I-assess ang Iyong Pagkatuto 12

Apocalipsis 1–22

A young woman reads and studies the scriptures. She has the Book of Mormon in both Spanish and English, and a Holy Bible on a table.

Layunin ng lesson na ito na tulungan kang suriin ang mga mithiing itinakda mo at ang pag-unlad na naranasan mo sa iyong pag-aaral ng Bagong Tipan.

Pagtulong sa mga estudyante na i-assess ang kanilang pagkatuto. Bigyan ang mga estudyante ng pagkakataong i-assess ang kanilang pagkatuto. Ang isang paraan ay ipabahagi sa kanila kung paano sila umunlad o humusay dahil sa kanilang mga pag-aaral at pananampalataya.

Paghahanda ng estudyante: Habang kinukumpleto ng mga estudyante ang pag-aaral nila ng Bagong Tipan, sabihin sa kanila na gumawa ng listahan ng tatlo hanggang limang pinaka-nakaimpluwensyang scripture passage na napag-aralan nila sa taong ito.

Mga Posibleng Aktibidad sa Pag-aaral

Layunin ng lesson na ito na tulungan ang mga estudyante na masuri ang kanilang kakayahang ipaliwanag ang mga turo sa Bagong Tipan, mga mithiing itinakda nila, o kung paano nagbabago ang kanilang mga pag-uugali, hangarin, at kakayahang ipamuhay ang ebanghelyo. Kung may iba’t ibang katotohanan na binigyang-diin sa klase, maaaring iangkop ang sumusunod na mga aktibidad upang maisama ang mga turong iyon.

Maaari mong simulan ang klase sa pamamagitan ng personal na patotoo tungkol sa pag-unlad at kagalakang nararanasan sa pamamagitan ng pag-aaral at pagtuturo ng Bagong Tipan.

Ang iyong personal na pag-unlad

Sa lesson na ito, magkakaroon ka ng pagkakataong i-assess ang iyong pagkatuto at kung paano mo naipamuhay ang mga alituntuning itinuro sa Apocalipsis 1–22. Rerebyuhin at susuriin mo rin ang iyong pag-unlad nitong mga nakalipas na ilang buwan habang pinag-aaralan mo ang Mga Gawa–Apocalipsis. Ang mga sumusunod na aktibidad sa pag-aaral ay makatutulong sa iyo na makita kung paano nag-ibayo ang iyong pagmamahal sa Ama sa Langit at kay Jesucristo at kung paano ka naging higit na katulad Nila.

Ang aklat ng Apocalipsis

Maaaring magrebyu ang mga estudyante sa pamamagitan ng pagbabahagi sa isang kapartner o pagsusulat sa pisara ng isang katotohanan na makabuluhan para sa kanila. Maaari ding lumibot ang mga estudyante sa buong silid upang magbahagi sa iba’t ibang kaklase.

Maglaan ng ilang minuto na rebyuhin ang anumang banal na kasulatan na maaaring minarkahan mo, ang mga maikling tala sa iyong mga banal na kasulatan, o journal entry na ginawa mo bilang bahagi ng iyong pag-aaral ng aklat ng Apocalipsis.

• Ano ang ilang bagay na naaalala mong natutuhan o nadama mo nang pag-aralan mo ang aklat ng Apocalipsis?

• Ano ang natutuhan mo tungkol sa iyong Tagapagligtas na si Jesucristo mula sa aklat ng Apocalipsis?

• Ano ang ilan sa mga katotohanan na nahikayat kang gawin bilang bahagi ng iyong mga pag-aaral?

Maaari mong i-print o ipakita ang mga sumusunod na aktibidad at hayaang pumili ang mga estudyante ng isang bagay na mas gugustuhin nilang gawin nang mag-isa o nang may kapartner.

Maaaring mahirapan ang ilang estudyante na mag-assess o magbahagi ng mga personal na damdamin tungkol sa pagsamba at patotoo. Bigyan ang mga estudyante ng mga pagkakataong kusang magbahagi, ngunit tiyaking igalang ang kanilang kalayaang pumili.

Kapag tapos na ang mga estudyante, sabihin sa mga boluntaryo na ibahagi ang ilan sa mga naisip at nadama nila nang sagutin nila ang mga tanong. Tiyaking hikayatin ang mga estudyante na palalimin ang kanilang personal na pagsamba at palakasin ang kanilang mga patotoo tungkol kay Jesucristo. Maaari kang magbahagi ng personal na patotoo kung bakit mahalaga ang indibiduwal na pagsamba at patotoo sa ating espirituwal na pag-unlad.

Aktibidad A: Pagsamba at pagsunod sa Diyos nang taos-puso

Sa Apocalipsis 4 – 5 , maaaring napag-aralan mo ang bahagi ng pangitain ni Juan kung saan nakita niya ang trono ng Diyos na may iba’t ibang nilalang at masimbolikong hayop na sumasamba sa Ama sa Langit at kay Jesucristo. Maaaring inanyayahan kang pagnilayan kung paano ka nagbibigay-puri sa Ama sa Langit at kay Jesucristo at mag-isip ng mga paraan na mapagbubuti mo pa ang iyong personal na pagsamba.

• Ano ang natutuhan o nadama mo kamakailan tungkol sa Ama sa Langit o kay Jesucristo na naghikayat sa iyo na naising sambahin Sila?

• Anong mga pagsisikap ang nagawa mo upang mapagbuti ang iyong pagsamba? Halimbawa, maaaring hinangad mong palalimin ang iyong pagsamba sa pamamagitan ng panalangin, pag-aaral ng mga banal na kasulatan, pagtanggap ng sakramento, paggalang sa araw ng Sabbath, pag-aayuno, pagdalo sa templo, o sa iba pang paraan.

• Paano nakaapekto ang mga pagsisikap na ito sa ugnayan mo sa Ama sa Langit at kay Jesucristo?

Aktibidad B: Labanan at daigin ang kasamaan nang may pananampalataya kay Cristo

Ang sumusunod na aktibidad ay maaaring baguhin upang ma-assess ang pag-unlad sa pagdaig sa sanlibutan, na itinuro sa lesson na “Apocalipsis 2–3, Bahagi 2.”

Sa Apocalipsis 12 – 13 , maaaring natutuhan mo na sa buhay bago tayo isinilang, lahat tayo ay nanampalataya kay Jesucristo upang madaig si Satanas. Maaaring inanyayahan kang pagnilayan ang iyong paniniwala sa mga turong ito at isipin kung ano ang magagawa mo upang patuloy na magtiwala kay Jesucristo habang nakikipaglaban tayo sa kalaban dito sa mortalidad.

• Ano sa palagay mo ang dapat mong gawin pagkatapos ng iyong pag-aaral?

• Anong mga balakid o hamon ang naranasan mo sa paggawa niyon? Ano ang mga naging tagumpay mo?

• Paano nakatulong sa iyo ang paggawa ng mga hakbang na ito na mas mapalapit kay Jesucristo o makatanggap ng lakas mula sa Kanya upang madaig si Satanas?

Ang Bagong Tipan: Mga Gawa–Apocalipsis

Kung ginamit ang paghahanda ng estudyante, maaari mong anyayahan ang ilang estudyante na ibahagi ang mga scripture passage na pinili nila at ipaliwanag kung bakit nila pinili ang mga ito. Isulat sa pisara ang mga reperensyang banal na kasulatan na ibinahagi nila upang magamit ang mga ito ng iba sa sumusunod na aktibidad.

Ang sumusunod na larawan at mga talata ay maaaring makatulong na ipabatid ang aktibidad na pagsulat ng liham.

Paul speaking to King Agrippa.

Maaaring naaalala mo na pagkatapos marinig ang patotoo ni Pablo tungkol kay Jesucristo, sinabi ni Haring Agripa, “Sa maikling panahon ay hinihikayat mo akong maging Cristiano!” Buong tapang na sumagot si Pablo, “Loobin nawa ng Diyos, na sa madali o matagal man, ay hindi lamang ikaw, kundi maging ang lahat ng mga nakikinig sa akin ngayon, ay maging katulad ko naman [na Cristiano]” ( Mga Gawa 26:28–29).

Si Pablo at ang iba pang mga Apostol ay nagkaroon ng matinding hangaring ilapit ang iba kay Cristo sa pamamagitan ng kanilang mga turo at patotoo. Marami sa kanila ang nagbigay ng kanilang buhay at namatay bilang mga martir para sa layunin ni Cristo, at naiwan ang kanilang mga turo sa aklat ng Mga Gawa at Mga Sulat. Sana ay inanyayahan mo ang mga patotoong iyon sa iyong puso at ipinamuhay mo ang kanilang mga turo. Ngayon, ikaw naman ang magtuturo at magpapatotoo.

Sumulat ng sarili mong liham para sa sinumang pipiliin mo. Halimbawa, maaari mo itong sabihin sa iyong sarili isang taon na ang nakararaan bago pag-aralan ang Bagong Tipan, sa isang kaibigan na hindi nauunawaan kung bakit ka dumadalo sa seminary, o sa isang kapamilya na maaaring makinabang sa iyong patotoo tungkol sa Tagapagligtas.

Sinuman ang pipiliin mong sulatan, magsama ng isa o mahigit pang talata mula sa Mga Gawa–Apocalipsis, pati na kung paano napagpala ang iyong buhay ng mga katotohanan mula sa mga talatang ito. Ang mga sumusunod na tanong ay maaaring gumabay sa iyo, ngunit maaari mong piliin kung ano ang isusulat mo.

• Paano nakatulong sa iyo ang napag--aralan mo na lumapit kay Cristo at magkaroon ng kapayapaan sa Kanya?

• Paano nakatulong sa iyo ang napag-aralan mo na mapaglabanan o madaig ang kasamaan nang may pananampalataya kay Jesucristo?

• Paano nakatulong sa iyo ang napag-aralan mo na masagot ang isang tanong o malutas ang isang alalahanin o problema?

• Ano pa ang gusto mong malaman ng isang tao upang mahikayat siya na pag-aralan ang Bagong Tipan at lumapit kay Cristo?

Kapag natapos nang magsulat ang mga estudyante, ipabasa sa mga boluntaryo ang kanilang sulat sa klase. Bigyang-pansin kung paano nila ipinapahayag ang kanilang pasasalamat at patotoo sa kanilang mga sulat. Pasalamatan ang mga estudyante para sa isinulat at ibinahagi nila. Sabihin sa kanila na maaari nilang ibahagi ang kanilang liham sa isang tao sa labas ng klase at patuloy na pag-aralan ang mga salita ng mga propeta sa buong buhay nila.

Magpatotoo tungkol sa Tagapagligtas, sa Kanyang salita sa mga banal na kasulatan, at sa Kanyang gawain sa pamamagitan ng Kanyang mga piniling tagapaglingkod.