Mateo 28; Marcos 16; Lucas 24; Juan 20–21

Kinatibuk-ang Pagpasabot

Human sa paglubong sa Manluluwas, ang matinud-anon nga mga disipulo nakakita og usa ka walay sulod nga lubnganan. Ang mga anghel mideklarar nga ang Ginoo nabanhaw. Si Jesukristo mipakita sa daghang mga katawhan ug sa grupo human sa Iyang Pagkabanhaw. Diha sa baybayon sa Dagat sa Tiberias (Galilea), Siya mikaon kauban sa Iyang mga disipulo ug midapit ni Pedro sa pagpakita sa iyang gugma alang Kaniya pinaagi sa pagpakaon sa Iyang karnero.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Lucas 24:1–12, 36–48

Tumong sa leksiyon: Kini nga leksiyon mahimong makatabang sa mga estudyante nga mapalambo ang ilang pagsabot sa doktrina sa Pagkabanhaw sa Manluluwas ug giunsa niini pag-apekto sa ilang mga kinabuhi.

Pagpangandam sa estudyante: Awhaga ang mga estudyante sa pagpamalandong ug ikosiderar ang paglista sa ilang nahibaloan mahitungod sa pagkabanhaw ug nganong ang Pagkabanhaw sa Manluluwas importante kanila sa personal.

Sulod nga Ipakita: Usa ka hulagway sa walay sulod nga lubnganan sa nabanhaw nga Manluluwas

Sugyot sa pagtudlo sa videoconference:Mahimong gamiton sa mga estudyante ang chat nga feature aron motubag sa lainlain nga mga pangutana. Pananglitan, ang mga estudyante mahimong mopaambit sa unsa ang ilang nahibaloan mahitungod sa pagkabanhaw o nganong ang Pagkabanhaw sa Manluluwas importante kanila.

Doktrinal nga Kahanas: Lucas 24:36–39

Tumong sa leksiyon: Kini nga leksiyon makatabang sa mga estudyante nga mapalambo ang ilang kahanas sa doktrina sa pagkabanhaw pinaagi sa pagsag-ulo sa pakisayran ug sa importante nga hugpong sa mga pulong sa kasulatan, pagpasabot sa doktrina, ug sa paggamit sa mga baroganan sa pag-angkon og espirituhanong kahibalo diha sa tinuod nga sitwasyon sa kinabuhi.

Pagpangandam sa estudyante: Awhaga ang mga estudyante sa pagpamalandong unsa ang ilang nakat-onan ug nabati sa ilang pagtuon sa Pagkabanhaw sa Manluluwas sa Lucas 24:1–9, 36–48 .

Sugyot sa pagtudlo sa videoconference:Ikonsiderar ang pagpares sa mga estudyante sa mga breakout room aron sila makahisgot giunsa sa mga baroganan sa pag-angkon og espirituhanong kahibalo pagtabang kanila sa ilang mga kinabuhi.

Mateo 28; Lucas 24; Juan 20

Tumong sa leksiyon: Kini nga leksiyon makatabang sa paglig-on sa mga pagpamatuod sa mga estudyante nga ang Manluluwas buhi.

Pagpangandam sa estudyante: Awhaga ang mga estudyante sa pagbasa sa Ether 12:5–9 uban niini nga pangutana sa hunahuna: Unsaon ninyo pagkahibalo nga si Jesukristo buhi nga wala makakita Kaniya?

Sulod nga Ipakita: Usa ka hulagway sa nabanhaw nga si Jesukristo
Mga video: “Umari ka Kanako” (17:36; tan-awa gikan sa time code 16:18 hangtod 16:47)

Sugyot sa pagtudlo sa videoconference: Ikonsiderar ang pag-awhag sa lainlain nga mga indibidwal nga motambong sa klase sa karakter isip usa sa mga saksi nga gihulagway niini nga leksiyon. Mahimo nilang ipaambit ang ilang kasinatian sa klase ingon nga sila usa sa mga indibidwal diha sa asoy. Dili kini angay alang sa usa ka indibidwal nga mo-aksiyon [portray] ingon og sama sa Manluluwas.

Juan 21:1–17

Tumong sa leksiyon: Kini nga leksiyon mahimong makatabang sa mga estudyante nga mapakita ang ilang gugma alang sa Manluluwas sa ilang pagpaningkamot sa pagpangalagad sa uban sama sa Iyang gibuhat.

Pagpangandam sa estudyante: Awhaga ang mga estudyante sa pagbasa sa Juan 21:15–17 sa balay kauban ang mga miyembro sa pamilya o mga higala ug hisgotan unsa ang pasabot sa pagpakaon sa karnero sa Ginoo.

Sugyot sa pagtudlo sa videoconference:Ikonsiderar ang paggamit sa chat nga feature sa mga estudyante isip kabahin niini nga leksiyon. Pananglitan, ang mga estudyante mahimong awhagon sa pag post og lainlaing mga paagi sa pagpakaon sa karnero sa Ginoo.

Sukda ang Inyong Nakat-onan 6

Tumong sa leksiyon: Kini nga leksiyon gituyo aron matabangan ang mga estudyante sa pagtimbang-timbang sa mga tumong nga ilang gitakda ug personal nga paglambo nga ilang nasinati panahon sa ilang pagtuon sa Bag-ong Tugon.

Pagpangandam sa estudyante: Awhaga ang mga estudyante sa pagpamalandong sa ilang kasinatian sa pagtuon sa unang katunga sa Bag-ong Tugon ug sa pagpangalagad ni Jesukristo. Dasiga ang mga estudyante nga moabot nga andam uban ang ilang nakat-onan o nabati gikan sa upat ka mga Ebanghelyo (Mateo, Marcos, Lucas, ug Juan) nga mahinungdanon alang kanila.

Sulod nga Ipakita: Usa ka outline sa kasingkasing nga gidrowing sa pisara alang sa unang pagsukod sa nakat-onan nga kalihokan; ang hugpong sa mga pulong “Tungod Kaniya…” gisulat sa pisara alang sa ikaduhang pagsukod sa nakat-onan nga kalihokan

Sugyot sa pagtudlo sa videoconference: Alang sa unang pagsukod sa nakat-onan nga kalihokan, ikosiderar ang pag-awhag sa matag estudyante sa pagdrowing og ilang kaugalingong outline sa kasingkasing ug maglista og mga butang nga ilang ganahan mahitungod sa Manluluwas. Dayon awhaga ang pipila ka mga estudyante sa matag higayon sa paggunit sa ilang papel atubang sa kamera aron makita sa tanan. Alang sa ikatulo nga pagsukod sa nakat-onan nga kalihokan, mahimong awhagon ang mga estudyante nga moabot sa klase nga nakakompleto na sa ilang mga post sa social media. Ang oras sa klase mahimong gamiton sa pagdasig sa mga estudyante sa pagpaambit unsa ang ilang gisulat alang sa ilang mga post ug mopaambit sa ilang mga pagpamatuod.