Ngāue 6–9

Vakai Fakalūkufuá

Naʻe fakahoko ʻe Sitīveni ha ngaahi mana lalahi ʻaki e mālohi ʻo e ʻOtuá, ka naʻe tolomakaʻi ia ʻe he kau Siú ko ʻene fakamoʻoni kia Sīsū Kalaisí. Naʻe akoʻi ʻe Filipe ha tangata ʻItiopea fekauʻaki mo Sīsū ʻi ha founga naʻe tupu ai ʻene tui mo papitaisó. ʻI he fononga ʻa Saula ki Tāmasikusi ke hokohoko atu hono fakahohaʻasi e Kāingalotú, naʻe fakahā ʻe Sīsū Ia kia Saula (vakai ki he Ngāue 9:3–5). Hili iá, naʻe tokoniʻi ʻe Sīsū ʻa ʻAnanaia ke ne sio kia Saula ʻi he founga naʻá Ne mamata ai kiate iá.

Teuteu ke Akoʻi

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fie maʻu ke teuteuʻi kimuʻa ki he lēsoni takitaha.

Acts 6–7

Ngāue 6–7

Taumuʻa ‘o e Lēsoní:

• Teuteu ʻa e tokotaha akó: Fakaafeʻi e kau akó ke nau toe vakaiʻi ʻenau ngaahi taumuʻa ki he polokalama Fānaú mo e Toʻu Tupú pea fakakaukau ki he founga ʻoku nau hoko ai ʻo hangē ko e Fakamoʻuí.

‘E lava ke tokoni ‘a e lēsoni ko ‘ení ke fakalaulauloto ‘a e tokotaha akó ki he ngaahi founga te ke lava ai ʻo tāpuekina e niʻihi kehé ʻaki haʻo feinga ke muimui ki he Tamai Hēvaní mo Sīsū Kalaisi, hoko ʻo hangē ko Kinauá, pea fakamoʻoni kiate Kinaua.

• Vitiō: “Ko e Mate Faka-Māʻata ‘a Sitīveni” (5:42; sio mei he taimi 3:25 ki he 5:34)

• ʻĪmisí: ʻĪmisi ʻo Sitīvení

• Fokotuʻu ki hono akoʻi ʻo e konifelenisi vitioó: ʻI he taimi ʻoku fakaafeʻi ai ʻa e kau akó ke nau fakatātaaʻi ha fakataha alēlea fakauōtí, mahalo ʻe fakapotopoto ke tuku ki ha toko taha pe toko ua ʻo e kau akó ke na tokangaʻi ʻa e fakataha alēleá pea kole ange ke na fakapapauʻi ʻoku kau ki ai ʻa e tokotaha kotoa pē. Kapau ʻe lelei ange ke ʻi ai ha fakataha alēlea ʻe ua pe lahi ange, fakakaukau ke fokotuʻu ʻa e fakataha alēlea takitaha ʻi ha loki kiʻi mālōlō.

Ngāue 8

Taumuʻa ʻo e lēsoní: ʻOku fakataumuʻa ʻa e lēsoni ko ʻení ke tokoniʻi e kau akó ke nau fakalaulauloto ki he founga te nau lava ai ʻo fakaʻaongaʻi ʻa e folofolá ke tokoniʻi e niʻihi kehé ke nau tui pea haʻu kia Sīsū Kalaisi.

• Teuteu ʻa e tokotaha akó: Fakaafeʻi e kau akó ke nau fakakaukau ki he ngaahi meʻangāue pe pōtoʻi ngāue fakalaumālie kuó ne tokoniʻi kinautolu ke nau tupulaki ʻo mālohi ange ʻi he ongoongoleleí. Te nau maʻu ha faingamālie ke vahevahe ʻenau ngaahi fakakaukaú lolotonga e lēsoní.

• Ngaahi meʻá: Ko ha hāmala mo e faʻo, ko ha meʻa fakamaʻu sikalu mo ha sikalu, pe ngaahi meʻangāue kehe

• Fokotuʻu ki hono akoʻi ʻo e konifelenisi fakavitioó: Hili hono ako ʻe he kau akó ʻa e ʻĪsaia 53:3–9 pea tali e ongo fehuʻi fekauʻaki mo e potufolofola ko iá, fakakaukau ke fakafaivaʻi fakakalasi ia. Fakatātaaʻi ʻa e ʻiunoké, pea kole ki he kalasí ke tokoni atu ke mahino kiate koe ʻa e ngaahi veesi ko ʻení. Fakalotolahiʻi ha niʻihi ʻo e kau akó ke vahevahe ʻenau ngaahi fakakaukaú.

Acts 8:1–3; 9:1–20

Ngāue 8:1–3; 9:1–20

Taumuʻa ʻo e lēsoní:

• Teuteu ʻa e tokotaha akó: Fakaafeʻi e kau akó ke nau talanoa ki ha mēmipa ʻo e fāmilí pe kaungāmeʻa fekauʻaki mo e ngaahi founga ʻoku fakaafeʻi mo tokoniʻi ai kitautolu ʻe Sīsū Kalaisi ke tau liliú.

ʻOku fakataumuʻa ʻa e lēsoni ko ʻení ke tokoniʻi e kau akó ke nau fakalaulauloto ki he meʻa ʻoku fai ʻe he ʻEikí ke tokoniʻi kinautolu ke nau liliu ʻo lelei ange pea feinga ke ʻiloʻi ʻa e meʻa ʻokú Ne finangalo ke nau faí.

• Naunaú: Ko ha foʻi mapu pe ko ha foʻi pulu

• Vitiō: “Ko e Hala ki Tāmasikusí” (5:21); “Ko ʻEne ʻAloʻofá: ʻOku Malava ʻa e Liliú ʻia Kalaisi” (3:29)

• Fokotuʻu ki hono akoʻi ʻo e konifelenisi fakavitioó: Fakaafeʻi ha tokotaha ako ke haʻu mateuteu mo ha mapu ki he kalasí. Ke kamata ʻa e lēsoní, kole ki he tokotaha akó ke ne tekaʻi e foʻi mapú ʻi ha founga ʻe lava ke sio ki ai ʻa e kalasí. ʻEke ange leva ʻa e ongo ʻuluaki fehuʻi ʻo e lēsoní.

Ngāue 9:10–31

Taumuʻa ʻo e lēsoní:

• Teuteu ʻa e tokotaha akó: Fakaafeʻi e kau akó ke nau fakalaulauloto ki he fehuʻi ko ʻení: “ʻE liliu fēfē nai hoku vā fetuʻutaki mo hoku fāmilí pe kaungāmeʻá kapau te u mamata kiate kinautolu ʻi he founga ʻa e Fakamoʻuí?”

ʻOku fakataumuʻa ʻa e lēsoni ko ʻení ke tokoniʻi e kau akó ke nau ʻilo ʻa e tuʻunga malava ʻoku vakai ki ai ʻa e ʻEikí ʻi he niʻihi kehé neongo honau ngaahi vaivaí mo e ngaahi fehalaaki ʻi he kuohilí.

• Vitiō: “Ko e Hala ki Tāmasikusí” (5:21; mamata mei he taimi 1:55 ki he 5:21)

• Fokotuʻu ki hono akoʻi ʻo e konifelenisi fakavitioó: ʻI he ofi ki he fakaʻosinga ʻo e lēsoní, ʻoku ʻi ai ha fehuʻi ʻe tolu, ko e ʻuluakí ko e “Ko e hā te ke lava ʻo fai ke vakai ki he kakaí ʻo hangē ko ia ʻoku fai ʻe he Tamai Hēvaní mo Sīsū Kalaisí?” Fakakaukau ke fakaʻaliʻali e ngaahi fehuʻi ʻe tolu ko ʻení pea fakaafeʻi e kau akó ke fili ha taha pea fakalaulauloto ki heʻenau talí. Hili ia pea kole ki ha kau ako ʻe niʻihi ke vahevahe ʻenau ngaahi fehuʻí mo e talí.

Toe Vakaiʻi Fakataukei Fakatokāteline 13

Taumuʻa ʻo e lēsoní:

• Teuteu ʻa e tokotaha akó: Fakaafeʻi e kau akó ke nau akoako ako maʻuloto e ngaahi kupuʻi lea mahuʻinga ʻo e fakataukei fakatokāteliné mo e ngaahi fakamoʻoni fakafolofolá ʻi ha founga ʻe ngāue maʻanautolu. Fakakaukau ke ʻoange ʻa e saati mei he lēsoni ko ʻení, pe fakaafeʻi kinautolu ke nau fakaʻaongaʻi ʻa e app Fakataukei Fakatokāteliné kapau ʻoku maʻu.

ʻE tokoni ʻa e lēsoni ko ʻení ke ako maʻuloto ʻe he kau akó ʻa e ngaahi fakamoʻoni fakafolofolá mo e ngaahi kupuʻi lea mahuʻinga ki ha niʻihi ʻo e ngaahi potufolofola fakataukei fakatokāteline ʻo e Fuakava Foʻoú.

• Sātí: Ko e saati fakataukei fakatokāteline ke fakaʻaliʻali ʻi he palakipoé pe tufa

• Fokotuʻu ki hono akoʻi ʻo e konifelenisi fakavitioó: ʻE lava ke fakaafeʻi e kau akó ke nau fekumi ki he ngaahi ʻatá kae ʻikai ko e tā fakatātaá. ʻE lava leva ke fakaafeʻi kinautolu ke vahevahe ʻenau screen ke fakaʻaliʻali e meʻa ne nau maʻú. ʻE lava ke mateʻi ʻe he kaungā kalasí ʻa e ngaahi kupuʻi lea mahuʻinga ʻo e fakataukei fakatokāteliné mo e ngaahi potufolofola ʻoku feʻunga mo e ngaahi ʻīmisí.