Nag-atubang og bakak nga mga pasangil ug pisikal nga pagdagmal, si Pablo wala mapahilom. Bisan og gigapos sa mga kadena o gidala atubangan sa mga lider ug mga hari, si Pablo matinud-anong mipaambit sa iyang gamhanang pagsaksi kang Jesukristo ug sa Iyang ebanghelyo. Kini nga leksiyon gituyo aron matabangan kamo nga mapalambo og mas dako ang inyong tinguha sa pagsunod sa ehemplo ni Pablo sa pagpamatuod kang Jesukristo ug sa Iyang ebanghelyo sa inyong inadlaw-adlaw nga kinabuhi.
Dapita ang mga estudyante sa pagpamatuod sa doktrina ug mga baroganan: Tabangi ang mga estudyante nga makasabot nga “ang pagpamatuod wala lamang magpanalangin sa tawo nga nagpamatuod apan makalig-on usab sa hugot nga pagtuo ug mga pagpamatuod sa uban. … Ang [usa ka pagpamatuod] mahimong usa ka yanong pahayag sa unsay nahibaloan sa usa ka tawo nga tinuod, gisulti uban ang sinseridad ug lig-on nga pagtuo. Kini mahimong usa ka yano nga panghimatuod sa unsay gibati sa usa ka tawo mahitungod sa usa ka doktrina o baroganan sa ebanghelyo ug ang kalainan nga nahimo niini sa iyang kinabuhi” (Gospel Teaching and Learning: A Handbook for Teachers and Leaders in Seminaries and Institutes of Religion [2012], 33).
Pagpangandam sa estudyante: Dapita ang mga estudyante sa pagpamalandong ug pagtambong nga andam mopaambit og usa ka kasinatian diin sila nadasig pag-ayo sa pagpamatuod sa laing tawo.
Posible nga mga Kalihokan sa Pagkat-on
Pagpaambit sa pagpamatuod
Pahinumdomi ang mga estudyante sa imbitasyon sa pagpangandam sa estudyante alang niini nga leksiyon diha sa ilang pagtubag sa mosunod nga mga pangutana.
Sa usa ka relihiyoso o espirituhanong pagsabot, ang pagpamatuod o paghatag og pagpamatuod kasagaran nagpasabot sa pagpaambit og personal nga mga pagtuo sa espirituhanong kahibalo nga gihatag pinaagi sa Espiritu Santo (tan-awa sa Giya sa mga Kasulatan, “ Mopamatuod ” ug “ Pagpamatuod ”).
Kanus-a ninyo nabati ang gahom sa pagpaambit sa inyong kaugalingong pagpamatuod o sa pagpaminaw sa usa ka tawo nga mipaambit sa iyang pagpamatuod? Sa unsang paagi kini nakaapekto kaninyo?
Unsa kamo kaandam nga mopaambit sa inyong pagpamatuod ngadto sa uban? Nganong lagmit ang usa ka tawo mahimong magduha-duha sa pagpaambit sa iyang pagpamatuod?
Unsa nga mga pangutana ug mga kabalaka ang anaa kaninyo sa inyong pagpamatuod mahitungod sa inyong gituhoan ngadto sa uban?
Niini nga leksiyon, inyong tun-an ang pagpamatuod ni Pablo sa Manluluwas ug sa unsang paagi ang Manluluwas nakaapekto sa kinabuhi ni Pablo. Inyo usab nga makat-onan unsa ang reaksiyon sa uban sa pagpamatuod ni Pablo. Sa inyong pagtuon, ikonsiderar kon unsaon sa Manluluwas pagpanalangin ang inyong kinabuhi diha sa inyong pagkaandam mopaambit sa inyong pagpamatuod Kaniya ug sa Iyang ebanghelyo, dili igsapayan kon unsa ka lig-on sa imong tan-aw ang imong pagpamatuod.
Ang pagpamatuod ni Apostol Pablo
Bisan pa man sa paglatos, pagbato, ug dili makataronganon nga pagkabilanggo, si Pablo balik-balik nga nagpaambit sa iyang pagpamatuod kang Jesukristo ug sa Iyang ebanghelyo. Sa inyong pagbasa sa sugilanon ni Pablo, pagbansay sa paghanduraw unsa ang nahitabo niini nga asoy.
Kini lagmit maayong higayon sa pagpahinumdom sa mga estudyante kon unsa ka epektibo ang paghanduraw. Dasiga sila sa paghanduraw nga sila anaa panahon sa asoy. Sa ilang pagbasa, mahimo nilang mahanduraw ang mga talan-awon, mga tingog, ug mga pagbati nga lagmit nilang masinati.
Ang mosunod nga mga tudling naglangkob og mga bahin sa pagpamatuod ni Pablo ug ang mga reaksiyon niadtong nakadungog kaniya. Pagpili og usa sa mga tudling nga basahon, ug hunahunaa kon sa unsang paagi kaha kamo tingali maapektohan sa iyang pagpamatuod kon atoa kamo ngadto.
Mahimong ipakita ang mosunod nga kasayoran alang sa mga estudyante. Kon limitado ang oras sa klase, lagmit makatabang ang pagpasabot sa mga estudyante nga dili kinahanglang basahon ang tanang tulo ka mga pagpamatuod.
Ang pagpamatuod ni Pablo
Ang reaksiyon sa katawhan
Si Pablo gigapos sa mga kadena human siya gidakop didto sa Jerusalem. Siya gitugotan sa pagsulti ngadto sa mga tawo samtang nagbarog gawas sa Antonia Fortress.
Si Pablo gidakop gawas sa templo sa Jerusalem ug dayon gidala atubangan sa mga pangulong Judio. Siya gisukit-sukit sa mga pangulong Judio ug gibilanggo. Ang Romanhong kapitan nga maoy nagdakop ni Pablo nasayod sa panagkunsabo sa usa ka grupo sa mga Judio aron patyon si Pablo, maong iyang gipadala si Pablo ngadto sa Caesarea. Didto sa Caesarea, si Pablo gitugotan sa pagsulti aron sa pagpanalipod sa iyang kaugalingon atubangan sa Romanhong gobernador nga si Felix.
Human sa duha ka tuig nga pagkabilanggo, si Pablo miatubang sa bag-ong gobernador ug nangayo og higayon sa pagpamatuod atubangan ni Caesar. Si Hari Agripa nakigsabot aron mamati sa pagpamatuod ni Pablo sa dili pa ang iyang panaw ngadto sa Roma.
Human makompleto sa mga estudyante ang usa sa mga pagbasa nga buluhaton sa ibabaw, mahimong dapiton sila sa bukas nga pagpaambit sa personal nga impresyon gikan sa ilang pagtuon sa dili pa ang mosunod nga kalihokan.
Sa inyong journal sa pagtuon, isulat unsa ang inyong nakat-onan. Seguroha ang paglakip sa mosunod nga mga detalye:
Unsa nga pihong mga butang ang mipatigbabaw kaninyo mahitungod sa pagpamatuod ni Pablo kang Jesukristo ug sa Iyang ebanghelyo?
Unsa ang nakapadani kaninyo mahitungod kang Pablo niini nga mga bersikulo?
Nganong kamo nagtuo nga si Pablo adunay kaisog ug kalig-on sa pagpamatuod kang Kristo sa ingon kalisod nga mga sitwasyon?
Ngano kaha nga importante ang pagpaambit sa pagpamatuod bisan kon ang uban lagmit mosalikway niini?
Sa pagpaambit sa mga estudyante sa ilang mga tubag, paminaw og maayo sa tinuod nga mga baroganan, ug isulat kini ngadto sa pisara. Usa ka posibleng baroganan lagmit mao ang mga disipulo ni Jesukristo dayag nga nagpaambit sa ilang pagpamatuod.
Basaha ang mosunod nga pamahayag, pamalandongi unsaon niini pagtabang kaninyo nga madasig sa pagpamatuod sama sa gibuhat ni Pablo.
Samtang nagpasabot nga ang pagpaambit sa atong pagpamatuod sa uban dili kinahanglan nga perpekto ug magkinahanglan og pagbansay, si Elder Dieter F. Uchtdorf sa Korum sa Napulog Duha ka Apostoles mipakigbahin sa mosunod.
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Sa bisan unsang mga paagi nga daw natural og normal alang kaninyo, ipaambit sa mga tawo ngano nga si Jesukristo ug ang Iyang Simbahan importante kaninyo. …
Sabta nga dili inyong trabaho ang pagkabig sa mga tawo. Mao kana ang tahas sa Espiritu Santo. Inyong tahas ang pagpakigbahin kon unsa ang anaa sa inyong kasingkasing ug ang pagpuyo sumala sa inyong gituohan.
Sa inyong journal sa pagtuon, paghimo og duha ka kolum. Sa usa ka kolum, pamalandongi ug irekord ang inyong personal nga pagpamatuod, lakip ang personal nga mga kasinatian nga nagpalig-on ug nakapahimo sa inyong pagpamatuod sa Langitnong Amahan, ni Jesukristo, ug sa Ilang ebanghelyo. Sa pikas nga kolum, irekord ang bisan unsang mga hunahuna ug mga impresyon mahitungod sa unsaon ninyo pagpaambit niini nga pagpamatuod ngadto sa uban sa inyong inadlaw-adlaw nga kinabuhi, sama sa gibuhat ni Pablo.
Mahimong mopaambit (ug tugotan ang mga estudyante sa pagpaambit) og pagpamatuod ingon man ang mga hunahuna, mga impresyon, ug mga ideya mahitungod sa pagpamatuod sa normal ug natural nga mga paagi. Sa inyong paghimo niini, hatagi og igong gibug-aton ang ehemplo sa Manluluwas sa pagpaambit sa Iyang pagpamatuod. Kini mahimong buhaton sa dili pa o human sa paghisgot sa mosunod nga mga pangutana.
Sa unsang mga paagi nga ang Manluluwas nahimong usa ka ehemplo sa pagpaambit sa pagpamatuod bisan pa man sa tubag o reaksiyon sa uban? (tan-awa sa Doktrina ug Mga Pakigsaad 138:25–26).
Kamo lagmit mobati og pagduha-duha o kanerbiyos mahitungod sa pagpamatuod sa Manluluwas. Unsaon niini pagtabang kaninyo sa paghunahuna kon unsa ang gibati sa Manluluwas mahitungod sa inyong mga paningkamot sa pagpamatuod Kaniya?
Komentaryo ug Background nga Impormasyon
Asa man ko makakat-on og dugang mahitungod sa unsa ang pagpamatuod ug unsaon pagpalig-on sa akong kaugalingong pagpamatuod?
Nganong importante man nga magmaisogon sa akong pagpamatuod?
Si Elder Quentin L. Cook sa Korum sa Napulog Duha ka Apostoles mitudlo:
Imahe
Official portrait of Elder Quentin L. Cook. Called to the Quorum of the Twelve Apostles on 6 October 2007.
Ang “mga maisug diha sa pagpamatuod kang Jesus” [ Doktrina ug mga Pakigsaad 76:79 ] mao ang yano, mahinungdanon nga pagsulay niadtong makapanunod sa mga panalangin sa celestial nga gingharian ug niadtong anaa sa mas ubos nga terrestrial nga gingharian. …
Ang pagkamaisugon sa atong pagpamatuod ni Jesus mao ang tikanganang bato nga mopasarang alang sa kalooy sa Manluluwas ug sa celestial nga gingharian.
Unsaon nako pagpaambit sa akong pagpamatuod sa normal ug natural nga mga paagi?
Dugang nga mga Kalihokan sa Pagkat-on
Usa ka alternatibong paagi sa pagsugod sa leksiyon
Ang epekto sa pagpamatuod ni Pablo ngadto kang Joseph Smith
Mahimong tabangan ang mga estudyante sa pagsabot sa epekto sa pagpamatuod ni Pablo pinaagi sa pagbasa sa mga pagbati ni Joseph Smith bahin kang Pablo nga gipakigbahin diha sa Joseph Smith—Kasaysayan 1:21–25 . Nganong mibati man si Joseph og koneksiyon ngadto kang Pablo? Ngano kaha sa inyong hunahuna si Joseph napalig-on sa pagpamatuod ni Pablo? Sa unsang mga paagi nga ang mga kasinatian ni Pablo may kalabotan sa inyo karon? Unsa ang pipila sa mga paagi nga ang pagpamatuod ug mga kasinatian ni Pablo makatabang kaninyo?
Dali, Sunod Kanako karong semanaha nagpasiugda sa kamatuoran nga ang “mga disipulo ni Jesukristo mipaambit sa ilang mga dayag nga pagpamatuod” (tan-awa sa “Hulyo 31-Agosto 6. Mga Buhat 22–28: ‘Pag-alagad ug Pagpanghimatuod,’” Dali, Sunod Kanako—Alang sa mga Indibidwal ug mga Pamilya: Bag-ong Tugon 2023). Kini nagdapit sa tanan sa pagpamalandong og mga kahigayonan nga makapaambit sa ilang mga pagpamatuod. Mahimong pangutan-on ang mga estudyante kon ila ba kining gibuhat ug dapita ang kadtong nakabuhat na sa pagpaambit sa ilang mga kasinatian. Kon ang mga estudyante wala pa nakahimo niini, pahinumdomi sila nga aduna silay kahigayonan sa pagbuhat niini sa ilang Dali, SunodKanako nga pagtuon.