Үйлс 22–23, 26–28

Их Эзэн Паултай хамт байв

Гавлаж гинжлэн, амийг нь авахыг хүссэн иудейчүүдээр хүрээлүүлсэн Паул Иерусалим дахь Антониа цайзын шатан дээр зогсоод, Есүс Христэд хөрвөгдсөнөө зоригтойгоор гэрчилжээ. Паулыг шоронд хорьсны дараа Аврагч түүн дээр ирсэн бөгөөд Паул Түүнийг Ромд гэрчилнэ хэмээн амласан. Дараа нь Паулд олон хүнд хэцүү бэрхшээл тулгарсан бөгөөд уг амлалт биелэгдэх боломжгүй мэт байв. Энэ хичээлээр Үйлс 22–23, 26–28-ыг тоймлон үзэх ба энэ нь Тэнгэрлэг Эцэг, Есүс Христ хоёрт үйлчлэхийг эрэлхийлэх үед Тэд өгсөн амлалтаа биелүүлэх болно гэсэн итгэлийг тань нэмэгдүүлэх зорилготой. 

Та хэнд итгэдэг вэ?

Дараах зүйлсийг хийхдээ та хэнд, яагаад итгэх хэрэгтэй вэ?

• Өмсөх хувцсаа сонгох

• Хаана амьдрахаа сонгох

• Амлалтаа үргэлж биелүүлэх

• Хүнд хэцүү цаг үед тантай хамт байх

Дараах асуултуудад хариул.

• Эдгээрийн аль нь танд хамгийн чухал вэ? Яагаад?

• Энэ нь амьдралдаа итгэж болох хүмүүстэй байхад танд хэрхэн тусалдаг вэ?

Тэнгэрлэг Эцэг, Есүс Христ хоёрт хэр итгэж найддагаа тал талаас нь бодож үзэхэд хэдэн хором зарцуул. Тэд танд өгсөн амлалтаа биелүүлнэ гэдэгт та итгэдэг үү? Тэд тантай хүнд хэцүү цаг үед хамт байна гэдэгт та итгэдэг үү? Та өдөр бүр Тэднээс удирдамж заавар авах хэмжээнд итгэдэг үү? Яагаад тийм эсвэл яагаад үгүй вэ? Энэ хичээлийг судлахдаа, Тэнгэрлэг Эцэг, Есүс Христ хоёрт үйлчлэхийг эрэлхийлэх үед Тэд өгсөн амлалтаа биелүүлэх болно гэдэгт итгэх итгэлийг тань өсгөн нэмэгдүүлэх түүхүүдийг олж мэд.

Паул Иерусалим руу буцав

Гурав дахь номлолын аяллынхаа дараа Паул Христийг гэрчлэхээр Иерусалимд эргэж ирсэн. Аминд нь хүрэх гэсэн бүлэг иудей хүн түүнийг ариун сүмээс чирч гаргасан боловч Ромын цэргүүд аварчээ. Түүнийг Антониа цайзын шатан дээр авчирсан бөгөөд үг хэлэх боломж олгов (Үйлс 21-ийг үзнэ үү). Паул Есүс Христэд хөрвөгдсөн түүхээ мөн харийнханд номло хэмээсэн Аврагчийн өгсөн зааврын талаар гэрчилжээ. Иудейчүүд дахин уурлаж хилэгнэсэн бөгөөд Паулын аюулгүй байдлыг хангахын тулд түүнийг цайз руу эргүүлэн авчирсан байна (Үйлс 22; 23:1–10-ыг үзнэ үү).

Үйлс 23:11-ийг уншаад, Аврагч Паулд юу хэлж, юу хийсэн болохыг олж мэд.  

Be of Good Cheer

Paul is comforted and told by the Lord that he must bear witness of Him in Rome. Acts 23:11

• Бид энэ шүлгээс Аврагчийн хийсэн, хэлсэн зүйлээс Түүний талаар юуг олж мэдэж болох вэ?

• Хэзээ Аврагч эдгээр үнэний аль нэгийг таны эсвэл таны таньдаг хүний амьдралд харуулж байсан бэ?

Аврагчийн амлалт

Паулд тохиолдсон үйл явдал бол сайн мэдээг номлоход нь хамт байна гэж төлөөлөгчдөд өгсөн амлалтаа Аврагч гүйцэлдүүлсний нэг жишээ юм (Матай 28:19–20-ийг үзнэ үү).

1. Дараахыг хийж гүйцэтгэ.

Судлах тэмдэглэлдээ доорхтой адил хүснэгт зур. Энэ хичээлийн туршид хүснэгтийн зүүн талд Их Эзэний өгсөн амлалтуудыг, баруун талд тэдгээр амлалтын биелэлтийг жагсаан бич.

Амлалт	Амлалтын биелэлт
Амлалт Төлөөлөгчдийг сайн мэдээг номлох үед Есүс тэдэнтэй хамт байна (Матай 28:19–20-ийг үзнэ үү). Паул Ромд гэрчилнэ (Үйлс 23:11-ийг үзнэ үү).	Амлалтын биелэлт Паулыг номлосны дараа цайзад байгаа Паул дээр Есүс ирсэн (Үйлс 23:11-ийг үзнэ үү).

Аврагч Өөрийн төлөөлөгчдөд нэмж амлалтууд өгсөн.

Матай 10:18–20, Марк 16:17–18-ыг уншина уу. Аврагчийн өгсөн амлалтуудыг тодорхойлоод, тэдгээрийг хүснэгтийнхээ зүүн баганад бич.

• Эдгээр амлалт нь Есүс Христийн тухай танд юу зааж байна вэ?

Паул Христийг үргэлжлүүлэн гэрчлэв

Дараах тоймыг уншаад, та Паулынхтай адил нөхцөл байдалд орсон бол ямар санагдах байсныг тунгаан бод. Тэгээд нөхцөл байдал бүрийн дараа, бичсэн шүлгүүдийг уншаад Паулын ямар үйлдэл хийснийг мөн Их Эзэний өгсөн амлалтууд хэрхэн биелснийг хар. Биелсэн амлалтуудыг олсон бол судлах тэмдэглэл дээрх хүснэгтийнхээ баруун талд нэм.

1. Паулыг Ромын захирагчид болон хаадын өмнө шүүсэн; Үйлс 26:1–2, 22–23.

2. Паулыг Ром руу усан онгоцоор илгээжээ. Гэвч тэд аймшигт шуурганд өртөж, живэх шахав; Үйлс 27:22, 25, 41, 44.

3. Паул арал дээр ирж, тэнд хорт могойнд хазуулав; Үйлс 28:4–6.

4. Паул эцэст нь Ромд ирэв; Үйлс 28:16, 30–31.

Та эдгээр түүхийн талаар дараагийн хичээлээр илүү дэлгэрэнгүй судлах болно.

• Та ямар ямар амлалт биелэгдсэнийг олж харсан бэ?

• Яагаад Есүс Христийн амлалтаа биелүүлдэг нь танд чухал вэ?

• Аврагч Өөрийн амлалтыг биелүүлдэг гэдгийг мэдэх нь Түүний талаарх бодол санаа, Түүнийг сонсож, дагах хүсэлд тань хэрхэн нөлөөлж байна вэ?

Хэдийгээр Бурхан биднийг Түүнд үйлчлэхийг эрэлхийлэхэд урьдаг ч бидэнд өгсөн амлалтаа биелүүлэхийн өмнө Тэрээр төгс төгөлдөр байхыг биднээс шахан шаарддаггүй. Хэдийгээр Паул олон сорилттой тулгарсан (2 Коринт 11:23–27-г үзнэ үү) мөн төгс төгөлдөр байгаагүй ч (1 Тимот 1:15-ыг үзнэ үү) Бурхан Паулд өгсөн амлалтуудаа биелүүлсэн юм.

Таны амьдралд биелсэн амлалт

Тэнгэрлэг Эцэг, Есүс Христ хоёрын танд өгсөн амлалтуудын талаар бод.

Арван хоёр төлөөлөгчийн чуулгын ахлагч Дэвид А.Бэднар ийн заасан.

Тэнгэрлэг Эцэгийн хүүхдүүддээ өгдөг үнэтэй бөгөөд гайхамшигт амлалт бүрийг тоочиж, бүрэн тайлбарлах боломжгүй нь ойлгомжтой. Гэвч саяын миний хагас дутуу танилцуулсан, амлагдсан адислалууд ч гэсэн бидний хүн нэг бүрийг “гайхширч,” Есүс Христийн нэрээр “доош сөхөрч, Эцэгийг бишрэн шүтэхэд” хүргэдэг билээ.

(Дэвид А.Бэднар, “Үнэтэй бөгөөд гайхамшигт амлалтууд,” 2017 оны 10-р сарын Ерөнхий чуулган, 88.)

Дараах эх сурвалжууд нь Тэнгэрлэг Эцэг, Есүс Христ хоёрын бидэнд өгсөн амлалтуудыг агуулдаг.

• Өсвөр үеийнхний бат бөх байдлын төлөө (товхимол, 2011)

• Таны патриархын адислал (хэрэв та авсан бол)

• Мозая 18:8–10

• Моронай 4:3

• Сургаал ба Гэрээ 58:42–43

• Сургаал ба Гэрээ 68:6

• Сургаал ба Гэрээ 84:88

Эдгээр эх сурвалжаас заримыг нь сонгон судал. Амлалтуудыг тодорхойлохдоо, судлах тэмдэглэл дээрх хүснэгтийнхээ зүүн талд нэм.

• Эдгээр амлалт Аврагчийн танд хүсдэг зүйлийн талаар юу зааж байна вэ?

Тодорхойлсон амлалтынхаа жагсаалтыг үзнэ үү. Тэнгэрлэг Эцэг, Есүс Христ хоёр тэдгээр амлалтыг таны амьдралд хэрхэн биелүүлсэн байж болох талаар тунгаан бодохдоо Ариун Сүнсний нөлөөг эрэлхийл. Судлах тэмдэглэл дээрх хүснэгтийнхээ баруун баганад Тэд тэдгээр амлалтын эсвэл таны бодолд орж ирсэн аливаа амлалтын нэгийг эсвэл хэд хэдийг хэрхэн биелүүлсэн тухай богино тайлбар нэм. Жишээлбэл, Ариун Сүнсний нөлөөг мэдрэх нь ариун ёслолын залбиралд өгсөн амлалтуудын биелэлт байж болох юм (Моронай 4:3; 5:2-ыг үзнэ үү). Та мөн Тэнгэрлэг Эцэг, Есүс Христ хоёр таны таньдаг хэн нэгэнд өгсөн амлалтуудаа хэрхэн биелүүлсэн талаар бичиж болно.

Эдгээр жишээ нь Тэнгэрлэг Эцэг, Есүс Христ хоёр ирээдүйд ч амлалтуудаа биелүүлэх болно гэдэгт итгэх итгэлийг тань хэрхэн өсгөж болох талаар тунгаан бод.

Нэмэлт: Илүү ихийг судлахыг хүсэж байна уу?

Бид яагаад Их Эзэнд итгэж найдах ёстой вэ?

Далын ахлагч Стэнли Г.Эллис ийн тайлбарлажээ:

Ах, эгч нар аа, бид Түүнд итгэх итгэлтэй байж чадна! Тэр бидэнд хамгийн сайн сайхныг хүсэж байдаг (Мосе 1:39-ийг үзнэ үү). Тэр бидний залбирлуудад хариулах болно (Сургаал ба Гэрээ 112:10-ыг үзнэ үү). Тэрээр амлалтуудаа биелүүлэх болно (Сургаал ба Гэрээ 1:38-ыг үзнэ үү). Тэр амлалтуудаа биелүүлэх хүчтэй (Алма 37:16-г үзнэ үү). Тэр бүх зүйлийг мэддэг. Хамгийн чухал нь, Тэр юу хамгийн сайн болохыг мэддэг (Исаиа 55:8–9-ийг үзнэ үү).

(Стэнли Г.Эллис, “Бид Түүнд итгэдэг үү? Хүнд хэцүү зүйлс тустай байдаг,” 2017 оны 10-р сарын Ерөнхий чуулган)

Би яагаад Бурханд үйлчлэхийг эрмэлзэх ёстой вэ?

Халамжийн нийгэмлэгийн ерөнхий ерөнхийлөгч асан Илэйн Л.Жэк эгч ийн тайлбарласан:

Намайг залуухан ээж байхад, отгон хүү Гордон маань дугуйнаасаа унан, өвдгөө шалбалахаас гадна өөртөө итгэх итгэлээ алдсан юм. Би түүнд “Би дэргэд чинь байна” гэж хэлж байснаа санаж байна. Би түүнийг тэврэн, “Би дэргэд чинь байна” гэж тайтгаруулж билээ. Энэ нь бидэнтэй үргэлж хамт байдаг Их Эзэнийг санагдуулахгүй байна гэж үү? (Матай 28:20-ийг үзнэ үү). Тэр зөвхөн сүмд, бас ариун сүмд, мөн орныхоо дэргэд өвдөг сөхрөн сууж байхад байдаг юм биш. Биднийг сургаалынх нь дагуу амьдрахад Тэр “дэргэд маань” байдаг.

(Elaine L. Jack, “Ponder the Path of Thy Feet,” Liahona, Nov. 1993, 100)

Үйлс 23:11. Их Эзэн Паулын гаргасан золиос, түүнд тулгарсан бэрхшээлийг мэдэж байсан бөгөөд Түүний дэргэд байсан. Тэр миний дэргэд ч гэсэн байх уу?

Халамжийн нийгэмлэгийн ерөнхий ерөнхийлөгчийн зөвлөлийн 1-р зөвлөх Шэрон Юбанк эгч ийн заасан.

Та бол хайрлагдсан нэгэн гэдгийг би гэрчилж байна. Таныг ямар их хичээж байгааг Их Эзэн мэддэг. Та өсөж хөгжиж байгаа. Үргэлжлүүлэн үйлд. Тэрээр таны гаргасан үл харагдах бүх золиосыг хардаг ба тэдгээрийн хариуд таныг болон хайрладаг хүмүүсийг тань шагнадаг. Таны ажил дэмий хоосон өнгөрдөггүй. Та ганцаараа биш. Иммануел гэдэг нэр нь хүртэл “Бурхан бидэнтэй хамт” гэсэн утгатай билээ. Тэр үнэхээр тантай хамт байдаг.

(Шэрон Юбанк, “Христ бол харанхуйг гийгүүлэгч гэрэл,” 2019 оны 4-р сарын Ерөнхий чуулган, 87–91)

Үйлс 22–23, 26–28 дээрх үйл явдлуудыг би хэрхэн илүү сайн ойлгож болох вэ?