កិច្ចការ ១៩:១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កិច្ចការ ១៩:១–៧

ការទទួលអំណោយទាននៃព្រះវិញ្ញាណបរិសុទ្ធ

អំណោយទានដ៏អស្ចារ្យបំផុតមួយ ដែលព្រះវរបិតាសួគ៌ប្រទានដល់សិស្សនៃសេចក្តីសញ្ញារបស់ព្រះយេស៊ូវគ្រីស្ទ គឺជាអំណោយទាននៃព្រះវិញ្ញាណបរិសុទ្ធ ។ ដូច្នេះហើយ ប៉ុលមានការភ្ញាក់ផ្អើលពេលលោកបានជួបពួកសិស្សនៅក្រុងអេភេសូរ ដែលបាននិយាយថាពួកគេបានទទួលបុណ្យជ្រមុជទឹក ប៉ុន្តែមិនដែលបានឮអំពីព្រះវិញ្ញាណបរិសុទ្ធឡើយ ។ ទីបំផុត ពួកគេបានទទួលបុណ្យជ្រមុជទឹក ប៉ុន្តែមិនមែននៅក្នុងព្រះនាមនៃព្រះយេស៊ូវគ្រីស្ទទេ ។ បន្ទាប់ពីពួកគេបានទទួលបុណ្យជ្រមុជទឹកក្នុង « ព្រះនាមព្រះអម្ចាស់យេស៊ូវ » ប៉ុលបានដាក់ដៃលើពួកគេ ហើយបានផ្តល់អំណោយទាននៃព្រះវិញ្ញាណបរិសុទ្ធដល់ពួកគេ ( កិច្ចការ ១៩:៥ ) ។ មេរៀននេះអាចជួយអ្នកឲ្យទទួលបានពរជ័យដែលព្រះវរបិតាសួគ៌ និងព្រះយេស៊ូវគ្រីស្ទមានព្រះទ័យចង់ប្រទានដល់អ្នកតាមរយៈអំណោយទាននៃព្រះវិញ្ញាណបរិសុទ្ធ ។

ឱវាទរបស់ យ៉ូសែប ស្ម៊ីធ ចំពោះសាសនាចក្រ

បន្ទាប់ពីការធ្វើទុក្ករកម្មរបស់យ៉ូសែប ស្ម៊ីធមក ព្រិកហាំ យ៉ង់ មានសំណួរ និងកង្វល់ជាច្រើនក្នុងនាមជាព្យាការីបន្ទាប់នៃសាសនាចក្រនេះ ។ មានពេលមួយ យ៉ូសែប ស្ម៊ីធ បានបង្ហាញខ្លួនចំពោះព្រិកហាំ យ៉ង់ក្នុងសុបិន ហើយបានផ្ដល់ឲ្យលោកនូវឱវាទដូចខាងក្រោមនេះ ៖ « សូមប្រាប់ដល់ប្រជាជនឲ្យ » ( ពួកបរិសុទ្ធ ៖ដំណើររឿងអំពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ភាគ ២ No Unhallowed Hand ឆ្នាំ ១៨៤៦–ឆ្នាំ ១៨៩៣ [ ឆ្នាំ ២០២០ ] ទំព័រ ៤៩ ) ។

តើអ្នកគិតថា យ៉ូសែប ស្ម៊ីធ អាចនឹងផ្តល់ឱវាទអ្វីខ្លះ ដើម្បីជួយសមាជិកសាសនាចក្រ ?

ព្រិកហាំ យ៉ង់ឃើញយ៉ូសែប ស្ម៊ីធ នៅក្នុងការនិមិត្ត ។

យ៉ូសែប ស្ម៊ីធ បានផ្តល់ឱវាទដល់ព្រិកហាំ យ៉ង់ ឲ្យ « ចូរប្រាប់ដល់ប្រជាជនឲ្យរក្សាព្រះវិញ្ញាណនៃព្រះអម្ចាស់ ហើយធ្វើតាមព្រះវិញ្ញាណ នោះព្រះវិញ្ញាណនឹងដឹកនាំពួកគេឲ្យធ្វើត្រឹមត្រូវ » ( ពួកបរិសុទ្ធ, ២:៤៩ ) ។

ក្នុងចំណោមឱវាទទាំងអស់ដែលយ៉ូសែប អាចផ្តល់ដល់ព្រិកហាំ យ៉ង់ ហេតុអ្វីបានជាអ្នកគិតថាលោកបានសង្កត់ធ្ងន់លើការស្វែងរកដៃគូនៃព្រះវិញ្ញាណបរិសុទ្ធ ?

សូមកត់ត្រានៅក្នុងសៀវភៅកំណត់ហេតុរបស់អ្នកនូវមូលហេតុដែលអ្នកគិតថា សារលិខិតរបស់ យ៉ូសែប ស្ម៊ីធ ទៅកាន់សាសនាចក្រនៅតែត្រូវការនៅក្នុងជំនាន់របស់យើង និងក្នុងជីវិតរបស់អ្នក ។ ពេលអ្នកសិក្សាមេរៀននេះ សូមគិតអំពីរបៀបដែលព្រះវរបិតាសួគ៌ និងព្រះយេស៊ូវគ្រីស្ទអាចប្រទានពរដល់ជីវិតរបស់អ្នកតាមរយៈអំណោយទាននៃព្រះវិញ្ញាណបរិសុទ្ធ ។

អំណោយទាននៃព្រះវិញ្ញាណបរិសុទ្ធ

កាលប៉ុលបានចាប់ផ្ដើមដំណើរទៅធ្វើជាអ្នកផ្សាយសាសនាជាលើកទីបីរបស់លោក លោកបានធ្វើដំណើរទូទាំងស្រុកកាឡាទី និងស្រុកព្រីគា ។ បន្ទាប់មក លោកបានធ្វើដំណើរទៅក្រុងអេភេសូរ ( សូមមើល ផែនទីព្រះគម្ពីរប៊ីប ទី ១៣ ៖ « ដំណើររបស់សាវកប៉ុលទៅធ្វើជាអ្នកផ្សព្វផ្សាយសាសនា » ) ។ នៅទីនោះ លោកបានជួប និងបង្រៀនសិស្សដែលមិនធ្លាប់ឮអំពីព្រះវិញ្ញាណបរិសុទ្ធ ។ មនុស្សទាំងនេះបានទទួលបុណ្យជ្រមុជទឹកពីមុនដោយនរណាម្នាក់ដែលមិនមានសិទ្ធិអំណាចត្រឹមត្រូវ ( សូមមើល យ៉ូសែប ស្ម៊ីធ « Baptism » Times and Seasons ថ្ងៃទី ១ ខែ កញ្ញា ឆ្នាំ ១៨៤២ ទំព័រ ៩០៤ josephsmithpapers.org ) ។

សូមអាន កិច្ចការ ១៩:១–៧ ដោយរកមើលពីរបៀបដែលប៉ុលបានជួយសិស្សទាំងនេះ ។

ហេតុអ្វីបានជាអ្នកគិតថា ប៉ុលនឹងផ្ដោតការបង្រៀនរបស់លោកទៅលើព្រះយេស៊ូវគ្រីស្ទ មុននឹងធ្វើពិធីបុណ្យជ្រមុជទឹកជាថ្មីឲ្យសិស្សទាំងឡាយ ?
តើអ្នកអាចពិពណ៌នាដល់មនុស្សទាំងនេះអំពីសារៈសំខាន់នៃការទទួលអំណោយទាននៃព្រះវិញ្ញាណបរិសុទ្ធបន្ទាប់ពីពិធីបុណ្យជ្រមុជទឹកដោយរបៀបណា ?
តើសេចក្ដីពិតអ្វីខ្លះពីដំណើររឿងនេះដែលអ្នកអាចចែកចាយជាមួយនរណាម្នាក់ ដែលបានទទួលបុណ្យជ្រមុជទឹកពីមុនរួចទៅហើយនៅសាសនាផ្សេង ?

សេចក្តីពិតមួយដែលយើងអាចរៀនចេញពីដំណើររឿងនេះគឺថា ដើម្បីឲ្យពិធីបុណ្យជ្រមុជទឹកបានពេញលេញ វាត្រូវតែអមដោយការបញ្ជាក់ និងការទទួលព្រះវិញ្ញាណបរិសុទ្ធ ។

សូមចំណាយពេលពីរបីនាទីដើម្បីសញ្ជឹងគិតពីមូលហេតុដែលអ្នកគិតថា ព្រះវរបិតាសួគ៌ និងព្រះយេស៊ូវគ្រីស្ទចង់ឲ្យអ្នកមានព្រះវិញ្ញាណបរិសុទ្ធជាដៃគូរបស់អ្នក ។ សូមសញ្ជឹងគិតពីចំណុចនេះ ពេលអ្នកអានខគម្ពីរខាងក្រោម ៖

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ដើម្បីជួយអ្នកមើលឃើញ និងយល់អំពីតម្រូវការក្នុងការរៀបចំខ្លួនអ្នក ដើម្បីទទួលការណែនាំពីព្រះវិញ្ញាណបរិសុទ្ធ សូមបំពេញ ឬស្រមៃមើលសកម្មភាពដូចខាងក្រោមនេះ ។

សូមដាក់ពែងទទេចំនួនបីនៅក្នុងកន្លែងលាងចាន ឬនៅលើថាសដែលអាចផ្ទុកទឹកបាន ។ សូមគ្របក្រដាស ឬគម្របពីលើពែងទឹកឲ្យបានជិត ។ សូមដាក់វត្ថុមួយ ( ដូចជាដុំថ្មមួយដុំ ) នៅក្នុងពែងទឹកមួយផ្សេងទៀតដែលដុំថ្មនេះបំពេញផ្នែកភាគច្រើនរបស់ពែងទឹកនេះ ។ បន្ទាប់មកព្យាយាមចាក់ទឹកចូលពែងទាំងបី ។

ប្រសិនបើពែងទឹកជាតំណាងឲ្យយើង ហើយទឹកតំណាងឲ្យព្រះវិញ្ញាណបរិសុទ្ធ តើក្រដាស ( ឬគម្រប ) និងដុំថ្ម ( ឬវត្ថុផ្សេងទៀត ) តំណាងឲ្យអ្វីទៅនៅក្នុងជីវិតនរណាម្នាក់នោះ ?

សូមអានសេចក្ដីថ្លែងការណ៍ខាងក្រោមដោយអែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ ៖

ព្រះវិញ្ញាណបរិសុទ្ធមិនដំណើរការណ៍នៅក្នុងជីវិតរបស់យើង ដោយគ្រាន់តែការដាក់ដៃលើក្បាលរបស់យើង ហើយពាក្យសំខាន់ទាំងបួន [ « ទទួលព្រះវិញ្ញាណបរិសុទ្ធ » ] ដែលនិយាយចេញមកនោះទេ ។

( ដេវីឌ អេ បែដណា « Receive the Holy Ghost » Liahona ខែ វិច្ឆិកា ឆ្នាំ ២០១០ ទំព័រ ៩៥ )

ប្រសិនបើមានអ្វីមួយដែលយើងគិត មើល ស្ដាប់ ឬធ្វើឲ្យខ្លួនយើងមានគម្លាតពីព្រះវិញ្ញាណបរិសុទ្ធ នោះយើងគួរបញ្ឈប់ការគិត ការមើល ការស្ដាប់ ឬការធ្វើរឿងនោះ ។ ឧទាហរណ៍ ប្រសិនបើអ្វីដែលមានបំណងសម្រាប់ការកម្សាន្តធ្វើឲ្យយើងលែងជិតសិ្នទ្ធនឹងព្រះវិញ្ញាណបរិសុទ្ធ នោះវាប្រាកដណាស់ថា ការកម្សាន្តបែបនោះគឺមិនមែនសម្រាប់យើងនោះទេ ។ ដោយសារព្រះវិញ្ញាណមិនអាចគង់នៅជាមួយនឹងអ្វីដែលគ្រោតគ្រាត អាសអាភាស ឬមិនសមរម្យនោះទេ នោះវាច្បាស់ណាស់ថារឿងបែបនោះគឺមិនមែនសម្រាប់យើងនោះទេ ។

( ដេវីឌ អេ បែដណា « T“That We May Always Have His Spirit to Be with Us » Liahona ខែ ឧសភា ឆ្នាំ ២០០៦ ទំព័រ ៣០ )

សូមដាក់ផែនការមួយដើម្បីទទួលឥទ្ធិពលនៃព្រះវិញ្ញាណបរិសុទ្ធឲ្យកាន់តែពេញលេញ និងញឹកញាប់ជាងមុននៅក្នុងជីវិតរបស់អ្នក ។ សូមទូលសុំព្រះវរបិតាសួគ៌ឲ្យជួយអ្នកក្នុងផែនការរបស់អ្នក ហើយប្រទានពរអ្នកឲ្យស្គាល់ពីឥទ្ធិពលរបស់ទ្រង់តាមរយៈព្រះវិញ្ញាណបរិសុទ្ធ នៅពេលអ្នកធ្វើការដើម្បីសម្រេចផែនការនេះ ។

ជម្រើស ៖ តើចង់រៀនសូត្របន្ថែមទៀតទេ ?

ហេតុអ្វីបានជាវាសំខាន់ ដែលខ្ញុំត្រូវទទួលឥទ្ធិពលនៃព្រះវិញ្ញាណបរិសុទ្ធក្នុងជីវិតរបស់ខ្ញុំ ?

ប្រធាន រ័សុលអិម ណិលសុន បានផ្តល់ការអញ្ជើញដូចតទៅនេះដល់យើងម្នាក់ៗ ។

នៅពេលខាងមុខ វានឹងមិនអាចរស់រានខាងវិញ្ញាណបានឡើយ បើគ្មានការណែនាំ ការដឹកនាំ និងលួងលោមចិត្តជាប់ជានិច្ចមកពីព្រះវិញ្ញាណបរិសុទ្ធនោះទេ ។

បងប្អូនប្រុសស្រីជាទីស្រឡាញ់របស់ខ្ញុំអើយ ខ្ញុំសូមអង្វរបងប្អូនឲ្យបង្កើនសមត្ថភាពខាងវិញ្ញាណរបស់បងប្អូនដើម្បីទទួលបានវិវរណៈ ។ ចូរឲ្យ [ ថ្ងៃ ] នេះក្លាយជាគ្រាដ៏មានន័យមួយនៅក្នុងជីវិតរបស់អ្នក ។ សូមជ្រើសធ្វើកិច្ចការខាងវិញ្ញាណដែលបានតម្រូវឲ្យធ្វើ ដើម្បីរីករាយនឹងអំណោយទាននៃព្រះវិញ្ញាណបរិសុទ្ធ ហើយស្ដាប់ឮព្រះសូរសៀងនៃព្រះវិញ្ញាណឲ្យបានញឹកញាប់ ហើយកាន់តែច្បាស់ ។

( រ័សុល អិម ណិលសុន « Revelation for the Church, Revelation for Our Lives » Liahona ខែ ឧសភា ឆ្នាំ ២០១៨ ទំព័រ ៩៦ )

នៅក្នុងវីដេអូ « Enemy Territory » ( ៣:៣៨ ) ប្រធាន ប៊យដ៏ ឃេ ផាកកឺ ( ឆ្នាំ ១៩២៤–ឆ្នាំ ២០១៥ ) ក្នុងកូរ៉ុមនៃពួកសាវកដប់ពីរនាក់បានចែកចាយបទពិសោធន៍មួយពីយុវវ័យរបស់លោក ដែលអធិប្បាយបន្ថែមទៀតអំពីសារៈសំខាន់នៃការស្តាប់តាមព្រះវិញ្ញាណ ។ វីដេអូនេះមាននៅគេហទំព័រ ChurchofJesusChrist.org ។

Enemy Territory
President Boyd K. Packer shares an experience in which he was protected during World War II by listening to a prompting from the Spirit and promises youth that they will be protected if they "heed the promptings that come from the Holy Ghost."

តើខ្ញុំអាចមកកាន់តែជិតដើម្បីមានដៃគូដ៏ខ្ជាប់ខ្ជួននៃព្រះវិញ្ញាណបរិសុទ្ធដោយរបៀបណា ?

ប្រធាន ហិនរី ប៊ី អាវរិង នៃគណៈប្រធានទីមួយបានមានប្រសាសន៍ ៖

មានហេតុផលជាច្រើនដែលយើងត្រូវការភាពជាដៃគូដ៏ខ្ជាប់ខ្ជួននៃព្រះវិញ្ញាណបរិសុទ្ធ ។ យើងមានបំណងចង់បាន ប៉ុន្តែយោងតាមបទពិសោធន៍គឺវាពុំងាយថែរក្សាទេ ។ យើងម្នាក់ៗគិត និយាយ ហើយធ្វើរឿងផ្សេងៗនៅក្នុងជីវិតប្រចាំថ្ងៃរបស់ខ្លួនដែលអាចប៉ះពាល់ដល់ព្រះវិញ្ញាណ ។ ព្រះអម្ចាស់បានបង្រៀនយើងថា ព្រះវិញ្ញាណបរិសុទ្ធនឹងក្លាយជាដៃគូដ៏ខ្ជាប់ខ្ជួនរបស់យើង នៅពេលដួងចិត្តយើងពេញដោយសេចក្ដីសប្បុរស និងពេលដែលគុណធម៌បានតុបតែងគំនិតរបស់យើងដោយឥតឈប់ឈរ [ សូមមើល គោលលទ្ធិ និងសេចក្ដីសញ្ញា ១២១:៤៥ ] ។…

… ការបំផុសគំនិតដ៏មានតម្លៃបំផុតនឹងជាអ្វីដែលអ្នកត្រូវដឹងថាព្រះនឹងឲ្យអ្នកធ្វើ ។ ប្រសិនបើត្រូវបង់ដង្វាយមួយភាគក្នុងដប់ ឬទៅសួរសុខទុក្ខមិត្តភក្តិដែលសោកសៅ នោះអ្នកគួរតែធ្វើវា ។ ទោះនោះជាអ្វីក៏ដោយ ត្រូវតែធ្វើវា ។ នៅពេលបងប្អូនបានបង្ហាញឆន្ទៈដើម្បីគោរពតាម នោះព្រះវិញ្ញាណនឹងបញ្ជូនការបំផុសគំនិត បន្ថែមទៀតដល់បងប្អូននូវអ្វីដែលព្រះសព្វព្រះទ័យឲ្យបងប្អូនធ្វើសម្រាប់ទ្រង់ ។

នៅពេលបងប្អូនគោរពតាម នោះការបំផុសគំនិតមកពីព្រះវិញ្ញាណនឹងមានកាន់តែញឹកញាប់ ហើយកាន់តែខិតជិតនឹងភាពជាដៃគូដ៏ខ្ជាប់ខ្ជួន ។

( ហិនរី ប៊ី អាវរិង « The Holy Ghost as Your Companion » Liahona ខែ វិច្ឆិកា ឆ្នាំ ២០១៥ ទំព័រ ១០៥ )

នៅក្នុងប្រសាសន៍របស់លោក « Receive the Holy Ghost » ( Liahona ខែ វិចិ្ឆកា ឆ្នាំ ២០១០ ទំព័រ ៩៥–៩៧ ) អែលឌើរ ដាវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ក៏បានចែកចាយការយល់ដឹងរបស់លោកផងដែរអំពីរបៀបដែលយើងយាងអញ្ជើញភាពជាដៃគូនៃព្រះវិញ្ញាណបរិសុទ្ធ ។