“Susiha ang Inyong Kaugalingon … Kon Kamo Nagapadayon ba sa Inyong [Hugot nga Pagtuo]”
Imahe
A woman is standing looking at her refection in the widow of a building. You can see a city street in the background.
Ang mga lider sa gingharian sa Dios kasagaran maoy gipunting sa pagsaway. Panahon sa Bag-ong Tugon, pipila sa mga miyembro sa Simbahan sa Corinto nahimong kritikal kang Pablo. Siya mitubag pinaagi sa pagdapit kanila sa pagsusi sa ilang kaugalingong koneksiyon kang Kristo. Kini nga leksiyon mahimong makatabang kanimo sa pagbuntog sa tintasyon sa pagsaway sa uban, lakip sa mga lider sa Simbahan, pinaagi sa pagsusi sa imong pagkamatinud-anon sa Ginoo.
Pagdasig og inadlaw nga pagtuon sa kasulatan. Dasiga ang inadlaw nga pagtuon sa kasulatan pinaagi sa paghatag sa mga estudyante og regular nga mga oportunidad sa pagpaambit sa ilang nakat-onan ug gibati panahon sa ilang personal nga pagtuon sa kasulatan.
Pagpangandam sa estudyante: Dapita ang mga estudyante sa paghatag og kahulugan sa kalahian tali sa pagkaanaay matinud-anong mga pangutana o mga kabalaka mahitungod sa gitudlo o nasulti sa usa ka lider sa Simbahan ug sa pagsaway nianang tawhana.
Posible nga mga Kalihokan sa Pagkat-on
Matinud-anong mga pangutana o pagsaway?
Hisgoti ang mosunod nga mga pangutana uban sa klase. Kon ang pagpangandam sa estudyante gigamit, mahimong hangyoon ang mga estudyante nga mopaambit sa ilang mga hunahuna.
Unsa ang pipila sa mga pananglitan kon sa unsang paagi nga ang mga tawo karon lagmit mahimong kritikal sa mga lider sa Simbahan?
Unsa ang kalahian taliwala sa pagkaanaay matinud-anong mga pangutana o mga kabalaka mahitungod sa gitudlo o nasulti sa usa ka lider sa Simbahan ug sa pagsaway nianang tawhana?
Tabangi ang mga estudyante nga makasabot niini nga kalahian. Ang mosunod mahimong makatabang.
Sa kinatibuk-an, ang pagsaway sa usa ka tawo nagpasabot og paghukom kanila nga negatibo, gipunting ang ilang mga sayop o kasaypanan. Sa mga kasulatan, ang pagsaway mahimong nagpasabot nga pagsulti og daotan o pagbagulbol batok sa usa ka tawo.
Mahimong moila sa mga sayop o mga kahuyang sa uban nga dili magpakakritikal. Kita magpakakritkal kon kita magsulti o magsulat mahitungod sa uban sa paghukom o sa negatibo nga paagi.
Nganong importante man nga mabuntog ang tintasyon sa pagsaway sa uban, lakip sa mga lider sa Simbahan?
Sa imong pagtuon sa 2 Mga Taga-Corinto 13 , pangita unsaon nato paglikay sa pagkakritikal, ilabi na niadtong gitawag sa Ginoo aron mangulo sa Iyang Simbahan.
Basaha ang 2 Mga Taga-Corinto 13:3 , nga mangita kon unsay gipangita nga pruweba sa mga miyembro sa Simbahan sa Corinto ngadto kang Pablo. Ang pagpamugos niining mga tawhana nga makakita sa pruweba nga si Pablo tinuod nga nagsulti alang kang Kristo mahimong dugang nga ebidensiya nga ang mga tawo dayag nga nagsaway kaniya. Basaha ang mosunod nga pamahayag ni Presidente Henry B. Eyring sa Unang Kapangulohan, nga mangita kon sa unsang paagi nga ang pagsaway sa atong mga lider makaapekto kanato.
Imahe
Official Portrait of President Henry B. Eyring taken March 2018.
Si Presidente George Q. Cannon mihatag og usa ka pasidaan nga akong ipasa kaninyo isip akong kaugalingon. Nagtuo ko nga nagsulti siya sa tinuod:: “… Walay tawo … ang makasulti og daotan sa dinihogan sa Ginoo ug mangita og sayop sa awtoridad sa Dios dinhi sa yuta nga dili modapit sa Iyang kasuko. Ang Balaang Espiritu mopalayo sa ingon niana nga tawo, ug siya moadto sa kangitngit. Agig resulta niini, wala ba ninyo makita kon nganong importante nga kita kinahanglan mag-amping?”
Ikonsiderar ang mosunod nga mga asoy sa kasulatan ug ang kalahian nga ilang gihulagway tali sa pagbansay sa hugot nga pagtuo ug pagkakritikal:
Juan 6:60, 66–69 . Itandi ang tubag ni Pedro sa mga pagtulun-an sa Manluluwas ngadto sa reaksiyon sa daghan sa ubang mga disipulo.
Numeros 14:2, 6–9, 35–38 . Itandi ang mga pulong ug mga buhat nila Josue ug Caleb ngadto sa mga pulong ug buhat sa kadtong hinungdan sa pagbagulbol sa mga Israelita batok kang Moises ug sa Ginoo.
Dugang pa sa unsa ang natun-an sa mga estudyante sa 2 Mga Taga-Corinto, sila mahimo usab magtuon sa usa o daghan pa niining mga asoy. Dayon mahimo silang mopaambit unsa ang ilang nakat-onan mahitungod sa mga sangpotanan sa pagsaway sa Ginoo o sa Iyang mga sulugoon. Sa pagpangandam sa pagtudlo niini nga leksiyon, paggahin og panahon sa pagtuon sa konteksto niining mga asoy aron maandam sa pagtubag sa mga pangutana nga lagmit aduna ang mga estudyante.
Ang mga estudyante mahimong maghisgot sa mosunod nga mga pangutana nga magkapares o diha sa ginagmayng grupo.
Unsa ang gitudlo niini nga asoy mahitungod sa kalahian tali sa pagkakritikal itandi sa pagbansay sa hugot nga pagtuo ug mahitungod sa mga sangpotanan sa matag usa?
Ngano sa imong hunahuna ang Espiritu mobiya kon ang mga tawo “ nagsulti og daotan” o “nangitag sayop” sa kadtong gitawag sa Ginoo nga mangulo sa Iyang Simbahan?
Unsa ang pipila sa mga paagi nga kita makalihok uban sa hugot nga pagtuo kon kita anaay mga pangutana mahitungod sa unsa ang gitudlo sa lider sa Simbahan o wala mahiuyon sa usa ka butang nga gitudlo sa lider sa Simbahan?
Paglikay sa pagsaway
Basaha ang 2 Mga Taga-Corinto 13:5–6 , nga mangita sa tambag nga gihatag ni Pablo ngadto sa mga Santos nga taga-Corinto kinsa mikwestiyon kon ang Ginoo nagsulti ba pinaagi kaniya. Mahimong makatabang ang pagkahibalo nga ang napakyas mao ang usa ka tawo nga dili takos o wala nakapasar sa pasulit.
Base sa gitudlo ni Pablo, humna ang mosunod nga pamayahag: Kaysa manaway sa mga lider sa Simbahan, kita kinahanglan …
Tugoti ang mga estudyante nga mogamit sa ilang kaugalingong mga pulong aron sa pagdiskobre sa kamatuoran nga susama sa mosunod:
Kaysa manaway sa mga lider sa Simbahan, kita kinahanglan magsusi sa atong pagkamatinud-anon ngadto sa Ginoo.
Si Presidente Eyring nagsulti sa mosunod mahitungod sa atong kinaiya ngadto sa kadtong gitawag sa Ginoo aron moalagad. Pangita giunsa sa iyang mga pulong pagpalig-on unsa ang gitudlo ni Pablo sa 2 Mga taga-Corinto 13:3, 5 :
Imahe
Official Portrait of President Henry B. Eyring taken March 2018.
Gikinahanglan ang hugot nga pagtuo nga nakaila kaayo [si Jesukristo] sa mga tawo nga iyang gitawag, ang ilang mga kapasidad ug potensiyal, ug mao nga dili masayop ang Iyang mga pagtawag.
Kana makapayam-id o makapalingolingo sa pipila nga ania dinhi nga naminaw—nagtuo nga basin ang ilang kaugalingong tawag sa pagserbisyo sayop ingon man kadtong dili makatuo nga aduna silay kapabilidad sa dapit sa gingharian sa Ginoo. Ang akong tambag ngadto sa duha ka grupo mao nga idilatar ang mga paghukom hangtod nga mas makita ninyo og maayo unsa ang nakita sa Ginoo. Ang paghukom nga kinahanglan ninyong himoon, mao nga kamo adunay kapasidad sa pagdawat og pagpadayag ug sa paglihok niini nga walay kahadlok.
Sa unsang paagi nga ang tambag ni Presidente Eyring makatabang kanato kon kita gitintal nga mohukom o mosaway sa mga napiling mga lider?
Sa unsang paagi nga ang pagsusi sa atong pagkamatinud-anon kang Jesukristo makatabang kanato sa dili pagsulti og daotan o paghukom sa uban?
Susiha ang Imong Kaugalingon
Kon kita giinterbyo alang sa rekomend sa templo, kita gipangutana kon ato bang paluyohan ang mga lider sa Simbahan. Si Presidente Eyring nagsugyot og pipila ka mga pangutana nga mahimong makatabang kanato nga maandam sa pagtubag niini. Tinguhaa ang giya sa Balaang Espiritu samtang pamalandongan nimo kini nga mga pangutana.
Ikonsiderar ang pagpakita sa mosunod nga mga pamahayag ug dapita ang mga estudyante sa pagpamalandong sa ilang mga tubag o isulat kini sa ilang journal sa pagtuon.
Imahe
Official Portrait of President Henry B. Eyring taken March 2018.
Mahimong gihangyo kamo, o hangyoon pa, kon kamo mopaluyo ba sa inyong bishop, presidente sa stake, ug sa Kinatibuk-ang mga Opisyales sa Simbahan. …
… Mahimo kang maandam pinaagi sa pagpangutana sa inyong kaugalingon og sama sa mosunod:
1. Naghunahuna ba ako o namulong kabahin sa kahuyang nga naa sa mga tawo nga ako misaad sa pagpaluyo?
2. Nangita ba ko og ebidensiya nga ang Ginoo migiya kanila?
3. Nagmakugihon ba ko ug nagmaunongon nga misunod sa ilang pagpangulo?
4. Namulong ba ko kabahin sa ebidensiya nga akong makita nga sila mga sulugoon sa Dios?
5. Nag-ampo ba ko alang kanila sa regular nga paagi pinaagi sa ngalan ug uban sa pagbati og gugma?
Kadto nga mga pangutana, alang sa kadaghanan nato, mosangpot og mga kahasol ug panginahanglan sa paghinulsol.
Kon kining mga pangutana “nagdala kanato sa pipila ka pagkabalaka,” pag-ampo ug pagsulat mahitungod sa unsa ang imong mabuhat aron maghinulsol ug magbag-o.
Pagpamatuod sa Manluluwas, sa Iyang piniling mga tigdumala, ug sa espirituwal nga pagkaluwas nga naggikan sa pagsusi sa atong kaugalingon kaysa pagsaway sa uban.
Komentaryo ug Background nga Impormasyon
Unsa ang peligro sa pagkakritikal ngadto sa kadtong gitawag sa Ginoo?
Si Propeta Joseph Smith (1805–44) mitudlo:
Imahe
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
[Kon ang usa ka tawo] mibarog aron paghukom sa uban, nangitag sayop diha sa Simbahan, moingon nga sila anaa sa dili maayong dalan, samtang siya sa iyang kaugalingon maoy matarong, nan hibaloi pag-ayo, nga kanang tawhana nagpaingon sa dalan sa apostasiya; ug kon siya dili maghinulsol, mobiya sa kamatuoran, ingon nga ang Dios buhi.
(Mga Pagtulun-an sa mga Presidente sa Simbahan: Joseph Smith [2007], 384)
Maayo ba kini nga adunay mga pangutana?
Si Presidente Dieter F. Uchtdorf nga kaniadto sakop sa Unang Kapangulohan, mitudlo:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Husto ra ba nga adunay mga pangutana mahitungod sa Simbahan o sa mga doktrina niini? Akong minahal nga batan-ong mga higala, kita usa ka tigpangutana nga mga katawhan tungod kay nasayod kita nga ang pagpangutana modala ngadto sa kamatuoran. …
Ang uban tingali mobati og kaulaw o nga dili takos tungod kay aduna silay seryuso nga mga pangutana mahitungod sa ebanghelyo, apan dili sila kinahanglan nga mobati sa ingon. Ang pagpangutana dili timailhan sa kahuyang; usa kini ka mag-una sa paglambo. …
Ayaw kahadlok; pangutana. Pagmahimong kuryoso, apan ayaw pagduha-duha! Kanunay nga maghupot og maayo sa hugot nga pagtuo ug sa kahayag nga inyo nang nadawat. Tungod kay kita nakakita sa dili hingpit sa mortalidad. Dili tanan mahimong mahinungdanon sa pagkakaron.
(Dieter F. Uchtdorf, “The Reflection in the Water” [Church Educational System fireside alang sa young adults, Nob. 1, 2009], broadcasts.ChurchofJesusChrist.org)
Ang mga propeta ba dili masayop?
Si Sheri Dew, kanhi Magtatambag sa Kinatibuk-ang Kapangulohan sa Relief Society, miingon:
Imahe
Portrait of Sheri L. Dew, 2001.
Pipila sa mga tawo masangit sa pangutana: Apan, ang mga propeta, mga manalagna, ug mga tigpadayag dili ba masayop? Kana mao ang sayop nga pangutana. Ang mas maayo mao ang, Kinsa man gayod ang mga propeta? Sila ang gi-orden nga mga tighupot sa yawe sa pagkapari nga awtorisado sa gahom sa Ginoo nga maapud-apod sa tibuok kalibotan. Sila mahimong dili hingpit. Apan sila mao ang labing hingpit nga dinasig nga mga lider sa kalibotan, ug ilang motibo putli gayod kaayo—aron makatabang kanato nga makita ang atong dalan pauli pinaagi sa pagpunting kanato kang Jesukristo.
2 Mga Taga-Corinto 13:5 . “Susiha ang inyong kaugalingon … kon kamo nagapadayon ba sa inyong [hugot nga pagtuo]”
Mahimong gamiton kini ubos sa ulohan nga “Paglikay sa pagsaway” sa leksiyon.
Sila si Ezra Booth ug Edward Partridge miuban sa mga elder kinsa mibiyahe paingon sa Missouri kauban si Propeta Joseph Smith sa ting-init sa 1831. Dapita ang mga estudyante nga mobasa sa “Facing Disappointment—We Always Have a Choice [Pag-atubang og Mga Kasagmuyo—Kita Kanunay Nga Adunay Kapilian]” ni Mathhew C. Godfrey, anaa sa ChurchofJesusChrist.org. Hangyoa ang mga estudyante sa pagtandi sa mga reaksiyon nila ni Ezra ug Edward kon sila nahiatubang og kasagmuyo.
Tabangi ang mga estudyante sa pag-ila giunsa ni Edward pagsusi ang iyang kaugalingon, pagkakita og luna alang sa paglambo, ug paghinulsol, samtang si Ezra nagpadayon sa pagsaway sa Propeta ug nawagtangan sa iyang hugot nga pagtuo.
