Doctrinal Mastery: Juan 3:5

Ipanganak ng Tubig at ng Espiritu upang Makapasok sa Kaharian ng Diyos

Sa nakaraang lesson, pinag-aralan mo ang mga salita ng Tagapagligtas kay Nicodemo tungkol sa espirituwal na pagsilang na muli sa pamamagitan ng mga ordenansa ng binyag at kumpirmasyon. Sa lesson na ito, maaari kang magsanay na ipamuhay ang mga alituntunin ng pagtatamo ng espirituwal na kaalaman gamit ang doktrina na dapat tayong ipanganak ng tubig at ng Espiritu upang makapasok sa kaharian ng Diyos.

Pagmamarka ng mga doctrinal mastery passage. Sabihin sa mga estudyante na markahan ang mga doctrinal mastery scripture passage sa paraang kakaiba sa iba pa nilang pagmamarka upang mas madali nilang maalala at mahanap ang mga scripture passage na ito. Ang mga estudyanteng gumagamit ng Gospel Library app ay maaari ding gumawa ng tag para sa mga scripture passage na ito.

Paghahanda ng estudyante: Sabihin sa mga estudyante na pumasok na handang ibahagi ang ituturo nila sa klase sa Primary tungkol sa Juan 3:5 .

Mga Posibleng Aktibidad sa Pag-aaral

Isaulo at ipaliwanag

Ang lesson na ito ay nilayong ituro pagkatapos ng lesson tungkol sa Juan 3:1–8, ang kontekstuwal na lesson para sa doctrinal mastery passage na ito. Kung kailangang ilipat ang doctrinal mastery lesson na ito sa ibang linggo upang maiakma sa mga iskedyul ng paaralan, tiyaking ituro din ang kaukulang kontekstuwal na lesson sa linggong iyon.Ang sumusunod na aktibidad ay naglalayong tulungan ang mga estudyante na ipaliwanag sa sarili nilang salita ang doktrinang itinuro sa Juan 3:5 na dapat tayong ipanganak ng tubig at ng Espiritu upang makapasok sa kaharian ng Diyos. Tiyakin na ang bawat estudyante ay may pagkakataong ipaliwanag ang doktrinang ito sa isang kapartner o sa maliit na grupo. Pakinggang mabuti ang kanilang mga sagot, at hikayatin silang magtanong kung mayroon man. Balikan ang materyal mula sa lesson tungkol sa Juan 3:1–8 kung kinakailangan.Sabihin sa mga estudyante na gamitin ang aktibidad sa paghahanda ng estudyante upang matulungan sila sa kanilang mga sagot sa bahaging ito ng lesson.

Kunwari ay hinilingan kang magturo sa isang klase sa Primary tungkol sa katotohanang ito na itinuro sa Juan 3:5 : dapat tayong ipanganak ng tubig at ng Espiritu upang makapasok sa Kaharian ng Diyos.

• Paano mo ipaliliwanag sa klase sa Primary kung ano ang ibig sabihin ng doktrinang ito? Isama ang mga saloobin tungkol sa ginagampanan ng Tagapagligtas sa prosesong ito, tulad ng itinuro sa Alma 7:14 .

Ang sumusunod na pagsasanay ay makatutulong sa iyo na maalala ang doctrinal mastery passage at maisaulo ang mahalagang parirala sa banal na kasulatan nito. May katulad na aktibidad sa Doctrinal Mastery app na maaari mong gawin kung may access ka rito. Gamit ang lapis, isulat sa iyong study journal, “ Juan 3:5 : Malibang ang isang tao’y ipanganak ng tubig at ng Espiritu, hindi siya makakapasok sa kaharian ng Diyos.” Sabihin ang parirala nang malakas o sa iyong isipan nang ilang beses.Pumili ng tatlo o apat na salita at burahin ang lahat maliban sa unang letra ng bawat isa sa mga salitang ito. Sabihing muli ang parirala nang ilang beses.Ulitin ang pagsasanay na ito hanggang sa mga unang letra na lang ng bawat salita ang matira, gaya ng ipinapakita rito: “J____ 3:_M_____ a__ i____ t___ i_____ n_ t____ a_ n_ E_____, h____ s____ m____ s__ k______ n_ D___.”Sabihin ang parirala nang ilang beses gamit ang mga unang letra, at pagkatapos ay subukang bigkasin ito nang hindi tumitingin.

Pagpapamuhay

Ipakita ang sumusunod na aktibidad sa pisara. Hayaan ang mga estudyante na magbigay ng maikling paliwanag ng mga alituntunin ng pagtatamo ng espirituwal na kaalaman. Tiyaking pamilyar nang husto ang mga estudyante sa mga alituntuning iyon bago magpatuloy.

Ipagpalagay na may kaibigan kang nagngangalang Meghan na miyembro ng Simbahan, ngunit ang kanyang ina ay hindi. Ang kanyang ina ay naniniwala kay Jesucristo at sa Biblia ngunit hindi kasapi ng anumang partikular na simbahan. Tinanong ka ni Meghan, “Hindi ba makakapunta sa langit ang nanay ko nang hindi nabibinyagan kahit namumuhay siya nang mabuti?”

• Ano kaya ang ilang dahilan kung bakit itatanong ito ni Meghan?

• Bakit mahalagang maunawaan ang mga dahilan niya sa pagtatanong nito bago subukang tulungan siyang makahanap ng mga sagot?

Upang matulungan si Meghan na makahanap ng sagot sa kanyang tanong tungkol sa kahalagahan ng binyag, maiaangkop mo ang mga alituntunin ng pagtatamo ng espirituwal na kaalaman.

Isipin kung ang sumusunod na aktibidad ay pinakamainam na gawin ng mga estudyante nang mag-isa, nang may kapartner, o sa maliliit na grupo. Alamin ang antas ng kanilang lakas at sigasig, at piliin ang pamamaraang pinakamainam na makatutugon sa kanilang mga pangangailangan.

Kumilos nang may pananampalataya

Basahin ang talata 5–7 ng bahaging “Pagtatamo ng Espirituwal na Kaalaman” sa Doctrinal Mastery Core Document (2022). Maaari mong salungguhitan ang mga salita o parirala na makatutulong na maiangkop sa sitwasyong ito.

• Anong mga salita o parirala ang sinalungguhitan mo? Paano mo maiaangkop ang mga ito sa sitwasyong ito?

Maaaring makatulong na sundan pa ito ng mga tanong, tulad ng “Anong mga partikular na bagay ang maaari mong sabihing gawin ni Meghan upang kumilos nang may pananampalataya?”

Suriin ang mga konsepto at tanong nang may walang-hanggang pananaw

Basahin ang talata 8–10 sa parehong bahagi ng Doctrinal Mastery Core Document. Maaari mong salungguhitan ang mga salita o parirala na makatutulong na maiangkop sa sitwasyong ito.

• Anong mga salita o parirala ang sinalungguhitan mo? Paano mo maiaangkop ang mga ito sa sitwasyong ito?

Kung kinakailangan, maaari mo itong sundan pa ng mga tanong, tulad ng “Ano ang papel na ginagampanan ng binyag at kumpirmasyon sa plano ng kaligtasan?”

Hangarin na mas makaunawa sa pamamagitan ng mga itinalagang sources na ibinigay ng Diyos

Basahin ang talata 11–12 sa parehong bahagi ng Doctrinal Mastery Core Document. Maaari mong salungguhitan ang mga salita o parirala na makatutulong na maiangkop sa sitwasyong ito.

• Anong mga salita o parirala ang sinalungguhitan mo? Paano mo maiaangkop ang mga ito sa sitwasyong ito?

Kung makatutulong ito sa mga estudyante, maaari mo itong sundan pa ng mga tanong, tulad ng “Paano ninyo magagamit ang doktrinang itinuro sa Juan 3:5 upang tulungan si Meghan?” o “Anong karagdagang sources na itinalaga ng Diyos ang maituturo ninyo kay Meghan? Paano siya matutulungan ng sources na iyon?”Sabihin sa mga estudyante na ipaliwanag kung paano nila gagamitin ang mga alituntunin ng pagtatamo ng espirituwal na kaalaman upang tulungan si Meghan na mas maunawaan ang kahalagahan ng binyag. Maaari mong sabihin sa mga estudyante na isadula ang sitwasyong ito nang magkakapartner, nang nagsasalitan ang mga estudyante sa pagganap bilang si Meghan. Kung kinakailangan, tulungan ang mga estudyante na maipaliwanag ang doktrina at maipamuhay ang mga alituntunin ng pagtatamo ng espirituwal na kaalaman.

Pagrerebyu ng Doctrinal Mastery

Sa isang klase kalaunan, balikan ang doctrinal mastery reference at mahahalagang parirala sa banal na kasulatan sa pamamagitan ng pagsasabi sa mga estudyante na ulitin ang aktibidad na itinitira lang ang unang letra [first-letter activity] na inilarawan sa lesson na ito.