Mund të jetë sfiduese të dimë nëse jemi penduar plotësisht. A ke pasur ndonjëherë vështirësi të kuptosh nëse je penduar plotësisht për diçka apo jo? Në letrën e tij të parë drejtuar korintasve, Apostulli Pal i qortoi disa nga shenjtorët korintas për mëkatimin nga ana e tyre. Për gëzimin dhe kënaqësinë e tij, Pali mori më pas lajmin që shenjtorët korintas kishin përjetuar pendim të vërtetë. Ky mësim mund të të ndihmojë të kuptosh një përbërës të rëndësishëm të pendimit të vërtetë dhe të ndihmon të vish më pranë Jezu Krishtit.
Përgatitja e nxënësve: Ftojini nxënësit të mendojnë për mënyrën se si ata mund të dinë nëse kanë përjetuar pendim të vërtetë. Ata mund të ftohen gjithashtu të studiojnë pjesën “Trishtimi sipas Perëndisë çon drejt pendimit” nga përvijimi Eja më Ndiq (“11–17 Shtator. 2 Korintasve 1–7: ‘Paqtohuni me Perëndinë’”, Eja, Më Ndiq – Për Individët dhe Familjet: Dhiata e Re 2023).
Veprimtari të Mundshme të të Mësuarit
Pikëllimi sipas Perëndisë
Situata vijuese mund të lexohet me zë të lartë dhe të diskutohet si klasë. Gjithashtu, ajo mund të shtypet dhe t’u jepet nxënësve për ta lexuar dhe diskutuar në dyshe ose grupe të vogla.
Lexoje situatën vijuese.Në një intervistë për rekomandim tempulli për martesë, një e re i rrëfen peshkopit të saj disa mëkate të së kaluarës. Pas një diskutimi të mëtejshëm, peshkopi arrin të kuptojë se e reja nuk është penduar me të vërtetë për mëkatet e saj dhe se mëkatet e saj janë mjaft të rënda, duke e bërë të padenjë për një rekomandim tempulli. Peshkopi shpjegon se e reja do të duhet të presë për ta marrë rekomandimin derisa ajo të pendohet plotësisht. Atë e zë paniku, duke pretenduar se është penduar ngaqë nuk i ka përsëritur asnjë nga ato mëkate për një kohë të gjatë. Peshkopi shpjegon se thjesht ndalimi i të bërit mëkat nuk është një pendim i plotë dhe ai e fton atë që ta fillojë sinqerisht procesin e pendimit të vërtetë.
E reja i shpjegon peshkopit të saj se ajo është tepër e mërzitur ngaqë i ka njoftuar tashmë njerëzit e tjerë për martesën dhe ka bërë planet e dasmës. Ajo është e shqetësuar për sikletin e vonesës së planeve të saj për martesën dhe se si do t’i tregojë të fejuarit dhe prindërve të saj. Ajo pyet nëse ka ndonjë mënyrë që ajo të vazhdojë përpara me martesën siç është planifikuar dhe të vazhdojë të kalojë përmes procesit të pendimit më vonë.
Bazuar në përgjigjen e së resë ndaj peshkopit, për çfarë duket më shumë e shqetësuar ajo?
Përse mundet që përqendrimi i saj t’ia bëjë të vështirë të pendohet plotësisht?
Përsiat se çfarë nuk kupton plotësisht kjo e re rreth pendimit. Ndërsa e vazhdon këtë mësim, kërko një parim që do ta ndihmonte këtë të re. Përsiat gjithashtu nëse ky parim të duhet në pendimin tënd vetjak.
Pikëllimi sipas Perëndisë
Një nga qëllimet që Pali e shkroi letrën e tij të mëparshme drejtuar korintasve ishte të nxiste individë të caktuar që të pendoheshin. Në letrën e tij pasuese, Pali i përgëzoi ata që i korrigjoi për pendimin e tyre të sinqertë dhe u mësoi për një pjesë thelbësore të pendimit.
Lexo te 2 Korintasve 7:8–11 , duke kërkuar idetë që jep Pali për pendimin, të cilat mund ta ndihmojnë të renë në këtë situatë.
Për ide nga Libri i Mormonit rreth pikëllimit sipas Perëndisë, lexo vargjet tek Alma 36:12–13 ; 42:29 .
Çfarë idesh fitove që do të ishin të dobishme për të renë në situatë?
Si do të ishin ato mësime të dobishme për ty?
Një e vërtetë që mund të kesh zbuluar është se pikëllimi sipas Perëndisë çon në pendim të sinqertë.
Çfarë lloj pikëllimi tjetër përmendi Pali te vargu 10 ?
Çfarë vure re në këtë situatë që sugjeron atë lloj pikëllimi që e reja po ndiente?
Krijo dy kolona në ditarin tënd të studimit duke vizatuar një vijë deri në mes të një faqeje. Shkruaj Pikëllimi sipas Perëndisë në krye të njërës kolonë dhe Pikëllimi sipas Botës në krye të kolonës tjetër.
Shtoji mendimet e tua për pyetjet vijuese nën secilin titull.
Çfarë na mëson Pali te vargjet 8–10 rreth ndryshimit ndërmjet pikëllimit sipas Perëndisë dhe sipas botës?
Si mendon, çfarë ndryshimesh të tjera ka ndërmjet dy llojeve të pikëllimit?
Lexo thëniet vijuese dhe kërko ide të tjera për pikëllimin sipas Perëndisë dhe pikëllimin sipas botës. Shtoji këto ide në tabelën tënde.
Merreni parasysh t’i paraqitni citimet vijuese që nxënësit t’i lexojnë ose ndajeni klasën në dyshe dhe jepini çdo dysheje një grup me citime. Secili prej tyre mund të lexojë dhe shenjojë një citim, më pas ta shkëmbejë me shokun ose shoqen e vet, ta lexojë citimin e dytë dhe të shohë atë që shoku apo shoqja shenjoi.
Plaku Nil L. Andersen, i Kuorumit të Dymbëdhjetë Apostujve, dha këtë përkufizim për pikëllimin sipas Perëndisë:
Pamja
Official portrait of Elder Neil L. Andersen of the Quorum of the Twelve Apostles, 2010, August.
“[Pikëllimi sipas Perëndisë do të thotë] të ndiesh trishtim të thellë dhe brejtje të ndërgjegjes për sjelljen që ia shtoi dhimbjen dhe vuajtjen Shpëtimtarit, ndërsa shpirti ynë largon çdo mohim ose shfajësim. …
Mbase zgjimi më i madh i kësaj jete në kauzën për t’u bërë një bir ose bijë e Perëndisë me ndjeshmëri shpirtërore është të kuptuarit vetjak në mënyrë unike që pagesa e Jezu Krishtit për mëkatin është shumë e vërtetë dhe që vuajtja e Tij nuk është vetëm për gjithë të tjerët, por edhe për mua dhe ju! … Ndërsa e kuptojmë shpirtërisht se Ai ka vuajtur për mëkatet tona, ne ndiejmë trishtim nga ana jonë për dhimbjen e Tij. Ne e kuptojmë se është pjesë e planit të Atit tonë, por jemi të mahnitur me dhuratën që Ai po na ofron. Kjo habi, ky vlerësim, ky adhurim ndaj Shpëtimtarit, i cili e ka bërë këtë për ne, na ul në gjunjë ndërsa shpirti ynë mbushet me pikëllim sipas Perëndisë.”
(Neil L. Andersen, The Divine Gift of Forgiveness [2019], f. 149, 150)
Presidenti Diter F. Uhtdorf, asokohe i Presidencës së Parë, deklaroi sa vijon për pikëllimin sipas Perëndisë:
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“Trishtimi sipas Perëndisë frymëzon ndryshim dhe shpresë nëpërmjet Shlyerjes. Trishtimi i botës na tërheq poshtë, na e shuan shpresën dhe na bind t’i dorëzohemi tundimit të mëtejshëm.
Trishtimi sipas Perëndisë çon në kthim në besim dhe në ndryshim të zemrës. Ai bën që ne ta urrejmë mëkatin dhe ta duam mirësinë. Na nxit që të ngrihemi në këmbë dhe të ecim në dritën e dashurisë së Krishtit. Pendimi i vërtetë ka të bëjë me shndërrimin, jo me torturimin apo mundimin. Po, keqardhja e ndier dhe brejtja e vërtetë e ndërgjegjes për mosbindjen, shpesh, janë hapa të dhembshëm e shumë të rëndësishëm në procesin e shenjtë të pendimit. Por kur faji na çon në neveritje të vetes ose na pengon të çohemi sërish, ai bëhet pengesë në vend që të japë shtysë për pendimin tonë.”
Si mund t’ju ndihmojë ndjenja që Shpëtimtari vuajti personalisht për mëkatet tuaja në procesin e pendimit?
Reflekto sërish për situatën ndërmjet të resë dhe peshkopit të saj.
Çfarë mund t’i tregosh të resë për Jezu Krishtin dhe pikëllimin sipas Perëndisë që mund ta ndihmojë atë të ftojë bekimet e pendimit?
Mendo për një çast rreth përpjekjeve të tua për t’u penduar. Merre parasysh atë që Shpëtimtari ndjeu dhe përjetoi gjatë vuajtjes për mëkatet e tua. Çfarë mund të bësh për ta hapur më plotësisht zemrën tënde për të ndierë pikëllimin sipas Perëndisë dhe për ta ftuar fuqinë shëruese të Shpëtimtarit në jetën tënde? Merre parasysh ta shkruash përgjigjen tënde për këtë pyetje në një ditar vetjak ose bllok shënimesh.
Nëse nuk është tepër personale, ftojini nxënësit të tregojnë atë që mësuan rreth pikëllimit sipas Perëndisë në këtë mësim dhe mënyrën se si ajo mund t’i ndihmojë ata. Shtoni dëshminë vetjake për rëndësinë e pikëllimit sipas Perëndisë në procesin e pendimit. Ftojini ata të përsiatin nëse ka nevojë për pikëllim më të madh sipas Perëndisë në jetën e tyre.
Komente dhe Informacion për Rrethanat
Si mund ta kuptoj më mirë ndryshimin ndërmjet pikëllimit sipas Perëndisë dhe pikëllimit sipas botës?
Ndërkohë që shërbente si një i Të Shtatëdhjetëve Zonalë, Plaku D. Çad Riçardson, tha:
Pamja
Final offiicial portrait of Elder D. Chad Richardson of the Sixth Quorum of the Seventy, 2002. Released at the April 2010 general conference, effective May 1, 2010.
“Një ndryshim kryesor ndërmjet [pikëllimit sipas Perëndisë dhe pikëllimit sipas botës] është burimi i tyre. Pikëllimi sipas botës nxitet nga Satani. Është pikëllimi se kapesh mat, i pamundësisë për të vazhduar në mëkat ose i kthimit kundër vetes me neveri ose përbuzje.
Nga ana tjetër, pikëllimi sipas Perëndisë është pikëllim i dhënë si dhuratë nga Perëndia për ata që janë të gatshëm ta marrin atë. Pikëllimi sipas Perëndisë na çon në pranimin e plotë të përmasave të mëkateve tona, por me dijeninë që ne mund të çlirohemi prej tyre.”
(D. Chad Richardson, “Forgiving Oneself”, Ensign, mars 2007, f. 32.)
Në shtator 2019, revista New Era shtypi një diagram informativ të bazuar në mësimet e Plakut Diter F. Uhtdorf, i Kuorumit të Dymbëdhjetë Apostujve, që mund t’ju ndihmojë të bëni më tej dallimin ndërmjet pikëllimit sipas Perëndisë dhe sipas botës. Gjejeni këtu: Dieter F. Uchtdorf, “Godly Sorrow”, New Era, shtator 2019, f. 32–33 [pjesa “Trishtimi Sipas Perëndisë” marrë nga biseda e Plakut Diter F. Uhtdorf, “Ti Mund t’ia Dalësh Tani!”, nga kodi kohor 05:33 deri te 10:07 në https://www.churchofjesuschrist.org/study/general-conference/2013/10/you-can-do-it-now?lang=alb]
Sugjerimi vijues mund të përdoret si një ide e ndryshme për mësimin. Ftojini nxënësit të lexojnë vargjet te 2 Korintasve 6:14–7:1 dhe të kërkojnë këshillën e Palit për shenjtorët dhe premtimet nga Zoti. (Vini re që fjalët “Belial” dhe “jobesimtar” [ 2 Korintasve 6:15 ] janë fjalë që i referohen të ligut.) Pyetjet vijuese për diskutim mund të jenë të dobishme:
Cilët janë disa shembuj të gjërave të ndyra në kohën tonë?
Si mendoni, çfarë do të thotë që Perëndia do t’ju pranojë dhe do të jetë si një Atë për ju?
Si mund të jetojmë në botë ndërkohë që veçohemi nga gjërat e ndyra?