Ang usa sa mga katuyoan sa doktrinal nga kahanas mao ang pagtabang kanimo sa pagmemorya ug paggamit sa mga baroganan sa pag-angkon og espirituhanong kahibalo aron mahimong mas sama ni Jesukristo. Tinguha niini nga leksiyon nga tabangan ka nga masabtan ug magamit ang partikular nga baroganan sa paglihok diha sa hugot nga pagtuo kang Jesukristo kon adunay moabot nga mga hagit ug mga pangutana.
Tinoa ang kapaspason. Likayi ang paggahin og dako kaayo nga panahon sa unang bahin sa leksiyon ug dayon magdali-dali na hinoon sa uban pang bahin sa leksiyon. Samtang nag-andam ka, bana-banaa kon pila ka oras ang magahin sa pagtabang sa mga estudyante sa pagpakighisgot sa kada seksiyon sa leksiyon.
Pag-andam sa estudyante:Hangyoa ang mga estudyante nga hunahunaon ang ilang mga kasinatian nga nanglimbasog sa lisod nga hagit o sa mga pangutana nga dili sayon nga masulbad (gikan sa ilang kaugalingong kinabuhi o gikan sa kinabuhi sa laing tawo). Mahimo kining maglakip sa mga butang sama sa wala matubag nga espirituhanong pangutana o lisod nga pagsulay. Dapita ang mga estudyante sa pagpamalandong kon sa unsang paagi sila mitubag o motubag niini nga mga sitwasyon.
Pahinumdom: Tingali pinakamaayo nga itudlo kini nga leksiyon sa sinugdanan sa tuig sa pag-eskuwela. Kon itudlo kini nga leksiyon sa laing panahon sa tuig, ikonsiderar ang pagtudlo sa doktrinal nga kahanas isip puli niini og leksiyon nga lagmit nga napaltahan sa mga estudyante sa panahon nga walay klase ang eskuwelahan.
Posible nga mga Kalihokan sa Pagkat-on
Kon adunay lisod nga mga hagit ug mga pangutana
Dapita ang mga estudyante nga misalmot sa kalihokan sa pag-andam sa estudyante nga ikonsiderar ang pagpaambit, kon angay, sa ilang mga kasinatian nga ilang nasinati sa pag-atubang sa lisod nga mga hagit ug mga pangutana. Ikonsiderar ang paggamit sa ilang mga kasinatian isip puli sa mga sitwasyon sa ubos.
Sa panahon sa mortalidad, makasinati kitang tanan og lisod nga mga hagit ug mga pangutana nga lagmit dili sayon sulbaron. Basaha ang mosunod nga mga sitwasyon samtang naghunahuna sa susamang mga kasinatian nga nasinati nimo o sa tawo nga imong kaila.
Ang usa ka batan-ong lalaki adunay daghan kaayong pangutana mahitungod sa mga polisiya sa Simbahan ug nagsugod sa paghunahuna kon tinuod ba gayod ang Simbahan.
Ang usa ka batan-ong babaye nakakita og post sa social media nga nagkuwestyon sa doktrina sa Simbahan. Karon, nagsugod na siya mismo sa paghunahuna mahitungod niana nga doktrina.
Ang usa ka batan-ong babaye naghunahuna kon tubagon ba gayod ang mga pag-ampo human nga nag-antos ang iyang igsoong lalaki ug namatay tungod sa grabeng sakit, bisan pa man sa mga pag-ampo ug panalangin nga gitanyag para kaniya.
Unsa ang pipila sa lain-laing mga paagi nga mahimong pilion sa mga tawo sa pagtubag kon mag-atubang sila og lisod nga mga hagit o mga pangutana nga sama niini?
Ang mga estudyante mahimong makabenepisyo sa pagbuhat sa mosunod nga pagsusi sa kaugalingon isip pagbansay sa pagsulat diha sa ilang mga journal sa pagtuon. Ikonsiderar ang pagpakita sa mosunod nga parapo aron makita sa mga estudyante.
Pamalandongi sa makadiyot ang imong mga kasinatian sa pag-atubang sa lisod nga mga hagit ug mga pangutana. Tingali makatabang kini kon hunahunaon ang mahitungod sa mosunod nga mga pangutana: Nagmalampuson ka ba sa pagpangita og mga tubag? Unsa ang nakatabang kanimo nga makakaplag og kalinaw? Unsay wala makatabang?
Ikonsiderar ang pagsulat ug pagpakita sa mga tubag sa mga estudyante sa sunod nga pangutana. Kon gipaambit na kini sa mga estudyante gikan sa ilang pag-andam sa estudyante, ikonsiderar ang paglaktaw niini nga pangutana. Tan-awon pag-usab kini nga mga tubag sa kataposan sa leksiyon.
Unsa ang pipila ka mga pangutana o mga hagit nga nasinati nimo (o nasinati sa laing tawo nga imong kaila) nga dili sayon sulbaron?
Sa imong hunahuna nganong gitugotan kita sa Langitnong Amahan nga makabaton og wala masulbad nga mga pangutana imbes kanunay nga maghatag kanato sa mga tubag?
Kon adunay moabot nga mga pangutana, importanteng hinumdoman nga gidasig kita sa Ginoo sa pagpangutana ug pagpangayo og mga tubag (tan-awa sa Mateo 7:7–8 ; Santiago 1:5–6 ; Doktrina ug mga Pakigsaad 42:61). Ang pagpangutana ug pagpangayo og mga tubag usa ka importanteng bahin sa atong paningkamot nga makahibalo sa kamatuoran, nga sundan sa paggamit ug pagsunod sa unsay atong nakat-onan sa atong paningkamot nga mahimong mas sama sa Manluluwas ug sa atong Langitnong Amahan.
Ang tulo ka baroganan nga makagiya kanato samtang naningkamot kita nga masulbad ang mga pangutana o mga isyu ug mousbaw ang atong pagsabot sa walay kataposang kamatuoran naglakip sa:
Molihok inubanan sa hugot nga pagtuo.
Mosusi sa mga konsepto ug mga pangutana inubanan sa mahangturong panglantaw.
Motinguha og dugang nga panabot pinaagi sa balaanong gitudlo nga mga tinubdan.
Kining tanang tulo ka baroganan mahimong importanteng gamiton kon mag-atubang ka og mga pangutana ug mga kabalaka nga dili sayon sulbaron o kon makasinati ka og mga pagsulay.
Molihok inubanan sa pagtuo
Tinguha niini nga leksiyon nga tabangan ka nga masabtan ang mosunod nga baroganan: samtang naglihok kita diha sa hugot nga pagtuo, hatagan kita sa Ginoo og kalinaw ug kusog samtang nangita kita og mga tubag sa atong mga pangutana ug mga kabalaka.
Tubaga ang mosunod nga pangutana diha sa imong journal sa pagtuon.
Sa imong hunahuna, unsa kahay buot ipasabot sa paglihok diha sa hugot nga pagtuo?
Pausbawa ang imong pagsabot sa kon unsa ang buot ipasabot sa paglihok diha sa hugot nga pagtuo pinaagi sa pagkompleto sa kalihokan sa pagtuon sa ubos. Tingali makatabang ang pagtuon kauban ang laing tawo aron makabansay ka sa pagpasabot sa imong nasabtan ug makakat-on gikan sa uban.
Hatagi og kopya ang kada estudyante sa mosunod nga handout aron magtuon nga magkapares o sa mga gagmay nga grupo. Samtang magkauban nga nagtuon ang mga estudyante, paminaw og maayo kon unsa ang ilang gibuhat. Tabang sa pagpatuman sa ilang nakat-onan, tudloi ug klaroha ang mga wala masabti, ug tabangi sila nga makabuhat sa kalihokan.
Unsay Buot Ipasabot sa Paglihok Diha sa Hugot nga Pagtuo?
Basaha ang Mahinungdanon nga Dokumento sa Doktrinal nga Kahanas (2022) “Pag-angkon og Espirituhanong Kahibalo,” mga parapo 1–2 ug 5–7 ug ang mosunod nga pamahayag ni Elder Neil L. Andersen sa Korum sa Napulog Duha ka Apostoles. Samtang nagtuon ka, pangitaa ang buot ipasabot sa paglihok diha sa hugot nga pagtuo ug kon unsa ang makatabang kanimo aron magamit kini nga baroganan kon ikaw adunay mga pangutana.
Imahe
Official portrait of Elder Neil L. Andersen of the Quorum of the Twelve Apostles, 2010, August.
Ang pagtuo dili moabot kanato pinaagi sa sulagma ni magpabilin kanato pinaagi sa katungod sa pagkatawo. … Ang pagtuo diha ni Jesukristo usa ka gasa gikan sa langit nga moabot samtang kita mopili nga motuo ug samtang kita magtinguha ug maghupot niini. … Ang gidak-on sa inyong pagtuo sa umaabot dili pinaagi sa sulagma, apan pinaagi sa pagpili. …
Ang pagtuo dili gay[o]d mangayo og tubag sa matag pangutana apan magtinguha sa kasiguroan ug kais[o]g sa pagpadayon, usahay sa pag-ila nga, “Wala ko masay[o]d sa tanan, apan nasay[o]d ko og igo aron magpadayon diha sa dalan sa pagkadisipulo.”
Ang pagtugot sa kaugalingon diha sa kanunayng pagduha-duha, nga maoy giawhag gikan sa mga walay pagtuo ug sa mga dili matinud-anon, makapahuyang sa pagtuo diha ni Jesukristo ug sa Pagpahiuli. “Ang tawo nga kalibutanon dili magadawat sa igatudlo sa Espiritu sa Dios: kay alang kaniya kini mga binuang” [1 Mga Taga-Corinto 2:14]. …
Bisan kon sa pagsugod ang inyong pagtuo tingali gamay ra, ang matar[o]ng nga mga pagpili makahatag og mas dakong pagsalig sa Dios, ug ang inyong pagtuo molambo.
Sa dili pa ang sunod nga kalihokan, ikonsiderar ang paghatag sa mga estudyante og oportunidad nga hisgotan ug itudlo sa usag usa kon unsa ang ilang gitun-an, unsa ang nakahatag kanila og interes, ug kon unsa ang ilang mga pangutana. Mahimo nilang ikonsiderar ang mosunod:
Unsa nga mga kinaiya ug mga pamatasan sa Langitnong Amahan ug ni Jesukristo ang nakadugang sa imong kumpiyansa ug pagsalig Kanila? Sa unsang paagi nga ang pagkahibalo o pagtuo niini nga mga butang mahitungod sa Langitnong Amahan ug ni Jesukristo makatabang kanimo sa paglihok diha sa hugot nga pagtuo?
Unsa ang pipila ka aksiyon nga mahimo nimong buhaton samtang naningkamot ka sa paglihok diha sa hugot nga pagtuo kon mag-atubang og lisod nga mga pangutana o mga hagit?
Aduna bay uban pang mga kapanguhaan nga imong nahibaloan nga makatabang sa laing tawo nga mahibalo kon unsaon paglihok diha sa hugot nga pagtuo?
Hinumdomi ang lisod nga mga pangutana ug mga hagit nga imong giatubang, o rebyoha ang mga sitwasyon gikan sa sinugdanan sa leksiyon. Samtang naghunahuna sa usa niini, pagbansay sa paggamit sa imong nakat-onan mahitungod sa paglihok diha sa hugot nga pagtuo pinaagi sa pagtubag nga mas detalyado kutob sa imong mahimo sa mosunod nga mga pangutana.
Unsa nga hagit o pangutana ang imong gipili sa pagbansay sa paglihok diha sa hugot nga pagtuo?
Unsa ang duha o tulo ka paagi nga makalihok ang tawo diha sa hugot nga pagtuo niini nga sitwasyon?
Unsa ang anaa niini nga sitwasyon nga lagmit makapalisod sa paglihok diha sa hugot nga pagtuo kang Jesukristo? Sa unsang paagi nimo mabuntog kini nga mga hagit?
Unsa ang partikular nga gusto nimong mahinumdoman mahitungod sa Langitnong Amahan ug ni Jesukristo samtang anaa ka niini nga sitwasyon? Sa unsang paagi nga ang paghinumdom niadtong mga butanga makatabang kanimo?
Ikonsiderar ang pagtugot sa mga estudyante nga ipaambit sa klase ang ilang mga tubag, lakip ang ilang mga pagpamatuod kon unsa ang gitudlo kanila sa Espiritu Santo sa panahon sa leksiyon mahitungod sa paglihok diha sa hugot nga pagtuo. Pahibaloa ang mga estudyante nga sa kinatibuk-an sa ilang panahon sa seminaryo, padayon silang makabaton og mga oportunidad sa pagbansay sa paggamit niini nga baroganan. Dapita sila nga sugdan o ipadayon ang pagbansay sa paggamit niini nga baroganan sa ilang mga kinabuhi.
Komentaryo ug Background nga Impormasyon
Sayop ba ang mga pagpangutana mahitungod sa ebanghelyo?
Si Presidente Dieter F. Uchtdorf sa Unang Kapangulohan mitudlo mahitungod sa bili sa mga matinud-anong mga pangutana:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Natural lang nga dunay mga pangutana—ang gamayng liso sa matinuorong pangutana sagad mogitib ug mohingkod sa pagkadakong kahoy sa panab[o]t. Dunay pipila ka miyembro sa Simbahan kinsa, sa usa ka higayon, wala makasulay og seryoso o sensitibong mga pangutana. Usa sa mga katuyoan sa Simbahan mao ang pag-alima ug pag-ugmad sa liso sa pagtuo—bisan sa balason nga yuta sa pagduhaduha ug kawalay kasiguroan. Ang hugot nga pagtuo mola[o]m sa mga butang diin dili makita diin mga tinuod.
Busa, mga kaigsoonan—akong mga higala—palih[o]g, duhaduhai una ang inyong pagduhaduha sa dili pa mo magduhaduha sa inyong pagtuo. Dili gay[o]d nato tug[o]tan nga himoon kitang binilanggo sa atong pagduhaduha ug ilayo kita sa diosnong gugma, kalinaw, ug gasa nga moabut pinaagi sa pagtuo kang Ginoong Jesukristo.
Sa unsang paagi nga akong madugangan ang akong abilidad sa paglihok diha sa hugot nga pagtuo?
Nagtudlo si Presidente Russell M. Nelson mahitungod sa proseso nga magamit nato aron madugangan ang atong hugot nga pagtuo:
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Madugangan ang atong hugot nga pagtuo sa kada higayon nga kita <lds-p class=“rte2-style-org-ldschurch-rte-paragraphid-AnnotatedParagraphRichTextElement” data-aid=“b4ef14ae-904c-4020-be57-3e905b279aff” data-pid=“61“>mogamit sa atong hugot nga pagtuo diha Kaniya. Mao kana ang gipasabot sa pagkat-on pinaagi sa hugot nga pagtuo.
Pananglitan, matag higayon nga kita adunay hugot nga pagtuo nga magmasulundon sa mga balaod sa Dios—bisan kon ang inila nga mga opinyon nagtamay kanato—o sa matag higayon nga kita mobatok sa kalingawan o mga ideolohiya nga nagsaulog sa pagsupak sa pakigsaad, kita <lds-p class=“rte2-style-org-ldschurch-rte-paragraphid-AnnotatedParagraphRichTextElement” data-aid=“a7d58c0e-b770-41fd-a9a0-68d422980ee9“ data-pid=“62“>nagpakita sa atong hugot nga pagtuo, nga maoy makapadugang sa atong hugot nga pagtuo.
Mga tinuod nga sitwasyon sa mga indibidwal nga naglihok diha sa hugot nga pagtuo
Ikonsiderar ang pagtan-aw sa usa o duha sa mosunod nga mga video, ug pangitaa kon unsa ang imong makat-onan gikan niini nga mga indibidwal nga makatabang kanimo sa paglihok diha sa hugot nga pagtuo kon ikaw adunay lisod nga mga pangutana o mga hagit.
<h3 class=“cms-Headings-H3“>Nganong dili man ako angay nga mahadlok sa wala masulbad nga mga pangutana?
Dugang nga Kalihokan sa Pagkat-on
Pagpangita og mga tubag sa mga pangutana
Sa pagtabang sa mga estudyante nga mas masabtan kon nganong gitugotan kita sa Langitnong Amahan nga molambo pinaagi sa pagtugot kanato sa pagpangita og mga tubag sa atong mga pangutana, ikonsiderar ang pagpakita og mga ehemplo sa mga website nga adunay panid nga “Mga Kanunayng Ipangutana” (Frequently Asked Questions, FAQ). Tabangi ang mga estudyante nga masabtan nga ang katuyoan sa panid sa FAQ mao ang paghatag og paspas ug sayon makita nga mga tubag sa posibleng mga problema.
Sa imong hunahuna, nganong wala man gihatag kanato dayon sa Langitnong Amahan ang tanang tubag sa atong mga pangutana sama sa panid sa FAQ?
