1 Коринт 13

“Энэрэл хэзээ ч дуусдаггүй”

Jesus is touching the cheek of a woman who is sitting on the ground. Outtakes include the ill woman walking up to Jesus to touch his clothes and Jesus kneeling and talking to the seated woman. Jesus touching the face of a seated woman.

Есүс Христ мөнх бус амьдралынхаа өдөр бүр агуу хайрыг харуулж байсан. Тэрээр эцэст нь Өөрийн амийг бидний төлөө сайн дураараа золиослон төгс хайраа харуулсан. Төлөөлөгч Паул Христийнхтэй адил хайр, энэрлийн талаар мөн бид яагаад үүнийг олж авах ёстой болохыг дэлгэрэнгүй бичжээ. Энэ хичээл нь таныг гэсэн Есүс Христийн цэвэр ариун хайрыг мэдэрч, бусдын төлөө тэрхүү хайрыг мэдрэхийн тулд энэрлийн бэлгийг эрэлхийлэхэд танд тусална.

Суралцагч бүрд итгэх. Суралцагч бүрд хайраа харуулах нэг арга зам бол тэдний тэнгэрлэг мөн чанар, зорилгыг таньж мэдэн, итгэх явдал юм. Их Эзэний нэгэн адилаар суралцагчдыг хардаг болохын тулд залбир.

Суралцагчийн бэлтгэл: Суралцагчдыг илүү сайн харилцаатай болгохыг хүсдэг гэр бүлийн гишүүн, найз нөхөд эсвэл өөр хүмүүсийн талаар бодоход урь. Уг хүнд хайраа илүү ихээр харуулах нь хоорондын харилцаа холбоонд нь үзүүлэх нөлөөний талаар бодож үзэхийг суралцагчдаас хүс.

Боломжит суралцах үйл ажиллагаа

Бусадтай харьцах бидний харилцаа

Суралцагчдыг хичээлийн бэлтгэлээ болон дараах асуултуудыг дотроо эргэцүүлэн бодоход урь.

Илүү сайн харилцаатай болохыг хүсдэг нэг хүнийхээ талаар бод.

• Та яагаад энэ харилцааг сайжруулахыг хүсэж байна вэ?

• Та уг харилцааг сайжруулахын тулд юу хийсэн бэ? Юу нь болж байсан бэ? Юу нь болсонгүй вэ?

• Хайраа илүү ихээр харуулах нь хоорондын харилцаанд ямар нөлөө үзүүлж болно гэж та бодож байна вэ?

1 Коринт 13 -ыг судлахдаа Аврагчийн адил бусдыг хайрлах арга замуудыг сурч мэд. Сурч мэдсэн зүйлээ одоогийн нөхцөл байдалдаа ажил хэрэг болгон хэрэгжүүлэхийн тулд юу хийхээ мэдэхийн тулд Ариун Сүнсний өдөөлтийг эрэлхийл.

Есүс Христийн цэвэр ариун хайр

Төлөөлөгч Паул Коринтын Сүмийн гишүүдэд сүнслэг бэлгийн талаар заасныхаа дараа амьдрах “илүү давуу замыг” ( 1 Коринт 12:31) харуулна гэж хэлжээ. 1 Коринт 13:1–3 -ыг уншаад, энэхүү илүү давуу замыг юу болохыг олж мэд.

• Энэрэл яагаад ийм чухал болохыг ойлгоход тусалсан юуг та мэдэх вэ?

Мормоны Ном бидэнд энэрлийн ач холбогдлыг илүү сайн ойлгоход тусална. Энэхүү эртний бичвэрийн төгсгөлд Мороной өөрийн эцэг Мормоны зарим үгийг багтаажээ. Мормон энэрлийн бүрэлдэхүүн хэсгүүдийг тоймлож, юу болохыг нь тодорхойлсон ( Мороной 7:43–48 -ыг үзнэ үү).

Мороной 7:46–47 -г уншаад, энэрлийн талаар олж мэдэж болох зүйлсийг хайж ол.

Энэрэл гэж юу болохыг ойлгоход нь туслах үг, хэллэгүүдийг тэмдэглэхэд суралцагчдыг урь.

• Та эдгээр шүлгээс энэрлийн талаар ямар үнэнүүдийг мэдэж авсан бэ?

Энэрлийн тухай уншиж судалснаар олж илрүүлсэн үнэнүүдээ самбарт бичихэд суралцагчдыг урих талаар бодож үз. Тэд энэрэл бол Есүс Христийн мөнхөд үргэлжлэх цэвэр ариун хайр гэсэн үнэнийг тодорхойлж болох юм. Энэрэлтэй байх нь яагаад чухал болохыг ойлгоход нь суралцагчдад тусал. Үүнийг хийхэд нь суралцагчдад туслахын тулд дараах мэдэгдэл, үйл ажиллагааг ашиглах талаар бодож үз.

Тэргүүн зөвлөлийн ерөнхийлөгч Даллин Х.Өүкс ийн заасан.

Official Portrait of President Dallin H. Oaks taken March 2018.

Энэрэл буюу ‘Христийн цэвэр хайр’ ( Моронай 7:47) нь үйлдэл биш, харин нөхцөл байдал буюу байгаа байдал юм. Энэрлийг хөрвөлтийн үр дүн болох байнгын үйлдлээр дамжуулан олж авдаг. Энэрэл бол хэн нэгний өөрчлөлт юм.

(Dallin H. Oaks, “The Challenge to Become,” Ensign, Nov. 2000, 34) 

• Ерөнхийлөгч Өүксийн мэдэгдэл энэрлийн талаарх таны ойлголтыг хэрхэн нэмэгдүүлж байна вэ?

Шинэ Гэрээний Паул, Мормоны Номын Мормон хоёр хоёулаа энэрлийн талаар дүрслэхдээ ижил үг, хэллэг ашигласан. Тэдний үгсийг ойлгосноор бид эцсийн эцэст Есүс Христтэй хэрхэн илүү адилхан болохын тулд юу хийхээ мэдэж авах боломжтой.

Дараах үйл ажиллагааг ангиараа хийж болно эсвэл суралцагчдад үзүүлээд, бие даалган хийлгүүлж болно. Хэрэв суралцагчид энэ ажиллагааг бие даан хийж байгаа бол аль нэгэн тайлбарыг сонгон ангиараа хамтдаа дахин бичихээр в алхмыг өөрчлөх талаар бодож үз.

a. Энэрлийг хэрхэн тайлбарласан болохыг олж мэдэхийн тулд 1 Коринт 13:4–7 эсвэл Мороной 7:45 -ыг унш.

Судрын хэсгүүдээс гадна “Тайлбар ба нөхцөл байдлын талаарх мэдээлэл” хэсэг дэх ахлагч Марвин Ж.Эштоны мэдэгдлийг суралцагчдад өгөх талаар бодож үз.

б. Энэрлийг дүрсэлдэг хоёр, гурван үг, хэллэгийг сонгоод, тэдгээрийг судлах тэмдэглэлдээ бич.

в. Тайлбар бүрийн хажууд өөрийнхөө үгээр ямар утгатай болохыг нь бич. Та ашиглах боломжтой сургалтын аль ч хэрэгслийг ашиглаж болно. Жишээлбэл: удаан тэсвэрлэх эсвэл онгирч хөөрөх зэрэг нэр томьёоны тодорхойлолтыг толь бичгээс харж болно. Мөн тухайн зан чанар нь Аврагчтай адил болоход хэрхэн танд туслах талаар бич.

• Та судалсан өөр өөр тайлбараасаа Аврагчийн тухай юу сурч мэдсэн вэ?

Төгс үлгэр жишээ

Есүс Христ бол хайр энэрлийн бүх тодорхойлолтын төгс үлгэр жишээ юм. Энэрлийн талаар судлах тэмдэглэлдээ бичсэн зүйлээ ашиглан Есүс Христ тухайн арга замаар Өөрийн цэвэр ариун хайрыг харуулсан судар дээрх жишээнүүдийн талаар бод. Дараах зургууд нь судалсан үг хэллэгүүдээ Аврагчтай холбоход танд тусалж болох юм.

Христийн хэд хэдэн зургийг ангийн эргэн тойронд тавих талаар бодож үз. Зураг бүртэй энэрлийн талаарх ямар тодорхойлолт тохирохыг мөн яагаад тохирох талаар бодоход суралцагчдыг урь.

Depiction of Jesus and the woman taken in adultery. They are both kneeling and she is holding his hand. Outtakes include angry men bringing the woman and throwing her to the ground, the woman huddled on the ground, the savior kneeling beside her, Jesus lifting her up to her feet, and the savior standing with her.

Depiction of Jesus embracing Mary and Martha.

Jesus is riding a colt into Jerusalem through a great multitude of people holding tree branches. Outtakes include Jesus barely seen in a throng of people, images of the crowd, some small children, and Jesus walking through the crowd.

Jesus returns to the garden again to continue to pray and suffers great pain.

Jesus is on the cross between two malefactors, there is a crowd below that are watching. Outtakes include a sponge on a stick lifted up to Jesus by a Roman soldier, different views of the three me on the crosses, soldiers gambling and parting his clothes, Jesus walking wearing crown of thorns and covered in blood, and Caiaphas.

• Аврагч эдгээр нөхцөл байдалд хэрхэн хайр энэрлээ үзүүлсэн бэ?

• Та Аврагчийн таныг гэсэн эсвэл бусдыг гэсэн хайрыг хэрхэн өөрийн нүдээр харж байсан бэ?

• Таныг гэсэн Аврагчийн хайрын талаар бодох нь Түүний талаарх таны бодол санаанд хэрхэн нөлөөлдөг вэ?

Энэрлээр дүүрэн амьдрах

Бошиглогч Мормон энэрлийн талаарх сургаалаа хойшлуулалгүй үйлдэхэд урьсан урилгаар төгсгөсөн. Моронай 7:48 -ыг уншаад, энэ урилгыг ол.

• Энэрлийн бэлгийг хүлээн авахад юу хэрэгтэй болохыг ойлгоход танд ямар үг, хэллэг тусалж байна вэ?

Есүс Христ амьдралынхаа туршид ямар ч нөхцөлд хайр энэрэлтэй байх боломжтой гэдгийг үлгэрлэн харуулсан. Хэрэв та бүх нөхцөлд энэрлээ үзүүлэн Аврагчийн үлгэр жишээг дагасан бол энэ нь таны амьдралд ямар нөлөө үзүүлэх байсан талаар төсөөлөн бодохыг хичээ. Хичээлийн эхэнд бодсон тодорхой харилцаа холбооныхоо талаар бод. Илүү их энэрэлтэй байх нь уг харилцаа холбоог хэрхэн адислах талаар бодож үз.

Суралцагчдыг дараах асуултуудад хариулах үед өөрсдийн гаргасан сонголтоосоо буцаж шарвахгүй байхад тэднийг уриал.

• Илүү их энэрлийг харуулахын тулд та юу хийж болох вэ?

• Түүний тусламжийг хүсэж байгаагаа Тэнгэрлэг Эцэгт харуулахын тулд та юу хийх вэ?

Тэнгэрлэг Эцэг бидэнд Өөртэй нь болон Хүүтэй нь илүү адилхан болоход туслахын тулд энэрлийн бэлгээр биднийг адислахыг хүсдэг болохыг гэрчил. Түүнд хандах үед Тэнгэрлэг Эцэг бидэнд энэрлийг хөгжүүлэхэд тусална.

Тайлбар ба нөхцөл байдлын талаарх мэдээлэл

Бид бусдад энэрлээ хэрхэн харуулж болох вэ?

Арван хоёр төлөөлөгчийн чуулгын ахлагч Марвин Ж.Аштон (1915–1994) ийн заасан.

Portrait of Marvin J. Ashton.

Энэрэл нь биднийг нэг нэгэндээ эелдэг хандаж, бусдыг шүүж шүүмжлэхгүй байж, бие биеийнхээ сайн сайханд итгэн, тайван дөлгөөн байснаар ирдэг гэж болно. Энэрэл нь хэн нэгний ялгаатай зан байдал, дутагдлыг хүлээн зөвшөөрөхийг хэлдэг. Мөн сэтгэлээр унагасан хүмүүст тэвчээртэй хандаж, хэн нэгэн бидний хүссэнээр ямар нэгэн зүйлийг хийгээгүйгээс болж гомдохгүй байхыг хэлдэг. Энэрэл нь хэн нэгний сул талыг ашиглахыг эсэргүүцэж, биднийг гомдоосон хүмүүсийг уучлахад бэлэн байхыг хэлдэг. Энэрэл нь бие биеэсээ хамгийн шилдэг сайн талыг олж харахыг хэлдэг.

(Marvin J. Ashton, “The Tongue Can Be a Sharp Sword,” Ensign, May 1992, 19)

Ерөнхийлөгч Томас С.Монсон (1927–2018) Ерөнхий чуулганаар өгсөн “Charity Never Faileth” хэмээх захиасандаа энэрлийн талаар заасан (Ensign or Liahona, Nov. 2010, 122–125). Та мөн ChurchofJesusChrist.org дээрээс энэ захиасны видеог цагийн код 15:05-аас 17:22 хүртэл үзэж болох юм.

Яагаад Есүс Христийн цэвэр ариун хайр болох энэрэл хэзээ ч дуусашгүй вэ?

Арван хоёр төлөөлөгчийн чуулгын ахлагч Жэффри Р.Холланд ийн заасан.

Official Portrait of Elder Jeffrey R. Holland. Photographed January 2018.

“Жинхэнэ энэрлийг … Христийн бидний төлөөх цуцашгүй, хязгааргүй, цагаатгагч хайр цэвэр ариун, төгс төгөлдрөөр харуулсан. Энэрэл буюу бидний төлөөх Түүний цэвэр хайргүйгээр бид хэн ч биш, найдвараа алдаж, бүх эрэгтэй, эмэгтэй хүмүүн дундаас хамгийн өрөвдөлтэй нь байх болно. Үнэндээ эцсийн өдөр Түүний цэвэр хайрын адислалууд болох Цагаатгал, Амилалт, мөнх амьдрал, мөнхийн амлалтыг өөртөө эзэмшсэн хэн боловч түүнд сайн байх болно.

Амьдралд айх, бүтэлгүйтэх үе бий. Заримдаа юм санаснаар болдоггүй. Мөн эдийн засаг, бизнес эсвэл засгийн газар биднийг сэтгэлээр унагадаг. Цагаас цагт үүрд мөнхөд биднийг сэтгэлээр унагадаггүй нэг зүйл бол Христийн цэвэр хайр … юм.

(Jeffrey R. Holland, Christ and the New Covenant [1997], 336–337)

Нэмэлт суралцах үйл ажиллагаа

Юу надад үйлдэх сэдлийг төрүүлдэг вэ?

Хичээлийг эхлүүлэх өөр нэгэн арга бол хэдэн суралцагчийг өөр сэдлээр үйлдэж буй хүний жишээг жүжиглэн тоглоход урих талаар бодож үз. Ангийнхныг үйлдлийг таагаад, тухайн хүн яагаад энэ үйлдлийг сонгосон байж болох шалтгаануудыг хэлэхэд урь. Дараах нь зарим байж болох жишээнд багтаж болох юм.

• Нэгэн залуу эмэгтэй аравны нэгийн өргөлийн дугтуйгаа бишопт өгөв.

• Нэгэн залуу эрэгтэй орон гэргүй гэр бүлд хоол хүнс өгөв.

Суралцагчид дараа нь бидний үйлдлийн ард байгаа сэдэл яагаад чухал болох талаар ярилцаж болно. 

 

   

Балчир хүүхэд шиг байхаа болих

Суралцагчдыг хүүхэд байхдаа хийх дуртай байсан ч одоо сонирхохоо больсон янз бүрийн үйлдлийнхээ талаар ярилцахад урь. Бид “Их Эзэний төлөө өсдөг” ( Хиламан 3:21) бөгөөд хуучин дадал хэвшлээ Христийн цэвэр хайр болох энэрлийн нөлөөн доор хийсэн сонголтоор солих боломжтой ( Моронай 7:47 -г үзнэ үү) болохыг олж харахад нь суралцагчдад туслахын тулд 1 Коринт 13:11 дээрх Паулын үгийг ашигла.

Энэ сэдэвт тустай байх мэдэгдлүүдийг Анн К.Пингри эгчийн “To Grow Up unto the Lord” (Ensign эсвэл Liahona, May 2006, 74–76) захиаснаас харах боломжтой.