ការរំឭកចំណេះចំណានខាងគោលលទ្ធិ ១១
យល់ និងអនុវត្ត
មេរៀននេះនឹងជួយអ្នកឲ្យពិនិត្យឡើងវិញនូវសេចក្តីពិតដែលមាននៅក្នុងវគ្គបទគម្ពីរចំណេះចំណានខាងគោលលទ្ធិ ហើយនិងជួយអ្នកឲ្យរៀនអនុវត្តសេចក្តីពិតទាំងនេះក្នុងស្ថានភាពផ្សេងៗ ។
ការធ្វើឲ្យសិស្សចូលរួមក្នុងការរៀនសូត្រ ។ សិស្សដែលចូលរួមយ៉ាងសកម្មក្នុងបទពិសោធន៍រៀនសូត្រ ហាក់ដូចជាចងចាំនូវអ្វីដែលពួកគេបានរៀនច្រើន ។ សូមអញ្ជើញសិស្សឲ្យចូលរួមក្នុងសកម្មភាពដែលរួមមានការធ្វើចលនារាងកាយ និងការប្រាស្រ័យទាក់ទងជាមួយមនុស្ស និងវត្ថុជុំវិញខ្លួនពួកគេ ។
ការរៀបចំរបស់សិស្ស ៖ ប្រសិនបើអាចធ្វើបាន សូមផ្តល់ឲ្យសិស្សនូវច្បាប់ចម្លងនៃសំណៅចែកដែលមាននៅក្នុងមេរៀននេះ ។ សូមអញ្ជើញពួកគេឲ្យពិនិត្យមើលឡើងវិញនូវសេចក្ដីយោងបទគម្ពីរចំណេះចំណានខាងគោលលទ្ធិ និងឃ្លាគន្លឹះ ។ ផងដែរ សូមឲ្យពួកគេគិតអំពីស្ថានភាពនានា ដែលសេចក្តីពិតនៅក្នុងវគ្គបទគម្ពីរចំណេះចំណានខាងគោលលទ្ធិទាំងនេះ អាចមានសារៈប្រយោជន៍ ។
សកម្មភាពរៀនសូត្រដែលអាចមាន
មេរៀនវគ្គបទគម្ពីរចំណេះចំណានខាងគោលលទ្ធិ អាចចាំបាច់ត្រូវបង្រៀនជំនួសមេរៀនរំឭកនេះ ។ សូមមើលកាលវិភាគល្បឿនមេរៀនដែលផ្តល់ដោយនាយកតំបន់ ឬអ្នកសម្របសម្រួលតំបន់ ដើម្បីធានាថា មេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀនអំឡុងវគ្គសិក្សារបស់ថ្នាក់សិក្ខាសាលា ។
រំឭកវគ្គបទគម្ពីរចំណេះចំណានខាងគោលលទ្ធិ
សូមចំណាយពេលខ្លះដើម្បីពិនិត្យមើលវគ្គបទគម្ពីរចំណេះចំណានខាងគោលលទ្ធិនៅក្នុងព្រះគម្ពីរសញ្ញាថ្មី ។ តើវគ្គមួយណាដែលអ្នកស្គាល់ច្បាស់ ? តើវគ្គមួយណាដែលអ្នកស្គាល់មិនសូវច្បាស់ ?
-
តើសេចក្ដីពិតអ្វីខ្លះដែលវគ្គបទគម្ពីរទាំងនេះបង្រៀនដែលមានអត្ថន័យជាពិសេសចំពោះអ្នក ?
ប្រសិនបើសិស្សនឹងទទួលបានអត្ថប្រយោជន៍ពីការរំឭកឡើងវិញនូវសេចក្ដីយោងបទគម្ពីរចំណេះចំណានខាងគោលលទ្ធិ និងឃ្លាគន្លឹះ សូមពិចារណាធ្វើសកម្មភាពណាមួយ ឬទាំងអស់ដូចខាងក្រោមនេះ ៖
កំណត់ចំណាំ ៖ ក្នុងអំឡុងពេលនៃសកម្មភាពបែបនេះ វាអាចមានប្រយោជន៍ក្នុងការអញ្ជើញសិស្សឲ្យធ្វើការជាគូ ។ សូមពិចារណាចាប់គូសិស្សដែលត្រូវការជំនួយជាមួយសិស្សដែលមានឆន្ទៈ និងអាចជួយពួកគេបាន ។
១. សូមបង្ហាញសេចក្ដីយោងបទគម្ពីរនៅលើក្តារខៀនម្ខាង និងឃ្លាគន្លឹះដែលសរសេរច្របល់គ្នានៅក្តារខៀនម្ខាងទៀត ។ សូមអញ្ជើញសិស្សឲ្យមើលចំនួនសេចក្ដីយោង និងឃ្លាគន្លឹះដែលពួកគេអាចផ្គូផ្គងបានដោយត្រឹមត្រូវ ។ សូមអញ្ជើញពួកគេឲ្យប្រើព្រះគម្ពីររបស់ពួកគេដើម្បីពិនិត្យមើលកិច្ចការរបស់ពួកគេ ។
២. សូមបង្ហាញផ្នែកមួយនៃឃ្លាគន្លឹះ ហើយអញ្ជើញសិស្សឲ្យបំពេញវា និងផ្តល់សេចក្ដីយោង ។
៣. សូមចាប់ផ្តើមអានឃ្លាគន្លឹះយឺតៗ មួយពាក្យម្ដងៗ ។ នៅពេលសិស្សគិតថា ពួកគេដឹងថាវគ្គបទគម្ពីរចំណេះចំណានខាងគោលលទ្ធិមួយណាដែលគេសំដៅដល់ នោះពួកគេអាចបើកមើលវគ្គបទគម្ពីរនោះនៅក្នុងព្រះគម្ពីររបស់ពួកគេបាន ។
|
សេចក្ដីយោងបទគម្ពីរ |
ឃ្លាបទគម្ពីរគន្លឹះ |
|
« ដ្បិតនៅថ្ងៃនេះ មានព្រះអង្គសង្គ្រោះមួយអង្គប្រសូតដល់អ្នករាល់គ្នានៅក្រុងហ្លួងដាវីឌ គឺជាព្រះគ្រីស្ទដ៏ជាព្រះអម្ចាស់ » ។ | |
|
« បើមិនបានកើតអំពីទឹក ហើយអំពីព្រះវិញ្ញាណនោះ គ្មានអ្នកណាអាចនឹងចូលទៅក្នុងនគរព្រះបានទេ » ។ | |
|
« ដ្បិតព្រះទ្រង់ស្រឡាញ់មនុស្សលោកដល់ម្ល៉េះបានជាទ្រង់ប្រទានព្រះរាជបុត្រាទ្រង់តែមួយ » ។ | |
|
« ចូរឲ្យពន្លឺរបស់អ្នករាល់គ្នាបានភ្លឺនៅមុខមនុស្សលោកយ៉ាងនោះដែរ » ។ | |
|
« អស់អ្នកដែលនឿយព្រួយ ហើយផ្ទុកធ្ងន់អើយ ចូរមកឯខ្ញុំ ខ្ញុំនឹងឲ្យអ្នករាល់គ្នាឈប់សម្រាក » ។ | |
|
ព្រះយេស៊ូវបានមានបន្ទូលថា « ខ្ញុំនឹងឲ្យកូនសោនៃនគរស្ថានសួគ៌ដល់អ្នក » ។ | |
|
« បើអ្នកណាចង់ធ្វើតាមព្រះហឫទ័យទ្រង់ នោះនឹងបានដឹងជាសេចក្តីបង្រៀននេះមកពីព្រះ » ។ | |
|
« ត្រូវឲ្យស្រឡាញ់ព្រះអម្ចាស់ ជាព្រះនៃឯង ។… ត្រូវឲ្យស្រឡាញ់អ្នកជិតខាងដូចខ្លួនឯង » ។ | |
|
ព្រះយេស៊ូវគ្រីស្ទបានបង្គាប់ថា ចូរទទួលទានសាក្រាម៉ង់ « ដើម្បីរំឭកពីខ្ញុំចុះ » ។ | |
|
« នេះជាជីវិតដ៏នៅអស់កល្បជានិច្ច គឺឲ្យគេបានស្គាល់ដល់ទ្រង់ដ៏ជាព្រះពិតតែមួយ និងព្រះយេស៊ូវគ្រីស្ទ » ។ | |
|
« ដ្បិតខ្មោចគ្មានសាច់ឬឆ្អឹង ដូចជាឃើញខ្ញុំនេះទេ » ។ |
របៀបមួយដើម្បីចងចាំសេចក្តីពិតនៅក្នុងព្រះគម្ពីរគឺត្រូវធ្វើឲ្យវាទាក់ទងទៅនឹងវត្ថុប្រចាំថ្ងៃ ។ សូមជ្រើសរើសវគ្គបទគម្ពីរចំណេះចំណានខាងគោលលទ្ធិពីរ ហើយពិនិត្យមើលឃ្លាគន្លឹះដែលទាក់ទងនឹងឃ្លានីមួយៗឡើងវិញ ។ បន្ទាប់មក សូមធ្វើដូចខាងក្រោមជាមួយវគ្គបទគម្ពីរនីមួយៗ ៖
-
សូមគូរ ឬថតរូបវត្ថុដែលអ្នកមានអារម្មណ៍ថាទាក់ទងនឹងឃ្លាគន្លឹះក្នុងវគ្គនេះ ។ ( ឧទាហណ៍ សម្រាប់ ម៉ាថាយ ៥:១៤–១៦ អ្នកអាចគូរ ឬថតរូបពន្លឺមួយបាន ) ។
-
សូមសរសេរការពន្យល់ខ្លីៗអំពីរបៀបដែលវត្ថុនេះទាក់ទងនឹងសេចក្ដីពិតដែលបានបង្រៀននៅក្នុងវគ្គបទគម្ពីរ ។
ការភ្ជាប់សេចក្ដីពិតទៅនឹងជីវិតរបស់យើង
អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ បានបង្រៀនសេចក្ដីពិតដែលអាចជួយយើងឲ្យអនុវត្តតាមវគ្គបទគម្ពីរចំណេះចំណានខាងគោលលទ្ធិទាំងឡាយបាន ។ គាត់បានបង្រៀនថា គោលការណ៍នៃដំណឹងល្អ « [ បាន ] ផ្ដល់ទស្សនវិស័យដ៏មានតម្លៃអំពីសេចក្ដីពិតដ៏អស់កល្ប កាលយើងឆ្លងកាត់កាលៈទេសៈ ឧបសគ្គ ការសម្រេចចិត្ត និងបទពិសោធន៍នៃជីវិតរមែងស្លាប់នេះផ្សេងៗគ្នា » ( « The Principles of My Gospel » Liahona ខែ ឧសភា ឆ្នាំ ២០២១ ទំព័រ ១២៣–២៤ ) ។ គោលការណ៍ដែលមាននៅក្នុងវគ្គបទគម្ពីរចំណេះចំណានខាងគោលលទ្ធិនេះអាចជួយយើងឲ្យដឹងពីរបៀបដើម្បីឆ្លើយតបទៅនឹងស្ថានភាពជាច្រើនដែលអាចនឹងកើតឡើងក្នុងជីវិតរបស់យើង ។
សម្រាប់សកម្មភាពខាងក្រោមនេះ សិស្សអាចសរសេរស្ថានភាពនៅខាងមុខក្រដាស និងវគ្គបទគម្ពីរចំណេះចំណានខាងគោលលទ្ធិ និងការពន្យល់នៅខាងក្រោយ ។
សូមពិពណ៌នាអំពីស្ថានភាពដែលនរណាម្នាក់អាចអនុវត្តសេចក្តីពិតមួយ ចេញពីវគ្គបទគម្ពីរចំណេះចំណានខាងគោលលទ្ធិដែលអ្នកជ្រើសរើស ។ សូមពន្យល់ពីរបៀបដែលការអនុវត្តសេចក្តីពិតនោះអាចជួយបុគ្គលនោះឲ្យទទួលបានជំនួយរបស់ព្រះអង្គសង្គ្រោះ ។
សូមពិចារណាប្រមូលសាច់រឿងរបស់សិស្ស ហើយអានសាច់រឿងនោះឲ្យសិស្សស្តាប់ ។ ការណ៍នេះនឹងអនុញ្ញាតឲ្យសិស្សបានឮគំនិតរបស់មិត្តរួមថ្នាក់របស់ពួកគេ ហើយមើលឃើញថាសេចក្ដីពិតជាច្រើនអាចអនុវត្តចំពោះកាលៈទេសៈតែមួយបាន ។
ជម្រើសមួយក្នុងការបង្កើនការចូលរួមរបស់សិស្សអាចជាការអានសាច់រឿង ហើយអញ្ជើញសិស្ស ( ជាលក្ខណៈបុគ្គល ឬជាក្រុមតូចៗ ) ឲ្យសរសេរសេចក្ដីយោងចំណេះចំណានខាងគោលលទ្ធិ និងឃ្លាគន្លឹះដែលពួកគេគិតថាអាចជួយមនុស្សក្នុងសាច់រឿងនោះបាន ។ ប្រសិនបើសិស្ស ឬក្រុមរកឃើញសេចក្ដីពិតខុសពីអ្វីដែលសរសេរដោយសិស្សដើម សូមអញ្ជើញពួកគេឲ្យពន្យល់ពីរបៀបដែលសេចក្តីពិតនោះអាចជួយបានផងដែរ ។
ការសញ្ជឹងគិតអំពីសេចក្តីពិតរបស់ព្រះអង្គសង្គ្រោះ
សូមសញ្ជឹងគិតអំពីវគ្គបទគម្ពីរចំណេះចំណានខាងគោលលទ្ធិ និងឃ្លាគន្លឹះដែលបានបង្រៀនអំឡុងកន្លះឆ្នាំដំបូង ( សូមមើលតារាងដែលបង្ហាញនៅមុននេះបន្តិចនៅក្នុងមេរៀននេះ ) ។
សូមសរសេរសំបុត្រខ្លីមួយទៅកាន់នរណាម្នាក់ដែលនឹងចូលរៀនថ្នាក់សិក្ខាសាលានាពេលឆាប់ៗនេះ ហើយមិនដែលដឹងពីវគ្គបទគម្ពីរចំណេះចំណានខាងគោលលទ្ធិឡើយ ។ សូមពន្យល់ពួកគេអំពីរបៀបដែលវគ្គបទគម្ពីរនឹងជួយពួកគេឲ្យស្គាល់ព្រះអង្គសង្គ្រោះកាន់តែច្បាស់ ហើយនឹងផ្តល់ចម្លើយដល់ពួកគេចំពោះសំណួរ និងបញ្ហាប្រឈមនានាដែលអាចនឹងកើតឡើងក្នុងជីវិតរបស់ពួកគេ ។ សូមពិចារណាអំពីការចែកចាយឧទាហរណ៍មួយអំពីពេលដែលអ្នក ឬនរណាម្នាក់ដែលអ្នកស្គាល់បានទទួលពរជ័យដោយការដឹង និងចងចាំពីសេចក្តីពិតរបស់ព្រះអង្គសង្គ្រោះដែលបានបង្រៀននៅក្នុងវគ្គបទគម្ពីរចំណេះចំណានខាងគោលលទ្ធិ ។
សកម្មភាពរៀនសូត្របន្ថែម
ដើរតួសម្ដែង
ប្រធាន ចយ ឌី ចូនស៍ ដែលបានបម្រើជាប្រធានអង្គការបឋមសិក្សាទូទៅ បានមានប្រសាសន៍ថា ការដើរតួសម្តែង « អាចពង្រឹងកុមារឲ្យរៀបចំខ្លួននៅពេលជួបនឹងការប្រឈម » ( « Essential Conversations » Liahona ខែ ឧសភា ឆ្នាំ ២០២១ ) ។ សិស្សអាចត្រូវបានអញ្ជើញឲ្យកំណត់ស្ថានភាពមួយដែលសេចក្ដីពិតពីវគ្គបទគម្ពីរចំណេះចំណានខាងគោលលទ្ធិអាចជួយបាន ។ បន្ទាប់មក ពួកគេអាចសម្តែងពីរបៀបឆ្លើយតបទៅនឹងស្ថានភាពនេះ ដោយប្រើសេចក្តីពិតចេញពីវគ្គបទគម្ពីរចំណេះចំណានខាងគោលលទ្ធិ ។