Frontal head and shoulders portrait of Jesus Christ. Christ is depicted wearing a pale red robe with a white and blue shawl over one shoulder. Light emanates from His face.
Gisultihan si Maria ni anghel Gabriel nga ang bata nga iyang isabak mahimong “Anak sa Dios nga Labing Halangdon” (Lucas 1:32). Makatabang kanimo kini nga leksiyon nga masabtan kon sa unsang paagi nga ang mga kinaiya napanunod ni Jesus gikan sa mortal nga inahan ug imortal nga Amahan naghatag Kaniya og talagsaong kapasidad sa pagtabang kanato sa pagbuntog sa tanang hagit sa pagka-mortal.
Paghatag og lunsay nga pagpamatuod mahitungod ni Jesukristo. Pangita og mga oportunidad aron kanunay nga makahatag og lunsay ug gamhanang pagpamatuod mahitungod ni Jesukristo. Paghimo og mga oportunidad para sa mga estudyante aron makahatag og pagpamatuod kang Jesukristo diha sa klase. Makahatag ang mga estudyante og pagpamatuod isip kabahin sa mga buluhaton sa pagsulat, mga kalihokan sa gamay nga grupo, o mga panaghisgot diha sa klase. Hinumdomi usab nga hatagan og gibug-aton ang mga pagpamatuod nga gihatag mahitungod ni Jesukristo diha sa mga kasulatan ug sa mga pulong sa mga propeta sa ulahing mga adlaw.
Pag-andam sa estudyante: Dapita ang mga estudyante nga hunahunaon ang mga hagit nga kasagarang giatubang sa mga tawo nga pareho kanila og edad.
Posible nga mga Kalihokan sa Pagkat-on
Pagbuntog sa mga hagit
Ipakita ang mosunod nga drowing. Ikonsiderar ang pagdapit sa mga estudyante nga isulat sa pisara ang ilang mga tubag sa una sa mosunod nga mga pangutana.
Imahe
A stick figure being confused.
Unsa ang imong masulti nga pipila sa sagad kaayo nga mga hagit nga giatubang sa mga tawo nga sama sa imong edad?
Unsa ang buhaton sa kabatan-onan samtang naningkamot sila sa pagsulbad niini nga mga hagit?
Si Elder Ronald A. Rasband sa Korum sa Napulog Duha ka Apostoles mipakigbahin sa mosunod nga pagpamatuod mahitungod ni Jesukristo:
Imahe
Official Portrait (as of June 2016) of Elder Ronald A. Rasband of the Quorum of the Twelve Apostles.
Si Jesukristo mao kanunay ang tubag. Sa pagsabut sa Iyang misyon ug sa Iyang ebanghelyo, ang atong gugma alang Kaniya ug ang atong pagtuo ug pagsalig diha Kaniya mohatag kanato og kalig-on.
(Ronald A. Rasband, “Si Jesukristo Mao ang Tubag,” [usa ka gabii uban sa usa ka Kinatibuk-an nga Awtoridad, Peb. 8, 2019], broadcasts.ChurchofJesusChrist.org)
Ikonsiderar ang pagsulat sa pamahayag nga “Si Jesukristo mao ang kanunay nga tubag” duol sa drowing sa pisara. Mahimong makatabang ang pagpunting sa mga arrow sa drowing ngadto niini nga pamahayag.
Sa imong hunahuna ngano nga si Jesukristo man ang kanunay nga tubag kon mag-atubang kita og mga hagit o mga pangutana sa kinabuhi?
Paggahin og panahon sa paghunahuna mahitungod sa imong hugot nga pagtuo ug pagsalig diha kang Jesukristo. Unsa ka sagad nga ikaw misalig Kaniya para sa kusog ug suporta?Samtang nagtuon ka karon, pagtinguha og inspirasyon gikan sa Espiritu Santo aron matabangan kang mahibaloan ang mga kamatuoran mahitungod kang Jesukristo nga makadugang sa imong hugot nga pagtuo diha Kaniya ug giyahan ka aron modangop ngadto Kaniya para sa kalinaw ug kusog sa kanunay.
Mga Ginikanan ni Jesukristo
Si Jesukristo adunay talagsaong kapasidad sa pagtabang kanato sa bisan unsang mga hagit o mga pangutana nga atong giatubang sa pagka-mortal tungod sa mga kinaiya nga napanunod Niya gikan sa Iyang mga ginikanan.
Tun-i ang mosunod nga mga kasulatan, nga nangita og mga pagtulon-an mahitungod sa kon kinsa ang mga ginikanan sa Manluluwas:
Unsay imong nakat-onan mahitungod sa Amahan ug inahan ni Jesukristo?
Usa ka kamatuoran nga atong makat-onan gikan niini nga mga bersikulo mao nga si Jesukristo mao ang balaang Anak sa Dios nga Amahan ug ni Maria.
Kon manginahanglan ang mga estudyante og pagpasabot mahitungod sa mga ginikanan sa Manluluwas, ikonsiderar ang pagpaambit sa pipila sa mga pamahayag nga makita sa seksiyon nga “Komentaryo ug Background nga Impormasyon” sa kataposan sa leksiyon.
Idrowing sa pisara ang mosunod nga diagram, o ipakita ang hulagway.
Imahe
Diagram with the words Mary and Heavenly Father and arrows pointing to the words Jesus Christ.
Basaha ang mosunod nga pamahayag ni Presidente Russell M. Nelson, nga nangita sa mga kinaiya ni Jesukristo nga napanunod gikan sa Langitnong Amahan ug gikan ni Maria.
Imahe
Official portrait of President Russell M. Nelson taken January 2018
Gikan sa Iyang imortal nga Amahan, napanunod ni Jesus ang gahom nga mabuhi sa kahangtoran. Gikan sa Iyang mortal nga inahan, Iyang napanunod ang palad sa pisikal nga kamatayon.Kadtong talagsaon nga mga hiyas mahinungdanon para sa Iyang misyon sa pag-ula sa mga sala sa tanang katawhan. Busa, si Jesus nga Kristo natawo aron mamatay (tan-awa sa 3 Nephi 27:13–15). Siya namatay gayod aron kita mabuhi. Natawo Siya aron mabuhi ang tanang katawhan pagkahuman sa pagkamatay.
(Russell M. Nelson, “Christ the Savior Is Born,” New Era, Dis. 2006, 5)
Unsay imong nakat-onan mahitungod ni Jesukristo gikan niini nga pamahayag?
Kon gidrowing sa pisara ang diagram, mahimong makatabang nga ilista ang mga tubag sa mga estudyante sa ubos sa “Jesukristo.”
Gikan sa Iyang inahan nga si Maria, usa ka mortal nga babaye, napanunod ni Jesus ang pagka-mortal, lakip na ang pisikal nga kamatayon. Gikan sa Dios, atong Langitnong Amahan, napanunod ni Jesus ang pagka-imortal, ang kapasidad nga mabuhi sa kahangtoran pinaagi sa pagkabanhaw. Nakasinati usab siya sa mga kasakit, tintasyon, ug kasub-anan nga nalambigit sa pagka-mortal ug nasugakod ang kasakit ug pag-antos sa Pag-ula nga walay mortal nga mahimong makasugakod (tan-awa sa Mosiah 3:7).
Basaha sa Mosiah 7:33 , nga nangita og mga pagtulon-an mahitungod sa kon unsaon nato nga makagamit sa tabang sa Manluluwas sa atong mortal nga mga hagit.
Unsa ang imong nakat-onan gikan niini nga bersikulo mahitungod sa kon unsaon nato nga makagamit sa tabang sa Manluluwas?
Mahimong makatabang kon dapiton ang mga estudyante nga mangita sa mga kasulatan og usa ka ehemplo sa panahon nga ang usa ka tawo o grupo sa mga tawo miduol sa Ginoo para sa tabang sa usa ka pangutana o problema. Mahimong mangita ang mga estudyante kon unsa ang gibuhat sa tawo o mga tawo nga nakatabang kanila sa pagdangop ngadto kang Kristo ug giunsa Niya pagtabang kanila. Mahimo usab silang mangita og mga hiyas sa Manluluwas nga gipanag-ingnan sa asoy nga ilang gitun-an. Dapita ang mga estudyante nga ipaambit ang mga ehemplo nga ilang nakit-an diha sa klase o sa laing estudyante.
Ikonsiderar ang paghatag sa mga estudyante og panahon aron irekord ang ilang mga tubag sa mosunod nga mga pangutana diha sa ilang mga journal sa pagtuon. Kon mahuman na sila, dapita sila nga ipaambit ang ilang mga tubag ngadto sa kapares o sa klase.
Tungod Kaniya
Tan-awa ang video nga “Because of Him” (2:36), nga nangita sa pipila sa mga butang nga nabuhat sa Manluluwas tungod kay mianhi Siya sa kalibotan, nakasinati og pagka-mortal, ug nabuntog ang tanang butang. Makita kini nga video sa ChurchofJesusChrist.org.
Ikonsiderar ang paghatag sa mga estudyante og mga materyal sama sa mga de-kolor nga lapis ug papel aron kompletohon ang mosunod nga kalihokan.
Paghimo og imong kaugalingong mensahe mahitungod sa Manluluwas nga magsugod sa mga pulong nga “Tungod Kaniya.” Mahimo nimong kompletohon ang hugpong sa pulong pinaagi sa usa o daghan pang mga pamahayag mahitungod sa kon unsa ang talagsaong kapasidad nga matabang sa Manluluwas kanimo o natabang kanimo sa imong kinabuhi. Ikonsiderar ang paggamit og mga materyal sa sining aron mapanindot ang imong gihimo kon aduna kay igong panahon ug mga materyal.
Pagkahuman sa mga estudyante, dapita sila nga ipataas ang ilang mga mensahe aron makita sa tanan. Dapita ang pipila ka estudyante nga ipasabot kon unsay ilang gisulat. Ikonsiderar ang pagdapit sa mga estudyante nga ipaambit ang ilang mga pamahayag ngadto sa uban diha sa panimalay o sa simbahan.
Ikonsiderar ang pagpaambit og personal nga pagpamatuod bahin sa abilidad ni Kristo sa pagtabang kanato sa pagbuntog sa mga hagit sa pagka-mortal.
Komentaryo ug Background nga Impormasyon
Mateo 1:18 . Unsay buot ipasabot nga si Maria “nagsabak pinaagi sa gahom sa Espiritu Santo”?
Si Presidente Ezra Taft Benson (1899–1994) mitudlo:
Imahe
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Ang mga pagpamatuod sa gitakda nga mga saksi wala nagbilin og pangutana mahitungod sa amahan ni Jesukristo. Ang Dios mao ang Amahan sa Iyang yutan-ong lawas, ug si Maria, nga usa ka mortal nga babaye, mao ang Iyang inahan. …
… Dili Siya anak ni Jose, o Siya anak sa Espiritu Santo. Siya ang Anak sa Mahangturong Amahan!
(Ezra Taft Benson, “Five Marks of the Divinity of Jesus Christ,” Ensign, Dis. 2001, 10, 11)
Nagpasidaan si Presidente Harold B. Lee (1899–1973) nga mag-amping sa pagsulay og pasabot sa tanang detalye mahitungod sa milagrosong paghimugso sa Manluluwas.
Imahe
Head and shoulders portrait of LDS Church President Harold B. Lee.
Kon ang mga magtutudlo maalamon sa paghisgot bahin sa [pagpanamkon kang Jesukristo] diin wala kaayoy gisulti ang Ginoo, ilang limitahan ang ilang panaghisgot bahin niini nga hilisgotan uban sa mga pulong nga narekord lamang niini nga hilisgotan diha sa Lucas 1:34–35. … Tugoti ang Ginoo nga tapuson ang Iyang argumento pinaagi niini nga pamahayag ug paghulat hangtod nga makita Niya nga angayan nang mosulti kanato og dugang pa.
(The Teachings of Harold B. Lee, ed. Clyde J. Williams [1996], 14)
Unsa ang nabuhat ni Jesus tungod sa mga kinaiya nga Iyang napanunod gikan sa Iyang mga ginikanan?
Si Presidente Ezra Taft Benson (1899–1994) mitudlo:
Imahe
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Sa dihang ang Halangdong Dios sa Uniberso mikunsad aron mahimugso sa mortal nga babaye, gipaubos Niya ang Iyang kaugalingon sa mga kahuyang sa pagka-mortal, aron “moantos sa mga pagsulay, ug kasakit sa lawas, kagutom, kauhaw, ug kakapoy, gani labaw nga ang tawo makaant[o]s, gawas kini ngadto sa kamatayon” ( Mosiah 3:7). Kini nga mga kahuyang Iyang napanunod gikan sa Iyang mortal nga inahan. Pero tungod kay Dios ang Iyang amahan, adunay mga gahom si Jesukristo nga wala mabatoni sa tawo kaniadto o sukad. Siya ang Dios sa unod—gani ang Anak sa Dios. Kini nga mga gahom nagtugot Kaniya nga makabuhat og mga milagro, mga timailhan, katingahalan, ang talagsaong Pag-ula, ug ang Pagkabanhaw—kining tanan mao ang dugang nga ilhanan sa Iyang pagkabalaan.
(Ezra Taft Benson, “Five Marks of the Divinity of Jesus Christ,” Ensign, Dis. 2001, 10)
Mateo 1:25 . Unsa ang buot ipasabot nga si Jose “wala nakaila kaniya”?
Ang termino nga makaila o nakaila sa Biblia lagmit nga nagtuki sa mga sekswal nga relasyon (tan-awa sa Genesis 4:1). Si Jose walay mga sekswal nga relasyon kang Maria sa wala pa nahimugso si Jesus. Kini nga detalye nagpamatuod sa kamatuoran nga dili mahimo nga siya mao ang amahan ni Jesus ug sa milagroso ang pagpanamkon kang Jesus.
Dugang nga mga Kalihokan sa Pagkat-on
Mga Titulo sa Manluluwas
Ikonsiderar ang pagtuon sa mga ngalan ug mga titulo sa Manluluwas nga nakarekord sa Mateo 1 ug Lucas 1 . (Mahimo kang mangita og impormasyon sa Bible Dictionary, Topical Guide, o Giya ngadto sa mga Kasulatan.) Unsay atong makat-onan kabahin ni Jesukristo gikan niini nga mga titulo?Jesus ( Mateo 1:21 ; Lucas 1:31)Immanuel ( Mateo 1:23)Anak sa Labing Halangdon ( Lucas 1:32)Anak sa Dios ( Lucas 1:35)
Pagkamasinugtanon ni Jose
Ikonsiderar ang pagtuon sa problema ni Jose kon unsa ang buhaton sa dihang nahibaloan niya nga mabdos si Maria. Si Jose usa ka maayong ehemplo sa pagsunod sa tambag sa Ginoo nga adunay hugot nga pagtuo (tan-awa sa Mateo 1:18–24).Mahimong tan-awon sa mga estudyante ang “The First Christmas Spirit” (6:41), nga mangita kon unsa kaha ang gibati ni Jose sa pagkahibalo nga Siya ang magpadako sa Anak sa Dios. Makita kini nga video sa ChurchofJesusChrist.org.