Mga Buhat 1

Pasiuna sa Basahon sa Mga Buhat

Ang napulog usa ka apostoles ni Jesukristo (tanan gawas ni Jusas Iscariote) nagpundok didto sa Galilea. Duha ka anghel (nagsinina og puti) nagbarog uban sa apostoles ug gitudlo ang kalangitan. Ang apostoles nanaghangad. Ang deboho nagpakita sa pagkayab sa nabanhaw nga si Jesukristo ngadto sa kalangitan. Si Kristo wala gipakita diha sa hulagway. (Marcos 16:19–20) (Lucas 24:50–53) (Mga Buhat 1:9–11)

Sulod sa 40 ka adlaw human sa Iyang Pagkabanhaw, si Jesukristo nangalagad ngadto sa Iyang mga disipulo. Niining panahona, Siya miandam sa Iyang Apostoles aron sa pagdumala sa Iyang Simbahan human sa Iyang Pagkayab ngadto sa langit. Sama sa Iyang gibuhat sa karaan, si Jesukristo nagpadayon sa pagdumala sa Iyang Simbahan pinaagi sa Iyang gipili nga Apostoles karon. Kini nga leksiyon mahimong makatabang kaninyo nga mobati kon unsa ka importante nga si Jesukristo nangulo sa Iyang Simbahan pinaagi sa apostoles ug mga propeta.

Ang Pagkayab ni Jesukristo ngadto sa langit

Handurawa nga ang inyong higala, kinsa dili miyembro sa Ang Simbahan ni Jesukristo sa mga Santos sa Ulahing mga Adlaw, nangutana kaninyo, “Kinsa ang nagsugod sa simbahan nga inyong gitambongan, ug kinsa ang nangulo niini karon?”

Unsaon ninyo sa pagtubag? Ngano man?

Ang basahon sa Mga Buhat naghulagway sa mga kasinatian sa Apostoles human sa Pagkayab ni Jesukristo ngadto sa langit. Tingali usa gayod kadto ka makahahadlok nga tahas alang sa mga lider sa Simbahan ang pagpauswag sa Simbahan sa Manluluwas sa dihang wala na Siya kanunayng pisikal nga nag-uban kanila. Apan ang Apostoles wala mag-inusara sa ilang mga paningkamot. Ang mga kasinatian sa Apostoles nga narekord sa basahon sa Mga Buhat naghulagway sa kamatuoran nga si Jesukristo nangulo sa Iyang Simbahan pinaagi sa Iyang apostoles ug mga propeta.

Ikonsiderar ang inyong kaugalingong mga pagbati mahitungod kang Jesukristo nga nangulo sa Iyang Simbahan. Sa inyong journal sa pagtuon, tubaga ang mosunod:

Nganong importante man nga makahibalo nga si Jesukrsito ang nangulo sa Iyang Simbahan?
Unsa ang inyong gilaoman nga makita sa usa ka simbahan nga gipangulohan ni Jesukristo?
Gamit ang mosunod nga sukdanan, ilha unsa kadako ang inyong pag-uyon niini nga pamahayag: “Si Jesukristo nangulo sa Iyang Simbahan karon pinaagi sa apostoles ug mga propeta.” Ipasabot ang inyong tubag.

Sa inyong pagtuon niini nga leksiyon, hatagi og pagtagad ang mga pag-aghat sa Espiritu nga mahimong makatabang ninyo nga mabati nga si Jesukristo nangulo sa Iyang Simbahan human Siya mikayab sa langit ug nga Siya nagpadayon nga nangulo sa Iyang Simbahan karon.

Si Jesukristo nagpadayon sa pagpangulo sa Iyang Simbahan human sa Iyang Pagkayab ngadto sa langit

Magsulat diha sa piraso sa papel gamit ang ballpen o lapis.

Basaha ang mosunod nga mga tudling gikan sa Mga Buhat 1–5, nga mangita kon giunsa ni Jesukristo pagpadayon sa pagtabang sa Iyang Apostoles human sa Iyang Pagkayab. Paghunahuna mahitungod kon sa unsang paagi kini nga mga panghitabo nagpakita nga si Jesukristo nangulo sa Iyang Simbahan. Idugang ang inyong mga panabot sa inyong entry sa journal.

Mga bersikulo nga tun-an	Mga detalye nga kinahanglan ninyong mahibaloan sa dili pa magtuon niini nga mga bersikulo
Mga bersikulo nga tun-an Mga Buhat 1:23–26	Mga detalye nga kinahanglan ninyong mahibaloan sa dili pa magtuon niini nga mga bersikulo Ang Apostoles ug uban pang mga sumusunod ni Kristo nagtigom aron sa paghisgot kinsa ang mohulip ni Judas Escariote isip usa sa Napulog Duha ka Apostoles.
Mga bersikulo nga tun-an Mga Buhat 2:37–43	Mga detalye nga kinahanglan ninyong mahibaloan sa dili pa magtuon niini nga mga bersikulo Samtang ang Apostoles nagtigom sa Jerusalem wala madugay pagkahuman sa Pagkayab ni Kristo sa langit, ang Espiritu Santo mikunsad sa matag usa kanila sa usa ka gamhanan nga paagi (tan-awa sa Mga Buhat 2:1–8). Samtang napuno sa Espiritu, si Pedro mipamatuod kang Jesukristo (tan-awa sa Mga Buhat 2:14–36). Kini nga tudling naghulagway sa epekto niining espirituwal nga pagbubo ngadto sa daghang nakasaksi niini.
Mga bersikulo nga tun-an Mga Buhat 3:1–8; 4:8–10	Mga detalye nga kinahanglan ninyong mahibaloan sa dili pa magtuon niini nga mga bersikulo Si Pedro ug si Juan nakahinagbo og bakol nga tawo didto sa templo sa Jerusalem.
Mga bersikulo nga tun-an Mga Buhat 5:12–16	Mga detalye nga kinahanglan ninyong mahibaloan sa dili pa magtuon niini nga mga bersikulo Ang Apostoles gipasidan-an nang daan sa mga lider sa Judio nga dili na mosulti mahitungod ni Jesukristo (tan-awa sa Mga Buhat 4:13–18).
Mga bersikulo nga tun-an Mga Buhat 5:17–25	Mga detalye nga kinahanglan ninyong mahibaloan sa dili pa magtuon niini nga mga bersikulo Si Pedro ug si Juan gipriso human nagpadayon sa pagpamatuod ni Jesukristo ug naghimo og mga milagro sa Iyang ngalan.

Unsa ang inyong nakat-onan mahitungod ni Jesukristo gikan niini nga mga bersikulo nga nakaapekto sa inyong hugot nga pagtuo ug pagsalig nganha Kaniya?
Sa unsang paagi nga kining mga hitaboa naghulagway nga ang Manluluwas mao ang nangulo sa Iyang Simbahan pinaagi sa Iyang Apostoles?

Si Jesukristo nagpadayon sa pagpangulo sa Iyang Simbahan karon

Tanang sakop sa Unang Kapangulohan ug ang Korum sa Napulog Duha ka Apostoles nanglingkod o nagbarog uban sa Istatuwa nga Christus ug mga istatuwa sa Orihinal nga Napulong Duha dito sa Visitor’s Center sa Rome, Italy. Atubangan gikan sa Wala ngadto sa Tuo: Dieter F. Uchtdorf, Jeffrey R. Holland, M. Russell Ballard, Dallin H. Oaks, Russell M. Nelson, Henry B. Eyring, David A. Bednar, Quentin L. Cook, D. Todd Christofferson, Gary E. Stevenson, Ronald A. Rasband, Neil L. Andersen, Dale G. Renlund, Gerrit W. Gong, Ulisses Soares

Si Presidente Russell M. Nelson nagtudlo mahitungod kon giunsa sa Manluluwas pagpadayon sa pagpangulo sa Iyang Simbahan karon.

Kita nga mga miyembro sa Simbahan sa Ginoo nasayod kinsa ang nagbarog niini nga pangulo: si Jesukristo Mismo. …

Busa, unsay anaa sa ngalan? Kon bahin kini sa ngalan sa Simbahan sa Ginoo, ang tubag mao ang “Tanan!” Si Jesukristo misugo nato sa pagtawag sa Simbahan pinaagi sa Iyang ngalan tungod kay kini Iyang Simbahan, nga puno sa Iyang gahom.

Nasayod ko nga ang Dios buhi. Si Jesus mao ang Kristo. Gigiyahan Niya ang Iyang Simbahan karon.

(Russell M. Nelson, “Ang Sakto nga Ngalan sa Simbahan,” Liahona, Nob. 2018, 88–89)

Sa unsang paagi nga ang pagkasayod nga si Jesukristo mao ang nangulo sa Iyang Simbahan karon nakaapekto sa inyong kinabuhi?

Unsa ang mga ehemplo gikan sa inyong kaugalingong kinabuhi o gikan sa kasaysayan sa Simbahan nga nakatabang ninyo nga makita nga si Jesukristo nagpadayon sa pagpangulo sa Iyang Simbahan karon? (Hinumdomi ang pagdugang niini nga mga ehemplo sa inyong entry sa journal.)

Kon kinahanglan ninyo nga makakita og pipila ka ehemplo nga makatabang ninyo sa paghunahuna og mga tubag alang niini nga pangutana, tan-awa ang “Kini Mao Ang Atong Panahon!” gikan sa time code 3:34 hangtod 5:12 o “Paghiusa diha kang Kristo sa Tanang mga Butang” gikan sa time code 10:09 hangtod 13:58, anaa sa ChurchofJesusChrist.org.

11:14

2:3

Unsa ang matabang niini nga mga ehemplo sa Manluluwas nga nangulo sa Iyang Simbahan sa inyong pagsabot mahitungod sa Iyang mga pagbati alang kanato?

Pagpamalandong

Rebyoha ang lista sa mga ehemplo sa Manluluwas nga nangulo sa Iyang Simbahan nga inyong gibuhat karon. Ikonsiderar ang pagdugang niini nga entry diha sa inyong pagpadayon sa pagtuon sa Mga Buhat ug adunay dugang nga mga kasinatian sa pagkat-on mahitungod sa Manluluwas ug sa Iyang Simbahan. Ikonsiderar ang pagdugang sa inyong pagpamatuod niini nga kamatuoran diha sa inyong entry sa journal.

Opsiyonal: Gustong Makakat-on pa og Dugang? 

Kinsa ang misulat sa basahon sa Mga Buhat?

Si Lucas ang misulat sa Mga Buhat sa Apostoles isip “ang ikaduha sa duha ka bahin nga buhat. … Ang unang bahin nailhan nga ang Ebanghelyo Sumala ni Lucas” (Giya ngadto sa mga Kasulatan, Mga Buhat sa mga Apostoles,” scriptures.ChurchofJesusChrist.org; tan-awa usab sa Lucas 1:1–4; Mga Buhat 1:1).

Mahitungod sa unsa kini nga basahon?

Ang Mga Buhat sa Apostoles naghimo og taytayan tali sa rekord sa kinabuhi ni Jesukristo ug sa mga pagtulun-an sa upat ka mga Ebanghelyo ug sa sinulat ug mga paghago sa Iyang mga Apostoles. Ang basahon sa Mga Buhat naghulagway sa unsa nga paagi nga ang Manluluwas nagpadayon sa paggiya sa Iyang Simbahan pinaagi sa inspirasyon sa Espiritu Santo ngadto niadtong naghupot sa mga yawe sa pagkapari. Ang Espiritu Santo mipadayag sa kamatuoran ngadto sa mga Apostoles, kinsa dayon migiya ug mitudlo sa Simbahan. Naghimo usab og mga milagro ang Apostoles diha sa ngalan ni Jesukristo.

Si Elder Jeffrey R. Holland sa Korum sa Napulog Duha ka Apostoles mipasabot:

Gikan sa unang bersikulo [sa basahon sa Mga Buhat], ang pamahayag mao nga ang Simbahan magpadayon nga pangulohan sa balaanong paagi, dili pangulohan sa mortal nga paagi. … Sa pagkatinuod, ang mas kompleto nga ulohan alang sa basahon sa Mga Buhat ingon og angay sama sa “Ang mga Buhat sa Nabanhaw nga Kristo nga Naglihok pinaagi sa Balaang Espiritu diha sa mga Kinabuhi ug mga Pangalagad sa Iyang Gi-orden nga mga Apostoles.” …

“Ang direksiyon sa Simbahan sama ra. Ang nahimutangan sa Manluluwas nausab na, apan ang pagdumala ug ang pagpangulo sa Simbahan eksaktong mao lang gihapon.”

(“Busa, Unsa??” [ang pakigpulong nga gihatag sa komperensiya sa Sistema sa Edukasyon sa Simbahan sa Bag-ong Tugon, Ago. 8, 2000], 6, si.ChurchofJesusChrist.org)

Unsa ang usa ka Apostol?

Aron makakat-on og dugang mahitungod sa Apostoles, tan-aw sa bidyo nga “Unsa Ang usa ka Apostol?” (6:25), anaa sa ChurchofJesusChrist.org.

2:3

Giunsa pagpangulo sa Ginoo ang Iyang Simbahan karon?

Si Elder Quentin L. Cook sa Korum sa Napulog Duha ka Apostoles mipasabot:

Palihog salig nga ang senior nga mga lider sa Simbahan kinsa nagdumala sa balaang gitudlo nga mga katuyoan sa Simbahan nakadawat og balaan nga tabang. Kini nga giya naggikan sa Espiritu ug usahay direkta gikan sa Manluluwas. Ang duha ka matang sa espirituhanong giya gihatag. Mapasalamaton ko nga nakadawat sa maong tabang. Apan ang paggiya gihatag sa panahon sa Ginoo, pagtulon-an human sa usa ka pagtulon-an, lagda human sa usa ka lagda [tan-awa sa 2 Nephi 28:30; Doktrina ug mga Pakigsaad 98:12; 128:21], diin “ang nahibalo sa tanan nga Dios mituyo og pili aron motudlo kanato” [Neal A. Maxwell, Kining Tanang Mga Butang Makahatag Kanimo og Kasinatian (2007),31]. Ang giya alang sa tibuok Simbahan magagikan lamang sa Iyang propeta.

(Quentin L. Cook, “Pagpangandam sa Pagsugat sa Dios,” Liahona, Mayo 2018, 117.)

Tan-awa ang “Simbahan ni Jesukristo” (1:27) o “We Need Living Prophets” (2:44), nga anaa sa ChurchofJesusChrist.org, aron makita ang dugang nga mga ehemplo.

1:27

2:44

Sa unsang paagi gitawag ang modernong apostoles ug mga propeta?

Tan-awa ang “Pagpadayag alang sa Simbahan, Pagpadayag alang sa Atong mga Kinabuhi” sugod sa time code 9:41 hangtod 11:49 o “Ang Kasingkasing sa usa ka Propeta” sugod sa time code 4:08 hangtod 6:40, anaa sa ChurchofJesusChrist.org, aron makita ang mga ehemplo.

2:3