Seminary
Mga Buhat 10–15

Mga Buhat 10–15

Kinatibuk-ang Pagpasabot

Human sa Iyang Pagkabanhaw, gisugo ni Jesukristo ang Iyang Apostoles sa pagtudlo ug pagbunyag sa mga tawo sa matag nasod (tan-awa sa Mateo 28:19). Kini nga sugo nagsugod og katuman sa dihang adunay usa ka matarong nga Hentil nga ginganlan og Cornelius ug si Apostol Pedro nakadawat og mga pagpadayag ug balaanong gitumong ngadto sa usa’g usa. Si Pedro mibunyag ni Cornelius, ug gikan niana ang ebanghelyo nikaylap ngadto sa mga Hentil. Apan pipila ang nisupak gihapon sa buhat sa Apostoles, nga maoy nahitabo sa dihang si Apostol Santiago gipakamartir ug si Pedro gibilanggo. Human sa daghang mga pag-ampo sa mga matarong, si Pedro gibuhian gikan sa pagkabilanggo pinaagi sa usa ka anghel. Ang pagtinguha sa pagtabang sa pagtuman sa tahas nga magtudlo sa tanang mga nasod, ang mga Apostol nga sila si Pablo ug Bernabe mibiya alang sa usa ka misyon. Sila nag-atubang usab og daghang pagsupak apan gipanalanginan og daghang kalamposan; daghan sa mga Hentil nga ilang gitudloan ang midawat sa ebanghelyo ni Kristo. Adunay mga pangutana nga mitumaw mahitungod sa panginahanglan sa mga nakabig nga Hentil nga pagasirkonsidahan [circumcised] ug mosunod sa balaod ni Moises. Ang pangutana gidala ngadto kang Pedro ug sa uban pang mga lider sa Simbahan, kinsa nagtinambagay ug nakadawat og pagpadayag kalabot niini.  

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Mga Buhat 10, Bahin 1

Tumong sa leksiyon: Kini nga leksiyon makatabang sa mga estudyante nga mas makita ang ubang mga tawo sama sa panglantaw kanila sa Langitnong Amahan ug ni Jesukristo.

  • Pagpangandam sa estudyante: Dapita ang mga estudyante sa paghatag og pagtagad kon giunsa nila pagtan-aw ug pagtratar ang mga tawo sa ilang palibot ug nganong gibuhat man nila kini. Sultihi sila nga magmaandamon sa pagpaambit og pipila ka mga panabot gikan sa ilang mga obserbasyon.

  • Mga hulagway: Hulagway sa mga panganod

  • Mga materyales alang sa mga estudyante: Mga materyales sama sa papel ug de kolor nga mga lapis alang sa mga estudyante aron makahimo og mga ilustrasyon

  • Sugyot sa pagtudlo pinaagi sa videoconference: Kon ang mga estudyante gidapit sa pagdibuho sa panan-awon ni Pedro, dapita sila sa pagpahiangay sa ilang pagtan-aw sa mga partisipante aron kon ang matag tawo mopaambit ug mopasabot, ang imahe nianang tawhana malukop sa tibuok nga screen. Kini makapasayon sa tanang estudyante nga makakita sa gidibuho sa matag usa.

Mga Buhat 10, Bahin 2

Tumong sa leksiyon: Kini nga leksiyon makatabang sa mga estudyante nga madugangan ang ilang panabot kon giunsa sa Langitnong Amahan pagpadayag sa Iyang kabubut-on ngadto kanila.

  • Pagpangandam sa estudyante: Dapita ang mga estudyante sa pag-ila sa mga panginahanglan o mga kabalaka sa ilang kinabuhi nga gusto nilang makadawat og pagpadayag.

  • Bidyo: “Tugoti nga ang Balaang Espiritu Mao ang Mogiya” (15:45; tan-awa gikan sa time code 14:41 hangtod 15:18)

  • Sugyot sa pagtudlo pinaagi sa videoconference: Samtang magrebyo ang mga estudyante sa mga hitabo diha sa Mga Buhat 10:1–28, 44–48 , ikonsiderar ang pagpakita sa teksto niini nga mga bersikulo ug tugoti ang mga estudyante sa pag-highlight o pagmarka sa mga bersikulo nga ilang ganahan isip usa ka klase gamit ang “Annotate” nga function.

Mga Buhat 11, 15

Tumong sa leksiyon: Kini nga leksiyon makatabang sa mga estudyante nga mapalawom ang ilang pagsabot kon giunsa pagdumala sa Manluluwas ang Iyang Simbahan pinaagi sa pagpadayag ngadto sa Iyang propeta ug apostoles.

  • Pagpangandam sa estudyante: Dapita ang mga estudyante sa pagbasa sa Giya sa Kasulatan, “ Pagpadayag,” scriptures.ChurchofJesusChrist.org, ug motambong nga andam sa pagpaambit unsa ang ilang nasabtan kon giunsa sa Ginoo pagpadayag sa Iyang kabubut-on ngadto sa Iyang mga propeta.

Mga Buhat 12:1–19

Tumong sa leksiyon: Kini nga leksiyon makatabang sa mga estudyante sa pagpalambo og mas dakong pagsalig sa Langitnong Amahan ug sa Iyang mga tubag sa pag-ampo.

  • Pagpangandam sa estudyante: Dapita ang mga estudyante sa pagtambong nga andam sa pagpaambit og usa ka kasinatian diin ang mga pag-ampo natubag sa paagi nga ila o sa uban nga gilaoman ug usa ka kasinatian diin ang mga pag-ampo daw wala matubag o natubag sa laing paagi nga wala nila damha.

  • Sugyot sa pagtudlo sa videoconference: Ikonsiderar ang pagdapit og lider sa lokal nga Simbahan nga kaila sa mga estudyante aron mopaambit og mga kasinatian sa natubag nga mga pag-ampo sa susamang paagi nga ilang gilaoman ug sa mga paagi nga wala nila gilaoman. Isip alternatibo, pagdapit og usa ka estudyante sa pagdala og usa ka miyembro sa pamilya nga mopaambit sa ilang mga kasinatian sa pag-ampo ngadto sa klase. Seguroha nga adunay tukma nga mga pagtugot gikan sa lokal nga mga lider sa Simbahan ug sa koordinitor sa Seminaries ug Institutes sa dili pa dapiton ang mga bisita nga mosulti sa imong klase.

Pagrebyo sa Doktrinal nga Kahanas 14

Tumong sa leksiyon: Kini nga leksiyon makahatag sa mga estudyante og kahigayonan aron mapalawom ang ilang panabot ug makapasabot sa mga kamatuoran mahitungod sa usa o dugang pa sa mga tudling sa doktrinal nga kahanas gikan sa Bag-ong Tugon.

  • Pagpangandam sa estudyante: Dapita ang mga estudyante sa pagrebyo sa mga tudling sa doktrinal nga kahanas nga pagatun-an niini nga leksiyon ug motambong nga andam sa paghisgot niini. Mahimong gamiton sa mga estudyante ang Mahinungdanon nga Dokumento sa Doktrinal nga Kahanas (2022) o ang app sa Doktrinal nga Kahanas aron matabangan sila sa pagrebyo.

Pahinumdom: Ang usa ka tudling sa doktrinal nga kahanas nga leksiyon mahimong kinahanglang itudlo isip puli niini nga leksiyon sa pagrebyo. Tan-awa ang eskedyul kon kanus-a itudlo ang leksiyon nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

  • Sulod [content] nga ipakita: Kalihokan sa pagtukma

  • Sugyot sa pagtudlo pinaagi sa videoconference: Ang mga estudyante mahimong bahinon ngadto sa breakout rooms aron paghisgot sa mga pangutana sa kataposan sa leksiyon.

Iprinta