Mary Magdalene encountering the resurrected Christ.
Si Jesukristo mipakita sa daghang mga indibidwal ug mga grupo human Siya Nabanhaw. Kini nga leksiyon mahimong makatabang sa paglig-on sa inyong pagpamatuod nga ang Manluluwas buhi samtang kamo magtuon sa mga kasinatian sa pipila niining mga saksi.
Pagpaambit sa pagpamatuod bahin ni Jesukristo. Pangita og mga kahigayonan aron makapaambit og mga pagpamatuod kang Jesukristo, lakip na ang mga pagpamatuod sa apostoles ug mga propeta. Modapit kini sa Espiritu Santo nga mosaksi sa kamatuoran.
Pagpangandam sa estudyante: Dapita ang mga estudyante sa pagbasa sa Ether 12:5–9 nga aduna niini nga pangutana sa hunahuna: Unsaon ninyo pagkahibalo nga si Jesukristo buhi bisan wala kamo makakita Kaniya?
Posible nga mga Kalihokan sa Pagkat-on
Nagtuo bisan wala makakita
Siguroha nga may igong panahon alang sa mga estudyante aron makapahayag sa ilang pagpamatuod kang Jesukristo diha sa kataposan sa leksiyon.
Tan-awa ang mosunod nga hulagway sa nabanhaw nga Manluluwas nga mitumaw gikan sa lubnganan. Irekord diha sa inyong journal sa pagtuon unsa ang lagmit ninyong ipaambit sa usa ka tawo nga may pagduda nga kining labing importante nga panghitabo nahitabo gayod. Unsa nga mga istorya sa kasulatan sa Pagkabanhaw sa Manluluwas ang inyong mahimong ipaambit kanila?
Imahe
The resurrected Jesus Christ emerging from the Garden Tomb. Christ is portrayed stepping out of the tomb. He is depicted wearing white robes. Flowers are blooming near the entrance to the tomb.
Ngano kaha nga importante man sa Ginoo nga matag usa kanato makabaton sa atong kaugalingong pagmatuod nga Siya buhi?
Pamalandongi ang inyong pagpamatuod nga si Jesukristo buhi ug sa unsa kamo mapanalanginan pinaagi sa pagpalig-on niini nga pagpamatuod. Ang pagtuon sa mga pulong niadtong mga nakahibalo nga ang Manluluwas buhi mahimong makapalig-on sa atong pagtuo sa Iyang buhing realidad bisan kon ang uban sa palibot kanato may pagduda. Sa inyong pagtuon karon, pagmatngon sa mga pag-aghat gikan sa Espiritu Santo nga nagkompirma sa kamatuoran niining mga istorya diha sa inyong kasingkasing ug hunahuna.
Mga saksi sa Bag-ong Tugon
Pagtuon og labing menos usa sa mosunod nga mga istorya sa Bag-ong Tugon sa mga tawo nga nakakita sa nabanhaw nga Manluluwas. Dayon irekord ang inyong mga tubag sa duha ka pangutana nga mosunod ug ang uban pang mga hunahuna ug impresyon nga moabot kaninyo.
Mahimong magbutang og mga hulagway nga nagrepresentar sa mosunod nga upat ka istorya, kauban sa katugbang nga mga pakisayran sa kasulatan, sa nagkalain-laing mga dapit sa kwarto. Awhaga ang mga estudyante sa pagbisita sa matag dapit nga magtinagsa o sa ginagmay nga mga grupo ug sa pagtuon sa katugbang nga mga istorya.
Isip alternatibo, base sa mga panginahanglan sa mga estudyante, mahimong ang mga estudyante mogahin og dugang panahon sa pagtuon og usa sa mosunod nga mga istorya sa lawom nga paagi kay sa taphaw nga pagtuon sa tanang upat ka mga istorya. Pipila sa mga ideya sa pagtuon niini nga mga istorya anaa makita sa “Dugang nga Mga Kalihokan sa Pagkat-on” nga bahin niini nga leksiyon.
Unsa ang inyong nakat-onan nga makapalig-on sa inyong hugot nga pagtuo nga si Jesukristo buhi?
Unsa ang inyong nakat-onan mahitungod sa Manluluwas gikan sa Iyang pagpakighinabi niini nga tawo o mga tawo?
Ubang mga saksi sa kasulatan
Ang inyong pagpamatuod sa Manluluwas mahimong mas malig-on pa pinaagi sa pagtuon og dugang nga mga saksi sa lain pang mga kasulatan. Pagtuon og labing menos usa sa mosunod nga mga tudling sa kasulatan. Dayon irekord ang inyong mga tubag sa duha ka pangutana nga mosunod ug ang uban pang mga hunahuna ug impresyon nga moabot kaninyo.
Timan-i nga ang matag usa niini nga mga tudling naglangkob og usa ka doktrinal nga kahanas nga tudling sa kasulatan. Ikonsiderar ang pagdapit sa mga estudyante sa pagmarka niini nga mga tudling sa lahi nga paagi aron dali ra nila kini nga mapangita.
Katawhan sa karaang Amerika sa dili pa dugay human sa Pagkabanhaw sa Manluluwas: 3Nephi 11:8–17
Sa unsang paagi nga ang inyong nabasa makapalig-on sa inyong pagtuo nga si Jesukristo buhi?
Unsa ang dugang nga mga panabot kabahin ni Jesukristo ang inyong nakat-onan?
Moderno nga mga saksi
Lain pang importante nga paagi sa pagpalig-on sa inyong pagpamatuod nga si Jesukristo buhi mao ang pinaagi sa pagtuon sa mga pagpamatuod sa moderno nga “talagsaon nga mga saksi sa ngalan ni Kristo sa tibuok nga kalib[o]tan” ( Doktrina ug mga Pakigsaad 107:23), ang giordinahan nga Apostoles sa atong panahon.
Mahimong ilisan ang bisan asa sa mosunod nga mga pamahayag og laing mga pagpamatuod sa buhing Apostoles.
Basaha ang mga pamahayag ni Presidente Eyring ug Elder Holland, duha ka modernong saksi ni Jesukristo.
Si Presidente Henry B. Eyring sa Unang Kapangulohan mipamatuod:
Imahe
Official Portrait of President Henry B. Eyring taken March 2018.
Saksi ako sa Pagkabanhaw sa Ginoo sama kasigurado nga didto ko sa gabii uban sa duha ka disipulo sa balay sa Emaus. Nahibalo ko nga buhi Siya sama kasigurado kang Joseph Smith dihang nakita niya ang Amahan ug ang Anak sa kahayag sa nagsanag nga kabuntagon sa kakahoyan sa Palmyra.
Tinuod kini nga Simbahan ni Jesukristo.
(Henry B. Eyring, “Umari Kanako,” Liahona, Mayo 2013, 25)
Imahe
The resurrected Jesus Christ emerging from the Garden Tomb. Christ is portrayed stepping out of the tomb. He is depicted wearing white robes. Flowers are blooming near the entrance to the tomb.
Si Elder Jeffrey R. Holland sa Korum sa Napulog Duha ka Apostoles mipamatuod:
Imahe
Official Portrait of Elder Jeffrey R. Holland. Photographed January 2018.
Ako mopamatuod nga si Jesukristo mao ang literal, buhi nga Anak sa atong literal, buhi nga Dios. … Ako mohatag sa akong pagsaksi nga Siya sa literal nga paagi nabanhaw gikan sa lubnganan ug, human mikayab ngadto sa Iyang Amahan aron sa pagkompleto sa proseso niana nga Pagkabanhaw, Siya nagpakita, og balik-balik, ngadto sa gat[o]san ka mga disipulo sa Daang Kalibotan ug sa Bag-o. Ako nasayod nga Siya mao ang usa nga Balaan sa Israel, ang Mesiyas kinsa usa ka adlaw moanhi pag-usab sa katap[o]sang himaya, aron maghari sa yuta ingon nga Ginoo sa mga ginoo ug Hari sa mga hari.
Ngano kaha nga ang Manluluwas naghatag man kanato og moderno nga mga saksi agi og dugang sa Iyang mga karaang saksi?
Inyong saksi
Basaha ang Juan 20:29 , nga mangita sa mga kamatuoran nga si Jesukristo nagtudlo ni Tomas mahitungod sa pag-angkon og pagpamatuod.
Unsa ang gitudlo niini nga bersikulo kaninyo bahin sa kamatuoran mahitungod sa paglambo sa inyong pagpamatuod ni Jesukristo?
Usa ka kamatuoran nga atong makat-onan gikan sa mga pagtulon-an sa Manluluwas niini nga bersikulo mao nga kita gipanalanginan sa atong pagpili nga motuo nga si Jesukristo buhi bisan og wala kita makakita Kaniya.
Gamita ang nahibilin nga panahon niini nga leksiyon aron hatagan og kahigayonan ang mga estudyante sa pagpahayag sa pagpamatuod sa buhing Manluluwas. Pagpili gikan sa mosunod nga gisugyot nga mga pangutana, o paggamit og lain pang mga paagi aron matabangan ang mga estudyante nga mamalandong ug mopaambit sa ilang pagsaksi.
Mahimong awhagon ang mga estudyante sa pagsulat sa ilang mga pagpamatuod sa ilang journal sa pagtuon o mokanta og himno isip usa ka klase sa dili pa kusog nga mopaambit sa ilang mga pagpamatuod.
Idugang ang inyong personal nga saksi sa Manluluwas sa kadtong inyong naton-an karon. Isip usa sa paagi sa pagbuhat niini, mahimong irekord ang mga tubag sa mga pangutana sama sa mosunod diha sa inyong journal sa pagtuon.
Unsa nga mga ebidensiya ang inyong nakita sa inyong kinabuhi ug sa kinabuhi sa uban nga si Jesukristo buhi?
Kanus-a ninyo nabati ang Espiritu Santo nga nagpamatuod kaninyo bahin sa katinuod ni Jesukristo?
Unsa nga tambag ang inyong mahatag sa usa ka tawo kinsa dili pa sigurado kon sila motuo nga ang Manluluwas buhi?
Komentaryo ug Background nga Impormasyon
Nganong aduna may mga samad gikan sa Pagkalansang sa Krus diha sa nabanhaw nga lawas ni Jesus?
Si Elder Jeffrey R. Holland sa Korum sa Napulog Duha ka Apostoles misulat:
Imahe
Official Portrait of Elder Jeffrey R. Holland. Photographed January 2018.
“Bisan kon ang gah[o]m sa Pagkabanhaw makahimo—ug sigurado sa umaab[o]t nga mohimo—og hingpit nga pagpahiuli ug pagbag-o sa mga samad gikan sa paglansang sa krus, bisan pa niana si Kristo mipili nga mapabilin kadto nga mga samad nga may katuyoan, apil na alang sa iyang pagpakita sa katap[o]sang mga adlaw sa dihang mopakita siya niadto nga mga marka ug mopadayag nga siya nasamdan ‘diha sa balay sa [iyang] mga higala’ [ Zacarias 13:6 ; Doktrina ug mga Pakigsaad 45:52 ].
Ang mga samad sa iyang mga kamot, mga tiil, ug kilid maoy mga timailhan nga sa mortalidad ang sakit nga mga butang mahitabo bisan ngadto sa putli ug sa hingpit, mga timailhan nga ang kagul-anan dili ebidens[i]ya nga ang Dios wala mahigugma kanato. Usa ka mahinungdanon ug malaumon nga kamatuoran nga ang samaran nga Kristo ang miluwas kanato.
(Jeffrey R. Holland, Christ and the New Covenant, [1997], 258–59)
Juan 20:17 . Unsa ang gipasabot sa Manluluwas sa dihang miingon siya kang Maria Magdalena nga “ayaw [Siya] hikapa”?
Si Elder Bruce R. McConkie (1915–85) sa Korum sa Napulog Duha ka Apostoles mipasabot:
Imahe
Head and shoulders portrait of Elder Bruce R. McConkie.
Ang King James Version mikutlo sa giingon ni Jesus ‘“Ayaw na ako pagkupti.” Ang Hubad ni Joseph Smith mabasa nga “Ayaw ko guniti.” Ang managlahi nga paghubad sa Gresyanhon nagpasab[o]t sa tudling nga “Ayaw ko kapyuti”o “Ayaw ko guniti.” Ang uban mihatag og kahulugan nga “Ayaw na ko kapyuti,” o “Ayaw na ko guniti.” Ang uban naghisgot sa paghunong sa pagkupot kaniya o paggunit kaniya, nagpasab[o]t nga si Maria nagkupot na kaniya. Dunay balidong rason sa paghunahuna nga ang ideya nga gipasab[o]t ngadto kang Maria sa Nabanhaw nga Ginoo maingon niini: “Dili ka na makapugong kanako dinhi, kay mosaka na ako ngadto sa akong Amahan.”
(Bruce R. McConkie, he Mortal Messiah: From Bethlehem to Calvary [1981], 4:264)
Dugang nga mga Kalihokan sa Pagkat-on
Ikapuli nga sinugdanan sa leksiyon
Sa pagsugod sa leksiyon, mahimong pangutan-on ang usa ka estudyante nga mopaambit ug ngalan sa ilang nakaila na kaayo apan wala pa mahimamat sa klase ug sa magtutudlo. Dayon sa walay pagpakabana magpakaaron-ingnon nga nagduhaduha sa pagkatinuod niining tawhana. Ipangutana sa estudyante ang sama sa mosunod: Aduna bay bisan kisa niini nga klase nga makamatuod nga kining tawhana tinuod? Kon kadaghanan kanato wala miuyon sa giingon, magduhaduha ka ba nga kining tawhana tinuod?
Dayon awhaga ang mga estudyante sa paghunahuna mahitungod kon unsaon nila pagtubag ang usa ka tawo nga may pagduhaduha sa pagkatinuod ni Jesukristo.
Dalan paingon sa Emmaus
Kon ang paggahin og dugang oras sa asoy diha sa Lucas 24:13–35 makaayo sa mga estudyante, ikonsiderar ang pagpangutana sa mosunod:
Nganong ang Manluluwas migamit sa mga kasulatan aron sa pagtabang sa mga disipulo nga mas makasabot sa Iyang misyon?
Unsa nga mga kasulatan ang lagmit ninyong gamiton aron matabangan ang usa ka higala nga mas makasabot sa misyon sa Manluluwas?
Giunsa sa mga disipulo paghulagway ang ilang mga pagbati, sa nasulat sa bersikulo32 ? Unsay nagdala sa mga disipulo sa maong pagbati? Unsaon ninyo paghulagway sa mga pag-aghat nga inyong nadawat gikan sa Espiritu Santo?
Nganong makahuloganon man nga ang mga disipulo nakaila sa Manluluwas “diha sa pagpikaspikas sa pan”? ( bersikulo35). Sa unsang paagi nga magamit kini sa atong kinabuhi?
Mopili nga motuo
Dapita ang mga estudyante sa pagbasa sa Juan 20:1–8 , nga mangita unsa ang gibuhat ni Juan human siya makadungog mahitungod sa kasinatian ni Maria Magdalena. (Timan-i nga si Juan nagpasabot sa iyang kaugalingon isip “ang laing tinun-an” sa tibuok niini nga tudling.)
Dapita ang mga estudyante sa pagtandi sa reaksiyon ni Juan nga nasulat sa Juan 20:8 ngadto sa pamahayag ni Tomas nga nasulat sa Juan 20:24–25 . Dayon ipangutana ang mosunod:
Unsa ang pipila ka butang nga inyong gituohan nga wala manginahanglan og pisikal nga pruweba?
Sa unsang mga paagi kamo napanalanginan alang sa pagpili nga motuo bisan walay pisikal nga pruweba? (Tan-awa sa Juan 20:29 .)
Unsaon ninyo pagpalig-on sa inyong pagtuo sa tinuod nga mga butang nga dili ninyo makita? (Tan-awa sa Alma 32:16–21 ; Ether 12:6 .)
