Mga Buhat 6–9

Kinatibuk-ang Pagpasabot

Si Esteban mihimo og gamhanang mga milagro uban sa gahom sa Dios, apan ang mga Judio mibato kaniya tungod sa iyang pagpamatuod kang Jesukristo. Si Felipe nagtudlo sa usa ka Etiopianhong tawo mahitungod kang Jesukristo sa paagi nga nakagiya kaniya aron motuo ug mabunyagan. Sa dihang si Saulo mibiyahe paingon sa Damasco aron pagpadayon sa pagpanghasi sa mga Santos, si Jesus mipadayag sa Iyang kaugalingon ngadto kang Saulo (tan-awa sa Mga Buhat 9:3–5). Human niana, si Jesus mitabang kang Ananias nga motan-aw kang Saulo sama sa Iyang pagtan-aw kaniya.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Mga Buhat 6–7

Tumong sa leksiyon: Kini nga leksiyon mahimong makatabang sa mga estudyante sa pagpamalandong og mga paagi aron sila makapanalangin sa uban pinaagi sa pagpaningkamot sa pagsunod sa Langitnong Amahan og ni Jesukristo, mahimong susama Kanila, ug magpamatuod Kanila.

Pagpangandam sa estudyante: Dapita ang mga estudyante sa pagrebyo sa ilang mga tumong alang sa Mga Bata ug Kabatan-onan nga programa ug ikonsiderar giunsa nila pagkahimong mas sama sa Manluluwas.

Imahe: Hulagway ni Esteban

Sugyot sa pagtudlo pinaagi sa videoconference: Kon magdapit og mga estudyante sa pagdramadrama nga kintahay anaa sila sa konseho sa ward, mahimong maalamon ang pagbutang og usa o duha ka mga estudyante nga mangulo sa konseho ug sultihi sila nga segurohon nga ang tanan musalmot. Kon mahimong mas epektibo kon adunay labaw pa sa usa ka konseho, ikonsiderar ang pagbutang sa matag konseho sa usa ka breakout nga room.

Mga Buhat 8

Tumong sa leksiyon: Kini nga leksiyon gituyo aron matabangan ang mga estudyante sa pagpamalandong unsaon nila paggamit ang mga kasulatan aron matabangan ang uban nga motuo og moduol kang Jesukristo.

Pagpangandam sa estudyante: Dapita ang mga estudyante sa paghunahuna mahitungod sa espirituhanong mga himan o mga kahanas nga nakatabang kanila sa paglambo nga mas lig-on diha sa ebanghelyo. Aduna silay kahigayonan sa pagpaambit sa ilang mga ideya panahon sa leksiyon.

Mga Butang: Usa ka martilyo ug mga lansang, usa ka screwdriver ug mga screw, o lain pang mga himan

Sugyot sa pagtudlo pinaagi sa videoconference: Human magtuon ang mga estudyante sa Isaiah 53:3 –9 ug natubag ang duha ka mga pangutana mahitungod sa tudling, mahimong magdramadrama isip usa ka klase. Pilia ang papel sa eunuch, ug sultihi ang klase nga tabangan ka nga makasabot niining mga bersikulo. Awhaga ang pipila ka mga estudyante sa pagpaambit sa ilang mga tubag.

Mga Buhat 8:1–3; 9:1–20

Tumong sa leksiyon: Kini nga leksiyon gituyo aron matabangan ang mga estudyante nga mamalandong unsa ang gibuhat sa Ginoo aron matabangan sila nga mag-usab aron mahimong mas maayo ug mangita aron masayod unsa ang Iyang ipabuhat kanila.

Pagpangandam sa estudyante: Dapita ang mga estudyante sa pagpakigsulti sa usa ka myembro sa pamilya o higala mahitungod sa mga paagi nga si Jesukristo nagdapit ug nagtabang kanato aron mag-usab.

Butang: Usa ka diyolen o usa ka bola

Sugyot sa pagtudlo pinaagi sa videoconference: Pagdapit og usa ka estudyante aron motambong sa klase nga may andam nga diyolen. Aron sugdan ang leksiyon, sultihi ang estudyante sa pagpaligid sa diyolen sa paagi nga makita sa klase. Dayon ipangutana ang unang duha ka mga pangutana sa leksiyon.

Mga Buhat 9:10–31

Tumong sa leksiyon: Kini nga leksiyon gituyo aron matabangan ang mga estudyante nga makakita sa potensyial nga nakita sa Ginoo sa uban bisan pa sa ilang kahuyang ug sa milabay nga mga kasaypanan.

Pagpangandam sa estudyante: Dapita ang mga estudyante sa pagpamalandong niini nga pangutana: “Sa unsang paagi lagmit ang akong relasyon sa pamilya o mga higala mausab kon ako motan-aw kanila sama sa pagtan-aw sa Manluluwas?”

Sugyot sa pagtudlo pinaagi sa videoconference: Duol sa kataposan sa leksiyon, adunay tulo ka pangutana, ang una mao ang “Unsa ang inyong mabuhat aron makatan-aw sa mga tawo sama sa pagtan-aw sa Langitnong Amahan ug ni Jesukristo ngadto kanila?” Ikonsiderar ang pagplastar sa tanang tulo ka mga pangutana ug dapita ang mga estudyante sa pagpili og usa ug pamalandongan ang ilang tubag. Dayon hangyoa ang pipila ka mga estudyante sa pagpaambit sa ilang mga pangutana ug mga tubag.

Pagrebyo sa Doktrinal nga Kahanas 13

Tumong sa leksiyon: Tinguha niini nga leksiyon nga tabangan ang mga estudyante sa pagsag-ulo sa mga pakisayran sa kasulatan ug mga mahinungdanong mga hugpong sa mga pulong sa kasulatan alang sa pipila ka tudling sa doktrinal nga kahanas sa Bag-ong Tugon.

Pagpangandam sa estudyante: Dapita ang mga estudyante nga magbansay sa pagsag-ulo sa mahinungdanong mga hugpong sa mga pulong sa doktrinal nga kahanas ug sa mga pakisayran sa kasulatan sa paagi nga mahimo alang kanila. Ikonsiderar ang paghatag og tsart gikan niini nga leksiyon, o dapiton sila sa paggamit sa app sa Doktrinal nga Kahanas kon anaa.

Tsart: Ang tsart sa doktrinal nga kahanas nga ipaplastar sa pisara o hand out

Sugyot sa pagtudlo pinaagi sa videoconference: Ang mga estudyante mahimong dapiton sa pagpangita og mga imahe kaysa pagdrowing og mga ilustrasyon. Sila dayon mamahimong dapiton sa pagpaambit sa ilang mga screen aron mapasundayag unsa ang ilang nakit-an. Ang mga klasmeyt mahimong mutag-an sa mahinungdanong mga hugpong sa mga pulong sa doktrinal nga kahanas ug mga tudling nga haom sa mga hulagway.