Jesus Christ is standing on a hill over looking a river
Ang usa ka katuyoan sa doktrinal nga kahanas mao ang pagtabang kaninyo nga masabtan ang mga pagtulon-an sa Manluluwas nga anaa sa mga tudling sa doktrinal nga kahanas ug mapasabot kini sa inyong kaugalingong mga pulong. Kini nga leksiyon makahatag kaninyo og oportunidad aron mapalawom ang inyong pagsabot ug ipasabot ang mga kamatuoran mahitungod sa usa o dugang pa sa mga tudling sa doktrinal nga kahanas gikan sa Bag-ong Tugon.
Pagpangandam sa estudyante: Dapita ang mga estudyante sa pagrebyo sa mga tudling sa doktrinal nga kahanas nga pagatun-an niini nga leksiyon ug motambong nga andam sa paghisgot niini. Mahimong gamiton sa mga estudyante ang Mahinungdanon nga Dokumento sa Doktrinal nga Kahanas (2022) o ang app sa Doktrinal nga Kahanas aron matabangan sila sa pagrebyo.
Posible nga mga Kalihokan sa Pagkat-on
Ang tudling sa doktrinal nga kahanas nga leksiyon kinahanglang itudlo isip puli niini nga leksiyon sa pagrebyo. Tan-awa ang eskedyul kon kanus-a itudlo ang leksiyon nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary. Kon gikinahanglan, pulihi ang bisan unsa sa mga tudling nga narebyo niini nga leksiyon og lain pang mga tudling nga gikinahanglang ipokus sa mga estudyante.
Rebyo
Paghatag og kahigayonan sa mga estudyante nga marebyo ang mga tudling sa doktrinal nga kahanas niini nga leksiyon ug ang ilang kaubang mahinungdanong hugpong sa mga pulong sa kasulatan. Mahimong gamiton ang mosunod nga pagpares nga kalihokan o lain pang kalihokan. (Ang saktong mga tubag alang niini nga kalihokan mao ang 1-b, 2-d, 3-a, 4-c.)
a. Pipila ka mga miyembro sa inyong pamilya ang mibati og kahugno tungod sa bag-ohay lang nga pagkamatay sa usa ka minahal sa kinabuhi ug sila mibati nga dili na sila makakita nila og balik.
b. Ang ubang mga tawo nagtuo nga ang ilang lawas ila ug nga mamahimo nilang buhaton ang bisan unsay ilang gusto niini. Sila wala makaamgo nga ang Manluluwas mibayad sa bili sa pagtubos kanato, nga nagkahulogan sa literal og “gipalit kita og balik.” Tungod niini nga hinungdan, kita wala nakapanag-iya sa atong kaugalingon apan nakautang kita sa Manluluwas.
c. Daghang mga tawo ang nagtuo sa langit ug impyerno apan sayop ang pagsabot sa mga kamatuoran mahitungod sa kinabuhi human sa kamatayon ug nabanhaw nga mga lawas.
d. Usa ka higala nangutana kaninyo nganong inyong ipalabi ang usa ka lig-on nga kaminyoon ug mga relasyon sa pamilya labaw sa propesyonal nga kalamposan ug kwarta.
Sabta ug ipasabot
Si Presidente Russell M. Nelson nagtudlo unsaon sa mga kasulatan pagdugtong kanato ngadto kang Jesukristo.
Imahe
Official portrait of President Russell M. Nelson taken January 2018
[Ang mga kasulatan] nagtudlo kanato kabahin ni Jesukristo ug sa Iyang ebanghelyo, sa gidak-on sa Iyang Pag-ula, ug ang dakong plano sa Amahan mahitungod sa kalipay ug katubsanan. Ang inadlaw nga pagbasa sa pulong sa Dios importante alang sa espirituhanong kaluwasan, ilabi na niining panahon sa nagkagrabe nga kaguliyang. Samtang kita magbusog sa mga pulong ni Kristo matag adlaw, ang mga pulong ni Kristo mosulti kanato unsaon sa pag-atubang ang mga kalisod nga wala nato damha nga atong atubangon.
(Russell M. Nelson, “Paminaw Kaniya,” Ensign or Liahona, Mayo 2020, 89)
Tabangi ang mga estudyante aron mas masabtan ang doktrina sa mga tudling sa doktrinal nga kahanas. Ang mosunod nga kalihokan usa ka paagi sa pagbuhat niini. Ang mga estudyante mahimong magpokus sa mga tudling nga girebyo sa ibabaw o sa bisan unsa nga mga tudling sa doktrinal nga kahanas alang sa Bag-ong Tugon.
Kon ang mosunod nga kalihokan gigamit, magmaandamon sa pagtabang sa mga estudyante nga makakita og mahinungdanong mga koneksiyon kang Jesukristo sa ilang napili nga mga tudling. Lagmit makatabang ang pagbutang sa mga estudyante ngadto sa gagmayng mga grupo ug dapita sila sa pagpaambit sa ilang mga tubag sa mga pangutana diha sa ilang grupo.
Handurawa nga, aron sugdan ang usa ka kalihokan sa mga kabatan-onan, kamo gihangyo sa pagpaambit og usa ka kasulatan nga nakatabang kaninyo sa pagkat-on o pagbati mahitungod kang Jesukristo. Pagpili og usa sa mga tudling sa doktrinal nga kahanas gikan niini nga leksiyon o lain pa gikan sa Bag-ong Tugon. Dapita ang Espiritu Santo aron motabang ninyo sa pag-ila sa mga kamatuoran mahitungod sa Manluluwas nga nagpalawom sa inyong pagsabot Kaniya, sa Iyang ebanghelyo, Iyang Pag-ula, o sa plano sa kaluwasan sa Langitnong Amahan.
Asa nga doktrinal nga kahanas ang inyong gipili?
Unsa nga kamatuoran o doktrina ang inyong naila gikan niini nga tudling?
Sa unsang paagi nga ang usa ka kinabuhi sa tawo malahi kon siya wala masayod sa kamatuoran nga inyong naila?
Sa unsang paagi nga ang pagkasabot niini nga kamatuoran nagtabang kanimo aron mahiduol ngadto sa Manluluwas?
Dugang nga mga Kalihokan sa Pagkat-on
Pagrebyo gamit ang app sa Doktrinal nga Kahanas
Ikonsiderar ang mga paagi sa paggamit sa app sa Doktrinal nga Kahanas aron matabangan ang mga estudyante sa pagrebyo o pagsag-ulo sa mga tudling sa doktrinal nga kahanas.
Alternatibong mga paagi sa pagtabang sa mga estudyante nga makasabot ug makapasabot
Pagsabot—Ang mga estudyante mamahimong mangita sa kahulogan sa mga pulong sa ilang piniling mga tudling sa doktrinal nga kahanas ug moreport og dugang nga mga panabot nga ilang nakuha. Ang mga estudyante mahimong mogamit og usa ka diksyonaryo o ang Giya sa Mga Kasulatan aron sa pagpangita sa mga pulong.
Pagsabot—Ang mga estudyante mahimong mosulat sa mga tudling sa doktrinal nga kahanas nga ilang napili gamit ang ilang kaugalingong mga pulong.
Pagpasabot—Aron matabangan ang mga estudyante nga mapasabot ang mga kamatuoran sa mga tudling sa doktrinal nga kahanas, mahimong magdala og lainlaing gagmay nga mga butang sa klase ug dapiton ang mga estudyante sa pagpili og usa ka butang nga pamati nila naghulagway sa kamatuoran sa ilang napili nga tudling sa doktrinal nga kahanas. Mahimo dayon nilang gamiton ang maong butang nga ilang napili aron makatabang pagpasabot sa kamatuoran.
