Ang Manluluwas Nagdumala sa Iyang Simbahan pinaagi sa Pagpadayag
Imahe
Peter and James speak to the apostles, elders and other members at Jerusalem on the matter of circumcision. Outtakes: include some of the people shooting the film, different shots of the group of people listening.
Si Jesus miingon sa Iyang mga Apostoles nga ang ebanghelyo isangyaw sa tanang mga nasod. Ang pagbuhat niini, hinuon, nagkinahanglan og lisod nga mga kausaban sa dugay nang gihuptang mga tradisyon sa Judio. Sa Pagsaka sa Langit ni Jesus, kining mga kausaban gikinahanglang buhaton pinaagi sa pagpadayag. Ang katuyoan niini nga leksiyon mao ang pagpalawom sa inyong pagsabot kon giunsa sa Manluluwas pagdumala ang Iyang Simbahan pinaagi sa pagpadayag sa Iyang propeta ug mga apostol.
Pagdesisyon kon unsay itudlo. Kasagaran adunay mas daghang materyal sa usa ka scripture block kay sa makahuloganong mahisgotan sa usa ka panahon sa klase. Mainampoong magtuon sa mga kasulatan ug sa kurikulum aron masayod kon unsa nga doktrinal nga mga kamatuoran ug mga baroganan ang labing importante nga matino, masabtan, ug magamit sa imong mga estudyante.
Pagpangandam sa estudyante: Dapita ang mga estudyante sa pagbasa sa Giya ngadto sa mga Kasulatan, “Pagpadayag,” scriptures.ChurchofJesusChrist.org, ug motambong sa klase nga andam sa pagpaambit unsa ang ilang nasabtan mahitungod sa unsaon sa Ginoo pagpadayag sa Iyang kabubut-on ngadto sa Iyang mga propeta.
Pangutana sa usa ka higala
Handurawa nga usa ka higala nga lahi ninyo og pagtuo nakahibalo mahitungod sa inyong tinuohan sa mga propeta ug mga apostol sa bag-ong panahon. Bisan tuod ang inyong higala nagtuo sa mga propeta ug mga apostol sa Bibliya, siya adunay kalisod sa pagdawat sa ideya nga ang Dios naglihok pinaagi kanila karon. Siya nangutana kaninyo, “Sa unsang paagi si Jesus makigsulti sa propeta ug mga apostoles?”
Unsa kamo kamasaligon sa inyong abilidad sa pagtubag niini nga pangutana?
Unsay inyong isulti ngadto sa inyong higala?
Samtang adunay daghang paagi sa pagtubag, ang Mga Buhat11 ug 15 naghulagway og duha ka mga paagi nga si Jesukristo nagdumala sa Iyang Simbahan pinaagi sa pagpadayag.
Pagpadayag ngadto sa propeta
Human sa panan-awon ni Pedro ug kasinatian kauban ni Cornelio (tan-awa sa Mga Buhat10), siya milawig ngadto sa Jerusalem ug nagtudlo niining bag-ong pinadayag nga mga kamatuoran ngadto sa uban pang mga lider sa Simbahan.
Mahimong makatabang ang pagpares-pares sa mga estudyante aron marebyo sa makadiyot ang panan-awon ni Pedro ug kasinatian kauban ni Cornelio diha sa Mga Buhat10 . Lain pang alternatibo mao ang pag-awhag og usa ka estudyante sa pag-summarize sa asoy alang sa klase.
Pagkaabot sa Jerusalem, si Pedro misugilon sa iyang panan-awon ug kasinatian kauban ni Cornelio (tan-awa sa Mga Buhat 11:1–18).
Basaha ang Mga Buhat 11:4–18 , pangitaa kon giunsa ninyo pagkakita sa Dios nga naggiya sa Simbahan.
Unsa ang inyong nakat-onan gikan niini nga asoy mahitungod sa giunsa paggiya sa Ginoo ang Iyang Simbahan?
Mahimong dapiton ang mga estudyante sa pagdangop sa unsa ang ilang nakat-onan diha sa ilang pagpangandam sa estudyante nga mga pagbasa. Tabangi ang mga estudyante sa pagsabot nga ang pagpadayag miabot diretso ngadto sa propeta, ang pinakadugay sa katungdanan nga Apostol, pinaagi sa usa ka panan-awon.
Ikonsiderar ang pagpakita o pagsulat sa mosunod nga kamatuoran diha sa pisara:
Gikan sa kasinatian ni Pedro atong nakat-onan nga Si Jesuskristo nagdumala sa Iyang Simbahan pinaagi sa pagpadayag ngadto sa Iyang propeta, ang pinakadugay sa katungdanan nga Apostol.
Sa unsang paagi nga ang pagkahibalo niini nga kamatuoran makatabang sa paglig-on sa inyong pagpamatuod kang Jesukristo ug sa Iyang propeta?
Nganong nagtuo ka man nga ang Simbahan karon gigiyahan pinaagi sa pagpadayag ngadto sa propeta sa Ginoo?
Pagpadayag pinaagi sa mga konseho
Lain pa nga ehemplo kon giunsa sa Manluluwas paghatag og pagpadayag sa Iyang mga propeta ug mga apostol gihulagway sa Mga Buhat15 .
Ang mga misyonaryo nga sila si Pablo ug Bernabe nagtudlo ug nagbunyag og daghang mga Hentil. Pipila ka mga Judio nga Kristiyano miadto sa Antioquia ug nagtudlo nga ang mga nakabig nga lalaking Hentil gikinahanglang musunod sa balaod ni Moises pinaagi sa pagpatuli agig dugang sa pagpuyo sa ebanghelyo nga gitudlo ni Jesukristo ug sa Iyang mga Apostoles (tan-awa sa Mga Buhat 15:1,5 ; tan-awa usab sa Giya ngadto sa mga Kasulatan, “ Pagtuli ,” scriptures.ChurchofJesusChrist.org).
Basaha ang Mga Buhat 15:2 aron makita giunsa ni Pablo ug Bernabe pagpangita og kasulbaran sa maong isyu.
Nganong sa inyong hunahuna nga si Pablo ug Bernabe nangita man og giya gikan sa mga lider sa Simbahan didto sa Jerusalem?
Usa ka kamatuoran nga gihulagway sa Mga Buhat15 mao nga pinaagi sa magkauban mga pagtinambagay ug pagtinguha og pagpadayag gikan sa Dios, ang mga lider sa Simbahan nakadawat og inspirasyon mahitungod sa lisod nga mga problema. Sa dihang si Pedro ug uban pang mga lider sa Simbahan nagtinambagay, sila nakadawat og giya gikan sa Dios. Nagpadala sila og mga sulat nga nagpahibalo sa mga miyembro sa Simbahan sa ilang dinasig nga desisyon nga dili kinahanglang ipatuli ang mga nakabig nga Hentil, ug ilang gilakip ang imbitasyon sa pagsunod sa lain pang mga sugo.
Ang konseho mao ang usa ka grupo sa mga tawo nga magtigom aron paghisgot og mga butang nga importante ug unsaon pagtubag niini. Aron mas makasabot mahitungod sa pamaagi sa konseho sa Simbahan, basaha ang mosunod gikan sa Kinatibuk-an nga Tamdanan nga Basahon:
Ang lider [sa usa ka konseho] modasig sa mga miyembro sa pagsulti nga dayag ug matinud-anon. Ang nagkalain-lain nga mga kaagi, mga edad, mga kasinatian, ug mga panglantaw sa mga sakop sa konseho makapabuhong sa konseho. Ang mga miyembro mopaambit og mga sugyot ug maminaw sa matag usa nga adunay respeto. Samtang sila magtinguha nga makahibalo sa kabubut-on sa Ginoo, ang espiritu sa inspirasyon ug panaghiusa mopatigbabaw.
(Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 4.4.3, ChurchofJesusChrist.org)
Unsaon ninyo pag-summarize unsa ang konseho sa Simbahan?
Ihatag ang mosunod nga impormasyon isip usa ka handout alang sa mga estudyante o iplastar kini sa pisara.
Ang Konseho sa Jerusalem
Basaha ang Mga Buhat 15:6–15, 22–28 , pangita og ebidensya sa lainlaing mga bahin sa usa ka konseho. Kopyaha ang mosunod nga tsart diha sa inyong journal sa pagtuon. Sa tuo nga kolum, pagsulat og mga pulong o mga hugpong sa mga pulong gikan sa mga bersikulo nga nag-uyon sa mga hugpong sa mga pulong diha sa wala nga kolum.
Naglihok ubos sa mga yawe sa pagkapari
Nagpokus sa kamaayo sa mga indibidwal ug mga pamilya
Nagtugot og pagpahayag gikan sa mga miyembro sa konseho
Mogiya ngadto sa kahiusahan
Ang mga lider sa bag-ong panahon mogamit usab og mga konseho sa pagdapit sa giya sa Dios sa mga butang nga may kalabotan sa Simbahan. Si Presidente Russell M. Nelson mipaambit sa mosunod:
Imahe
Official portrait of President Russell M. Nelson taken January 2018
Sa dihang nagtig[o]m kami isip Konseho sa Unang Kapangulohan ug Korum sa Napulog Duha, ang among mga lawak mitinganan nahimong mga lawak sa pagpadayag. Ang Espiritu tataw kaayo nga anaa. Samtang kami nakigbis[o]g sa mga komplikado nga mga hilisg[o]tan, usa ka kulba-hinam nga proseso ang nahitabo samtang ang matag Apostoles gawasnon nga mipadayag sa iyang mga hunahuna ug panglantaw. Bisan pa man kon managlahi kami sa among unang mga panglantaw, ang gugma nga among gibati sa usag usa anaa kanunay. Ang among panaghiusa nakatabang kanamo sa pag-ila sa kabubut-on sa Ginoo alang sa Iyang Simbahan.
Sa among mga miting, ang kadaghanan [mayoriya] dili gayod maoy matuman! Mainampuon kaming naminaw sa usag usa ug nakigsulti sa usag usa hangtod nagkahiusa kami. Dayon dihang nakab-ot na namo ang hingpit nga panag-uyon, ang makapahiusa nga impluwensya sa Espiritu Santo makapadasig! Kita makasinati unsa ang nahibaloan ni Propeta Joseph Smith dihang siya mitudlo, “Pinaagi sa panaghiusa sa pagbati kita makaangkon og gah[om] sa Dios” [Mga Pagtulun-an sa mga Presidente sa Simbahan: Joseph Smith (2007), 477]. Walay gay[o]y sakop sa Unang Kapangulohan o sa Korum sa Napulog Duha nga motugyan sa mga desisyon alang sa Simbahan sa Ginoo [ngadto] sa iyang kaugalingon nga labing maayong paghukom lamang!
(Russell M. Nelson, “Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 95)
Kini mamahimong maayong panahon aron tugotan ang mga estudyante sa pagpangutana og mga pangutana nga lagmit anaa nila mahitungod sa mga paagi sa Ginoo sa pagdumala sa Iyang Simbahan. Tan-awa sa “ Pagpadayag ” sa Giya ngadto sa mga Kasulatan (scriptures.ChurchofJesusChrist.org) ug sa materyal nga anaa sa “Komentaryo ug Background nga Impormasyon” nga seksiyon sa leksiyon alang sa dugang pang kasayuran.
Unsaon ninyo pagtubag sa senaryo sa sinugdanan sa leksiyon diin ang usa ka higala nangutana unsaon ni Jesukristo pagpakigsulti ngadto sa propeta ug mga apostol?
Sa unsang paagi nga ang pagkahibalo sa mga kamatuoran nga naila niining mga kasulatan nakaimpluwensya sa unsa ang inyong gibati mahitungod sa propeta ug ubang mga lider sa Simbahan?
Sa unsang paagi nga ang pagkahibalo nga si Jesukristo nagdumala sa Iyang Simbahan niining mga paagiha makaimpluwensya sa unsa ang inyong panglantaw sa mga desisyon nga nabuhat sa propeta ug mga apostol karon?
Unsa nga mga konseho ang lagmit ninyong apilan sa kinatibuk-an sa inyong kinabuhi?
Unsa ang inyong mabuhat aron matabangan ang usa ka konseho nga makadawat og pagpadayag?
Kon aghaton, pagpamatuod sa mga kamatuoran nga gitudlo niini nga leksiyon.
Komentaryo ug Background nga Impormasyon
Ang pagpadayag sa mga lider sa Simbahan
Sa iyang pakigpulong nga “Ang Doktrina ni Kristo,” si Elder D. Todd Christofferson sa Korum sa Napulog Duha ka Apostoles migamit sa mga asoy nga natala sa Mga Buhat11 ug 15 nga nagtudlo mahitungod sa pagpadayag ngadto sa mga lider sa Simbahan. Ikonsiderar ang pagtuon sa tibuok nga pakigpulong o tan-awa ang mosunod nga video gikan sa time code 6:10 hangtod 11:34.
Unsa ang pipila sa mga pananglitan sa pagpadayon sa pagpadayag?
Si Elder Cook nagtudlo usab nga ang propeta ug apostoles nakadawat og inspirasyon gikan sa Espiritu ug nagdumala sa pagpadayag gikan sa Manluluwas. Tan-awa sa “Pagpangandam sa Pagsugat sa Dios” gikan sa time code 13:37 hangtod 14:15.
Unsa ang pamaagi sa mga konseho diha sa usa ka pamilya?
Si Presidente M. Russell Ballard sa Korum sa Napulog Duha ka Apostoles nagtudlo mahitungod sa mga konseho sa pamilya sa iyang pakigpulong nga “Mga Konseho sa Pamilya” (Liahona, Mayo 2016, 63–65).
Dugang nga mga Kalihokan sa Pagkat-on
Ang kabatan-onan mosalmot sa mga konseho
Daghang mga kabatan-onan anaa o maanaay kahigayonan sa pagsalmot sa mga konseho isip kabahin sa ilang mga calling sa usa ka klase o sa kapangulohan sa korum. Dapita ang mga estudyante sa paghisgot og mga kasinatian nila sa pagsalmot niining mga konseho ug giunsa sa ilang nakat-onan niini nga leksiyon pagtabang kanila diha sa ilang pagpakigtambag sa uban diha sa ilang mga calling.
Sa unsang paagi nga ang personal nga pagpadayag moabot pinaagi sa pagpanambag?
Dapita ang mga estudyante sa paghimo og lista diha sa pisara sa pipila ka importanteng mga desisyon nga gikinahanglan nilang himoon karon ug sa umaabot. Pangutan-a ang mga estudyante og mga pangutana sama sa mosunod: Sa unsang paagi nga ang pagpakigtambag sa uban makatabang kaninyo nga makakaplag og inspirasyon mahitungod sa paghimo niining mga desisyon? Kinsa ang mga tawo nga lagmit inyong pakigtambagan mahitungod niining mga desisyon? Pipila sa mga kapanguhaan naglakip sa mga ginikanan ug mga miyembro sa pamilya (tan-awa sa M. Russell Ballard, “Mga Family Council [Konseho sa Pamilya],” Liahona, Mayo 2016, 63–65), mga lider sa Simbahan, ug ang Ginoo (tan-awa sa Alma 37:37).
Ikonsiderar ang paggamit sa mosunod nga pamahayag ni Elder Quentin L. Cook sa Korum sa Napulog Duha ka Apostoles: “Daghan kaninyo bililhong kabatan-onan tingali walay klarong panan-awon kon si kinsa kamo ug si kinsa kamo sa umaabot. Apan anaa kamo sa ngilit sa pinakaimportanteng mga desisyon nga inyo unyang pagahimoon sa inyong kinabuhi. Palihog pakigtambag sa inyong mga ginikanan ug sa inyong bishop kabahin sa importanteng mga pagpili nga nagpaabot kaninyo. Tugoti ang bishop nga mahimong inyong higala ug magtatambag” (“Mga Bishop—Mga Magbalantay sa Panon sa Ginoo,” Liahona, Mayo 2021, 59–60). Dapita ang mga estudyante sa pagsulat kon unsaon kaha nila paggamit ang baroganan sa pagpakigtambag aron dapiton ang giya ni Jesukristo diha sa ilang kinabuhi.
Giunsa sa mga kasulatan pagdapit og pagpadayag diha sa mga nag-unang mga konseho sa Simbahan
Mahimong pangutan-on ang mga estudyante mahitungod sa laing mga paagi diin moabot ang pagpadayag. Mahimong ipabasa sa mga estudyante ang Mga Buhat 15:13–18 . Unsa nga mga tinubdan sa katungod ang gihisgotan ni Santiago?
Si Elder D. Todd Christofferson sa Korum sa Napulog Duha ka Apostoles nagtudlo: “Ang deliberasyon sa council sagad maglakip sa pagtimbang-timbang sa mga kasulatan, sa mga pagtulun-an sa mga lider, ug sa nangagi nga gipanghimo sa Simbahan. Apan sa katap[o]san, sama sa Simbahan diha sa Bag-ong Tugon, ang tuyo dili lang ang panag-uyon tali sa council apan ang pagpadayag gikan sa Dios. Proseso kini nga naglakip sa katar[o]ngan ug hugot nga pagtuo aron maangkon ang hunahuna ug kabubut-on sa Ginoo” (“Ang Doktrina ni Kristo,” Liahona, Mayo 2012, 88). Ang mga estudyante mahimong mobasa sa Mga Buhat 10:28 , nga mangita sa unsang paagi ang pag-uyon ug pagpadayag gikan sa Dios gihisgotan.
