Суралцахуйгаа үнэлэх 5

Матай 21–26; Марк 11–14; Лук 19–21; Иохан 12–13

Young woman sitting on a bed reading scriptures.

Энэ хичээл танд Шинэ Гэрээнээс суралцах явцад тавьсан зорилго, олж авсан хувийн өсөлт хөгжлөө үнэлж дүгнэхэд туслах зорилготой.

Та юу олж мэдсэн бэ?

Шинэ Гэрээнээс суралцсанаар хамгийн сүүлд олж мэдсэн зүйлсийнхээ талаар эргэцүүлэхэд нэг хором зарцуул. Дараах зургууд танд тус болж магадгүй. Судлах тэмдэглэл дээрх сүүлийн тэмдэглэлүүдээ эргэн харах нь мөн тустай байж болно. Дараах үйл ажиллагаа нь суралцаж буй зүйлсийнхээ үр дүнд олж авсан өсөлт хөгжлөө үнэлж дүгнэхэд тань тусална.

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.

Jesus washing Peter’s feet. Outtakes show similar scenes.

The resurrected Jesus Christ (wearing white robes with a magenta sash) standing above a large gathering of clouds. Christ has His arms partially extended. The wounds in the hands of Christ are visible. Numerous angels (each blowing a trumpet) are gathered on both sides of Christ. A desert landscape is visible below the clouds. The painting depicts the Second coming of Christ. (Acts 1:11)

1. Судлах тэмдэглэл дээрээ дараах асуултуудыг эргэцүүлэн бодож, хариул.

• Есүс Христийн талаарх таны хувьд хамгийн утга учиртай болох юуг та хамгийн сүүлд олж мэдсэн бэ? Түүний талаарх энэ ойлголтод хүрэхэд танд судрын ямар түүхүүд тусалсан бэ?

• Та Есүс Христийн илүү үнэнч шавь болохын тулд ямар үйлдлүүд хийсэн бэ?

• Аврагчийн дагалдагчийн хувиар өсөж хөгжихийн тулд та дараагийн ямар алхмуудыг хийж чадах вэ?

Бурханаа хайрлах ба хөршөө хайрлах

Та Есүсийн агуу хоёр зарлиг бол Бурханаа бүх зүрх, сэтгэл, оюун ухаанаараа хайрлах болон хөршөө өөрийн адил хайрлах юм гэсэн сургаалыг саяхан судалсан ( Матай 22:36–39 -ийг үзнэ үү).

Хэрэв танд ойролцоо байгаа хэн нэгэнтэй ярилцах боломж олдвол, тэднээс дараах асуултад хариулахыг хүс. Ингэснээр та нэмэлт ойлголт олж авах боломжтой. Хэрэв та ганцаараа байгаа бол уг асуултад хэрхэн хариулахаа бодож үзнэ үү.

• Эдгээрийг яагаад агуу хоёр зарлиг хэмээн үздэг гэж та бодож байна вэ?

Та мөн Есүс шавь нарынхаа хөлийг угааж, тэднийг хэрхэн хайрласны адилаар нэг нэгнээ хайрлах шинэ зарлигийг өгсөн талаар саяхан судалсан ( Иохан 13).

Эдгээр хоёр суралцах туршлагаар танаас Аврагчийн сургаалын дагуу үйлдэж, Түүний жишээг дагах төлөвлөгөө гаргахыг хүссэн байж магадгүй.

2. Дараах асуултуудын дор хаяж хоёрт нь судлах тэмдэглэлдээ хариулж бич.

• Аврагчийн сургаалын дагуу үйлдсэн туршлага тань ямар байсан бэ?

• Та ангид өгөгдсөн урилгуудад хариулахдаа таныг болон бусдыг хайрлах Есүс Христийн хайрын талаар юу мэдэрсэн бэ?

• Та Аврагчийн сургаалын үр дүнд юуг хийхийг эсвэл юуг үргэлжлүүлэн хийхийг хүсэж байна вэ?

Есүс Христийн Хоёр дахь ирэлт

Сайн мэдээний сургаалуудыг хялбарчлах шилдэг арга нь тэдгээрийг хүүхдийн ойлгох түвшинд тайлбарлах явдал юм. Аврагчийн Хоёр дахь ирэлтийн чухал ойлголтуудыг өөрийн үгээр тайлбарлахын тулд хүүхдэд зориулан бичиж байгаа мэтээр товч дүгнэлт бич.

Таны товч дүгнэлтийн зорилго нь дараах хоёр асуултад хариулах явдал юм.

• Есүс Христийн Хоёр дахь ирэлтэд бэлтгэгдэхийн тулд бид юу хийж чадах вэ?

• Аврагчийн Хоёр дахь ирэлт яагаад сүр жавхлантай болох вэ? (Өмнөх хичээлээр та ахлагч Нийл Л. Андэрсэны, Хоёр дахь ирэлтийн эргэн тойрон дахь сүр жавхлантай үйл явдлуудыг төсөөлөн бодох, давтах урилгын талаар уншсан байж магадгүй [“Таны хаанчлал ирэх болтугай,” Ensign эсвэл 2015 оны 4-р сарын Ерөнхий чуулган, 112].)

Дараах эх сурвалжууд танд олж мэдсэн зүйлээ давтахад тусалж магадгүй.

• Иосеф Смит—Maтай 1:22–23, 28–36 , мөн таны судлах тэмдэглэл дээрх тэмдэглэлүүд

• “ Цаг хугацааны тэмдгүүд ” (Судруудын удирдамж, scriptures.ChurchofJesusChrist.org)

• “ Есүс Христийн Хоёр дахь ирэлт ” (Судруудын удирдамж)

3. Судлах тэмдэглэл дээрээ товч дүгнэлтээ бичиж тэмдэглэ. Таны товч дүгнэлт энэ үйл ажиллагааны эхэнд жагсаасан хоёр асуултад хариулт өгсөн байх ёстой.