Santiago
Kinatibuk-ang Pagpasabot
Unsa ang imong buhaton kon ikaw mag-atubang og usa ka lisod nga pangutana? Unsa ka importante ang paglihok diha sa imong hugot nga pagtuo? Sa unsang paagi nga ang Ginoo gusto nga ikaw mosulti ug mogamit sa imong mga pulong? Sa mga leksiyon karong semanaha, imong matun-an ang mga pulong ni Apostol Santiago, kinsa motabang pagtubag niining mga pangutana ug uban pa.
Pangandam sa Pagtudlo
Ang mosunod nga impormasyon maghatag sa mga magtutudlo og mga ideya kon unsa ang lagmit kinahanglang andamon daan para sa kada leksiyon.
Mga Sugyot para sa Online nga mga Magtutudlo
Ang pag-share og screen sa mga estudyante sa mga videoconference. Adunay daghang mga himan sa videoconference nga magtugot sa mga estudyante sa pagpaambit og content gikan sa ilang mga screen. Mahimong dapiton ang mga estudyante sa pag-andam og usa ka mubo nga presentasyon sa dili pa ang klase ug sa pag-share sa ilang mga presentasyon sa screen ngadto sa uban. Lain pang kapilian mao ang paggamit og whiteboard feature sa imong videoconference nga himan alang sa mga estudyante aron makaapil pinaagi sa pagtype o pagdrowing ngadto sa whiteboard atol sa klase.
Santiago 1
Katuyoan sa leksiyon: Kini nga leksiyon gituyo aron mapalig-on ang mga pagpamatuod sa mga estudyante nga ang Langitnong Amahan maghatag kanila og kaalam agig tubag sa ilang mga pag-ampo.
-
Pagpangandam sa estudyante: Dapita ang mga estudyante sa pagbasa sa Santiago 1:5–6 ug paghunahuna mahitungod sa mga dapit sa ilang mga kinabuhi diin sila nagkinahanglan og kaalam o direksiyon gikan sa Dios.
-
Sugyot sa pagtudlo pinaagi sa videoconference: Ikonsiderar ang paghangyo sa pipila sa mga ginikanan sa mga estudyante usa o duha ka adlaw una pa ang klase nga motambong sa klase ug mopaambit og usa ka kasinatian nga aduna sila sa pagdawat og kaalam gikan sa Dios agig tubag sa pag-ampo. Kini nga mga ginikanan mahimo usab nga magpadala og usa ka recording sa ilang kasinatian nga mahimong ipakita panahon sa klase.
Doktrinal nga Kahanas: Santiago 1:5–6
Katuyoan sa leksiyon: Kini nga leksiyon makatabang sa mga estudyante nga makamemorya sa pakisayran sa doktrinal nga kahanas ug sa mahinungdanong hugpong sa mga pulong sa kasulatan alang sa Santiago 1:5–6 , makapasabot sa doktrina, ug makagamit sa mga baroganan sa pag-angkon og espirituhanong kahibalo sa tinuod nga mga kahimtang sa kinabuhi.
-
Pagpangandam sa estudyante: Dapita ang mga estudyante nga mobasa sa Joseph Smith—Kasaysayan 1:10–14 , nga mangita kon giunsa paggamit ni Joseph Smith ang mga baroganan sa pag-angkon og espirituhanong kahibalo diha sa iyang kinabuhi.
-
Hulagway nga ipakita: Usa ka hulagway sa Unang Panan-awon ni Joseph Smith.
-
Sugyot sa pagtudlo pinaagi sa videoconference: Inay nga dapiton ang mga estudyante sa pagbasa sa Joseph Smith—Kasaysayan 1:8, 11–17 .
Santiago 2
Katuyoan sa leksiyon: Kini nga leksiyon magtugot sa mga estudyante sa pagsusi sa unsang paagi sila mas makabansay sa hugot nga pagtuo ngadto kang Jesukristo pinaagi sa matarong nga mga buhat.
-
Pagpangandam sa estudyante: Dapita ang mga estudyante sa paghunahuna og usa ka tawo nga suod nila nga adunay hugot nga pagtuo kang Jesukristo. Kon mahimo, dapita ang mga estudyante sa pagpangutana niining tawhana sama sa mosunod: “Sa unsang paagi nga ang imong hugot nga pagtuo kang Jesukristo nakaimpluwensiya sa imong mga lihok ug batasan? Unsa ang lahi nimong gipangbuhat tungod sa imong hugot nga pagtuo kang Jesukristo?” Dapita sila sa pagtambong nga andam nga mopaambit og mga pananglitan.
-
Hulagway nga ipakita: Mahimong magdrowing o magpakita sa pisara og usa ka larawan sa usa ka kalayo.
-
Sugyot sa pagtudlo pinaagi sa videoconference: Dapita ang mga estudyante sa pagsulat sa ilang mga tubag mahitungod sa mga ehemplo sa hugot nga pagtuo diha sa duha ka piraso nga papel, ingon sa gihulagway sa leksiyon. Human niana, inay nga dapiton ang mga estudyante sa paglibot sa tibuok kwarto, ibutang sila sa mga breakout room nga managpares o diha sa gagmayng mga grupo. Sultihi ang mga estudyante sa paggunit og usa ka papel sa matag kamot. Sa ilang mga breakout room, ang mga estudyante mahimong mopili sa tuo o wala nga kamot sa lain pang estudyante aron makadungog sa ilang mga tubag. Mahimong subli-on sa mga estudyante kini nga kalihokan sa lahi nga breakout room kauban ang usa ka bag-ong grupo sa mga estudyante.
Doktrinal nga Kahanas: Santiago 2:17–18
Katuyoan sa leksiyon: Kini nga leksiyon makatabang sa mga estudyante nga makamemorya sa pakisayran sa doktrinal nga kahanas ug sa mahinungdanong hugpong sa mga pulong sa kasulatan alang sa Santiago 2:17–18 , makapasabot sa doktrina, ug makagamit sa mga baroganan sa pag-angkon og espirituhanong kahibalo sa tinuod nga mga kahimtang sa kinabuhi.
-
Pagpangandam sa estudyante: Dapita ang mga estudyante sa paghunahuna mahitungod sa usa ka baroganan sa ebanghelyo nga ilang gituohan apan lagmit gikalisdan pagbuhat. Sultihi ang mga estudyante sa pagpamalandong unsa kaha ang nakapugong nila sa pagbuhat niana nga baroganan.
-
Mga materyal alang sa mga estudyante: Papel ug mga gunting.
-
Sugyot sa pagtudlo pinaagi sa videoconference: Alang sa pagbansay sa paggamit nga bahin sa leksiyon, mahimong dapiton ang mga estudyante sa pagpili og usa ka senaryo nga kaubang hisgotan. Pagdapit og usa ka estudyante sa pagpaambit unsaon nila paggamit sa usa sa mga baroganan sa pag-angkon og espirituhanong kahibalo aron matabangan ang tawo niini nga senaryo. Paghangyo og lain pang estudyante sa pagpaambit og dugang mga hunahuna mahitungod niana nga baroganan. Kon ang mga estudyante naglisod paggamit sa bisan hain sa mga baroganan sa pag-angkon og espirituhanong kahibalo, mahimo kang magpost og pipila ka dugang nga mga pangutana nga nalista ubos sa mga ulohan nga anaa human sa senaryo duol sa kataposan sa leksiyon didto sa chat nga feature ug dapita ang mga estudyante sa pagpaambit sa ilang mga hunahuna.
Santiago 3
Katuyoan sa leksiyon: Kini nga leksiyon gituyo aron matabangan ang mga estudyante sa pagtimbang-timbang sa mga pulong nga ilang gipamulong ug sa unsang paagi nga ang ilang mga pulong nakaapekto sa ilang mga paningkamot nga mahimong mas sama sa Manluluwas.
-
Pagpangandam sa estudyante: Dapita ang mga estudyante sa pagmatikod giunsa sa pinulongan nga atong gigamit pag-apekto kanato ug sa uban. Awhaga sila sa pagtambong nga andam sa pagpaambit sa unsay ilang namatikdan.
-
Mga hulagway nga ipakita: Ikonsiderar ang pagpakita og mga hulagway sa mga indibidwal nga adunay nagkalain-lain nga mga klase sa panagsultihanay.
-
Handout: Pag-andam og igong mga kopya sa handout alang sa tanang mga estudyante.
-
Sugyot sa pagtudlo pinaagi sa videoconference: Depende kon unsaon pagpangita sa mga estudyante sa Santiago 3:2–12 sa pagtandi nga gihimo ni Santiago, ang usa ka digital nga whiteboard mahimong makatabang sa mga estudyante sa pagsalmot ug pagtudlo sa usag usa. Pananglitan, kon ang mga estudyante giingnan nga mangita og mga simbolo gikan sa Santiago 3:2–12 , mahimo silang magsulat o magsketch sa usa ka digital nga whiteboard og mga simbolo nga gigamit ni Santiago diha sa ilang pagpangita kanila. Isip alternatibo, kon ang mga simbolo gipaambit sa mga estudyante sa wala pa sila nagtuon sa ilang mga bersikulo, mahimong ilista sa mga estudyante diha sa digital nga whiteboard ang lainlaing mga paagi nga ang dila mahisama sa matag usa sa butang sa pagtandi ni Santiago.