Cornelius greets Peter outside of his home. Outtakes include Cornelius kneeling, Peter raising Cornelius from the ground, surrounding landscape, and others involved in the filming.
Sa dihang si Jesus mipakita sa Iyang mga tinun-an human sa Iyang Pagkabanhaw, Siya misugo kanila sa pagpakaylap sa ebanghelyo sa tanang kalibotan (tan-awa sa Mateo 28:19–20). Kaniadto ang ebanghelyo gipaambit labi na sa mga Judio, maong si Pedro ug ang ubang mga disipulo mipadayon sa pagpokus sa ilang misyonaryong mga paningkamot alang kanila. Si Cornelio, usa ka Hentil nga naghigugma sa Dios ug nagtinguha sa Iyang giya, gitudloan pinaagi sa usa ka langitnong mensahero sa pagpangita kang Apostol Pedro. Sa samang higayon, si Pedro adunay usa ka panan-awon nga nakatabang kaniya aron mas makasabot unsa ang gibati sa Langitnong Amahan mahitungod sa Iyang mga anak. Kini nga leksiyon makatabang kaninyo pagtan-aw sa ubang tawo nga mas mahisama sa pagtan-aw sa Langitnong Amahan ug ni Jesukristo kanila.
Pagkahimong mas sama Kaniya. Tabangi ang mga estudyante nga makita ang koneksyon tali sa pagpuyo sa ebanghelyo ug pagkahimong mas susama kang Jesukristo. “Ang pagkahimo maoy usa ka proseso sa pag-usab sa pamatasan ug kinaiya mismo sa estudyante. Moabot kini pinaagi sa matubsanon ug makapalig-on nga gahom ni Jesukristo” (Kim B. Clark, “Deep Learning and Joy in the Lord” [pamahayag nga gihatag sa tinuig nga pagbansay nga mga pagsibya sa Seminaries and Institutes of Religion], Hunyo 13, 2017, broadcasts.ChurchofJesusChrist.org).
Pagpangandam sa estudyante: Dapita ang mga estudyante sa paghatag og pagtagad kon giunsa nila pagtan-aw ug pagtratar ang mga tawo sa ilang palibot ug nganong gibuhat nila kini. Sultihi sila nga mangandam sa pagpaambit og pipila ka mga panabot gikan sa ilang mga obserbasyon.
Unsay inyong nakita?
Imahe
Clouds in a sunny sky
Tan-awa ang mga panganod ( sa gawas o sa niini nga litrato) ug ihulagway unsa ang inyong nakita.
Ngano kaha nga ang duha ka tawo lagmit magtan-aw sa susamang mga panganod apan managlahi ang mga butang nga ilang makita?
Ngano kaha nga ang duha ka tawo lagmit magtan-aw sa laing tawo ug managlahi ang pagtan-aw nila sa maong tawo?
Unsa ang inyong nasayran mahitungod sa panglantaw sa Langitnong Amahan ug ni Jesukristo sa matag usa kanato?
Dapita ang mga estudyante sa pagpaambit sa ilang mga obserbasyon ug mga panabot kon ilang makompleto ang pagpangandam sa estudyante nga kalihokan.
Sa inyong pagtuon, hinumdomi nga kon giunsa ninyo pagtan-aw ang tawo lagmit usahay lahi kay sa pagtan-aw sa Langitnong Amahan ug ni Jesukristo kanila. Tugoti ang Espiritu Santo nga mogiya kaninyo sa kon unsa man ang inyong kinahanglang buhaton aron mas bug-os nga mahisubay sa mga panglantaw sa Langitnong Amahan ug ni Jesukristo.
Si Pedro nagtudlo ni Cornelio, usa ka Hentil
Kutob niini nga bahin sa mga panahon sa Bag-ong Tugon, ang ebanghelyo nasangyaw, nga may pipila ka eksepsiyon, eksklusibo ngadto lamang sa mga Judio, sigon sa mando sa Manluluwas (tan-awa sa Mateo 10:5–6). Adunay pipila ka mga miyembro sa Simbahan ni Kristo nga mga Hentil (dili mga Judio) pinaagi sa pagkatawo, apan sila nakabig na ngadto sa Juidaismo sa wala pa misunod kang Kristo. Hinoon, ang Manlululwas misulti sa Iyang mga disipulo nga human mikunsad ang Espiritu Santo diha kanila, sila mosangyaw sa ebanghelyo “sa tibuok kalibotan” ( Mga Buhat 1:8). Diha sa Mga Buhat10 atong mabasa ang mahitungod sa usa ka mahinungdanong kausaban sa paagi sa pagdumala sa Simbahan nga mopahigayon niini.
Basaha ang Mga Buhat 10:1–8 aron masayod mahitungod kang Cornelio. Pangita og mga timailhan kon unsa ang pagtan-aw sa Langitnong Amahan kaniya.
Unsa ang inyong nakat-onan mahitungod ni Cornelio gikan niini nga mga bersikulo?
Unsa ang inyong nakit-an nga nagtimaan kon unsa ang gibati sa Langitnong Amahan mahitungod kang Cornelio?
Sa dihang ang katawhan ni Cornelio mibiyahe aron pangitaon si Apostol Pedro, ang Ginoo nagtudlo kang Pedro mahitungod sa unsa ang Iyang pagtan-aw sa tanang katawhan.Basaha ang Mga Buhat 10:9–16 ug pagdrowing og hulagway kon unsa sa inyong hunahuna ang nakita sa panan-awon ni Pedro.
Ang mga estudyante mahimong magdrowing og indibidwal nga mga hulagway, o usa ka estudyante mahimong magdrowing sa panan-awon diha sa pisara. Pamub-i ang panahon sa pagdrowing aron ang mga estudyante adunay igong panahon alang sa nahibilin nga leksiyon.
Dapita ang mga estudyante sa pagpaambit kon unsay ilang gidrowing. Ikonsiderar ang pagdapit sa mga estudyante sa pagpaambit sa ilang mga hunahuna mahitungod sa unsa ang lagmit ipasabot sa maong panan-awon.
Nganong nabalaka man si Pedro mahitungod sa unsa ang gipabuhat kaniya sa maong panan-awon?
Si Pedro nagdako isip usa ka Judio, nagsunod sa mga sugo ug sa mga tradisyon sa balaod ni Moises. Kini nga balaod naglangkob og istrikto nga mga kinahanglanon sa unsa ang angay nga kaonon ug dili makaon sa mga tawo (tan-awa ang Levitico11). Ang mga mananap nga gitugotang kaonon sa mga Judio kay gitawag og “limpyo,” samtang ang mga mananap nga gidili sa Dios nga kaonon sa mga Judio kay gitawag ug “hugaw.”
Si Pedro wala dayon makasabot sa kinatibuk-ang kahulogan sa maong panan-awon. Samtang namalandong siya niini, ang mga tawo nga gipadala ni Cornelio miabot. Ang Espiritu misugo kang Pedro nga mouban niining mga tawhana ngadto sa balay ni Cornelio (tan-awa sa Mga Buhat 10:17–20).
Basaha ang Mga Buhat 10:25–29, 34–35 , og pangitaa unsa ang nakat-onan ni Pedro mahitungod sa kahulogan sa panan-awon nga iyang nadawat.
Imahe
Clouds in a sunny sky
Tan-awa ang bersikulo34 alang sa kamatuoran nga nahibaloan ni Pedro mahitungod sa unsa ang pagtan-aw sa Langitnong Amahan sa tanan Niyang mga anak. Ikonsiderar ang pagmarka sa kamatuoran nga inyong nakit-an.
Nasabtan ni Pedro nga ang Dios walay pinalabi sa mga tawo. Kon ang mga estudyante makabenepisyo gikan sa pagbasa sa ubang mga kasulatan nga naghatag ug dakong gibug-aton niining kamatuoran, basaha og dungan ang 2 Nephi 26:13, 28, 33 ; Doktrina ug Mga Pakigsaad 1:34–35 .
Mahimong ipaambit ang mga pamahayag gikan sa “Komentaryo ug Background nga Impormasyon” nga seksiyon kon gikinahanglan panahon sa panaghisgot.
Isulat sa inyong journal sa pagtuon unsa ang buot ipasabot kaninyo sa “Ang Dios walay pinalabi sa mga tawo.”
Sa inyong hunahuna sa unsang paagi kaha ang pagpadayag sa Langitnong Amahan nakapausab sa kasingkasing ug sa panglantaw ni Pedro? Sa unsang paagi ang pagsabot niining pagpadayag makapausab sa mga kasingkasing sa katawhan karon?
Pagdapit og mga boluntaryo sa pagpaambit sa unsay ilang gisulat.
Sa dihang si Pedro nakasabot nga buot sa Dios nga itudlo ang ebanghelyo sa tanang tawo, siya nagsangyaw sa mensahe ni Jesukristo ngadto kang Cornelio og sa iyang pamilya ug mga higala (tan-awa ang Mga Buhat 10:36–43).
Imahe
Clouds in a sunny sky
Unsaon kaha sa kinabuhi ug misyon ni Jesukristo pagpakita sa gugma sa Dios alang sa tanang tawo?
Sa unsang paagi nga ang paghinumdom giunsa paghatag ug bili sa Langitnong Amahan sa tanang katawhan makaimpluwensya sa inyong pag-ila ug pagtratar sa uban?
Unsa ang inyong mabuhat aron mangayo og tabang sa Langitnong Amahan nga ang atong pagtan-aw sa uban mahisama sa Iyang pagtan-aw?
Samtang si Pedro nagpamatuod kang Jesukristo, ang Espiritu Santo mikunsad kang Cornelio ug sa iyang panimalay. Si Pedro midapit kanila nga magpabunyag (tan-awa sa Mga Buhat 10:44–48). Ang pagpadayag sa Dios ngadto kang Pedro miusab sa naandan nga pamaagi sa Simbahan, ug ang ebanghelyo gisugdan sa pagsangyaw ngadto sa tanang mga tawo.
Ang mga estudyante mahimong mokumpleto sa mosunod nga kalihokan diha sa ilang mga journal sa pagtuon. Ikonsiderar usab ang pagdapit sa mga estudyante sa pagpaambit ngadto sa ilang mga pamilya kon unsa ang ilang nakat-onan gikan niini nga leksiyon.
Hunahunaa unsa kaha ang kalahian sa kalibotan o sa inyong nasod, kasilinganan, tulunghaan, o pamilya kon ang tanang mga anak sa Langitnong Amahan magtan-aw sa matag usa sama sa Iyang pagtan-aw ngari kanato.
Pagpili og usa niini nga mga palibot. Ipasabot unsa nga mga kalahian ang lagmit ninyong makita kon ang mga tawo niining palibot nagtan-aw sa uban sama sa pagtan-aw kanila sa Langitnong Amahan ug ni Jesukristo.
Komentaryo ug Background nga Impormasyon
Kinsa ang dawaton ni Jesukristo ngadto sa Iyang Simbahan ug gingharian?
Si Presidente Russell M. Nelson mipasabot:
Imahe
Official portrait of President Russell M. Nelson taken January 2018
Ang matag usa kanato adunay balaanong potensyal tungod kay ang matag usa anak sa Dios. Ang matag usa managsama diha sa Iyang panan-aw. Ang mga implikasyon niini nga kamatuoran lawom kaayo. Mga kaigsoonan, palih[o]g paminaw og maayo sa unsay akong isulti. Ang Dios wala magmahal sa usa ka kaliwat nga labaw kay sa lain. Ang Iyang doktrina mahitungod niini klaro. Siya nagdapit sa tanan nga moduol ngadto Kaniya, “itom ug puti, ulipon ug gawasnon, lalaki ug babaye” [ 2Nephi 26:33 ].
Akong iseguro kaninyo nga ang inyong kahimtang atubangan sa Dios dili tinoon pinaagi sa kolor sa inyong panit. Ang pagpabor o wala pagpabor sa Dios mag-agad sa inyong debosyon ngadto sa Dios ug sa Iyang mga sugo ug dili sa kolor sa inyong panit.
(Russell M. Nelson, “Ipatigbabaw ang Dios Labaw sa Tanan,” Ensign o Liahona, Nob. 2020, 94)
Mga Buhat 10:45. Unsa ang kahulogan sa “gasa sa Espiritu Santo”?
Sa Mga Buhat 10:45 , ang mga pulong “ang gasa sa Espiritu Santo” nagpasab[o]t nga gah[o]m sa Espiritu Santo, nga miabot diha niini nga mga Hentil. Kini lahi gikan sa gasa sa Espiritu Santo nga atong nadawat pinaagi sa ordinansa sa k[o]mpirmasyon human sa bunyag (tan-awa sa Mga Buhat 8:14–17 ; tan-awa usab sa Mga Pagtulun-an sa mga Presidente sa Simbahan: Joseph Smith [2007], 97).
Giunsa sa panan-awon ni Pedro pag-usab sa naandan nga mga pamaagi sa Simbahan?
Si Elder D. Todd Christofferson sa Korum sa Napulog Duha ka Apostoles mipasabot:
Imahe
Portrait of Elder D. Todd Christofferson. Photographed in March 2020.
Tungod niini nga kasinatian ug pagpadayag ngadto kang Pedro, giusab sa Ginoo ang pamaagi sa Simbahan ug mipadayag og mas kompletong panab[o]t sa doktrina ngadto sa Iyang mga disipulo. Ug ang pagsangyaw sa ebanghelyo gipakatap ngadto sa tanang katawhan.
Unsang mga pagkaparehas ang anaa sa panan-awon ni Pedro diha sa pagpadayag nga naghatag sa pagkapari sa tanang takos nga mga lalaking miyembro sa Simbahan?
Ang mosunod nga mga kapanguhaan mahimong makatabang kon kamo gustong makasabot ug dugang mahitungod sa 1978 nga pagpadayag diin ang Langitnong Amahan mipaabot sa ordinasyon sa pagkapari sa tanang takos nga mga lalaking miyembro sa Simbahan:
Ang Manluluwas miadto sa tanang dapit ug naghimog mga maayong butang
Mahimong dapiton ang mga estudyante sa pagbasa sa Mga Buhat 10:38 ug maghunahuna giunsa sa Manluluwas “pag-adto sa tanang dapit ug “naghimog mga maayong butang” sa paagi sa Iyang pagtan-aw ug pagtratar sa uban. Ang mga estudyante mahimo dayong dapiton sa paghunahuna mahitungod sa unsa ang ilang mahimo aron sa pagsunod sa Manluluwas sa pagbuhat og maayo.
Pagtudlo sa uban mahitungod sa Manluluwas
Sa dihang si Pedro nagtudlo ni Cornelio ug sa iyang mga kauban, siya namulong una mahitungod kang Jesukristo ug sa Iyang Pag-ula ug dayon miawhag niadtong iyang gitudloan nga mobuhat niining mga pagtulun-an pinaagi sa pagdawat sa mga ordinansa (tan-awa sa Mga Buhat 10:35–48). Ang ubang mga misyonaryo misunod niini nga sumbanan (tan-awa sa Mosiah 18:1–10 ; Alma 18:24–39). Ang mga estudyante mahimong dapiton sa pagbasa sa mga pagtulun-an ni Pedro kang Cornelio ug pag-andam sa ilang kaugalingong outline sa unsa lagmit ang ilang ipaambit uban sa usa ka higala kinsa interesadong mas makahibalo pa mahitungod sa ebanghelyo. Mahimo usab nilang ikonsiderar ang pagsunod sa pamahayag ni Presidente Dallin H. Oaks sa Unang Kapangulohan:
Imahe
Official Portrait of President Dallin H. Oaks taken March 2018.
Samtang kita makigsulti sa uban, kinahanglan natong hinumdoman nga ang usa ka pagdapit sa pagkat-on og dugang mahitungod ni Jesukristo ug sa Iyang ebanghelyo palabihon kay sa pagdapit nga magkat-on pa mahitungod sa atong Simbahan. Kita gusto nga ang mga tawo makabig sa ebanghelyo. Mao kana ang talagsaong tahas sa Basahon ni Mormon. Ang mga pagbati mahitungod sa atong Simbahan [mosunod] sa pagkakabig ngadto ni Jesukristo; dili mag-una niini. Daghan nga madudahon sa mga simbahan aduna gihapoy gugma alang sa Manluluwas. Unaha ang mga butang nga kinahanglang unahon.
(Dallin H. Oaks, “Pagpakigbahin sa Gipahiuli nga Ebanghelyo,” Ensign or Liahona, Nob. 2016, 59)
Usa ka moderno nga ehemplo
Ang mga estudyante mahimong mangita og mga asoy o pagtulun-an sa Basahon ni Mormon nga nagpakita nga ang Langitnong Amahan nag-awhag sa tanan Niyang mga anak sa pagduol Kaniya (tan-awa sa 2Nephi 9:21–22 ; 2Nephi 26:28 ; Mosiah 27:23–25 ; Mosiah 28:1–3).
