Two young men standing on a door step collecting fast offerings from an elderly woman.
Si Jesukristo nagpakabana pag-ayo sa tanang anak sa Langitnong Amahan ug nagdapit kanato sa pagsalmot Kaniya sa paghatag alang sa mga kabos ug nanginahanglan. Gidapit ni Pablo ang mga Santos nga Taga-Corinto nga mosunod sa ehemplo sa Manluluwas pinaagi sa pagsakripisyo sa ilang mga kabtangan alang sa pag-atiman sa mga kabos. Kini nga leksiyon makatabang kanimo nga mosunod sa ehemplo ni Jesukristo pinaagi sa pagpaambit unsa ang anaa kanimo ngadto sa mga nagkinahanglan.
Pagmugna og malinawon nga palibot sa pagkat-on. Sulayi pagtangtang ang mga makabalda nga makapakgang sa pagtuon ug pagpamalandong sa mga kasulatan. Si Presidente Boyd K. Packer (1924–2015), sa Korum sa Napulog Duha ka Apostoles, mitudlo nga ang “inspirasyon moabot dayon sa malinawon nga mga kahimtangn” ug nga ang “ligdong nga pagtahod magdapit og pagpadayag” (“Reverence Invites Revelation,” Ensign, Nob. 1991, 21–22).
Pagpangandam sa estudyante: Dapita ang mga estudyante sa pagtan-aw sa mga butang nga nalista diha sa usa ka Ikapulo ug Ubang mga Paghalad nga porma ug sa pag-andam sa pagpaambit unsa ang pasabot sa nagkalainlaing nakalinya nga mga aytem. Mahimo usab silang mangutana og bisan unsang mga pangutana nga anaa sila mahitungod niini nga porma.
Posible nga mga Kalihokan sa Pagkat-on
Usa ka dako nga hagit
Mahimong ipakita ang mosunod nga dili kompleto nga pamahayag ug dapiton ang mga estudyante sa pagpaambit og mga hagit nga mahimong masulat sa blanko. Dayega ang mga estudyante sa mga tubag nga ilang gihatag, bisan kon dili kini mao ang gigamit ni Elder Holland niini nga pamahayag.
Si Elder Jeffrey R. Holland sa Korum sa Napulog Duha ka Apostoles naghisgot kabahin sa usa ka dako nga hagit. Paghunahuna og pipila ka mga hagit nga mahimong tukma nga masulat sa blanko sa mosunod nga kinutlo.
Imahe
Official Portrait of Elder Jeffrey R. Holland. Photographed January 2018.
Sa tibuok kasaysayan, ang__________ usa sa kinadak-ang hagit sa tawhanong kaliwat. Tataw nga ang pag-antos kasagaran sa pisikal, apan ang espiritwal ug emosyonal nga kadaot nga dala niini tingali mas grabe pa.
Ang hagit nga gipasabot ni Elder Holland mao ang “kakabos,” diin mao ang kondisyon sa pagkaanaay gamay o walay salapi, mga butang, o mga pangsuporta. Ang pulong nga kakabos mahimo usab magpasabot sa kakulang sa unsa ang atong gikinahanglan sa daghang mga bahin sa atong kinabuhi, lakip ang pisikal, emosyonal, sosyal, o espirituwal nga mga bahin.
Unsa ang pipila sa mga hagit nga giatubang sa kadtong adunay mas dyutay kaysa sa ubang mga tawo?
Sa unsang paagi lagmit kining mga hagit makaapekto sa usa ka tawo sa emosyonal ug espirituwal ingon man usab sa pisikal?
Sa imong pagtuon karon, pagpakabana sa mga hunahuna ug mga pagbati nga lagmit ipadala kanimo sa Langitnong Amahan pinaagi sa Espiritu Santo mahitungod sa unsaon Niya paggamit nimo aron matabangan ang ubang nagkinahanglan.
Sama sa narekord sa 2 Mga Taga-Corinto 8:1–8 , si Apostol Pablo nagdapit sa mga Santos nga Taga-Corinto sa pagsunod sa ehemplo sa mga miyembro sa Simbahan sa Macedonia kinsa naghatag nga madagayaon aron sa pag-atiman alang sa mga kabos. Siya dayon nagtala og daghang importanteng mga pagtulun-an mahitungod sa pag-atiman alang sa mga kabos sa paagi sa Manluluwas
Ang ehemplo ni Jesukristo
Si Pablo nagpaambit sa ehemplo sa Manluluwas aron pagdasig kanato sa paghatag sa mga panginahanglan sa uban agi sa sinsero nga paghigugma.
Basaha ang 2 Mga Taga-Corinto 8:9 , nga mangita sa ehemplo ni Jesukristo sa maloloy-ong paghatag alang kanato.
Unsa sa imong hunahuna ang pasabot ni Pablo dihang iyang gisulat nga si Jesus nahimong kabos aron kita mahimong dato?
Usa ka kamatuoran nga atong makat-onan gikan sa sulat ni Pablo mao nga samtang makasabot kita sa tanan nga gibuhat sa Manluluwas alang kanato, mas andam kita nga mohatag ngadto sa uban.
Ang kaimportante sa pag-atiman sa mga nagkinahanglan gitudlo sa tibuok kasulatan, lakip na sa Basahon ni Mormon. Basaha ang mosunod nga mga pagtulun-an ni Pablo, kauban ang mga tudling sa Basahon ni Mormon, nga mangita unsa ang gitudlo niining mga tudling mahitungod sa pag-atiman sa uban. Mahimong ikonektar ang mga tudling.
Kini mahimong maayong higayon sa pagpahinumdom sa mga estudyante mahitungod sa kahanas sa pagtuon sa kasulatan sa pag-konek sa mga bersikulo.
Mahimong dapiton ang mga estudyante sa pagtuon sa mosunod nga mga tudling sa ginagmayng mga grupo, nga ang matag estudyante magtuon og usa ka lahi nga bahin ug ireport ang unsa ang ilang nakat-onan ngadto sa grupo.
Unsa sa imong hunahuna ang lagmit buot sa Ginoo nga atong buhaton karon aron mapuy-an ang gitudlo sa matag tudling niining kasulatan?
Si Elder Dale G. Renlund sa Korum sa Napulog Duha ka Apostoles mipasabot giunsa nga ang pagkamanggihatagon sa Langitnong Amahan ug ni Jesukristo mahimong makapabag-o kanato.
Imahe
Official Portrait of Elder Jeffrey R. Holland. Photographed January 2018.
Matag usa kanato nakadawat og mga gasa diin kita mismo dili makahatag, mga gasa nga gikan sa atong Langitnong Amahan ug sa Iyang Hinigugmang Anak, lakip ang pagtubos pinaagi sa maulaon nga pagsakripisyo ni Jesukristo. Nakadawat kita og kinabuhi niini nga kalibotan; makadawat kita og pisikal nga kinabuhi human dinhi, ug mahangtorong kaluwasan ug kahimayaan—kon kita mopili niini—tanan tungod sa Langitnong Amahan ug ni Jesukristo.
Sa matag higayon nga kita mogamit, makabenepisyo, o gani sa paghunahuna niini nga mga gasa, angay nga hunahunaon nato ang sakripisyo, kamanggihatagon, ug kamanggiloy-on sa mga tighatag. Ang pagtahod sa mga tighatag makahimo og daghan kay sa paghimo natong mapasalamaton. Ang pagpamalandong sa Ilang mga gasa makahimo ug kinahanglang makausab kanato.
Sa unsang paagi nga ang pagpamalandong sa pagkamanggihatagon sa Langitnong Amahan ug ni Jesukristo makapabag-o kanato?
Pag-atiman alang sa kabos sa atong panahon
Si Presidente Russell M. Nelson naghulagway og duha sa daghang mga paagi nga ang Manluluwas migamit sa Iyang gipahiuli nga Simbahan aron pag-atiman alang sa mga kabos sa tibuok kalibotan sa atong panahon. Basaha ang mosunod nga pamahayag o mahimo nimong tan-awon ang “Ang Ikaduhang Dako nga Sugo” (time code 6:15 hangtod 8:51), anaa sa ChurchofJesusChrist.org.
Imahe
Official Portrait of Elder Jeffrey R. Holland. Photographed January 2018.
Ang Latter-day Saint Charities nakahatag og kapin sa duha ka bilyon ka dolyar nga tabang para sa mga nanginahanglan sa tibuok kalibotan. Kini nga tabang gihalad ngadto sa mga nagkinahanglan bisan unsay ilang relihiyon, nasyonalidad, kaliwat, sekswal nga oryentasyon, kinatawhan [gender] o politikanhong opinyon.
Dili kay kana lang. Aron makatabang sa mga miyembro sa Simbahan sa Ginoo nga anaa sa kalisod, gihigugma nato ug gisunod ang karaang balaod sa pagpuasa [tan-awa ang Isaiah 58:3–12 ]. Nagpagutom kita aron makatabang sa uban nga gigutom. Usa ka adlaw matag bulan, dili kita mokaon ug idonar ang kantidad niana nga pagkaon (ug sobra pa) aron itabang sa nanginahanglan.
Mahimong ipatan-aw ang mga pananglitan nga bidyo sa “Komentaryo ug Background nga Impormasyon” nga bahin sa leksiyon sa mga proyekto nga gihimong posible ni Jesukristo pinaagi sa mga donasyon sa Iyang Simbahan.
Usab, mahimong ipaila sa mga estudyante ang website nga latterdaysaintcharities.org ug hatagan sila og oras aron pagsuhid niini sulod sa pipila ka minuto sa klase.
Unsa ang labing mahinungdanon kaninyo gikan sa pamahayag ni Presidente Nelson?
Unsaon nimo pagpasabot sa puasa ug mga halad sa puasa ngadto sa usa ka tawo nga wala masayod niini?
Mahimong ipakita ang usa ka Ikapulo ug Ubang mga Paghalad nga porma ug dapita ang mga estudyante nga nakakompleto sa pagpangandam sa estudyante aron mopaambit og lainlaing mga paagi nga ang Manluluwas naghatag alang sa kabos pinaagi sa atong mga donasyon nga salapi.
Sa dili pa ang mga estudyante mopaambit og mga tubag sa mosunod nga mga pangutana, ipasabot nga ang pag-atiman alang sa kabos dili kanunay naglakip og salapi.
Agig dugang sa paghatag og mga donasyon nga salapi ngadto sa Simbahan, unsa ang laing mga paagi nga kita mahimong makatabang sa Ginoo sa pag-atiman sa kadtong mga nanginahanglan? Kinsa ang maayong ehemplo kanimo niini nga baroganan?
Unsay buot ipabuhat sa Dios kanimo?
Si Elder Jeffrey R. Holland sa Korum sa Napulog Duha ka Apostoles mipasabot sa atong pagkinahanglan sa pagpangayo og giya sa Dios diha sa pagtabang niadtong nagpalibot kanato.
Imahe
Official Portrait of Elder Jeffrey R. Holland. Photographed January 2018.
Wala gyod ko masayod unsaon sa matag usa ninyo ang pagtuman sa inyong obligasyon ngadto sa dili o wala makatabang kanunay sa ilang mga kaugalingon. Apan nasayod ko nga nahibalo ang Dios, ug Siya motabang ug mogiya kaninyo sa inyong manggiloy-ong mga buhat sa pagkadisipulo kon mahunahunaon ug mainampoon ug mangita kamo og paagi sa pagsunod sa sugo nga balik-balik Niyang gihatag kanato.
Mahimong mopaambit og usa ka personal nga istorya mahitungod sa giunsa sa Dios paggamit sa Iyang mga anak alang sa pag-alagad sa kadtong mga nanginahanglan.
Paghimo og usa ka plano sa pagbuhat sa mga hunahuna ug mga pagbati nga nadawat nimo karon aron matabangan ang kadtong anaa sa imong palibot. Kon ikaw dili segurado kinsa ang gusto sa Langitnong Amahan nga tabangan nimo o unsaon sila pagtabang, pag-ampo alang sa giya ug pangita og mga kahigayonan aron mag-alagad sa kadtong nagpalibot nimo, lakip ang mga miyembro sa imong kaugalingong pamilya. Ang Dios motubag sa imong mga pag-ampo sa Iyang kaugalingong paagi ug panahon.
Komentaryo ug Background nga Impormasyon
Sa unsang paagi nga ang mga donasyon sa Simbahan sa Manluluwas gigamit aron paghupay sa kakabos karon?
Sa unsang paagi ako makatabang sa kadtong nagpalibot kanako sa mga paagi gawas sa paghatag og salapi?
Si Sister Bonnie L. Oscarson, kanhi Kinatibuk-ang Presidente sa Young Women, mipaambit og usa sa daghang mga ideya:
Imahe
Official portrait of Bonnie Lee Green Oscarson, Young Women general president, 2013. Sustained at the April 2013 general conference.
Akong batan-ong mga higala, makagarantiya ko nga sa kanunay adunay tawo sa kada miting sa Simbahan nga imong tambongan kinsa magul-anon, kinsa nagsagubang og mga hagit ug nagkinahanglan og usa ka higala, o kinsa mibati nga siya wala maapil. Aduna kay importanteng butang nga mahatag sa matag miting o kalihokan, ug ang Ginoo nagtinguha nga mangita ka diha sa imong mga higala ug dayon mangalagad sama sa Iyang gibuhat.
Half-length frontal portrait of the Prophet Joseph Smith, Jr. Joseph’s head is turned to the side in a three-quarter view, right hand on hip and his left hand holds sheets of papers. He is depicted wearing a dark brown suit and a white shirt and tie.
Ang [usa ka miyembro sa Simbahan] magpakaon sa gigutom, mosinina sa hubo, mosangkap sa biyuda, mopahid sa luha sa ilo [walay ginikanan], mohupay sa masakiton, maanaa dinhi sa simbahan, o bisan asa, o bisan sa walay simbahan, bisan asa siya makakaplag kanila.
(Mga Pagtulun-an sa mga Presidente sa Simbahan: Joseph Smith [2007], 516)
Dugang nga mga Kalihokan sa Pagkat-on
Lokal nga mga lider sa Simbahan
Mahimong dapiton ang usa ka lokal nga bishop o pangulo sa Relief Society aron mopaambit sa mga estudyante giunsa paggamit sa mga pundo sa halad sa puasa sa Manluluwas sa pagpanalangin niadtong mga nanginahanglan.
Ipakita unsaon pagdonar [donate] og salapi
Mahimong ipakita ang usa ka Ikapulo ug Ubang mga Paghalad nga porma ug sobre ug dapita ang usa ka estudyante sa pagpasabot asa makita ang mga islip, unsaon pagsulat niini, ug kinsa ang hatagan sa ilang mga donasyon. Mahimo usab nga tabangan ang mga estudyante nga makasabot unsaon paghatag sa online diha sa donations.ChurchofJesusChrist.org.
Ang pag-atiman niadtong nanginahanglan usa ka bahin sa buhat sa kaluwasan ug kahimayaan
Tan-awa ngadto sa bahin 1.2.2 sa Kinatibuk-ang Tamdanan nga Basahon, ug hisgoti nganong ang pag-atiman sa kadtong nanginahanglan kabahin sa buhat sa kaluwasan ug kahimayaan. Mahimo kang mangutana og susama sa “Ngano sa inyong hunahuna kita kinahanglan moatiman sa kadtong nanginahanglan kon kita luwason ug himayaon? Sa unsang paagi sa inyong hunahuna nga ang pag-atiman sa kadtong nanginahanglan makatabang sa pagtangtang sa mga babag sa ilang espirituhanong paglambo?”
