Rebyo 19 sa Doktrinal nga Kahanas

Sag-uloha ang mga Pakisayran ug ang Mahinungdanong Hugpong sa mga Pulong sa Kasulatan

Ang paghinumdom sa mga tudling sa kasulatan ug sa unsa ang gitudlo kanila makatabang kanimo sa daghang mga paagi. Kini nga leksiyon gituyo aron matabangan ka nga masag-ulo ang pipila sa mga pakisayran sa kasulatan sa doktrinal nga kahanas sa Bag-ong Tugon ug sa mahinungdanong hugpong sa mga pulong sa kasulatan. 

Imemorya ang mga mahinungdanong hugpong sa mga pulong sa kasulatan

Unsa ang pipila sa mga paagi nga gigamit sa Manluluwas ang mga kasulatan panahon sa Iyang mortal nga kinabuhi?

Dihang ang Manluluwas gitintal ni Satanas, Siya migamit sa mga kamatuoran gikan sa mga kasulatan aron matabangan Siya nga mabuntog ang kadtong mga pagtintal (tan-awa sa Mateo 4:1–11). Siya usab migamit kanunay sa kasulatan sa Iyang pagtudlo (tan-wa sa Lucas 4:17–27; Mateo 19:4–5; Mateo 24:37–40; Marcos 12:26). Diha sa imong pagmemorya sa mga pakisayran sa doktrinal nga kahanas ug sa mga mahinungdanong hugpong sa mga pulong sa kasulatan niini nga leksiyon, ikonsiderar kon sa unsang paagi kini ngs mga tudling mahimong makatabang kanimo ug sa uban. Kon wala pa nimo markahi kini nga mga tudling sa kasulatan ug ang ilang mga mahinungdanong mga hugpong sa mga pulong diha sa imong mga kasulatan, ikonsiderar ang pagbuhat sa ingon.

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan Mga Hebreohanon 12:9	Mahinungdanon nga Hugpong sa mga Pulong sa Kasulatan Ang Dios mao “ang Amahan sa mga espiritu.”
Pakisayran sa Kasulatan Santiago 1:5–6	Mahinungdanon nga Hugpong sa mga Pulong sa Kasulatan “Kon aduna man kaninyoy nakulangan og kaalam, papangayoa siya sa Dios.”
Pakisayran sa Kasulatan Santiago 2:17–18	Mahinungdanon nga Hugpong sa mga Pulong sa Kasulatan “Ingon niini ang pagtuo: patay kini kon dili ubanan sa buhat.”
Pakisayran sa Kasulatan 1 Pedro 4:6	Mahinungdanon nga Hugpong sa mga Pulong sa Kasulatan “Ang maayong balita [gi]wali usab ngadto sa mga patay.”
Pakisayran sa Kasulatan Pinadayag 20:12	Mahinungdanon nga Hugpong sa mga Pulong sa Kasulatan “Gihukman ang mga patay … pinasikad sa ilang mga binuhatan.”

Diha sa imong journal sa pagtuon, kopyaha ang nag-unang tsart. Ang pagsulti sa mga pulong sa makusog samtang ikaw nagsulat niana mahimong makatabang kanimo nga mahinumdoman sila. Balika og sulti ang mga pakisayran ug ang mahinungdanong hugpong sa mga pulong sa kasulatan sa makusog human masulat sila.

Buhata ang bisan duha lang sa mosunod nga mga kalihokan:

Paggahin og pipila ka minuto sa pagsulay sa pagsag-ulo sa mga pakisayran sa doktrinal nga kahanas ug sa mahinungdanong hugpong sa mga pulong sa kasulatan. Dayon taboni ang mga pakisayran sa kasulatan ug sulayi pagsulti ang mga pakisayran samtang nagtan-aw lamang sa mga mahinungdanong hugpong sa mga pulong. Dayon taboni ang mahinungdanong hugpong sa mga pulong sa kasulatan ug sulayi pagsulti niini samtang nagtan-aw lamang sa mga pakisayran sa kasulatan.
Pagkigtambayayong sa kauban, ipasulti sa kauban ang usa ka pakisayran sa kasulatan sa makusog ug ang laing pares mosulti sa tukma nga mahinungdanong hugpong nga pulong sa kasulatan. Balika kini sa makadaghang higayon alang sa matag pakisayran sa doktrinal nga kahanas ug sa mahinungdanong hugpong sa pulong, nga sulayan pagsag-ulo ang mga pakisayran ug mga hugpong sa mga pulong. Dayon sulayi pagbuhat niini nga dili magtan-aw sa tsart. Dayon pagpuli-puli og mga tahas [role].
Human maggahin og pipila ka minuto sa pagmemorya sa mga pakisayran sa doktrinal nga kahanas ug sa mahinungdanong hugpong sa mga pulong sa kasulatan, sulayi pagpuno ang mga nangawala nga pulong sa mosunod nga wala makompleto nga mga pakisayran ug mahinungdanong hugpong sa mga pulong. Mahimo usab nimong gamiton ang Doctrinal Mastery nga app aron sa pagbansay sa pagpuno sa mga blanko.
- Mga Hebreo :9. Ang Diosang sa.
- 1:5–6. Konmannakulangan, papangayoasa Dios.
- Santiago 2:–. Ingon niini ang pagtuo: kini dili sa .
- 1 Pedro:6. Ang [gi] usab sa mga .
- 20:12. Gihukman mga patay … sa mga binuhatan.
Pagpili og usa sa mga tudling sa doktrinal nga kahanas ug paningkamot sa pagsag-ulo sa tibuok bersikulo o mga bersikulo. Pagsulat og ingon kadaghan sa lima ka pakisayran sa tudling sa doktrinal nga kahanas ug mahinungdanong hugpong sa mga pulong sa kasulatan kutob sa imong mahinumdoman.

Pamalandong

Pagpili og usa o duha ka mga tudling sa doktrinal nga kahanas nga imong gibuhat karong adlawa ug basaha ang tibuok tudling. Pamalandongi nganong kini nga tudling bililhon nga mahinumdoman.