Seminary
Mga Buhat 1–5

Mga Buhat 1–5

Kinatibuk-ang Pagpasabot

Sulod sa 40 ka adlaw human sa Iyang Pagkabanhaw, si Jesukristo nangalagad sa Iyang mga disipulo. Iyang giingnan ang Iyang Apostoles nga human Siya mawala, ang Amahan magpadala sa “ang Manlalaban, ang Espiritu Santo” (Juan 14:26). Usa ka tawo nga wala makalakaw sa tibuok niyang kinabuhi nakahinagbo ni Pedro ug Juan, ug gamit ang awtoridad ni Jesukristo, giayo ni Pedro ang tawo. Si Pedro ug Juan gidakop ug gipriso tungod sa pag-ayo ug pagpamatuod sa ngalan ni Jesukristo, ug usa ka anghel ang miluwas kanila.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Mga Buhat 1

Tumong sa leksiyon: Kini nga leksiyon mahimong makatabang sa mga estudyante nga makabati sa importansiya ni Jesukristo nga nangulo sa Iyang Simbahan pinaagi sa apostoles ug mga propeta.

  • Pagpangandam sa estudyante: Awhaga ang mga estudyante aron moabot nga andam sa pagpaambit og mga ehemplo nga naghulagway kang Jesukristo nga nangulo sa Iyang Simbahan sa ulahing mga adlaw.

  • Sugyot sa pagtudlo sa videoconference: Mahimong mogamit og usa ka wala mailhi nga poll sa online aron magbuhat og pagsukod sa kaugalingon [self-assessment] sa ulohan sa leksiyon ug paggamit sa mga tubag sa estudyante aron mogiya sa nahibilin nga leksiyon. Ang imahe sa ubos mahimong gamiton sa paghatag og mga kapilian nga tubag sa maong poll.

Imahe
Diagram with words Strongly Disagree and Strongly Agree.

Mga Buhat 2

Tumong sa leksiyon: Kini nga leksiyon gituyo sa pagtabang sa mga estudyante nga mapalawman ang ilang pagsabot sa mga paagi nga ang Espiritu Santo magpanalangin kanila ug motabang kanila nga makat-on unsaon pagdapit ang maong mga panalangin ngadto sa ilang kinabuhi.

  • Pagpangandam sa estudyante: Awhaga ang mga estudyante sa paghisgot kauban ang minahal sa kinabuhi og usa ka paagi nga ilang namatikdan nga ang Espiritu Santo anaa sa ilang kinabuhi. Awhaga usab ang mga estudyante nga moabot nga andam sa bisan unsang mga pangutana nga anaa kanila mahitungod sa Espiritu Santo.

Mga Buhat 3

Tumong sa leksiyon: Kini nga leksiyon mahimong makatabang sa paglig-on sa hugot nga pagtuo sa mga estudyante nga ang Langitnong Amahan ug si Jesukristo makatabang kanila sa pagbuntog sa mga hagit nga ilang giatubang.

  • Pagpangandam sa estudyante: Awhaga ang mga estudyante sa pagpamalandong sa usa ka hagit o kasakit nga personal nilang giatubang nga gusto nilang pangitaan og kahupayan sa Langitnong Amahan ug kang Jesukristo o sa pagpangita sa Ilang paglig-on aron sa pagbuntog. Awhaga sila sa pagtuon sa Mga Buhat 3:1–8 alang niini nga hagit o kasakit sa hunahuna ug papangita og mga kamatuoran nga mahimong makatabang kanila.

  • Sugyot sa pagtudlo sa videoconference: Ipakita ang mga hulagway nga anaa makita sa “Dugang nga Kalihokan sa Pagkat-on” nga seksiyon, ug pagdapit og mga boluntaryo nga mogamit sa maong mga imahe sa pag-summarize sa mga hitabo nga gihulagway sa Mga Buhat 3:1–8 .

Mga Buhat 4–5

Tumong sa leksiyon: Kini nga leksiyon mahimong makatabang sa mga estudyante nga makabati og dugang nga tinguha sa pagsunod sa Dios labaw sa tanan.

  • Pagpangandam sa estudyante: Awhaga ang mga estudyante nga moabot nga andam sa pagpaambit og mga sitwasyon diin lagmit makahagit ang pagsunod sa Dios tungod sa mga pagpamugos gikan sa uban.

Pagrebyo sa Doktrinal nga Kahanas 12

Tumong sa leksiyon: Kini nga leksiyon maghatag sa mga estudyante og mga kahigayonan sa pagpangita ug pagmarka sa ulahing 13 ka mga tudling sa kasulatan sa doktrinal nga kahanas nga anaa makita sa Bag-ong Tugon.

Pahinumdom: Lagmit nga kinahanglang magtudlo og leksiyon sa tudling sa doktrinal nga kahanas isip puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor sa lugar o rehiyon o koordinitor aron masiguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

  • Tsart: Usa ka tsart sa mga tudling sa doktrinal nga kahanas ug ang ilang nag-unang mga hugpong sa mga pulong sa kasulatan ang ipakita

  • Sugyot sa pagtudlo sa videoconference: Bahina ang mga estudyante ngadto sa mga breakout nga room. Hatagi sila og oras sa pagmarka sa mga tudling sa doktrinal nga kahanas sa ilang mga kasulatan (kon ilang pilion), pangutana og “pag-ila kanimo” nga mga pangutana, ug hisgoti ang mga kasulatan nga ilang gitun-an. Human sa gitagana nga oras, isagol ang mga breakout nga room aron ang mga estudyante adunay lahi nga mga higala nga makatrabaho ug makahisgot.

Iprinta