The eleven apostles of Jesus Christ (all except Judas Iscariot) gathered together in Galilee. Two angels (dressed in white) are standing with the apostles and pointing to the heavens. The apostles are looking upward. The painting depicts the ascension of the resurrected Jesus Christ into the heavens. Christ is not depicted in the picture. (Mark 16:19-20) (Luke 24:50-53) (Acts 1:9-11)
Sulod sa 40 ka adlaw human sa Iyang Pagkabanhaw, si Jesukristo nangalagad sa Iyang mga disipulo. Niining panahona, Siya nag-andam sa Iyang Apostoles aron modumala sa Iyang Simbahan human sa Iyang Pagkayab ngadto sa langit. Sama sa Iyang gibuhat sa karaan, si Jesukristo nagpadayon sa pagdumala sa Iyang Simbahan pinaagi sa Iyang gipili nga Apostoles karon. Kini nga leksiyon mahimong makatabang kaninyo nga mabati unsa ka importante nga si Jesukristo nangulo sa Iyang Simbahan pinaagi sa apostoles ug mga propeta.
Pag-ila sa mga kontribusyon sa estudyante. Ang matag estudyante adunay talagsaon nga mga background, mga interes, mga gilaoman, ug mga hagit. Kon ang mga estudyante mopaambit sa ilang mga kasinatian ug mga panabot sa klase, sila kasagaran naimpluwensiyahan sa ilang talagsaon nga mga kahimtang sa kinabuhi. Kini nga mga kasinatian ug mga panabot mahimong makapanalangin sa ubang mga estudyante ug mahimong makatabang sa magtutudlo sa pagsukod sa panginahanglan sa mga estudyante ug sa pagtudlo sumala niana.
Pagpangandam sa estudyante: Awhaga ang mga estudyante nga moabot nga andam sa pagpaambit og mga ehemplo nga naghulagway ni Jesukristo nga nagdumala sa Iyang Simbahan sa ulahing mga adlaw.
Posible nga mga Kalihokan sa Pagkat-on
Ang Pagkayab ni Jesukristo ngadto sa Langit
Mahimong ipahiangay ang mosunod nga senaryo base sa panginahanglanon sa mga estudyante. Ang mga estudyante mahimong magdrama-drama ug magpulipuli sa pagtubag sa usa ka higala niini nga senaryo.
Handurawa nga ang inyong higala, kinsa dili miyembro sa Ang Simbahan ni Jesukristo sa mga Santos sa Ulahing mga Adlaw, nangutana kaninyo, “Kinsa ang nagsugod sa simbahan nga imong gitambongan, ug kinsa ang nagdumala niini karon?”
Unsaon ninyo sa pagtubag? Ngano man?
Ang basahon sa Mga Buhat naghulagway sa mga kasinatian sa Apostoles human sa Pagkayab ni Jesukristo sa langit. Mahimong usa ka makahahadlok nga bulohaton alang sa mga lider sa Simbahan ang pagpadayon sa unahan sa Simbahan sa Manluluwas diin Siya wala na kanunay uban kanila sa pisikal. Apan ang Apostoles wala mag-inusara sa ilang mga paningkamot. Ang mga kasinatian sa Apostoles nga narekord sa basahon sa Mga Buhat naghulagway sa kamatuoran nga Si Jesus nangulo sa Iyang Simbahan pinaagi sa Iyang apostoles ug mga propeta.
Ikonsiderar ang inyong kaugalingong mga pagbati mahitungod kang Jesukristo nga nangulo sa Iyang Simbahan. Sa inyong journal sa pagtuon, tubaga ang mosunod:
Nganong importante man nga makahibalo nga si Jesukrsito ang nangulo sa Iyang Simbahan?
Unsa ang inyong gilauman nga makita sa usa ka simbahan nga gipangulohan ni Jesukristo?
Gamit ang mosunod nga sukdanan, ilha unsa kadako ang inyong pag-uyon niini nga pamahayag: “Si Jesukristo nangulo sa Iyang Simbahan karon pinaagi sa apostoles ug mga propeta.” Ipasabot ang inyong tubag.
Imahe
New Testament Seminary Teacher Manual- 2023
Sa inyong pagtuon niini nga leksiyon, hatagi og pagtagad ang mga pag-aghat sa Espiritu nga mahimong makatabang ninyo nga mabati nga si Jesukristo nangulo sa Iyang Simbahan human Siya mikayab sa langit ug nga Siya nagpadayon nga nangulo sa Iyang Simbahan karon.
Si Jesukristo nagpadayon sa pagpangulo sa Iyang Simbahan human sa Iyang Pagkayab didto sa langit
Pagmugna og entry sa journal nga may ulohan nga “Mga Ehemplo ni Jesukristo nga nangulo sa Iyang Simbahan.” Sa kinatibuk-an niini nga leksiyon, pagdugang og mga ehemplo sa inyong entry sa journal ug pamalandong giunsa nila pagpalig-on sa inyong pagpamatuod kang Jesukristo ug sa Iyang Simbahan.
Basaha ang mosunod nga mga tudling gikan sa Mga Buhat 1–5 , nga mangita kon giunsa ni Jesukristo pagpadayon sa pagtabang sa Iyang Apostoles human sa Iyang Pagkayab sa Langit. Paghunahuna mahitungod kon giunsa niini nga mga hitabo paghulagway nga si Jesukristo nangulo sa Iyang Simbahan. Idugang ang inyong mga panabot sa inyong entry sa journal.
Hatagi ang mga estudyante sa mosunod nga handout. Ikonsiderar ang pagbahin nila sa upat ka grupo. Matag tawo sa grupo mahimong magtuon og usa ka asoy ug mangita og ebidensiya ni Jesus nga nangulo sa Iyang Simbahan pinaagi sa Apostoles. Dayon ang matag usa mahimong mopaambit sa ilang mga tubag ngadto sa ilang mga kauban sa grupo.
Ang Apostoles ug uban pang mga sumusunod ni Kristo nagtigom aron sa paghisgot kinsa ang mohulip ni Judas Escariote isip usa sa Napulog Duha ka Apostoles.
Samtang ang Apostoles nagtigom sa Jerusalem wala madugay pagkahuman sa Pagkayab sa langit ni Kristo, ang Espiritu Santo mikunsad sa matag usa kanila sa usa ka gamhanan nga paagi (tan-awa sa Mga Buhat 2:1–8). Samtang napuno sa Espiritu, si Pedro mipamatuod kang Jesukristo (tan-awa sa Mga Buhat 2:14–36). Kini nga tudling naghulagway sa epekto niining espirituwal nga pagbubo ngadto sa daghang nakasaksi niini.
Si Pedro ug si Juan gipriso human nagpadayon sa pagpamatuod ni Jesukristo ug naghimo og mga milagro sa Iyang ngalan.
Unsa ang inyong nakat-onan mahitungod ni Jesukristo gikan niini nga mga bersikulo nga nakaapekto sa inyong hugot nga pagtuo ug pagsalig nganha Kaniya?
Sa unsang paagi nga kining mga hitaboa naghulagway nga ang Manluluwas mao ang nangulo sa Iyang Simbahan pinaagi sa Iyang Apostoles?
Si Jesukristo nagpadayon sa pagpangulo sa Iyang Simbahan karon
Imahe
All the members of the First Presidency and the Quorum of the Twelve Apostles are seated or standing with the Christus Statue and statues of the Original Twelve at the Visitors’ Center in Rome, Italy. Front Left to Right: Dieter F. Uchtdorf, Jeffrey R. Holland, M. Russell Ballard, Dallin H. Oaks, Russell M. Nelson, Henry B. Eyring, David A. Bednar, Quentin L. Cook, D. Todd Christofferson, Gary E. Stevenson, Ronald A. Rasband, Neil L. Andersen, Dale G. Renlund, Gerrit W. Gong, Ulisses Soares
Si Presidente Russell M. Nelson nagtudlo mahitungod kon giunsa sa Manluluwas pagpadayon sa pagpangulo sa Iyang Simbahan karon.
Imahe
Official portrait of President Russell M. Nelson taken January 2018
Apan kita nga mga miyembro sa Simbahan sa Ginoo nasayod kinsa ang nagbarog niini nga pangulo: si Jesukristo Mismo. …
Unsay anaa sa ngalan? Kon bahin kini sa ngalan sa Simbahan sa Ginoo, ang tubag mao ang “Tanan!” Si Jesukristo misugo nato sa pagtawag sa Simbahan pinaagi sa Iyang ngalan tungod kay kini Iyang Simbahan, nga puno sa Iyang gahom.
Nasayod ako nga ang Dios buhi. Si Jesus mao ang Kristo. Gigiyahan Niya ang Iyang Simbahan karon.
(Russell M. Nelson, “Ang Sakto nga Ngalan sa Simbahan,” Liahona, Nob. 2018, 88–89)
Sa unsang paagi nga ang pagkasayod nga si Jesukristo mao ang nangulo sa Iyang Simbahan karon nakaapekto sa inyong kinabuhi?
Pahinumdomi ang mga estudyante nga gamiton ang ilang pagpangandam sa klase diha sa ilang pagtubag sa mosunod nga pangutana. Kon ang mga estudyante nagkinahanglan og tabang sa pagtubag, ikonsiderar ang pagpaambit og pipila ka mga ehemplo, sama sa paglambo sa Simbahan, ang pag-abot ug paghubad sa Basahon ni Mormon, ang pagpadayag nga naghatag og mga panalangin sa pagkapari ngadto sa tanang takos nga mga lalaki, mga milagro nga nahitabo sa kinabuhi sa mga miyembro sa Simbahan, o lain pang mga ehemplo.
Unsa ang mga ehemplo gikan sa inyong kaugalingong kinabuhi o gikan sa kasaysayan sa Simbahan nga nakatabang ninyo nga makita nga si Jesukristo nagpadayon sa pagpangulo sa Iyang Simbahan karon? (Hinumdomi nga idugang kini nga mga ehemplo sa inyong entry sa journal.)
Kon kinahanglan ninyo nga makakita og pipila ka mga ehemplo nga makatabang ninyo sa paghunahuna og mga tubag alang niini nga pangutana, tan-awa ang “Kini Mao Ang Atong Panahon!” gikan sa time code 3:34 hangtod 5:12 o “Paghiusa diha kang Kristo sa Tanang mga Butang” gikan sa time code 10:09 hangtod 13:58, anaa sa ChurchofJesusChrist.org.
Unsa ang matabang niini nga mga ehemplo sa Manluluwas nga nangulo sa Iyang Simbahan sa inyong pagsabot mahitungod sa Iyang mga pagbati alang kanato?
Pagpamalandong
Rebyoha ang lista sa mga ehemplo sa Manluluwas nga nangulo sa Iyang Simbahan nga inyong gibuhat karon. Ikonsiderar ang pagdugang niini nga entry diha sa inyong pagpadayon sa pagtuon sa Mga Buhat ug adunay dugang nga mga kasinatian sa pagkat-on mahitungod sa Manluluwas ug sa Iyang Simbahan. Ikonsiderar ang pagdugang sa inyong pagpamatuod niini nga kamatuoran diha sa inyong entry sa journal.
Awhaga ang mga estudyante sa pagpaambit sa ilang mga nalista. Ikonsiderar ang paghatag og personal nga pagpamatuod kon giunsa sa Manluluwas pagpangulo sa Simbahan karon, ug awhaga ang mga andam nga mga estudyante nga mopamatuod usab.
Komentaryo ug Background nga Impormasyon
Kinsa ang misulat sa basahon sa Mga Buhat?
Si Lucas ang misulat sa Mga Buhat sa Apostoles isip “ang ikaduha sa duha ka bahin nga buhat. … Ang unang bahin nailhan nga ang mga Ebanghelyo Sumala ni Lucas” (Giya ngadto sa mga Kasulatan, “ Buhat sa mga Apostoles ,” scriptures.lds.org; tan-awa usab sa Lucas 1:1–4 ; Mga Buhat 1:1).
Mahitungod sa unsa kini nga basahon?
Ang Mga Buhat sa mga Apostoles naghimo og taytayan tali sa mga rekord sa kinabuhi ni Jesukristo ug sa mga pagtulun-an sa upat ka mga Ebanghelyo ug sa sinulat ug mga paghago sa Iyang mga Apostoles. Ang basahon sa Mga Buhat naghulagway sa unsa nga paagi nga ang Manluluwas nagpadayon sa paggiya sa Iyang Simbahan pinaagi sa inspirasyon sa Espiritu Santo ngadto niadtong naghupot sa mga yawe sa priesthood. Ang Espiritu Santo mipadayag sa kamatuoran ngadto sa mga Apostoles, kinsa dayon migiya ug mitudlo sa Simbahan. Naghimo usab og mga milagro ang mga Apostoles diha sa ngalan ni Jesukristo.
Si Elder Jeffrey R. Holland sa Korum sa Napulog Duha ka Apostoles mipasabot:
Imahe
Official Portrait of Elder Jeffrey R. Holland. Photographed January 2018.
Gikan sa unang bersikulo [sa basahon sa Mga Buhat], ang pamahayag mao nga ang Simbahan mopadayon sa balaanong paggiya, dili sa mortal nga paggiya. … Sa pagkatinuod, ang mas kompleto nga ulohan sa basahon sa Mga Buhat sa tukma mahimong sama niini “Ang Mga Buhat sa Nabanhaw nga Kristo Naglihok pinaagi sa Balaan nga Espiritu diha sa mga Kinabuhi ug mga Pangalagad sa Iyang Gi-orden nga Apostoles.” …
“Ang direksiyon sa Simbahan sama ra. Ang nahimutangan sa Manluluwas wala na dinhi, apan ang pagdumala ug ang pagpangulo sa Simbahan sama ra gayod gihapon.”
(“Busa, Unsa?” [ang pakigpulong nga gihatag sa komperensiya sa Sistema sa Edukasyon sa Simbahan sa Bag-ong Tugon, Ago. 8, 2000], 6, si.ChurchofJesusChrist.org)
Unsa ang usa ka Apostol?
Giunsa pagpangulo sa Ginoo ang Iyang Simbahan karon?
Si Elder Quentin L. Cook sa Korum sa Napulog Duha ka Apostoles mipasabot:
Imahe
Official portrait of Elder Quentin L. Cook. Called to the Quorum of the Twelve Apostles on 6 October 2007.
Palihog salig nga ang senior nga mga lider sa Simbahan kinsa nagdumala sa balaang gitudlo nga mga katuyoan sa Simbahan nakadawat og balaan nga tabang. Kini nga giya gikan sa Espiritu ug usahay direkta gikan sa Manluluwas. Ang duha ka matang sa espirituhanong giya gihatag. Mapasalamaton ko nga nakadawat sa maong tabang. Apan ang paggiya gihatag sa panahon sa Ginoo, pagtulun-an human sa usa ka pagtulun-an, lagda human sa usa ka lagda [tan-awa ang 2Nephi 28:30 ; Doktrina ug Mga Pakigsaad 98:12 ; 128:21 ], diin “ang nahibalo nga Dios mituyo og pili aron motudlo kanato” [Neal A. Maxwell, Kining Tanang Mga Butang Makahatag Kanimo og Kasinatian (2007), 31]. Ang giya alang sa tibuok Simbahan magagikan lamang sa Iyang propeta.
(Quentin L. Cook, “Pagpangandam sa Pagsugat sa Dios,” Liahona, Mayo 2018, 117)
Sa unsang paagi gitawag ang modernong apostoles ug mga propeta?
Tan-awa ang “Pagpadayag sa Simbahan, Pagpadayag sa Atong Kinabuhi” gikan sa time code 9:41 hangtod 11:49 o ang “Ang Kasingkasing sa usa ka Propeta” gikan sa time code 4:08 hangtod 6:40, anaa sa ChurchofJesusChrist.org/ceb, aron makita ang mga ehemplo.
Dugang nga mga Kalihokan sa Pagkat-on
Karaan ug moderno nga mga saksi ni Kristo
Usa ka ehemplo kon giunsa sa Manluluwas pagpangulo ang Iyang Simbahan mao nga Siya naghatag og mga saksi Kaniya. Mahimong tun-an sa mga estudyante giunsa ni Pedro ug ni Juan pagsaksi ni Jesukristo sama sa narekord sa Mga Buhat 2:32 ; 3:10–16 ; ug 5:32 . Mahimo nilang matandi kini nga mga pagpamatuod ngadto sa mga narekord sa 2Pedro 1:16;1Juan 1:1 ; ug Doktrina ug Mga Pakigsaad 76:22–24 .
Diha sa Iyang Ikaduhang Pag-anhi, ang Manluluwas manaog gikan sa langit diha sa himaya
Kini nga kalihokan mahimong magamit kon ang mga estudyante adunay mga pangutana mahitungod kon unsaon pag-abot sa Manluluwas. Awhaga ang mga estudyante sa pagkaplag sa kamatuoran diha sa Mga Buhat 1:1–12 . Ipasabot nga ang Pagkayab sa Langit sa Manluluwas nahitabo sa Bukid sa mga Olibo (tan-awa sa bersikulo12). Ipasabot nga kon ang Manluluwas mobalik na pag-usab, usa sa Iyang pagpakita mao ang Iyang pagkanaog gikan sa langit ug pagbarog diha sa Bukid sa Olibo (tan-awa sa Zacarias 14:4 ; Doktrina ug mga Pakigsaad 45:47–53 ; 133:19–20). Kini mahitabo sa dili pa ang Iyang pagtungha sa kalibotan, panahon diin “tanang mga unod sa tiningob makakita [Kaniya]” ( Isaias 40:5). Ang mga estudyante mahimong maghisgot nganong importante man kini nga masayran nga ang Ikaduhang Pag-anhi sa Manluluwas mahimong klaro ug dayag sa tibuok kalibotan. Sa unsang paagi kini nagpakita sa Iyang gugma alang kanato?
