Pagsunod sa Panginoon at Pagkamit ng Ating mga Banal na Layunin
Larawan
Christ standing on a seashore. He is beckoning to two men who stand near Him. The two men are holding a fishing net over a small fire. Fishing boats and fishermen are visible in the background. The painting depicts Christ calling some of His Apostles or disciples.
Nang mahimalang nakahuli sina Simon Pedro, Andres, Santiago, at Juan ng “napakaraming isda” matapos sabihin sa kanila ng Tagapagligtas na “ihulog ang [kanilang] mga lambat” (Lucas 5:4, 6), nahiwatigan nila ang maaari nilang magawa sa tulong ng Tagapagligtas. Pagkatapos ay pinili ng mga mangingisdang ito na iwan ang lahat upang sumunod kay Jesucristo. Ang lesson na ito ay naglalayong tulungan kang magkaroon ng hangaring sumunod kay Jesucristo upang matulungan ka Niya na magawa ang higit pa sa magagawa mo nang wala Siya.
Ituro sa mga estudyante na “ihalintulad [ang mga banal na kasulatan] sa [kanilang] sarili” (1 Nephi 19:24). Ang ibig sabihin ng paghahalintulad ng mga banal na kasulatan sa ating sarili ay paghahambing ng mga banal na kasulatan sa sarili nating buhay. Hikayatin ang mga estudyante na itanong sa kanilang sarili, “Ano ang mga sitwasyon sa buhay ko na katulad ng mga sitwasyon sa scripture passage na ito?” o “Paano ako natutulad sa mga taong pinag-aaralan namin sa mga banal na kasulatan?” Kapag nakikita ng mga estudyante na may pagkakatulad ang kanilang mga sariling karanasan at ang mga pangyayaring pinag-aaralan nila sa mga banal na kasulatan, mas matutukoy nila ang doktrina at mga alituntunin at maipamumuhay ang mga iyon.
Paghahanda ng estudyante: Anyayahan ang mga estudyante na magdasal upang malaman ang layunin ng Diyos para sa kanilang buhay. Ang patriarchal blessing ay maaaring basahin ng mga estudyanteng mayroon nito upang malaman kung ano ang inihayag ng Diyos tungkol sa mga layunin ng kanilang buhay. Ang iba ay maaaring makinabang sa pakikipag-usap sa kanilang mga magulang o sa paghahanap ng mga kabatiran sa mga banal na kasulatan.
Mga Posibleng Aktibidad sa Pag-aaral
Ang pangunahing alituntunin sa lesson na ito ay katulad ng alituntuning binigyang-diin sa outline para sa Mateo 4; Lucas 4–5 sa Pumarito Ka, Sumunod Ka sa Akin—Para sa mga Indibiduwal at Pamilya: Bagong Tipan 2023. Maaari mong pagbatayan ang natalakay na ng mga estudyante sa tahanan at anyayahan ang mga estudyante na ibahagi sa kanilang pamilya ang natutuhan nila sa seminary.May mga alternatibong ideya sa lesson sa bahaging “Mga Karagdagang Aktibidad sa Pag-aaral” ng lesson.
Pagkamit ng mas dakilang layunin
Pag-isipan sandali ang ilang taong nakagawa ng mga dakilang bagay dahil tinulungan sila ng Diyos na maunawaan ang kanilang layunin.
Maaari kang magpakita ng mga larawan ng mga taong binanggit ng mga estudyante mula sa kasaysayan ng Simbahan o mula sa mga banal na kasulatan. Maaari ding magpakita ng ilang larawan upang ipaalala sa mga estudyante ang mga taong ito. Maaaring maisip ng mga estudyante ang mga taong tulad ni Rebecca (tingnan sa Genesis 24:60), Maria (tingnan sa Lucas 1:28–31), Simon Pedro (tingnan sa Mateo 4:18–19 ; Lucas 5:10), o Joseph Smith (tingnan sa Joseph Smith—Kasaysayan 1:33).
Bakit maaaring mahalaga para sa isang tao na maunawaan ang kanyang pinakadakilang layunin?
Anong mga pagkakaiba ang napansin mo sa buhay ng mga taong nakauunawa sa layunin ng Diyos para sa kanila at sa mga taong hindi nakauunawa?
Ang lesson na ito ay magtutuon sa kung paano tinulungan ni Jesucristo si Simon Pedro (na kilala rin bilang Pedro) na matuklasan na mayroon Siyang mas dakilang layunin para sa kanya. Habang nag-aaral ka, maghanap ng katibayan ng alituntunin na kapag pinili nating sumunod kay Jesucristo, matutulungan Niya tayong maunawaan at makamit ang mas dakilang layunin para sa ating buhay.
Maaari mong isulat sa pisara ang alituntuning ito upang matulungan ang mga estudyante na maalala ito habang naghahanap sila ng katibayan ng alituntuning ito sa pag-usad ng lesson.
Tinawag ni Jesucristo si Simon Pedro upang sumunod sa Kanya
Matapos magsagawa ng ilang himala ang Tagapagligtas sa Judea, kabilang na ang pagpapagaling sa biyenang babae ni Simon Pedro (tingnan sa Lucas 4:38–39), nagpunta Siya sa pampang ng Lawa ng Genesaret (isa pang pangalan para sa Dagat ng Galilea). Siya ay sumakay sa bangkang gamit sa pangingisda ni Simon Pedro at umupo upang turuan ang malaking grupo ng mga tao sa pampang (tingnan sa Lucas 5:1–3). Nang matapos magturo si Jesus, inanyayahan Niya si Simon Pedro.
Kung babasahin ng mga estudyante ang mga sumusunod na scripture verse bilang isang klase, maaari mong sabihin sa kanila na huminto pagkatapos basahin ang isa o dalawang scripture verse at tulungan silang isipin na kunwari ay sila si Simon Pedro. Anyayahan silang ipahayag ang natutuhan nila.
Basahin ang Lucas 5:4–11 . Habang nagbabasa ka, subukang isipin na ikaw si Simon Pedro, isang bihasang mangingisda. Maaaring makatulong na maunawaan na ang salitang huli ay nangangahulugang nahuli o nahangong isda (tingnan sa talata 4).
Ano ang ilang detalye na sa palagay mo ay mahalaga sa salaysay na ito? Bakit?
Ano sa palagay mo ang iniisip o nadarama ni Pedro?
Maglaan ng ilang sandali para maghanap ng anumang katibayan sa salaysay na ito tungkol sa pagtulong ni Jesucristo kay Pedro na maunawaan na may mas dakilang layunin ang Panginoon para sa kanya.
Ano kaya ang natutuhan ni Pedro tungkol sa kanyang sarili mula sa karanasang ito sa Tagapagligtas?
Sa iyong palagay, bakit nais ng Panginoon na palawakin ang ating pananaw tungkol sa kung sino tayo at kung ano ang magagawa natin?
Paghahalintulad ng mga karanasan ni Simon Pedro sa ating mga karanasan
Mas matututo pa tayo sa salaysay na ito sa pamamagitan ng paghahambing ng mga karanasan ni Simon Pedro sa mga karanasan natin. Ang kasanayang ito sa pag-aaral ng banal na kasulatan ay ang tinukoy ni Nephi sa Aklat ni Mormon nang sabihin niyang “[inihalintulad niya] ang lahat ng banal na kasulatan sa [kanyang sarili]” ( 1 Nephi 19:23). Ang paghahalintulad ng mga banal na kasulatan sa ating mga personal na sitwasyon ay makatutulong sa atin na “lubos [na] mahikayat … na maniwala sa Panginoon [na ating] Manunubos” at maaaring “maging para sa ating kapakinabangan at kaalaman” ( 1 Nephi 19:23).Maglaan ng ilang sandali para ihambing ang iyong karanasan sa karanasan ni Pedro sa pamamagitan ng paggawa ng mga sumusunod:Hatiin ang isang pahina sa iyong study journal upang makapaglista ka ng mga detalye tungkol sa karanasan ni Pedro sa isang panig at sa kabilang panig naman ay maaari mong suriin ang sarili mong sitwasyon. Kung kinakailangan, bumaling sa mga banal na kasulatan at anumang magagamit na tool sa banal na kasulatan (halimbawa, tingnan sa Gabay sa mga Banal na Kasulatan, “ Pedro ,” scriptures.ChurchofJesusChrist.org) upang matulungan kang sagutin ang mga sumusunod na tanong.
Ibigay sa mga estudyante ang sumusunod na impormasyon sa isang handout, o ipakita ito sa harap ng klase. Maaaring magtulungan para masagot ang mga tanong tungkol kay Pedro. Pagkatapos ay maaaring sabihin sa mga estudyante na tahimik na magnilay at magsulat tungkol sa kanilang mga personal na karanasan.
Paghahalintulad ng mga Karanasan ni Pedro sa Sarili Nating Buhay
Paano kaya inilarawan ni Pedro ang kanyang sarili bago niya nakilala si Jesus?
Paano ko inilalarawan ang sarili ko?
Si Pedro ay handang sumunod kay Jesucristo at talikuran ang kanyang buhay bilang mangingisda (tingnan sa Lucas 5:11). Sa tingin mo, ano kaya ang mangyayari sa buhay ni Pedro kung hindi niya piniling sumunod sa Tagapagligtas?
Ano ang maaaring iutos sa akin na talikuran ko upang sumunod kay Jesucristo?
Paano maaapektuhan ang buhay ko kung pinili kong hindi sumunod kay Jesucristo?
Paano tinupad ni Pedro ang mga mas dakilang layunin ng Panginoon para sa kanya sa kanyang buhay?
Isipin ang mga banal na kasulatan, ang plano ng kaligtasan, mga basbas ng priesthood, at, kung naaangkop, ang iyong patriarchal blessing.
Ano ang alam ko tungkol sa mga mas dakilang layunin ng Panginoon para sa akin?
Paano nakatulong sa iyo ang paghahalintulad ng mga banal na kasulatan sa iyong sarili na matuto o mas maniwala pa kay Jesucristo?
Anong katibayan ang nakita mo na makakamit natin ang mas dakilang layunin para sa ating buhay kapag pinili nating sumunod kay Jesucristo?
Kailan ka nakakita ng isang tao na naimpluwensiyahan nang mabuti nang maunawaan niya ang kanyang layunin?
Ano ang gagawin mo dahil sa nadama o natutuhan mo ngayon?
Komentaryo at Pinagmulang Impormasyon
Lucas 5:8 . Bakit tinawag ni Pedro ang kanyang sarili na “taong makasalanan”?
Nang unang makita ni Pedro ang Tagapagligtas at nasaksihan ang Kanyang mapaghimalang kapangyarihan, natanto ni Pedro na siya ay “taong makasalanan” na lubos na nangangailangan ng nakatutubos na kapangyarihan ng Tagapagligtas ( Lucas 5:8). Makikita sa mga salita ni Pedro na kapag lumapit tayo sa Diyos, natatanto natin ang ating pagiging makasalanan at pagiging hindi karapat-dapat at hihingi tayo sa Kanya ng tulong na maging higit na katulad Niya.
(New Testament Student Manual [2018], ChurchofJesusChrist.org)
Ano ang magagawa ng Panginoon para sa atin kapag sumunod tayo sa Kanya?
Itinuro ni Pangulong Ezra Taft Benson (1899–1994):
Larawan
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Matutuklasan ng [mga tao] na isinusuko ang kanilang buhay sa Diyos na mas marami Siyang magagawa sa kanilang buhay kaysa sa makakaya nila. Palalalimin Niya ang kanilang mga kagalakan, palalawakin ang kanilang pananaw, pasisiglahin ang kanilang mga isipan, palalakasin ang kanilang mga kalamnan, pasisiglahin ang kanilang espiritu, pararamihin ang kanilang mga pagpapala, daragdagan ang kanilang mga oportunidad, aaliwin ang kanilang mga kaluluwa, bibigyan sila ng mga kaibigan, at magbubuhos ng kapayapaan. Sinuman ang mawalan ng buhay sa paglilingkod sa Diyos ay makasusumpong ng buhay na walang-hanggan.
Sabihin sa mga estudyante na isipin ang kahalagahan ng pag-unawa sa kung sino sila at kung magiging sino sila sa pamamagitan ng pagsunod sa Tagapagligtas na si Jesucristo. Maaari ding makatulong sa mga estudyante na isipin ang mga balakid na maaaring maranasan nila sa pag-abot ng kanilang pinakadakilang potensyal. Sabihin sa mga estudyante na isipin kung ano ang mga gagawin nila upang madaig ang mga balakid na ito at sumunod sa Tagapagligtas nang may pananampalataya.
Iniwan ni Pedro ang kanyang mga lambat upang sumunod sa Tagapagligtas
Sabihin sa mga estudyante na pag-usapan ang mahahalagang pag-aari sa kanilang buhay. Pagkatapos ay tulungan ang mga estudyante na pag-usapan ang kahalagahan ng pagpiling sumunod kay Jesucristo kaysa sa lahat ng iba pang bagay.Basahin ang Mateo 4:18–22 at talakayin kung ano ang kinailangang gawin ni Pedro at ng iba pang mangingisda nang “kaagad nilang iniwan ang kanilang mga lambat” ( talata 20) upang sumunod kay Jesucristo.Maaari mong gamitin ang sumusunod na pahayag ni Elder Joseph B. Wirthlin (1917–2008) ng Korum ng Labindalawang Apostol upang matulungan ang mga estudyante na makita kung ano ang maaaring makahadlang sa atin na tanggapin ang paanyayang sumunod kay Jesucristo:
Larawan
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Maaari nating bigyang kahulugan ang lambat bilang isang bagay na nang-aakit o pumipigil sa atin sa pagsunod sa paanyaya ni Jesucristo, ang Anak ng Diyos na buhay.Ang mga lambat, sa kontekstong ito, ay maaaring ang ating mga trabaho, mga libangan, mga kasiyahan, at higit sa lahat ng bagay, ang ating mga tukso at mga kasalanan. Sa madaling salita, ang isang lambat ay anumang bagay na humihila sa atin palayo sa ating Ama sa Langit o sa Kanyang ipinanumbalik na Simbahan.Hayaan ninyong magbigay ako ng isang makabagong halimbawa. Ang kompyuter ay maaaring maging isang kapaki-pakinabang at kailangang-kailangang gamit. Ngunit, kung hahayaan natin itong kainin ang ating oras sa mga walang kuwenta, walang kapakinabangan, at kung minsan ay mga mapanirang gawain, ito ay nagiging isang nakasasalabid na lambat.
(Joseph B. Wirthlin, “Follow Me,” Ensign, Mayo 2002, 15)
Tulungan ang mga estudyante na matukoy ang mga pagpapala ng pagsunod kay Jesucristo sa pamamagitan ng paghiling sa kanila na pagnilayan at talakayin ang mga tanong na tulad ng mga sumusunod:
Ano ang matututuhan natin tungkol sa Tagapagligtas mula sa Kanyang paanyaya na sumunod sa Kanya?
Paano ka pinagpala dahil pinili mong sumunod kay Jesucristo?
Pinagpapala tayo kapag sinusunod natin ang mga utos ng Panginoon, kahit hindi natin lubos na nauunawaan ang Kanyang mga dahilan
Sabihin sa mga estudyante na talakayin ang mga problema sa pagsunod sa mga tagubilin nang hindi lubos na nauunawaan ang mga dahilan ng mga ito. Pagkatapos ay maaaring ipabasa sa mga estudyante ang Lucas 5:1–11 , at alamin ang iniutos ng Panginoon kay Pedro at kung paano siya tumugon.Maaaring matukoy at matalakay ng mga estudyante ang sumusunod na alituntunin: Kung gagawin natin ang iniuutos ng Panginoon kahit hindi natin nauunawaan ang mga dahilan ng Kanyang mga utos, pagpapalain Niya tayo nang higit pa sa inaasahan natin.Maaari mong sabihin sa mga estudyante na talakayin ang mga pagkakataon kung kailan nila nakitang nangyari ang alituntuning ito sa kanilang buhay o sa buhay ng iba.Ang iba pang halimbawa ng pagsunod sa Panginoon nang hindi nauunawaan ang mga dahilan ng Kanyang mga utos ay matatagpuan sa tugon ni Nephi sa utos na gumawa ng dalawang set ng mga lamina (tingnan sa 1 Nephi 9:5–6) at ang pagsasama ni Mormon ng mga laminang ito sa Aklat ni Mormon (tingnan sa Mga Salita ni Mormon 1:6–7).
