Young man and young woman helping an elderly woman with her groceries.
Ang pag-atiman sa mga kabos ug uban pang nagkinahanglan og tabang kanunay nga usa ka importanteng bahin sa pagka Kristiyano. Sa dihang ang mga balo gipasagdan, ang Apostoles mipili ni Esteban ug sa laing unom pa aron sa pagpangalagad sa ilang mga panginahanglan. Makapasubo, bisan si Esteban mihimo og gamhanang mga milagro uban sa gahom sa Dios, gibato siya sa mga Judio tungod sa iyang pagpamatuod kang Jesukristo. Sa inyong pagtuon, pamalandong og mga paagi nga kamo makapanalangin sa uban pinaagi sa pagpaningkamot nga mosunod sa Langitnong Amahan ug kang Jesukristo, mahimong sama Kanila, ug magmatuod Kanila.
Pagkahimong sama sa Langitnong Amahan ug ni Jesukristo. Tabangi ang mga estudyante sa pag-ila sa mga Kristohanong hiyas, mga buhat, ug mga kinaiya diha sa mga kasulatan. Tabangi sila nga makakita paunsa nga ang sa pagpalambo niining mga kinaiya ug mga hiyas ug sa pagbuhat niining mga lihok mahimong makatabang kanila aron mahimong mas sama sa Langitnong Amahan ug kang Jesukristo.
Pagpangandam sa estudyante: Awhaga ang mga estudyante sa pagrebyo sa ilang mga tumong alang sa Mga Bata ug Kabatan-onan nga programa ug tan-awa giunsa nila pagkahimong mas sama sa Manluluwas.
Posible nga mga Kalihokan sa Pagkat-on
Daklit nga ipasabot unsa ang konseho sa ward ug ilista ang pipila sa mga miyembro sa maong council (bishop, presidente sa Relief Society, presidente sa elders quorum, presidente sa Young Women, presidente sa Primary, lider sa misyon sa ward, ug uban pa). Ipahan-ay ang klase ngadto sa usa o daghan pang mga konseho sa ward (depende sa gidaghanon sa mga estudyante), ug hatagi ang matag estudyante og piho nga calling. Hatagi ang matag council sa mosunod nga senaryo, ug awhaga sila sa paghisgot unsa ang ilang mabuhat aron makatabang. Lagmit mahimong makatabang ang pag-summarize sa maong senaryo diha sa pisara.
Ang konseho sa ward mao ang usa ka grupo sa mga miyembro nga adunay piho nga mga calling (bishop, presidente sa Relief Society, presidente sa elders quorum, presidente sa Young Women, presidente sa Primary, lider sa misyon sa ward, ug uban pa) kinsa nagtigom kanunay aron matubag ang lainlaing mga sitwasyon ug mga hagit sa ilang ward. Hunahunaa nga adunay sitwasyon sa inyong ward o branch nga ingon ani: Usa ka nag-inusara nga inahan nga ginganlan og Lydia ang adunay usa ka 16-anyos nga batang lalaki, usa ka 7-anyos nga batang babaye, ug usa ka 6-ka-bulan nga masuso. Si Lydia adunay operasyon karong semanaha ug moadto sa ospital sulod sa lima ka adlaw. Unsaon sa nagkalainlaing mga miyembro sa konseho sa ward pagtabang niini nga pamilya?
Human sa igong panahon, awhaga ang mga estudyante sa pagpaambit unsaon kaha sa pihong mga miyembro sa usa ka konseho sa ward pagtabang niining maong sitwasyon.
Ngano kaha nga ang mga konseho sa ward, o uban pang kaparehang organisasyon importante man?
Unsa lagmit ang mabati sa kadtong mga anaa modawat sa maong tabang gikan sa usa ka konseho sa ward o pareha nga grupo?
Basaha ang Mga Buhat 6:1 , nga mangita sa usa ka problema nga giatubang sa sayong bahin Simbahan.
Tungod sa gidaghanon sa mga balo nga kabos o sa laing bahin adunay nanginahanglan og tabang sa Simbahan, ang Napulog Duha naggahin og daghan sa ilang panahon aron pagsulay sa pagtabang kanila nga sila dili na makagahin sa ilang panahon alang sa pagsangyaw sa ebanghelyo sa paagi nga gisulti sa Manluluwas kanila.
Basaha ang Mga Buhat 6:2–8 ug ilha ang solusyon nga nasabotan sa Napulog Duha.
Giunsa man sa mga calling sa Simbahan ug sa mga konseho sa ward karon pagkapareha sa solusyon nga gisugyot sa kanhiay nga Apostoles?
Sa imong pagbasa mahitungod sa pito ka lalaki nga gipili aron motabang sa Apostoles, unsa nga mga Kristohanong hiyas ang inyong namatikdan kanila?
Unsaon kaha niining mga hiyas pagtabang sa usa ka tawo aron moalagad ug mopanalangin sa uban nga nagkinahanglan?
Usa ka kamatuoran nga atong maila gikan niining mga bersikulo mao kini: Sa atong pagpalambo sa mga Kristohanong hiyas, mas makapangalagad kita ug makapanalangin sa mga nagkinahanglan.
Unsa ang pipila sa dugang nga mga kinaiya nga anaa ni Jesukristo nga nakatabang Niya pagpangalagad sa kadtong mga nagkinahanglan?
Paggahin og panahon aron mamalandong unsa kamaayo ang inyong pagpalambo niining Kristohanong mga kinaiya. Aduna bay bisan asa niini nga mga hiyas ang may kalabotan sa bisan unsa sa imong personal nga mga tumong alang sa Mga Bata ug Kabatan-onan nga programa? Kon mao, paggahin og panahon sa pagsulat sa inyong journal sa pagtuon kung unsa ang inyong ginabuhat sa pagpalambo niining maong hiyas. Kon wala, mahimo kamong magplano sa inyong journal sa pagtuon kong unsaon ninyo pagbuhat aron mapalambo ang Kristohanong kinaiya aron mahimo kang mas makapangalagad ug makapanalangin sa kadtong mga nagkinahanglan.
Ang pagpamatuod ug pagkamartir ni Esteban
Si Elder Bruce R. McConkie (1915–85) sa Korum sa Napulog Duha ka Apostoles misulat:
Imahe
Head and shoulders portrait of Elder Bruce R. McConkie.
Ang dagkong mga butang dili dali moabot; ang mga panghitabo nga nag-uyog sa yuta midagan ngadto sa kabukiran sa pagsukol.
(Bruce R. McConkie, “Once or Twice in a Thousand Years,” Ensign, Nob. 1975, 18)
Ang pamahayag ni Elder McConkie magamit ngadto kang Esteban. Bisan og siya “naghimog dagkong mga milagro ug mga katingalahan atubangan sa katawhan[,] … may mga tawo nga misupak ug nakiglantugi [kaniya]” ( Mga Buhat 6:8–9). Si Esteban gidala atubangan sa konseho sa mga Judio, ug bakak nga mga saksi ang gidala aron mopamatuod batok kaniya.
Sa dihang si Esteban mibarog atubangan sa mga lider sa Judio, iyang giasoy kon sa unsang paagi sulod sa mga henerasyon nga ang mga Judio misukol sa Espiritu Santo ug misalikway ug mipatay sa mga propeta nga gipadala sa Dios kanila. Si Esteban mipamatuod nga kining masupilon nga mga kinaiya nagpadayon nianang adlawa, sa dihang ang mga katawhan mipatay ni Jesukristo, ang Anak sa Dios (tan-awa sa Mga Buhat 7:51–52).
Basaha ang Mga Buhat 7:54–60 , nga mangita unsa ang gibuhat ni Esteban bisan pa niana nga kasuko ug pagsupak.
Mahimong ipakita ang mosunod nga hulagway.
Imahe
This painting depicts the stonong of Stephen as described in Acts 7:54-60. From a reclining position Stephen acknowledges through gesture the presence of the Father and the Son who stand in white at the top of the painting in the opened heavens. Those stoning Stephen do so with hatred and gross violence. Saul holds the garments of two of them. Two priests with indifferent looks stand to the right. The painting is signed, “Walter Rane.”
Unsa ang labing mahinungdanon alang kaninyo diha sa asoy sa pagkamartir ni Esteban?
Ang mga estudyante mahimong mohatag og lain-laing mga tubag. Mainampoong ikonsiderar unsa ang mga isunod nga ipangutana nga mahimong makatabang sa pagpalawom sa pagsabot sa mga estudyante, sama sa mosunod:
Sa unsang paagi gipanalanginan si Esteban, bisag gipatay siya? Ngano kaha nga nadawat niya ang panan-awon nga iyang nadawat?
Unsa ang gitudlo sa panan-awon ni Esteban kanato mahitungod sa atong Langitnong Amahan ug sa Iyang Hinigugmang Anak?
Sa unsang paagi si Esteban nahisama kang Jesukristo, bisan ilawom sa maong grabe nga oposisyon?
Sama sa gipakita sa asoy sa pagkamartir ni Esteban, ang mga maayong tawo ug mga ligdong nga tinguha kasagaran magsagubang og “mga kabukiran sa pagsukol.”
Sa unsang paagi nga kamo nakakita niini sa inyong kaugalingong kinabuhi?
Sama ni Esteban, sa inyong pagpili sa pagpaambit sa inyong mga tinuohan ug pagpamatuod sa Manluluwas ug sa Iyang ebanghelyo, makasinati kamo og pagsukol o bisan ang paglutos.Si Elder Jeffrey R. Holland sa Korum sa Napulog Duha ka Apostoles mitudlo:
Imahe
Official Portrait of Elder Jeffrey R. Holland. Photographed January 2018.
Ako moingon sa tanan ug ilabi na sa kabatan-onan sa Simbahan nga kon wala pa kamo tawaga, moabot ang adlaw nga kamo pagatawgon sa pagpanalipod sa inyong tinuohan o tingali bisan sa paglahutay og personal nga mga pang-abuso tungod kay kamo mga miyembro sa Simbahan ni Jesukristo sa mga Santos sa Ulahing mga Adlaw. Ang maong mga higayon magkinahanglan og kaisug ug maayong pamatasan sa inyong bahin.
(Jeffrey R. Holland, “Ang Bili—ug mga Panalangin—sa Pagkadisipulo,” Liahona, Mayo 2014, 6)
Ngano sa inyong hunahuna takos kini sa pagpamatuod ug pagpanalipod sa Langitnong Amahan ug kang Jesukristo?
Sa unsang paagiha kaha ang atong Langitnong Amahan ug si Jesukristo mahimong makatabang kaninyo kong kamo mag-atubang sa panglutos alang sa pagpamatuod ug pagpanalipod Kanila?
Paggahin og panahon sa pagpamalandong unsaon ninyo pagpili sa pagpamatuod ug pagpanalipod sa inyong Langitnong Amahan ug sa Iyang Hinigugmang Anak sa tibuok niining umaabot nga semana.
Komentaryo ug Background nga Impormasyon
Mga Buhat 6:1–6 . Kinsa ang gitawag aron motabang sa Apostoles sa mga temporal nga mga butang karon?
Ingon lamang nga ang Ginoo mitawag og pito ka takos nga lalaki sa pagtabang sa Napulog Duha sa pagsangkap alang sa temporal nga mga panginahanglan sa Simbahan ingon nga girekord diha sa basahon sa Mga Buhat, ang Ginoo nagtawag sa Presiding Bishopric sa pagtabang sa Napulog Duha sa pagsangkap alang sa temporal nga mga panginahanglan sa Simbhan karon. Ang Presiding Bishop ug ang iyang duha ka magtatambag nagserbisyo ubos sa direksiyon sa Unang Kapangulohan sa pagdumala sa temporal nga mga kalihokan sa Simbahan. Ang mga halad sa puasa mga importanteng bahin niini nga programa ug nagsangkap sa temporaryo, makapalahutay sa kinabuhi nga tabang alang sa kabos sa tibuok kalibotan. (Alang sa dugang impormasyon, tan-awa ang hilisgotan “Presiding Bishopric” diha sa newsroom.ChurchofJesusChrist.org.)
Moatubang ba ako sa paglutos o kinahanglan panalipdan ang akong pagtuo?
Tan-awa ang video nga “Ang Bili—ug mga Panalangin—sa Pagkadisipulo” (anaa sa ChurchofJesusChrist.org) gikan sa time code 1:01 hangtod 2:31, o basaha ang pahayag sa ubos.
Si Elder Jeffrey R. Holland sa Korum sa Napulog Duha ka Apostoles mihatag og ehemplo sa usa ka gilutos samtang naningkamot pagpamatuod kang Kristo:
Imahe
Official Portrait of Elder Jeffrey R. Holland. Photographed January 2018.
Usa ka sister missionary misulat bag-o lang ngari nako: “Ang akong kompanyon ug ako nakakita og tawo nga naglingkod sa plasa sa lungsod nga naniudto. Sa among pagduol, mitan-aw siya ug nakita ang among mga missionary name tag. Lain kaayo ang iyang tinan-awan, mitindog siya ug mihunat sa pagsumbag nako. Nakahupo dayon ko, pero iyang gitutho ang iyang gikaon diri nako ug nagsugod sa pagpamalikas kanamo. Mipalayo mi nga walay gisulti. Pagtrapo na nako sa akong nawong, nahikapan nako ang dinugmok nga patatas nga miigo sa luyo sa akong ulo. Usahay lisod nga mahimong misyonaryo kay diha-diha gusto unta akong mobalik, liaban kadtong gamayng tawo, ug ingnon, ‘NGANO MAN KA!’ Apan wala ko kini buhata.”
Alang niining mahalarong misyonaryo, moingon ko, pinalangga nga anak, ikaw sa imong kaugalingong ubos nga paagi miapil sa pundok sa inilang mga babaye ug mga lalaki kinsa, sama sa gisulti ni propeta Jacob sa Basahon ni Mormon “mopalandong sa kamatayon ni Kristo, ug mopas-an sa iyang krus ug moant[o]s sa pagbiay-biay sa kalib[o]tan.” [Jacob 1:8].
(Jeffrey R. Holland, “Ang Bili—ug mga Panalangin—sa Pagkadisipulo,” Liahona, Mayo 2014, 6)
Dugang nga mga Kalihokan sa Pagkat-on
Adunay tulo ka managlahi nga personahe ang Dios nga Kapangulohan
Human mabasa sa mga estudyante ang mahitungod sa panan-awon ni Esteban, ipangutana unsa ang gitudlo niini mahitungod sa Dionong Kapangulohan. Usa ka kamatuoran nga atong makat-onan gikan niining asoy mao nga ang Langitnong Amahan, si Jesukristo, ug ang Espiritu Santo mao ang tulo ka managlahi nga personahe. Ang mga estudyante mahimong motan-aw sa entry nga may ulohan nga “Diosnong Kapangulohan” diha sa Giya sa mga Kasulatan ug mangita og mga cross-reference nga lagmit makatabang kanila aron mas masabtan ang kining maong doktrina. Ang mga estudyante mahimo usab nga morekord sa ilang journal sa pagtuon unsaon nila pagtubag ang usa ka tawong moangkon nga ang Langitnong Amahan ug si Jesukristo parehas nga Binuhat.
