Pagrebyo sa Doktrinal nga Kahanas 13
Sag-uloha ang mga Pakisayran ug Mahinungdanong Hugpong sa mga Pulong sa Kasulatan
Ang paghinumdom kon asa makita ang mga tudling sa kasulatan ug unsa ang ilang gitudlo mahimong makatabang kaninyo kon kamo mopaambit sa mga kamatuoran sa ebanghelyo ngadto sa uban. Ang inyong pagtuon karon makatabang gayod kaninyo sa pagsag-ulo sa mga pakisayran sa kasulatan ug mga mahinungdanong mga hugpong sa mga pulong sa kasulatan alang sa pipila ka tudling sa doktrinal nga kahanas sa Bag-ong Tugon.
Pagpangandam sa estudyante: Dapita ang mga estudyante sa pagbansay sa pagsag-ulo sa mga mahinungdanong mga hugpong sa mga pulong sa doktrinal nga kahanas ug mga pakisayran sa kasulatan sa paagi nga mahimo nila. Ikonsiderar ang paghatag sa tsart nga naglakip niini nga leksiyon, o dapita ang mga estudyante sa paggamit sa app sa Doktrinal nga Kahanas kon anaa.
Posible nga mga Kalihokan sa Pagkat-on
Ang tudling sa doktrinal nga kahanas nga leksiyon kinahanglang matudlo isip puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.
Sag-uloha ang mga mahinungdanong mga hugpong sa mga pulong sa kasulatan gamit ang mga hulagway
Kini nga leksiyon mahimong makatabang kaninyo sa pagrebyo sa mosunod nga mga tudling sa kasulatan sa doktrinal nga kahanas ug pagpamalandong sa unsang paagi nga ang mga kamatuoran nga gitudlo niini makatabang kaninyo sa daghang mga higayon. Kon wala pa ninyo markahi kini nga mga tudling sa kasulatan ug ang ilang mga mahinungdanong mga hugpong sa mga pulong diha sa inyong mga kasulatan, mahimong buhaton kini.
Pakisayran sa Kasulatan |
Mahinungdanong Hugpong sa mga Pulong sa Kasulatan |
“Ang inyong lawas mao ang templo sa Espiritu Santo.” | |
“Apan sa atong pagkinabuhi diha sa Ginoo, ang babaye nagkinahanglan sa lalaki ug ang lalaki nagkinahanglan usab sa babaye.” | |
“Kay ingon nga nangamatay ang tanang mga tawo tungod sa ilang pagkahiusa kang Adan, banhawon usab ang tanan tungod sa ilang pagkahiusa kang [K]risto.” | |
Diha sa Pagkabanhaw, adunay tulo ka ang-ang sa himaya. |
Gamit ang daghang mga pagbati ug mga kahanas mahimong makatabang sa mga estudyante sa pagsag-ulo. Ang mosunod nga kalihokan naghangyo sa mga estudyante sa pagdibuho og yanong mga simbolo aron makatabang kanila sa paghinumdom sa mga pagtulun-an niini nga mga tudling sa doktrinal nga kahanas. Pagpasa og upat ka mga kard nga sulatanan o gagmayng mga panid sa papel aron magamit sa matag estudyante niini nga kalihokan. Magmabination niadtong kinsa lagmit mobati nga nagkulang sila sa arte o sa mamugnaong kahanas. Ikonsiderar ang pag-awhag sa mga estudyante sa pagtrabaho nga magpares o sa gagmay nga mga grupo.
Ihulagway ang mahinungdanong hugpong sa mga pulong
Ang mga hulagway ug uban pang mga biswal nga panan-awon mahimong makatabang kanato sa paghinumdom sa importanteng kasayoran. Hunahunaa kon sa unsang paagi nga ang paggamit og mga biswal makatabang kaninyo sa paghinumdom sa mga pakisayran sa kasulatan ug mahinungdanong mga hugpong sa mga pulong.
Alang sa mosunod nga kalihokan, palihog pagpili og mga timailhan o mga simbolo nga pamilyar sa mga estudyante.
-
Unsa ang girepresentar sa mosunod nga mga simbolo?
Ang mosunod mao ang mga pananglitan sa mga tudling sa doktrinal nga kahanas nga gihulagway gamit ang mga simbolo o mga imahe. Tan-awa ang mga hulagway, ug tan-awa kon maila ba ninyo ang usa ka tudling sa doktrinal nga kahanas ug ang mahinungdanon niini nga hugpong sa mga pulong sa kasulatan.
Ipakita ang mosunod nga mga imahe. Ang sakto nga tubag sa unang imahe mao ang “ 1 Mga Taga-Corinto 6:19–20 : ‘Ang inyong lawas mao ang templo sa Espiritu Santo.’” Ang sakto nga tubag sa ikaduhang imahe mao ang “ 1 Mga Taga-Corinto 15:40–42 : Diha sa Pagkabanhaw, adunay tulo ka mga ang-ang sa himaya.”
Samtang ang mga estudyante maghimo sa mosunod nga kalihokan, awhaga sila pagbutang sa matag hulagway nila sa lahi nga kard nga sulatanan. Pagtan-aw aron ma-highlight ang pagkamamugnaon sa mga estudyante sa ilang mga hulagway. Kini mahimong buhaton pinaagi sa pag-awhag sa pipila ka mga estudyante sa pagpakita og usa sa ilang mga kard ngadto sa klase. Kini mahimong dako nga kahigayonan sa paglangkob sa mga estudyante kinsa lagmit wala kaayo makasalmot sa klase. Sa laing paagi, mahimong dapiton ang mga estudyante sa pagdrowing sa ilang mga pananglitan sa pisara, o, human sa klase, ibitay ang ilang mga pananglitan sa klasrom.
Sa upat ka lainlaing mga kard nga sulatanan o gagmayng mga panid nga papel, isulat pag usab ang matag usa sa nalista na sa una nga mga tudling sa doktrinal nga kahanas. Sa pikas nga bahin sa matag kard, paghimo og hulagway nga makatabang kaninyo sa paghinumdom sa mga mahinungdanong hugpong sa mga pulong. Mahimo kamong magdrowing sa inyong kaugalingong mga hulagway o mogamit og mga biswal sama sa klip art, mga emoji, o mga litrato. Kini nga kalihokan wala nagkinahanglan nga kamo usa ka hanas nga artist. Ang inyong paghulagway kinahanglan halandomon apan dili makawala sa ligdong nga pagtahod o mohatag og taphaw nga pagtagad sa sagrado nga mga hilisgotan.
Kon kamo mahuman na, gamita ang inyong mga ilustrasyon sa pagrebyo sa mahinungdanong mga hugpong sa mga pulong sa kasulatan. Kon mahimo, ipakigbahin ang inyong pagpasabot ngadto sa higala o sakop sa pamilya. Sulayi paghinumdom ang labing daghang mahinungdanong hugpong sa mga pulong kon mahimo.
.
Paggamit sa mga mahinungdanong hugpong sa mga pulong sa kasulatan ngadto sa kinabuhi
Ikonsiderar ang paghimo sa mosunod nga mga ehemplo isip handout o ipasundayag kini isip mga pananglitan aron makita sa klase. Ang saktong mga tubag mao ang (1) 1 Mga Taga-Corinto 15:20–22 ; (2) 1 Mga Taga-Corinto 6:19–20 ; (3) 1 Mga Taga-Corinto 11:11 ; (4) 1 Mga Taga-Corinto 15:40–42 .
O pagmugna og laing mga senaryo nga mas magamit sa kinabuhi o sa mga kahimtang sa mga estudyante.
Aron marebyo ang mga tudling nga inyong gibansay sa pagsag-ulo, buhata ang mosunod nga pasulit, pag-ila unsa nga tudling sa doktrinal nga kahanas ang mahimong labing maayong makatabang sa matag mosunod nga mga sitwasyon:
-
Usa ka batan-ong babaye nag-ingon, “Ako nakadungog gikan sa uban nga tungod kang Jesukristo ang tanan mabanhaw. Tinuod ba kana?”
-
Usa ka higala natingala nganong kinahanglan kitang mag-amping sa atong mga lawas kon kita mabanhaw man gihapon.
-
Usa ka higala wala maghunahuna nga ang kaminyoon mahimong bililhon nga paningkamot.
-
Usa ka apohang laki sa batan-ong lalaki bag-o lang namatay, ug ang batan-ong lalaki adunay mga pangutana mahitungod sa sunod nga kinabuhi.