A large crowd of people being baptized in a river at the day of Pentecost.
Sa dili pa ang Iyang kamatayon, miingon si Jesus sa Iyang Apostoles nga human Siya mawala, ang Amahan magpadala sa “ang Maghuhupay, kinsa mao ang Espiritu Santo” (Juan 14:26). Ingon sa gisaad, ang Espiritu Santo mikunsad ngadto sa Napulog Duha ka Apostoles sa milagroso nga paagi sa adlaw sa Pentecostes. Ang tumong niini nga leksiyon mao ang pagtabang kaninyo aron mapalawom ang inyong pagsabot sa mga paagi nga ang Espiritu Santo makapanalangin kaninyo ug makatabang kaninyo nga makat-on unsaon pag-awhag sa maong mga panalangin nganha sa inyong kinabuhi.
Pag-ila sa Espiritu Santo. Pangita og mga kahigayonan aron matabangan ang mga estudyante nga makaila giunsa paglihok sa Espiritu Santo diha sa ilang personal nga kinabuhi. Mahimo ninyong gamiton ang mga ehemplo gikan sa mga kasulatan ug awhagon ang mga estudyante sa pagpamalandong sa ilang kaugalingong mga kasinatian.
Pagpangandam sa mga estudyante: Awhaga ang mga estudyante sa paghisgot kauban ang mahal sa kinabuhi og mga paagi nga ilang namatikdan nga anaa ang Espiritu Santo kauban nila sa ilang kinabuhi. Awhaga usab ang mga estudyante nga moabot nga andam sa bisan unsang mga pangutana nga anaa kanila mahitungod sa Espiritu Santo.
Posible nga mga Kalihokan sa Pagkat-on
Pagpalapad sa atong mga abilidad
Hukmi unsa kadako ang inyong pag-uyon sa mosunod nga pamahayag sa sukod nga usa hangtod pito, ug irekord ang inyong tubag sa inyong journal sa pagtuon: Masaligon ako nga ako makaila kon mabati nako ang Espiritu Santo sa akong kinabuhi.
Imahe
Diagram with words Strongly Disagree and Strongly Agree.
Kini mahimong maayong higayon sa pag-awhag sa mga estudyante sa pagpangutana og mga pangutana nga aduna sila kabahin sa Espiritu Santo gikan sa ilang pagpangandam sa estudyante o nga sa laing bahin misantop sa hunahuna.
Unsa nga mga pangutana ang aduna kamo mahitungod sa Espiritu Santo?
Sa inyong journal sa pagtuon, isulat ang ulohan nga “Mga Paagi nga ang Espiritu Santo makatabang kanako.” Pag-andam sa pagdugang og mga butang sa lista sa tibuok leksiyon.
Ikonsiderar ang pagsulat niini nga ulohan sa pisara ug pagdugang og mga panabot ubos niini sa tibuok leksiyon.
Sa inyong pagtuon karon, makakita kamo og mga ehemplo giunsa sa Espiritu Santo paglihok sa kinabuhi sa mga tawo. Paghunahuna mahitungod og unsa ang inyong nakat-onan gikan niini nga mga ehemplo mahitungod kon unsaon sa Espiritu Santo paglihok sa inyong kinabuhi. Usa ka kamatuoran nga gitudlo pag-ayo niini nga mga ehemplo mao nga pinaagi sa Espiritu Santo, ang Langitnong Amahan mitabang kanato nga moduol kang Jesukristo.
Ang Espiritu Santo gibubo sa adlaw sa Pentecostes
Sa dili pa ang Iyang kamatayon, si Jesus mitudlo sa Iyang mga disipulo nga ang Langitnong Amahan magpadala kanila sa Espiritu Santo human si Jesus mibiya gikan kalibotan. Siya nagpamatuod nga ang Espiritu Santo maghatag og kahupayan, maghatag og direksiyon, ug magpamatuod Kaniya (tan-awa sa Juan 14:16,26 ; 15:26).
Ang mga ideya sa pagtudlo nga nalista sa ubos nagpakita og usa ka paagi sa pagtabang sa mga estudyante nga magtuon ug maghisgot sa mga bersikulo gikan sa Mga Buhat 2 . Usa ka lahi nga paagi mao ang pagbahin sa mga estudyante ngadto sa tulo ka grupo ug awhagon ang mga grupo nga tun-an ang mosunod nga mga bersikulo:
Human matun-an ang mga bersikulo, mahimong maghisgot ang mga estudyante sa mosunod nga mga pangutana:
Sa mga bersikulo nga inyong natun-an, sa unsang paagi ninyo namatikdan nga ang Espiritu Santo mitabang sa mga tawo?
Unsa ang natabang niining mga bersikulo sa inyong pagsabot mahitungod sa mga tinguha sa Langitnong Amahan alang kanato?
Sa unsang paagi makatabang ang Espiritu Santo kanato sa samang mga paagi?
Human sa igong oras, pag-awhag og mga boluntaryo gikan sa lainlaing mga grupo aron sa pagreport sa ilang mga nakaplagan ug mopaambit sa ilang mga tubag sa klase.
Ang Pentecostes usa ka piyesta sa mga Judio nga mahitabo sulod sa 50 ka adlaw human sa pangilin sa Paskuwa. Ang mga Judio gikan sa nagpalibot nga mga nasod mobiyahe ngadto sa Jerusalem alang niini nga nagsaulog sa unang ani sa panahon (tan-awa ang Giya sa Mga Kasulatan, “ Pagkunsad sa Espiritu Santo ,” scriptures.ChurchofJesusChrist.org). Basaha ang Mga Buhat 2:1–8 , nga mangita kon giunsa pagtuman ang gisaad sa Manluluwas mahitungod sa pagdawat sa Espiritu Santo sa Apostoles nianang adlawa. (Timan-i “nga mga dila sama sa kalayo” diha sa bersikulo3 nagtumong sa usa ka makita nga pagpakita sa presensiya sa Espiritu.)
Sa mga bersikulo 4–8 , ang Apostoles nakasinati sa gasa sa mga dila, “usa ka gasa sa Espiritu Santo nga nagtugot sa dasig nga mga indibidwal sa pag-istorya sa, pagsabot, o sa paghubad sa dili sinati nga mga pinulongan” (Giya sa Mga Kasulatan, “ Mga Dila, Gasa sa ,” scriptures.ChurchofJesusChrist.org).
Giunsa sa Espiritu Santo pagpanalangin sa mga disipulo ug kadtong mga naminaw kanila?
Sa unsang paagi kaha nga ang gasa sa mga dila mipalambo sa abilidad sa Apostoles sa pagtabang sa uban nga moduol kang Kristo?
Sa unsang paagi kaha nato masinati kining maong gasa karon?
Ikonsiderar ang padugang og mga panabot gikan sa mga bersikulo nga inyong natun-an hangtod karon ngadto sa lista nga inyong nabuhat sa inyong journal sa pagtuon.
Si Pedro nagpamatuod kang Jesukristo
Makita nato ang laing paagi nga ang Espiritu Santo makatabang kanato pinaagi sa pagtan-aw sa kaisog nga gitudlo ni Pedro ug gipamatud-an.
Ibutang sa hunahuna nga ang mga hitabo nga gihulagway sa Mga Buhat2 nahitabo dili pa dugay human sa paglansang sa krus ni Jesus, basaha ang Mga Buhat 2:22–24, 32–33,36 ug pangitaa giunsa sa Espiritu Santo pagtabang ni Pedro niini nga kahimtang aron magsangyaw nga adunay kadasig ug kaisog mahitungod kang Jesukristo. (Tan-awa usab sa Mga Buhat 3:12–20 .)
Unsay inyong nakita?
Unsay inyong nakat-unan gikan niining asoy mahitungod sa unsang paagi ang Espiritu Santo makatabang kaninyo? (Tan-awa usab sa Mga Buhat 1:8 ; 4:31 .)
Idugang ang inyong hunahuna sa inyong lista diha sa inyong journal sa pagtuon.
Ikonsiderar ang pag-awhag sa mga estudyante sa paghunahuna ug pagpaambit og mga kasinatian kon kanus-a ang Espiritu Santo mitabang kanila nga motudlo sa uban mahitungod kang Jesukristo o maisog nga magpamatuod. Ikonsiderar usab ang pagpaambit og personal nga kasinatian.
Ang epekto sa pagpanudlo ni Pedro ngadto sa uban
Ang Espiritu Santo adunay epekto ngadto sa mga nakadungog sa panudlo ni Pedro mahitungod kang Jesukristo. Basaha ang Mga Buhat 2:37–38,41 , nga mangita giunsa sa Espiritu Santo pagtabang niining mga tawhana. Ang pulong nga gikumot gikan sa bersikulo37 nagpasabot nga naghingapin nga kaguol o pagbasol ug nagsugyot nga ang mga tawo nagtinguha nga mabag-o.
Unsay labing importante alang nimo niining mga bersikulo?
Sa unsang paagi nga ang “gikumot ang ilang kasingkasing” nakatabang niining mga tawhana nga mahiduol kang Jesukristo? ( bersikulo37).
Itandi unsa ang nahitabo sa mga tawo nga gitudloan ni Pedro sa panaad nga gihimo sa Dios ngadto sa Iyang mga sulugoon sa Doktrina ug mga Pakigsaad 100:5–8 .
Unsa ang pipila sa mga ehemplo sa mga kausaban ang lagmit idasig sa Espiritu Santo kanato nga buhaton aron makatabang nato nga mahiduol kang Jesukristo?
Awhaga ang mga estudyante sa paghunahuna ug pagpaambit og mga kasinatian kanus-a ang Espiritu Santo midasig kanila sa pagbuhat og mga kausaban nga nagdala kanila paduol kang Jesukristo. Dasiga sila nga mopaambit og mga ehemplo nga dili kaayo personal. Ikonsiderar usab ang pagpaambit og personal nga kasinatian.
Kon mahimo, mahimong makatabang usab ang pag-awhag og usa ka bag-ong nakabig ngadto sa klase ug sultihi sila nga maggahin og pipila ka mga minuto sa pagpaambit sa ilang mga kasinatian kon giunsa sa Espiritu Santo pagtabang kanila nga mahiduol kang Jesukristo ug sa Iyang Simbahan. Hinumdomi nga magkuha og pagtugot gikan sa lokal nga S&I nga koordinitor lakip na usab ang lider sa maong tawo sa lokal nga lider sa pagkapari sa dili pa kini buhaton.
Ikonsiderar ang pagdugang sa inyong mga panabot gikan sa Mga Buhat 2:37–38,41 ngadto sa lista sa inyong journal sa pagtuon.
Pagpamalandong sa unsa ang inyong natun-an
Awhaga ang mga estudyante sa pagrebyo sa lista nga ilang nabuhat sa ilang journal sa pagtuon. Ang mosunod nga mga pangutana lagmit makatabang sa mga estudyante sa paghisgot ug lawon nga paghunahuna sa unsa ang ilang nakat-onan. Pagpamatuod sa mga kamatuoran nga gihisgotan niini nga leksiyon.
Unsa nga panalangin gikan sa Espiritu Santo ang labing nakadani kaninyo?
Nganong ang Espiritu Santo importante man aron matabangan kita nga mahiduol kang Jesukristo ug dalhon ang uban ngadto Kaniya?
Unsa nga mga lakang ang inyong mabuhat aron mas hingpit nga matagamtaman ang mga panalangin sa Espiritu Santo?
Komentaryo ug Background nga Impormasyon
Sa unsang paagi nga ang Espiritu Santo makatabang kanato nga mas maduol ngadto sa Langitnong Amahan ug ni Jesukristo?
Si Presidente Dallin H. Oaks sa Unang Kapangulohan mitudlo:
Imahe
Official Portrait of President Dallin H. Oaks taken March 2018.
Ang misyon sa Espiritu Santo mao ang pagpamatuod sa Amahan ug sa Anak (tan-awa sa Juan 15:26 ; 2Nephi 31:18 ; 3Nephi 28:11), aron paggiya kanato sa kamatuoran (tan-awa sa Juan 14:26 ; 16:13), ug sa pagpakita kanato sa tanang butang nga kinahanglan nga atong buhaton (tan-awa sa 2Nephi 32:5). Kining personal nga linya sa komunikasyon uban sa atong Langitnong Amahan pinaagi sa Iyang Balaang Espiritu mao ang tinubdan sa atong pagpamatuod sa kamatuoran, sa atong kahibalo, ug sa personal nga paggiya kanato gikan sa mahigugmaong Langitnong Amahan. Usa kini ka mahinungdanong bahin sa Iyang kahibulongang plano sa ebanghelyo, nga nagtugot sa matag usa sa Iyang mga anak sa pagdawat og personal nga pagsaksi sa kamatuoran niini.
(Dallin H. Oaks, “Duha ka Linya sa Komunikasyon,” Liahona, Nob. 2010, 83)
Si Presidente M. Russell Ballard sa Korum sa Napulog Duha ka Apostoles mipamatuod:
Imahe
Official portrait of President M. Russell Ballard of the Quorum of the Twelve Apostles, 2004.
Sa higayon ang tagsa-tagsa … makabati sa Espiritu nga naglihok uban kanila, o kon ilang makita ang ebidensiya sa gugma ug kalooy sa Ginoo sa ilang kinabuhi, sila madasig ug malig-on sa espirituhanong paagi ug ang ilang pagtuo Kaniya molambo.
(M. Russell Ballard, “Now Is the Time,” Ensign, Nob. 2000, 75)
Unsa ang pagbati sa Espiritu Santo, ug unsaon ninyo pag-awhag niini?
Dugang nga mga Kalihokan sa Pagkat-on
Pulipuli nga paagi sa pagsugod sa leksiyon
Sa iyang Abril 2017 nga pakigpulong sa kinatibuk-ang komperensiya, si Elder Gary E. Stevenson sa Korum sa Napulog Duha ka Apostoles misugilon mahitungod sa panahon diin siya miapil sa usa ka bag-ong pamilya sa home evening. Ipatan-aw ang video nga “Unsaon sa Espiritu Santo Pagtabang Kaninyo?” gikan sa time code 0:00 hangtod 1:15. Kini nga video anaa sa ChurchofJesusChrist.org.
Human matan-aw ang video, awhaga ang mga estudyante sa paghunahuna mahitungod og unsaon nila pagtubag sa pangutana sa batan-ong lalaki.
Pagpangita og panahon alang sa Espiritu Santo
Sa pagkapuliki sa kinabuhi, mahimong malisod ang paggahin og panahon aron kita mapanalanginan sa Espiritu Santo og pagdasig.
Ang doktrina ni Kristo mahimong makatabang kanako nga makadawat sa Espiritu Santo ug mahiduol kang Kristo
Mahimong awhagon ang mga estudyante nga mobasa sa Mga Buhat 2:38 , nga mangita sa tubag ni Pedro sa katawhan nga nangutana, “Unsa may among buhaton?” ( Mga Buhat 2:37). Ikonsiderar ang pagpangutana sa mosunod:
Unsa nga mga lakang ang gilatid ni Pedro sa bersikulo38 ?
Sa unsang paagi kining mga lakang magamit sa usa ka tawo nga nabunyagan na?
Aron matabangan ang mga estudyante nga mas makasabot sa tubag sa ikaduhang pangutana, ikonsiderar ang paggamit sa mosunod nga pamahayag ni Elder Dale G. Renlund sa Korum sa Napulog Duha ka Apostoles: “Kita mahingpit sa padayon … nga pagsalig ni [Kristo], maghinulsol, moambit sa sakramento sa pagbag-o sa mga pakigsaad ug panalangin sa bunyag, ug pagdawat sa Espiritu Santo isip kanunay gayod nga kauban. Kon buhaton nato kini, mas mahisama kita kang Kristo ug makalahutay sa kataposan” (“Ang mga Santos sa Ulahing mga Adlaw Magpadayon sa Pagpaningkamot,” Liahona, Mayo 2015, 56).
