Seminary
Mateo 1; Lucas 1

Mateo 1; Lucas 1

Kinatibuk-ang Pagpasabot [Overview]

Si Mateo, nailhan usab nga si Levi, mao ang tigsulat sa unang Ebanghelyo sa Bag-ong Tugon. Ang usa sa iyang mga katuyoan sa pagsulat mao ang pagpakita nga gituman ni Jesus ang mga propesiya sa Daan nga Tugon mahitungod sa Mesiyas (tan-awa sa Mateo 1:1–17). Si anghel Gabriel miadto kang Maria aron ipahibalo ang paghimugso ni Jesukristo, ang “Anak sa Labing Halangdon” (tan-awa sa Lucas 1:1–38). Samtang nagmabdos kang Jesus, mibisita si Maria sa iyang ig-agaw nga si Elisabet ug nagmalipayon kauban niya sa pagkamaayo sa Dios (tan-awa sa Lucas 1:39–79).

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang mahimong kinahanglan nga andamon nang daan para sa kada leksiyon.

Mateo 1:1–17

Katuyoan sa leksiyon:Kini nga leksiyon motabang sa mga estudyante nga makakat-on mahitungod kang Jesukristo isip mao ang gisaad nga Mesiyas ug mobati og mas dakong pagdayeg para Kaniya.

  • Pag-andam sa estudyante: Dapita ang mga estudyante nga motambong sa klase nga naghunahuna nang daan kon nganong importante kanila si Jesukristo. Mahimo usab silang mangutana sa pamilya o mga higala kon unsa ang ilang gibati mahitungod sa Manluluwas.

  • Sugyot sa pagtudlo pinaagi sa videoconference: Sa pagsugod sa leksiyon, sa higayon nga isulat sa mga estudyante ang mga importanteng detalye mahitungod kang Jesukristo sa usa ka papel, ikonsiderar ang pagdapit sa mga estudyante nga i-type ang ilang mga tubag ug i-post kini gamit ang feature sa chat. Hatagi ang mga estudyante og igong panahon aron basahon kon unsa ang gisulat sa uban pang mga estudyante.

Lucas 1:1–38

Katuyoan sa leksiyon:Kini nga leksiyon motabang sa mga estudyante nga makakat-on kon unsaon pagtubag sa kabubut-on sa Ginoo nga adunay mas dakong pagsalig diha Kaniya.

  • Pag-andam sa estudyante:Dapita ang mga estudyante nga pamalandongan ang mosunod nga pangutana: Unsa ang imong nahibaloan mahitungod sa Langitnong Amahan ug ni Jesukristo nga nakatabang kanimo sa pagtugyan sa imong pagsalig diha Kanila?

  • Sugyot sa pagtudlo pinaagi sa videoconference: Kon adunay mga breakout room, mahimong makatabang kon ibutang ang mga estudyante sa mga grupo aron hisgotan ang duha ka pangutana pagkahuman sa pamahayag ni Presidente Nelson sa kataposan sa leksiyon. Sangoni ang usa ka estudyante sa kada grupo nga magdumala sa panaghisgotan. Kon magtapok na pag-usab ang klase, awhaga ang mga tigpasiugda nga sumadahon ang gihisgotan sa ilang mga grupo.

Pag-angkon og Espirituhanong Kahibalo, Bahin 1

Katuyoan sa Leksiyon:Kini nga leksiyon motabang sa mga estudyante nga masabtan ug magamit ang partikular nga baroganan sa paglihok diha sa hugot nga pagtuo ni Jesukristo kon adunay lisod nga mga hagit ug mga pangutana.

  • Pag-andam sa estudyante:Hangyoa ang mga estudyante nga pamalandongan ang ilang mga kasinatian sa pagbuntog sa lisod nga hagit o sa mga pangutana nga dili sayon sulbaron (gikan sa ilang kaugalingong kinabuhi o gikan sa kinabuhi sa ubang tawo). kini mahimong maglakip sa mga butang sama sa wala natubag nga espirituhanong pangutana o lisod nga pagsulay. Dapita ang mga estudyante nga pamalandongan kon giunsa nila pagtubag o unsaon pagtubag kini nga mga reaksyon.

  • Handout: “Unsa ang Buot Ipasabot sa Paglihok diha sa Hugot nga Pagtuo?”

  • Sugyot sa pagtudlo pinaagi sa videoconference: Ikonsiderar ang pag-andam og slide presentation nga adunay impormasyon gikan sa handout o ipadala ang handout ngadto sa mga estudyante pinaagi sa email o ang sistema sa pagdumala sa pagkat-on. Awhaga ang mga estudyante nga gamiton ang handout aron matan-aw nila kini sa panahon sa klase.

Mateo 1:18–25; Lucas 1:26–35

Katuyoan sa leksiyon:Makatabang kini nga leksiyon sa mga estudyante nga masabtan kon sa unsang paagi nga ang mga kinaiya nga napanunod ni Jesus gikan sa mortal nga inahan ug imortal nga Amahan naghatag Kaniya og talagsaon nga kapasidad sa pagtabang kanato sa pagbuntog sa tanang mga hagit sa pagka-mortal.

  • Pag-andam sa estudyante: Dapita ang mga estudyante nga hunahunaon ang mga hagit nga kasagarang giatubang sa mga tawo nga pareho kanila ang edad.

  • Mga Materyal para sa Mga Estudyante:Papel, mga de-kolor nga lapis, mga krayola, ug uban pa.

Lucas 1:39–79

Katuyoan sa leksiyon:Kini nga leksiyon maghatag sa mga estudyante og mga oportunidad aron mailhan ang pagkamaayo sa Dios ug aron daygon Siya para niini.

  • Pag-andam sa estudyante:Dapita ang mga estudyante nga motambong sa klase nga andam sa pagpaambit og linya gikan sa usa ka himno nga naghisgot sa pagkamaayo ni Jesukristo.

  • Sugyot sa pagtudlo pinaagi sa videoconference: Pag-andam nga ipakita ang pamalandongang mga pangutana nga nakalista sa kataposan sa leksiyon aron matan-aw kini sa mga estudyante. Kung posible, ikonsiderar ang pagtugot sa mga estudyante nga mao ang mokontrol sa screen aron masulat nila ang mga kinaiya ug mga hiyas sa Manluluwas nga pinakaimportante kanila.