Doktrinal nga Kahanas: Santiago 1:5–6

“Papangayoa sa Dios”

Imahe

The Prophet Joseph Smith, Jr. in the Sacred Grove (in Manchester, New York) when he received the First Vision. Joseph is depicted kneeling before God the Father and Jesus Christ. Both God the Father and Christ are portrayed wearing white robes. The Father is presenting Christ to Joseph. There are trees in the background. (Joseph Smith - History 1:15-20)

Sa miagi nga leksiyon sa, “Santiago 1,” imong nakat-onan nga ang Dios nagpanalangin kanato og kaalam kon kita mangayo Kaniya diha sa hugot nga pagtuo. Kini nga leksiyon makatabang kanimo sa pagmemorya sa pakisayran sa doktrinal nga kahanas ug sa mahinungdanon nga hugpong sa pulong sa kasulatan alang sa Santiago 1:5–6, pagpasabot sa doktrina, ug paggamit sa mga baroganan sa pag-angkon og espirituhanong kahibalo sa tinuod nga mga sitwasyon sa kinabuhi.

Pangamuyo sa Dios alang sa mga tubag. Si Elder Neil L. Andersen sa Korum sa Napulog Duha ka Apostoles nagtudlo, “Ang espirituhanong mga pangutana nagkinahanglan og espirituhanong mga tubag gikan sa Dios” (“Joseph Smith,” Liahona Nob. 2014, 29). Tudlo-i ang mga estudyante sa pagpangamuyo ngadto sa Dios alang sa kaalam kon aduna silay mga pangutana.

Pagpangandam sa estudyante: Dapita ang mga estudyante nga mobasa sa Joseph Smith—Kasaysayan 1:10–14 , nga mangita kon giunsa paggamit ni Joseph Smith ang mga baroganan sa pag-angkon og espirituhanong kahibalo diha sa iyang kinabuhi.

Posible nga mga Kalihokan sa Pagkat-on

Gidisenyo kini nga leksiyon sa tudling sa doktrinal nga kahanas nga itudlo human sa leksiyon sa “Santiago 1,” nga mao ang pangkonteksto nga leksiyon para sa tudling sa doktrinal nga kahanas sa Santiago 1:5–6 . Kon gikinahanglan nga kining leksiyon sa tudling sa doktrinal nga kahanas ibalhin ngadto sa laing semana, seguroha nga itudlo usab ang tukma nga pangkonteksto nga leksiyon nianang semanaha.

Imemorya ug ipasabot

Tabangi ang mga estudyante sa pagsag-ulo ug pagpasabot sa pakisayran sa kasulatan ug sa mahinungdanong hugpong sa pulong sa kasulatan alang sa Santiago 1:5–6 . Ang mosunod nga mga kalihokan mao ang mga gisugyot alang sa pagkab-ot niini nga tumong.

Handurawa nga usa ka higala ang nanglimbasog sa paghimo og usa ka importante nga desisyon sa iyang kinabuhi. Nasayod ka nga kining maong higala wala nagdako sa pagtuo nga kita makahimo pagpamulong direkta sa Dios pinaagi sa pag-ampo.

Hinumdomi nga sa miaging leksiyon, imong natun-an ang mosunod nga kamatuoran gikan sa Santiago 1:5–6 : Ang Dios mopanalangin kanato og kaalam kon kita mangayo Kaniya diha sa hugot nga pagtuo.

Sa unsang paagi nimo magamit ang Santiago 1:5–6 aron ipasabot ang relasyon nga gidapit sa Langitnong Amahan kanato uban Kaniya? (Kini mahimong makatabang ang paglakip sa mga pananglit sa mga pangutana nga lagmit ipangutana sa usa ka tawo o kaalam nga lagmit iyang gitinguha gikan sa Dios diha sa pag-ampo, ingon man ang personal nga mga kasinatian o mga ehemplo sa kasulatan.)

Human mahatagan ang mga estudyante og panahon sa pagpamalandong unsaon nila pagtubag ang miaging pangutana, mahimong dapiton sila sa pagpaambit sa ilang mga tubag kauban ang usa ka pares aron ang tanan adunay higayon sa pagsulti sa ilang mga tubag. Paminaw sa mga tubag sa mga estudyante, ug, kon mahimo, irebyo ang bisan unsang materyal gikan sa miaging leksiyon aron matabangan ang mga estudyante nga mas makasabot niini nga tudling.

Mahimong ipakita ang hulagway nga anaa sa sinugdanan sa leksiyon samtang ang mga estudyante nagkompleto sa mosunod nga kalihokan.

Ang pagkahibalo sa pagpangita ug pagpasabot niini nga tudling sa doktrinal nga kahanas mahimong makatabang kanimo diha sa imong pagpaambit sa ebanghelyo sa tibuok nimong kinabuhi. Aron matabangan ka nga mapasulod kini nga tudling ngadto sa panumdoman, tan-awa ang hulagway sa Unang Panan-awon ni Joseph Smith nga anaa sa sinugdanan sa leksiyon samtang balik-balikon pagsulti ang mosunod nga mahinungdanong hugpong sa pulong ug pakisayran sa kasulatan sa makadaghan nga higayon kutob sa mahimo sulod sa usa ka minuto: “Kon aduna man kaninyoy nakulangan og kaalam, papangayoa siya sa Dios” ( Santiago 1:5–6).

Aron matabangan ang mga estudyante nga mas masag-ulo ang mahinungdanong hugpong sa pulong ug pakisayran sa kasulatan nga namemorya, mahimong mohunong sa makadaghang higayon sa tibuok leksiyon aron gunitan ang hulagway sa Unang Panan-awon ug dapiton ang mga estudyante sa pagbatbat [recite] sa mahinungdanong hugpong sa pulong ug pakisayran sa kasulatan pag-usab.

Bansaya ang paggamit

Imahe

Young Joseph Smith sits in a chair reading the bible.

Mahimong ipakita kini nga hulagway o ang sama nga hulagway ni Joseph Smith panahon sa mosunod nga bahin sa leksiyon.

Si Joseph Smith mao ang usa sa daghang mga ehemplo diha sa kasulatan sa mga tawo kinsa gipanalanginan pinaagi sa pagsunod sa mga baroganan sa pag-angkon og espirituhanong kahibalo. Alang sa mosunod nga pagbansay sa paggamit, imong matun-an ang usa ka ehemplo kon giunsa niya paggamit kini nga mga baroganan sa iyang kinabuhi. Sa dili pa ka magsugod, pagtagana og pipila ka minuto aron rebyohon ang mga baroganan sa mga parapo 5–12 sa seksiyon nga “Pag-angkon og Espirituhanong Kahibalo” sa Mahinungdanon nga Dokumento sa Doktrinal nga Kahanas (2022).

Mahimong bahinon ang mga estudyante ngadto sa tulo ka mga grupo, nga ang matag grupo magpokus sa usa ka lahi nga baroganan sa pag-angkon og espirituhanong kahibalo alang sa nahibiling higayon sa leksiyon. Kon gikinahanglan, dapita ang matag grupo sa pagrebyo sa mga parapo nga nagtumong sa ilang baroganan diha sa Mahinungdanon nga Dokumento sa Doktrinal nga Kahanas.

Paghunahuna kon unsa ang imong nasayran na mahitungod sa kasinatian ni Joseph Smith. Unsa ang mga pangutana ni Joseph? (Tan-awa sa Joseph Smith—Kasaysayan 1:8–10 .)
Nganong importante man alang kanato ang pagpangita og mga tubag gikan sa Dios sa atong kaugalingong mga pangutana sama sa gibuhat ni Joseph Smith?

Paghunahuna og bisan unsang mga pangutana nga anaa nimo o kaalam nga imong gitinguha. Diha sa imong pagkompeto sa mosunod nga kalihokan, paghunahuna mahitungod sa unsang paagi nga ang ehemplo ni Joseph sa paggamit sa mga baroganan sa pag-angkon og espirituhanong kahibalo makatabang kanimo sa mga sitwasyon nga nagkinahanglan og kaalam gikan sa Dios.

Isip alternatibo, kini nga pagbansay sa paggamit mahimong ipahiangay alang sa usa ka pangutana sa mga estudyante o sa kaalam nga ilang gitinguha.

Dapita ang matag grupo nga magkauban nga magtuon sa mosunod nga mga bersikulo. Hatagi sila og igong panahon sa paghisgot mahitungod sa unsa ang ilang nadiskobrehan diha sa ilang grupo, lakip ang unsa ang ilang nakat-onan gikan sa pagpangandam sa estudyante nga kalihokan. Dayon dapita ang matag grupo sa pagreport sa klase kon sa unsang paagi nila namatikdan nga si Joseph naggamit sa baroganan nga ilang gipokus.

Tun-i ang Joseph Smith—Kasaysayan 1:8, 11–17 , ug mahimong markahan ang matag hugpong sa pulong nga nagpakita giunsa ni Joseph pagsunod ang mga baroganan sa pag-angkon og espirituhanong kahibalo isip usa ka tinedyer. Bisan tuod og ikaw pamilyar na niini nga sugilanon, pangita og mga detalye niini nga mga bersikulo nga nagpakita sa mga tinguha, mga kinaiya, ug pagtuo ni Joseph lapas sa unsa ang imong namatikdan kaniadto.

Unsa nga mga ehemplo ang imong nakit-an diin si Joseph naglihok diha sa hugot nga pagtuo, nagpadayon sa usa ka mahangtorong panglantaw, ug naggamit sa balaanong gitudlo nga mga tinubdan?

Ang mosunod nga mga pangutana gituyo aron matabangan ang mga estudyante sa paghisgot giunsa ni Joseph paggamit ang mga baroganan sa espirituhanong kahibalo, pagkat-on sa unsang paagi kini nga mga baroganan mahimong makabenepisyo sa ilang mga kinabuhi, ug pagdangop ngadto sa Dios aron makat-on sa kamatuoran. Pilia ang mga pangutana nga labing may kalabotan para sa mga estudyante.

Tinguhaa ang dugang nga panabot pinaagi sa balaanong gitudlo nga mga tinubdan

Nganong sa imong hunahuna importante man kang Joseph ang makakita og mga tubag sa iyang mga pangutana direkta gikan sa Dios?
Unsa ang gituohan ni Joseph nga mahitabo kon siya wala miduol sa Dios aron makakita og mga tubag? (Tan-awa ang Joseph Smith—Kasaysayan 1:13 .)
Agig dugang sa pag-ampo, sa unsang paagi pa man ka makapangita og mga tubag gikan sa Dios?

Susiha ang mga konsepto ug mga pangutana inubanan sa mahangtorong panglantaw

Unsa sa imong hunahuna ang nasayran ni Joseph mahitungod sa Dios nga naghatag kaniya og pagsalig aron mangutana Kaniya direkta alang sa mga tubag?
Kon ang mga tubag sa imong mga pangutana dili moabot dayon, giunsa niini pagtabang sa pagsabot kon giunsa sa Langitnong Amahan pagpadayag sa kamatuoran ngadto sa Iyang mga anak?
Nganong gusto man ni Satanas nga pugngan si Joseph—ug ikaw—sa pag-ampo ngadto sa Dios alang sa mga tubag?

Lihok diha sa hugot nga pagtuo

Sa unsang paagi gipakita ni Joseph Smith ang “[pagpangayo] sa hugot nga pagtuo, sa walay pagduhaduha” ( Santiago 1:6), bisan kon si Satanas gisulayan siya pagpugong sa pag-ampo? (Tan-awa sa Joseph Smith—Kasaysayan 1:15–16 .)
Sa unsang paagi nga ang ehemplo ni Joseph makatabang kanimo sa imong kaugalingong mga pangutana ug mga kabalaka? Mahimong magbuhat og usa ka pihong plano kon unsaon nimo paglihok diha sa hugot nga pagtuo.

Paghatag og pagpamatuod sa atong mahigugmaong Langitnong Amahan, kinsa andam mopanalangin kanato og kaalam kon kita mangayo Kaniya diha sa hugot nga pagtuo. Mahimong mopaambit og usa ka personal nga kasinatian nga nagpakita sa Iyang mahigugmaong giya human sa pagtinguha Kaniya diha sa hugot nga pagtuo.

Rebyo sa doktrinal nga kahanas

Panahon sa umaabot nga leksiyon, paggahin og dili molapas sa tulo hangtod sa lima ka minuto sa pagrebyo sa pakisayran sa kasulatan ug sa mahinungdanong hugpong sa mga pulong sa kasulatan alang sa Santiago 1:5–6 . Usa ka paagi sa pagbuhat niini mao ang paggunit og parehas nga larawan nga gigamit niini nga leksiyon samtang ang mga estudyante nagsag-ulo sa mahinungdanong hugpong sa pulong sa kasulatan. Tan-awa kon ang mga estudyante makahinumdom pa ba sa hugpong sa pulong. Hatagi sila og panahon sa pagrebyo niini ug sulayi pagbalik kon gikinahanglan.

Lain pang paagi mao ang paggunit sa hulagway sa Unang Panan-awon ug dapiton ang mga estudyante sa pagbatbat [recite] sa mahinungdanong hugpong sa pulong sa kasulatan kaduha o katulo ka beses sa sinugdanan sa sunod nga pipila ka mga leksiyon.