʻo e tohi tuʻutuʻuni Ko Hono Akoʻi mo Ako ʻo e Ongoongoleleí. Laineʻi ʻa e ngaahi foʻi lea mo e ngaahi kupuʻi lea ʻoku tokoni ke mahino kiate koe hoʻo taumuʻa ko e faiako ʻi he Seminelí mo e ʻInisititiuti Fakalotú.
Hiki hoʻo ngaahi fakakaukaú mo e ongó ʻi ha tohinoa ako pe ʻi ha feituʻu kehe te ke lava ʻo fakaʻaongaʻi pe vahevahe ia mo hoʻo taki ʻinisēvesi pe kulupú, ʻo ka hili hoʻo fakakakato e laukongá.
Fakamatala Fakanounoú mo e Fakaʻaongaʻí
Ngaahi Tefitoʻi Moʻoni ke Manatuʻí
ʻE hanga ʻe ha mahino lelei e Kaveinga ʻo e Seminelí mo e ʻInisititiuti Fakalotú ʻo tataki kitautolu ʻi heʻetau ngāue fakaʻaho ko e kau faiakó.
ʻE lava ʻe he akoʻi leleí ʻo tokoni ke fakatōkakano ʻa e ongoongoleleí ki he loto ʻo e kau akó.
Kuo pau ko ʻetau taumuʻá ke tokoniʻi ʻetau kau akó ke nau aʻusia ʻa e ului moʻoni ki he ongoongoleleí.
ʻĪmisi
Palesiteni Dieter F. Uchtdorf
ʻI heʻetau akoʻi e kakai kei talavoú ke ʻofa he Fakamoʻui ko Sīsū Kalaisí, te nau hoko leva ko e kau ākonga moʻoni ʻa e ʻEikí. ʻE hanga ʻe he foungá ni ʻo teuteuʻi kinautolu ke nau hoko … ko e kau taki ʻo ha ngaahi fāmili taʻengata. ʻE hoko e temipalé ko ha konga fakanatula mo mahuʻinga ʻo ʻenau moʻuí. (Dieter F. Uchtdorf, “A Teacher of God’s Children” [evening with President Dieter F. Uchtdorf, Jan. 28, 2011], 5, si.lds.org).
“Ko ia, Pea hā Leva?”
Hiki ha ngaahi meʻa te ke fakahoko ʻo makatuʻunga ʻi he ngaahi tefitoʻi moʻoni kuó ke ako ʻi he ʻaho ní, ke fakaʻosi ʻaki ʻa e aʻusia fakaako ko ʻení.