Doktrinal nga Kahanas: Lucas 24:36–39
“Ang Espiritu Walay Unod ug Mga Bukog sama sa Nakita Ninyo nga Ania Kanako”
Sa inyong pagtuon sa Lucas 24:1–9, 36–48, inyong nakat-onan ang mahitungod sa Pagkabanhaw sa Manluluwas. Gamit ang tudling sa doktrinal nga kahanas sa Lucas 24:36–39, kini nga leksiyon makatabang kaninyo nga mapalambo ang inyong kahanas sa doktrina sa pagkabanhaw pinaagi sa pagsag-ulo sa pakisayran ug mahinungdanong hugpong sa mga pulong sa kasulatan, pagpasabot sa doktrina, ug paggamit sa mga baroganan sa pag-angkon og espirituhanong kahibalo sa tinuod nga kinabuhi.
Pagdumala sa oras. Ang mga kalihokan sa pagribyo sa doktrinal nga kahanas kinahanglan nga mubo ug epektibo. Magmahimong disiplinado samtang inyong ipahigayon kining mga kalihokan sa pagrebyo aron dili kini mokabat og sobra pa sa gitakda nga panahon.
Pagpangandam sa estudyante: Dapita ang mga estudyante sa pagpamalandong kon unsa ang ilang nakat-onan ug nabati diha sa ilang pagtuon sa Pagkabanhaw sa Manluluwas diha sa Lucas 24:1–9, 36–48 .
Posible nga mga Kalihokan sa Pagkat-on
Imemorya ug ipasabot
Pahinumdumi nga human sa pag-antos sa Manluluwas didto sa Getsemani ug kamatayon sa krus, ang Iyang lawas gikuha ug gibutang sa usa ka lubnganan. Tulo ka adlaw ang milabay, si Jesukristo nabanhaw. Basaha ang tudling sa doktrinal nga kahanas sa Lucas 24:36–39 ug linyahi ang importanteng mga pulong o hugpong sa mga pulong nga gitudlo sa Manluluwas ngadto sa Iyang mga disipulo human sa Iyang Pagkabanhaw.
Handurawa nga ikaw gisultihan nga motubag sa mosunod nga pag-aghat [prompt] alang sa “Mga Pangutana ug Mga Tubag” nga seksiyon diha sa Alang sa Kalig-on sa Kabatan-onan nga magasin. Mahimong mopaambit og 2–3 nga mga kapahayag [sentence] lamang.
Kon ang mga estudyante wala masinati sa “Mga Pangutana ug Mga Tubag” nga seksiyon sa Alang sa Kalig-on sa Kabatan-onan nga magasin, mahimong mopaambit og mga pananglit gikan sa bag-ong mga edisyon.
-
Unsay naka espesyal kaayo kabahin sa Pagkabanhaw ni Jesukristo?
Hatagi ang mga estudyante og kahigayonan aron mosag-ulo sa pakisayran alang sa tudling sa doktrinal nga kahanas sa Lucas 24:36–39 ug sa kauban niini nga mahinungdanon nga hugpong sa kasulatan. Sa ubos mao ang usa ka ehemplo sa kon unsaon kini pagbuhat.
Aron mabansay ang pagsag-ulo niini nga pakisayran ug mahinungdanong hugpong sa mga pulong sa kasulatan, bahina ang panid sa inyong journal sa pagtuon ngadto sa upat ka mga bahin. Isulat ang pakisayran ug usa sa mga hugpong sa pulong (sama sa gipakita sa ubos) sa matag seksiyon. Mahimong magdrowing og usa ka yanong katugbang nga hulagway o icon aron sa pagrepresentar sa matag usa sa upat ka bahin sa pakisayran sa kasulatan ug nag-unang hugpong. Pagbansay sa pagsulti sa matag usa niini hangtod nga imo nang masulti kining tanan nga dili na magtan-aw.
-
Lucas 24:36–39
-
Kay ang espiritu
-
walay unod ug mga bukog,
-
sama sa nakita ninyo nga ania kanako
Bansaya ang paggamit
Tabangi ang mga estudyante sa pagrebyo sa mga baroganan sa pag-angkon og espirituhanong kahibalo pinaagi sa pagkompleto sa kalihokan sa ubos sa mga 3–5 ka minuto. Mahimong sultihan sila nga moreport kon nakahimo sila sa paglista sa tulo ka baroganan gikan sa ilang panumduman, ug awhaga ang kadtong andam mopaambit niining mga baroganan kon giunsa paggamit, o mahimong magamit, sa ilang mga kinabuhi.
Daklit nga ribyoha ang mga parapo 5–12 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022). Usa ka paagi sa pagbuhat niini lagmit ang pagsuta kon makalista kamo sa tanang tulo ka mga baroganan gikan sa panumduman. Dayon, sa inyong journal sa pagtuon, irekord giunsa ninyo paggamit, o magamit, ang kini nga mga baroganan sa inyong kinabuhi.
Karon ipraktis ang paggamit sa mga baroganan sa pag-angkon og espirituhanong kahibalo ug ang doktrina nga gitudlo sa Lucas 24:36–39 pinaagi sa pagbasa sa mosunod nga sitwasyon nga anaa sa ubos ug sa pagtubag sa mga pangutana nga nagsunod.
Ikonsiderar ang pagpahiangay sa mosunod nga mga sitwasyon aron mahimo kining labing mahinungdanon alang sa mga estudyante.
Usa sa imong suod nga mga higala, nga si Jinyoon, miuyon nga mokuha og mga leksiyon sa misyonaryo sa inyong balay. Si Jinyoon ug ang iyang pamilya bag-o lang mibalhin sa inyong lungsod, ug wala siyay nasabtan kaniadto o kahibalo mahitungod kang Jesukristo. Sa dihang gitudloan sa plano sa kaluwasan ug sa papel ni Jesukristo, si Jinyoon murag dili komportable apan walay gisulti nga bisag unsa. Unya, human milakaw ang mga misyonaryo, mipaambit siya nimo nga wala siya motuo sa konsepto sa pagkabanhaw ug kinabuhi human sa kamatayon.
Ang mosunod nga mga pangutana gituyo aron sa pagtugot sa mga estudyante nga magbansay sa paggamit sa mga baroganan sa pag-angkon sa espirituhanong kahibalo sa ilang kaugalingon. Bisan kon kini nga mga pangutana nahisgotan isip usa ka klase o sa ginagmay nga mga grupo, siguroha nga maminaw pag-ayo sa mga estudyante aron masukod ang ilang abilidad sa paggamit niini nga mga baroganan sa ilang kaugalingon. Kon ang mga estudyante nagkinahanglan og tabang, mahimong aghaton sila sa mga pangutana sama sa anaa ubos sa ulohan sa matag baroganan nga nalista sa ubos.
-
Unsa kaha ang inyong buhaton o isulti aron matabangan si Jinyoon nga makasabot sa inyong tinguha aron matabangan siya?
-
Unsa nga mga pangutana ang lagmit ninyong ipangutana aron mas masabtan kon unsa ang gituohan ni Jinyoon o nganong ingon siya niadto?
-
Unsaon ninyo paggamit sa matag usa sa tulo ka baroganan sa pag-angkon og espirituhanong kahibalo aron matabangan si Jinyoon?
Molihok inubanan sa hugot nga pagtuo
-
Unsaon kaha ninyo paglihok pinaagi sa hugot nga pagtuo niini nga sitwasyon?
-
Unsa kaha ang inyong ipaambit kang Jinyoon mahitungod sa paglihok pinaagi sa hugot nga pagtuo? Nganong importante man kini nga lakang sa pagpangita og mga tubag sa iyang mga pangutana?
Susiha ang mga konsepto ug mga pangutana inubanan sa mahangtorong panglantaw
-
Unsa kaha nga mga pangutana ang inyong ipangutana o mahangtorong mga kamatuoran ang inyong mapamatuod kang Jinyoon diha sa inyong pagsulay sa pagtabang niya nga makita ang iyang pangutana nga may mahangtorong panglantaw?
-
Sa unsang paagi kaha kini makatabang kang Jinyoon aron makasugod sa pagsabot niini gikan sa usa ka mahangtorong panglantaw?
-
Unsa ang nakatabang ninyo sa pagsabot sa Pagkabanhaw sa Manluluwas ug ang papel niini sa plano sa kaluwasan?
Tinguhaa ang dugang nga panabot pinaagi sa balaanong gitudlo nga mga tinubdan
-
Unsa nga piho nga mga kasulatan gikan sa Lucas 24 ang mahimo ninyong gamiton sa pagtubag ni Jinyoon? Unsa nga mga dugang nga kapanguhaan ang lagmit ninyong rebyohon sa dili pa kamo motubag? (Pipila sa mga materyal nga inyong natun-an sa miaging leksiyon sa Lucas 24 makatabang.)
-
Asa pa ninyo mahimong marefer si Jinyoon kon gusto niya nga magtuon pa og dugang sa iyang kaugalingon?
Human ang mga estudyante makaangkon og panahon sa paggamit sa mga baroganan sa pag-angkon og espirituhanong kahibalo, awhaga sila sa pagpamalandong unsa ang ilang nabati sa ilang gibuhat. Mahimong sultihan ang mga estudyante nga mopaambit sa ilang mga kasinatian sa paggamit niining mga baroganan sa ilang kaugalingong mga kinabuhi. Awhaga sila nga mopaambit unsa ang kahulugan niining mga baroganan alang kanila.
Ribyo sa Doktrinal nga Kahanas
Gamita ang mosunod nga ribyo nga kalihokan atol sa usa ka leksiyon nga itudlo sa umaabot.Ipakita ang mosunod nga upat ka bahin sa pakisayran sa kasulatan ug mahinungdanon nga hugpong pulong alang sa Lucas 24:36–39 sama sa gipakita.
walay unod ug mga bukog,
Kay ang espiritu
Lucas 24:36–39
sama sa nakita ninyo nga ania kanako
Awhaga ang mga estudyante sa pagsulat niini nga pakisayran sa kasulatan ug nag-unang hugpong sa mga pulong sa saktong pagkahan-ay diha sa ilang journal sa pagtuon.